ကလေးတို့အရွယ် လိမ္မာနှင့်ပါမှ

ကလေးတို့အရွယ်
လိမ္မာနှင့်ပါမှ
ကြီးရင့်က လိမ္မာမည်_____
မလိမ္မာ ပြည်ထောင်စုကြလျှင်
ကောင်းမှု မတည်

ကလေးတို့ နေပြည်
တည်စေဖို့ စိတ်စော______
နံနက်မင်္ဂလာနှင့်
နေ့မကွာ ညဥ့်ပါသုံးလို့ရယ်
ပြုံးကြစေသား ___________

မဟာဂန္ဓာရုံဆရာတော် အရှင်ဇနကာဘိဝံသ

ဘာသာသွေး အပိုင်း (၅၂) တိုင်းမော်သင်္ဘောဖြစ်မှာစိုး

၁၄။ နိဂုံးအခန်း

အတိုချုပ်

ကျေးရွာဘုန်းကြီးကျောင်းများ၌ ရေသောက်မြစ်ပမာ ဖြစ်နေသော ကျောင်သားသူငယ်များ ပြတ်နေခြင်းကို ပြန်၍ ဆက်ဖို့ရန် ကျေးရွာဘုန်း တော်ကြီးများက ကျေးရွာကို ထိန်းသိမ်းစောက်ရှောက်စေလိုခြင်း, စာချ (ဓမ္မာစရိယ) ပုဂ္ဂိုလ်များက အဆုံးတိုင်အောင် သင်ယူ၍ ပိဋကကျမ်းစာ များကို ထိန်းသိမ်းစောက်ရှောက်စေလိုခြင်း, မိမိတို့၏ တပည့်များကို သြဇာရှိရှိနှင့် ချီးမြှင့်မြှောက်တင်စေလိုခြင်း, ဒါယကာ ဒါယိကာမတို့က အပိုဖြစ်နေသော ဒါနမှုကို ရှောင်ရှား၍ သာသနာပြု ဒါနမှုကိုသာ ပြုကြစေလိုခြင်း ဤအကျိုးများကို မျှော်မှန်း၍ ဖြစ်သင့်သော ပြုပြင်ရေး အကြောင်းများကို ပြခဲ့ရာ ယခု ပြီးစီးပါပြီး။

ဘာသာသွေး အပိုင်း (၅၁) လျှောက်ပါရစေ (၂)

၁၁။  ဓမ္မာစရိယအဆင့်အတန်း ရှိသူကိုသာ အင်္ဂလိပ်စာသင်ပေးရာ၌ အတန်းမထားဘဲ ဗဟုသုတဖြစ်ရုံ သက်သက်သာ သင်စေပါသည်၊ [အတန်းထားလျှင် အထက်တန်းကို အစိုးရစာမေးပွဲများ၌ ၀င်ရောက်ဖြေဆို၍ အောင်မြင်သောအခါ လူထွက်လိမ့်မည်ဟု လူဒါယကာများက သံသယဖြစ်ကြပါသည်၊ ဒါယကာအကူအညီ မပါလျှင် မဖြစ်နိုင်သော သာသနာပြုကိစ္စ၀ယ် လူဒါယကာတို့၏ သဒ္ဓါတရားကို မငဲ့လျှင် မဖြစ်နိုင်ပါ။

၁၂။ အင်္ဂလိပ်စာသင်နေစဉ် ပိဋကကျမ်းစာကို ပို့ချစေ၍, မသင်ရသေးသော နိကာယ်ကြီးများကို သင်ယူစေပါမည်၊ ထိုသို့ ပိဋကနှင့် အဆက်မပြတ်မှသာ သဒ္ဓါတရား ပြယ်လွင့်မသွားဘဲ တိုးလာလိမ့်မည်”ဟု ယူဆပါသည်။

          ၁၃။    သာသနာ့ဝန်ဆောင်ကျောင်းတိုက်၌ ထိုဓမ္မာစရိယစာချပုဂ္ဂိုလ် အတော်များလာလျှင် ထိုပုဂ္ဂိုလ်များကို စာချစေ၍ တစ်နှစ် တစ်တန်း မှန်မှန်တတ်ရသော စာသင်နည်းကို စီစဉ်နိုင်စရာ ရှိပါသည်။

         

ဘာသာသွေး အပိုင်း (၅၀) လျှောက်ပါရစေ(၁)

၁၃။ ဆရာတော်များထံ ခွင့်ပန်ခြင်း

လျှေက်ပါရစေ

ယခုအချိန်၌ ရှေးက မိမိကို ပြုစုပျိုးထောင်လိုက်သော ဆရာတော်များတွင် ပခုက္ကူ-မဟာဝိသုတာရာမဆရာတော်နှင့် ၀ိသုဒ္ဓါရုံ, မြောင်းမြဆရာတော် နှစ်ပါးသာ သက်တော်ထင်းရှားရှိပါတော့၏၊ သို့ရာတွင် မိမိကို ငယ်စဉ်ကစ၍ အရေးပါပါနှင့် အသိအမှတ် ပြုခဲ့ကြသော ဆရာတော်များကား သက်တော် ရှစ်ဆယ်-ရှစ်ဆယ် ကျော်အထိ ရှိကြပါသေးသည်၊

ထိုဆရာတော်ကြီးများသည် မိမိ၏ ပြုခဲ့သမျှသော စာရေးစာချ သာသနာ့ကိစ္စကို အားရတော်မူပြီး ဖြစ်ကြပါသည်၊ သို့သော် ယခုအခါ တိုးချဲ့၍ ပြုဖို့ရန် ကြံစည်အပ်သော သာသနာ့ကိစ္စအတွက် ရည်ရွယ်ချက်ကို မသိရလျှင် ကျေနပ် တော်မူကြမည် မဟုတ်သောကြောင့် တိုတိုကျဉ်းကျဉ်းနှင့် လိုရင်းကို ဆရာတော်များအား လျှောက်ထားပါရစေဘုရား။

၁။ ကျေးရွာကျောင်းများ၌ ကျောင်းသား မရှိတော့ပါ၊ တချို့ကျောင်းများ၌ ကျောင်းစောင့်ဘုန်းကြီးပင် မရှိတော့ပါ။

၂။ မြို့ငယ် မြို့ကြီးများ၌ ကလေးတွေကား အများအားဖြင့် အင်္ဂလိပ်စာသင်ကျောင်းမှာချည်း နေကြပါသည်၊ ပစ္စည်းဥစ္စာ တတ်နိုင်လေ အင်္ဂလိပ်ကျောင်းမှာ နေလေဖြစ်နေပါပြီ။

ဘာသာသွေး အပိုင်း (၄၉) အမဲမဖမ်းသင့် နှင့် ချစ်သနားစရာ ပြည်မြန်မာ

အမဲမဖမ်းသင့်

တောရွာမှ မြို့သို့ ဈေဝယ်လာသူကို မြို့က အမြတ်ကြီးစား၍ အညံ့စား ပေးလိုက်ရာ၌ “အမဲဖမ်းတာပဲ” ဟု ခေတ်သုံးစကားတစ်ခု ရှိ်ပါသည်၊ [ တောထဲက သားကောင်ကို အမဲကောင်ဟု ခေါ်၍ ထိုအကောင်၏ အမဲသား စားဖို့ရန် (အဖိုးမပေးရဘဲ) ဖမ်းယူခြင်းကို ဥပစာတင်စာ၍ ပြောသောစကား ဖြစ်သည်၊]

ထိုအဖြစ်မျိုးကို ဤသာသနာရေးမှာလည်း တစ်ချို့နေရာ၌ တွေ့ရ၏၊ မိမိက သီလ သမာဓိ ပညာမရှိဘဲ အလှူဒါန၏ အကျိုးကို ဟောပြ၍ ဒကာ ဒကာမတို့အထံမှ (သာသနာတော် အကျိုးမများဘဲ) ပကာသနပစ္စည်း များကို အလှူခံခြင်းမျိုးတည်း၊

ဘာသာသွေး အပိုင်း (၄၈) လစဉ်စရိတ် နှင့် အကျိုးမရလျှင် ပယ်ချခံရမည်

လစဉ်စရိတ်

သံဃာများအတွက် ထိုကဲ့သို့ တာဝန်ဆောင်ရသောကြောင့် လစဉ်ကုန်ကျသော ဆန် ဆီ စသည်တို့၏ တန်ဖိုးမှာ မနည်းလှပါ၊ တစ်ခါတုန်းက တံတားဦးမြို့မှ ဒေါ်မြမေဆိုသူက ““တစ်လအတွက် ကုန်ကျသောပစ္စည်းများကို လှူလိုပါသည်””ဟု လျောက်၏၊ အကုန်အကျ များလွန်းမည် စိုး၍  “တစ်လအတွက်မဟုတ်ဘဲ လှူလိုသလောက် လှူပါလား”ဟု ပြောသော်လည်း တစ်လအတွက် လှူလိုပါသည်ဟု ထပ်၍ လျှောက်သောကြောင့် န၀ကမ္မထိန်းသိမ်းနေသော (မြေစာရင်းအင်စပိတ် ပင်စင်စား) ဥပါသကာကြီးအား အတိအကျ မဟုတ်ဘဲ ခပ်လျှော့လျှော့ တွက်ပေးလိုက်ပါဟု ပြောရပါသည်။

ဘာသာသွေး အပိုင်း (၄၆) စီမံကိန်းနှစ်မျိုး၏ အကျိုးရ

စီမံကိန်းနှစ်မျိုး၏ အကျိုးရ

နှစ်တိုစီမံကိန်း အထမြောက်ပါမူ ကျေးရွာကျောင်းများ၌ ဘုန်းကြီးကျောင်းသား မရှိသေးလျှင် ရှိလာစေခြင်း, နဂိုရှိပြီးကိုလည်း မြန်မြန် ပြုပြင်သင်ကြားရခြင်း အကျိုးရနိုင်ပါသည်၊

နှစ်ရှည်စီမံကိန်ကား ယခု သင်နည်းကို တိုးတတ် စည်းကမ်းကျစေခြင်းသာ ဖြစ်၍ ဆရာလုံလောက်ပါမူ အထမမြောက်စရာမရှိပါ၊ အထမြောက်လျှင်လည်း တန်းကုန်အောင် မလိုက်နိုင်သော ပုဂ္ဂိုလ်များသည် ကျေးရွာ မြို့ငယ်၌ ဘုန်းတော်ကြီးများအဖြစ်ဖြင့် အမျိုးဘာသာ သာသနာ့ဝန်ကို ဆောင်နိုင်ပါသည်၊

တန်းကုန်လိုက်သော ပုဂ္ဂိုလ်များသည် သာသနာ့ဝန်ကို စာပေ ပရိယတ်ဖြင့်ဖြစ်စေ အကျင့်ပဋိပတ်ဖြင့်ဖြစ်စေ ထမ်းဆောင်နိုင်ကြပါသည်၊ စာပေပရိယတ်ဖြင် ထမ်းဆောင်နိုင်လျှင်လည်း မိမိတို့နေရာ မြို့နယ်တွင် အမျိုးဘာသာ သာသနာ တိုးတတ်စေနိုင်မည့် ကျောင်းများ ဖြစ်အောင် ကျောင်းဟောင်း တိုက်ဟောင်းများကို ပြုပြင်၍ဖြစ်စေ, ကျောင်သစ်တိုက်သစ်တည်၍ဖြစ်စေ ရွက်ဆောင်နိုင်ပါသည်၊

ဘာသာသွေး အပိုင်း (၄၅) ကျောင်းတိုက်များနှင့် စီမံကိန်း

ကျောင်းတိုက်များ

ထိုပြခဲ့သည့်အတိုင်း စနစ်တကျ သင်ပြသော ကျောင်းတိုက်ကြီးတွေ လိုနေပါသည်၊ ထိုကျောင်းတိုက်မျိုး ဖြစ်ဖို့ရန် လက်ရှိကျောင်းတိုက်များကို ပြုပြင်နိုင်လျှင် စရိတ်ကုန် သက်သာဖွယ် ရှိပါသည်၊ မပြုပြင်နိုင်လျှင်လည်း အသစ်တီထွင်သင့်ပါသည်၊ ထိုသို့ အများအပြားမဖြစ်နိုင်သေးမီ အထက်နိုင်ငံနှင့် အောက်နိုင်ငံအတွက် စည်းကမ်းတကျ သင်ပြဖို့ရန် သာသနာ့ဝန်ဆောင် ကျောင်းတိုက်နှစ်တိုက်မျှ ပထမဆုံး စတည်ထိုက်ပါသည်။

ထိုကျောင်းတိုက်ကြီးများ၌ အသားကျအောင် သင်ယူပြီးသောအခါ မိမိနေရာသို့ ပြန်၍ ကျေးရွာ၏ အားကိုးရာ သာသနာ မြှင့်ပေးနိုင်သောကျောင်း, ကျောင်းတိုက်ဖြစ်အောင် ကိုယ်စီကိုယ်င ကြိုးစားကြလျှင် (၁၀)နှစ်လောက်အတွင်းမှာ သာသနာရေး ဘာသာရေး တစ်မျိုးတစ်ဖုံ ပြောင်းလဲသွားစရာ ရှိပါသည်၊

ထိုသို့ ပြောင်းလဲအောင် ကြိုးစား  နိုင်မှလည်း ဗုဒ္ဓမြတ်စွာ၏ သာသနာ့ဝန်ကို အားသွန်ကြိုးပမ်း ထမ်းရာ ရောက်ပါလိမ့်မည်၊ [ဤသို့ မပြုနိုင်လျှင်ကား အနာဂါတ်ဆယ်နှစ်  အတွင်းမှာ သာသနာ့ အခြေအနေ ယခုထက်ပင် နိမ့်ကျသွားစရာ ရှိပါတော့သည်။]

နှစ်တိုနှစ်ရှည် စီမံကိန်း

ဝန်ဆောင်ကျောင်းတိုကကြီး တည်ပြီးသောအခါ ထိုကျောင်းတိုက်၌ “နှစ်တိုသင်နည်း, နှစ်ရှည်သင်နည်း”ဟု နှစ်မျိုးထားဖို့ လိုပါလိမ့်မည်၊

ဘာသာသွေး အပိုင်း (၄၄) သာသနာကို အထင်မကြီးပါ

သံဃာတော်များအား လျှောက်ထားခန်း

သာသနာကို အထင်မကြီးပါ

ရှေးမြန်မာမင်းများ လက်ထက်က သာသနာကို အထင်ကြီးကြသော်လည်း ယခုကား အထင်မကြီးတော့ပါ၊ တစ်နည်းအားဖြင့် ရဟန်း သာမဏေများမှာ ဂုဏ်မရှိတော့ပါ၊ ဘာ့ကြောင့် ထိုသို့ ရှေးနှင့်ယခု ကွဲပြားရသနည်း?...မြန်မာမင်းများ ခေတ်ဝယ် ဘုန်းတော်ကြီးများ၏ အရိပ်အာဝါသ၌ ဘုန်းတော်ကြီးများ အထံမှ လူရာဝင်အောင် ပညာ သင်ကြရ၏၊

ရပ်ရွာ လူကြီး လူကောင်း ဓနရှင်ဟူသမျှ ဘုန်းကြီးကျောင်း ထွက်များချည်း ဖြစ်ကြ၏၊ နေပြည်တော် မှူးကြီး မတ်ကြီးများနှင့်တကွ ရှင်ဘုရင့်သားတော် (ရှင်ဘုရင်ပါ) ဘုန်းကြီးကျောင်းသား ဖြစ်ကြ၏၊ ယခုသော်ကား ကျေးရွာအမတ်တွေပင် ဘုန်းကြီးကျောင်းထွက် မဟုတ် သူက များ၏၊ ၀န်ကြီး ၀န်ကလေးဆိုသူတို့မှာ သာ၍ ဘုန်းကြီးကျောင်း နှင့် ဝေးခဲ့ပေလိမ့်မည်၊

ဘာသာသွေး အပိုင်း (၄၃) ဘုန်းကံရှိသူမှ သာသနာပြုနိုင်

ဘုန်းကံရှိသူမှ သာသနာပြုနိုင်

ဘုရားလက်ထက်တော်မှ စ၍ သာသနာပြုကြသော ဆရာ ဒကာ တို့သည် ဘုန်းထူးကံထူး ပါလာကြသူများချည်း ဖြစ်ကြ၏၊ အရှင်မဟာ ကဿပ, အရှင်မဟာယသ, အရှင်မောဂ္ဂလိပုတ္တတိဿ, အရှင်မဟိန္ဒ  နှင့်အရှင်အရဟံ စသော ရှေးရှေးမထေရ်ကြီးများ, မင်းတုန်းမင်းလက်ထက်တိုင်အောင် ဆရာတော်ကြီးများသည် သာသနာပြုဖို့ရန် ဘုန်းထူး ပါရှိသော ပုဂ္ဂိုလ်များချည်း ဖြစ်ကြပါသည်၊

ဗိမ္ဗိသာရ, အနာထပိဏ်,  ၀ိသာခါ, အသောကမဟာရာဇာ, ဒေ၀ါနံပိယတိဿ, ဒုဋ္ဌဂါမဏိ, အနော် ရထာ, မင်းတုန်းမင်းစသော သာသနာပြု ဒါယကာ ဒါယိကာမတို့လည်း ဘုန်းထူး ကံထူးပါလာသူများပင် ဖြစ်ကြပေသည်။                            

ဘာသာသွေး အပိုင်း (၄၂) ပုဂ္ဂိုလ်လေးမျိုး

ပုဂ္ဂိုလ်လေးမျိုး                                  

သာသနာပြုမည့် ဆရာဒကာတို့ မုချသိသင့်သော ပုဂ္ဂိုလ်လေးမျိုး ရှိသေး၏၊  (၁)ပေးသာ ပေးကောင်း မတောင်းကောင်း,

(၂)တောင်းသာ တောင်ကောင်း မပေးကောင်း,

(၃)ပေးလည်းပေးကောင်း တောင်းလည်းတောင်းကောင်း,

(၄)ပေးလည်းမပေးကောင်း တောင်းလည်းမတောင်းကောင်း

ဤသို့ ဆရာ ဒကာ နှစ်ဖက်လုံး သတိထားရမည့် ဒကာ ဒကာမအမျိုးအစား လေးမျိုးရှိသည်၊ ထိုလေးမျိုးတွင်...

             ပေးသာပေးကောင်း အတောင်းကောင်း

ရဟန်းများက ထမင်း ဆေး စသည်ကို ပေးသာပေးကောင်း၍,  သူတို့ အထံမတောင်းကောင်းသော ဒကာ ဒကာမတစ်မျိုးရှိ၏၊ ထိုသူ မျိုးကား-ဖုန်းတောင်း ယာစကာ အဖြစ်ဖြင့် တောင်းရမ်းလာသူ, ရှင်လောင်း, မိမိအခိုင်းအစေ ကျောင်းသား , ဧည့်သည် အာဂန္တုအဖြစ်ဖြင့် စားနပ်ရိက္ခာမပါဘဲ ကျောင်းသို့ ခေတ္တရောက်လာသူ, ဓားပြ သူပုန်နှင့် အစုိုးရတို့တည်း၊ သူတို့အား ကျောင်းရောက်လာသောအခါ မိမိပိုင် ဆွမ်း စသည်ကို ပေးကောင်း၏၊ မကျန်းမာလျှင် ဆေးပေးကောင်း၏၊ သူပုန် ဓားပြတို့မှာ ဘေးအန္တရာယ် ပြုတတ်သောကြောင့် သံဃာပိုင် ပစ္စည်းကိုပင် ပေးကောင်း၏၊

ထိုသို့ပေးရာ၌ “ငါကပေးလျှင် သူကပစ္စည်း လှူလိမ့်မည်” ဟူသော မျှော်လင့်ချက်ကား မရှိစေရ၊ ထိုသူတို့ထံ၌ သူတို့ ပိုင်ပစ္စည်းကို (အယုတ်သဖြင့် ရေကိုမျှ) မတောင်းကောင်းပါ၊ ဤစကားကို ကြည့်၍ အရပ်ထဲမှ ခေတ္တမျှ ကျောင်းလာသူအား ဆွမ်းစသည်ကို မပေးကောင်း၊ လူတစ်ချို့က ကျောင်းမှာရှိသော သစ်သီး ပန်း စသည်ကို လာ၍ တောင်းတတ်၏၊ လူမမာအတွက် ဓာတ်စာဖြစ်လျှင်သာ အနည်းငယ် ပေးကောင်း၏၊ ဓာတ်စာမဟုတ်လျှင် မပေးကောင်း၊ မပေးလျှင် ကျောင်းကို ရန်ရှာမည့်သူကိုကား ခိုးသား ဓားပြလို သဘောထား ၍ ပေးရပေလိမ့်မည်။ [တတိယပါရာဇိကနှင့် ကုလဒူသန သိက္ခာပုဒ် များ၏ အဋ္ဌကထာကို မှီ၍ ရေးသားသည်။] 

ဘာသာသွေး အပိုင်း (၄၀) သာသနာပြုဒကာများသိဖွယ် ( ဂေါပကအဖွဲ့)

သာသနာပြုဒကာများသိဖွယ်

ဂေါပကအဖွဲ့

ကျောင်းတိုက်ဆိုင်ရာ ပစ္စည်းများကို ထိန်းသိမ်းသောအဖွဲ့ကို “ဂေါပကအဖွဲ့”ဟု ခေါ်၏၊ ထိုဂေါပကအဖွဲ့သည် ဗုဒ္ဓမြတ်စွာ၏ သာသနာတော်ကို ပြုစုရာ၌ သာသနာပြုနည်း နားလည်ဖို့ အရေး ကြီးပါသည်၊ “နားလည်”ဟူရာ၌ အလှူဒါနပစ္စည်းများသည် သာသနာ၌ အသုံးဝင်သော ပစ္စည်းဖြစ်အောင် ရွေးချယ်တတ်ဖို့ နားလည်ခြင်း, ငွေနှင့် စပ်၍ အပ်သောနည်း မအပ်သောနည်းတို့ကို နားလည်ခြင်း, တောင်းသာ တောင်းကောင်း မပေးကောင်းစသော ပုဂ္ဂိုလ်လေးမျိုးကို နားလည်ခြင်း များတည်း၊

ထိုသို့ နားလည်ပြီးသော ပုဂ္ဂိုလ်များက တာဝန်ကို နားမလည်သော အလှူ့ရှင်များကို နားလည်အောင် ဟောပြောခြင်း, ဒါနပစ္စည်း များကို ထိန်းသိမ်း  စောက်ရှောက်ခြင်း, ဆရာတော် သံဃာတော်များနှင့် တိုင်ပင်၍ လိုသောနေရာဝယ် စည်းကမ်းတကျ သုံးစွဲခြင်းဖြင့် ဂေါပက အဖွဲ့သည် ကျောင်းတိုက်၏ တိုးတက်မှုကို ရွက်ဆောင်ရာ၌ အရေးပါ အရာရောက်သော အဖွဲ့ဖြစ်ပါသည်၊

[ထိုဂေါပကအဖွဲ့ကို ကျောင်းတိုက်နှင့် အရင်းနှီးဆုံး ကျောင်ဒကာများနှင့် အတွင်းက ဝေယျာဝစ္စဆောင်ရွက်မည့် ဒါယကာ ဒါယိကာမများ စုပေါင်း၍ ဖွဲ့ထားသင့်၏။]

ဘာသာသွေး အပိုင်း (၃၉) သူတော်ကောင်း အမျိုးသား အမျိုးသမီးများ

အမျိုးသား သူတော်ကောင်းများ

ယခုအခါ ရှေးရှေး ဘ၀များစွာက ပါရမီဖြည့်ခဲ့ဖူးသော ပညာတတ် သူတော်ကောင်းသည် တစ်ရာ တစ်ယောက်, တစ်ထောင် တစ်ယောက် ဆိုသလို ရှိတတ်ပါသေး၏၊ ထိုသူသည် ခေတ်အလိုက် ပညာကိုသင်၍ တတ်မြောက်သော်လည်း လူ့ထုံစံအတိုင်း အိမ်ထောင်ပြုလိုသော စိတ် ဆန္ဒကား နည်းပါးပါလိမ့်မည်၊

ထိုကဲ့သုို့သော အမျိုးသားကောင်းများ  ရှိလျှင် ဤသာသနာဘောင်သို့ ၀င်၍ အမျိုးဘာသာအကျိုးကို ဆောင် လှည့်ပါလော၊ ဘုရားလက်ထက်တော်မှ စ၍ ဤသာသနာတော်ကို များစွာသော မင်းညီမင်းသားနှင့် အမျိုးကောင်းသားတို့ ဆောင်လာခဲ့ကြောင်း  သိဖို့ရာ သာသနာဝင် အစဉ်အဆက်ကို ရေးသားခဲ့ပါသည်၊ ပြန်၍ ကြည့်ကြပါ၊

ခေတ်ပညာတတ်ပြီးသူသည် ဘုရားတရားတော် (ပိဋက)  သက်သက်ကိုသာ ဆရာကောင်းနှင့် သင်ပါမူ နှစ်များစွာ မကြာဘဲ      အဘိဓမ္မာနှင့်တကွ တတ်မြောက်နိုင်ပါသည်၊ ထိုသို့ ပိဋကသင်ယူနေစဉ် ဘာသန္တရ သင်လိုသော စာချပုဂ္ဂိုလ်များကိုလည်း ဣနြေ္ဒရရနှင့် မိမိက သင်ပြနိုင်ပါသေးသည်၊

ဘာသာသွေး အပိုင်း (၃၈) နောက်ဘ၀မရှိဟုယူသူ နှစ်ဖက်ရှုံး

နောက်ဘ၀မရှိဟုယူသူ နှစ်ဖက်ရှုံး

ဘယ်ကိစ္စမျိုးမဆို မိမိစိတ်မှာ နှစ်ခုဖြစ်နေလျှင် မမှားနိုင်သော  လမ်းကို လိုက်ရပါသည်၊ ဘာသာခြားတစ်ချို့က “နောက်ဘ၀မရှိ”ဟု  ဆို၏၊ ဗုဒ္ဓဘာသာက ““နောက်ဘ၀ရှိ၏””ဟုဆို၏၊

““နောက်ဘ၀မရှိ””ဟု ယူသူတို့သည် မိမိကိုယ်ကိုစောင့်စည်းထိန်းသိမ်းထားဖို့ အရေးမကြီးတော့ပါ၊ လူချင်း ဆက်ဆံရာဝယ် အဆင်မပြေမည်စုိုးသောကြောင့်သာ စောင့်စည်းဖို့ လိုပါသည်၊ သို့ဖြစ်လျှင် ထိုသူ့မှာ ဗုဒ္ဓတရားတော်အရ ဒုစရိုက် မကောင်းမှုများကို ရှောင်ဖို့လည်း အရေးမကြီးတော့ပါ၊ ယခုဘ၀မှာလည်း လူတစ်ပါးက ယုံကြည်စိတ်ချရသော လူကောင်းတစ်ယောက် ဖြစ်ကောင်းမှ ဖြစ်တော့မည်၊

ထိုသို့ အယူရှိသူတွေ လူများစု ဖြစ်နေပါမူ ထိုသူတို့ များသောနေရာသည် စိတ်ချလက်ချ နေခွင့်ရတော့မည် မထင် ပါ၊ တစ်ဖန် သူတို့ယူဆသည့်အတိုင်း နောက်ဘ၀မရှိတာမှန်လျှင် ခံသာပါသေး၏၊

ဘာသာသွေး အပိုင်း (၃၇) နိုင်ငံခြားမှာ နောက်ပိုင်းမချမ်းသာ

နိုင်ငံခြားမှာ နောက်ပိုင်းမချမ်းသာ

အသင်ခေတ်ပညာတတ်တို့သည် ယခုအခါ ထိပ်တန်းရောက် နေသော နိုင်ငံများဝယ် လောကနိဗ္ဗာန် ရနေကြပြီးဟု တွေးကာ သွားရည်ယိုကောင်း ယိုကြပါလိမ့်မည်၊ နိုင်ငံခြားမှ ပြန်လာသော ဗိုလ်မှူးတစ်ယောက် အပြောမှာ ထိုထင်သလို မဟုတ်ပါ၊ အသက် အရွယ် ငယ်သူများသည် အလုပ်ကို မနားမနေ လုပ်ကြ, အားလပ် ချိန်ကို မရ-အရယူကာ ပျော်နိုင်သမျှ ပျော်ကြနှင့် ငယ်ရွယ်သော အသက်တမ်း အချိန်ကို ကျော်လွန်စေကြ၏၊

အသက်(၆၀)ကျော် အဘိုးအဘွားပိုင်း ရောက်သူကား အလုပ်လည်း လုပ်စရာမများ၊ ကလပ်သွား၍လည်း ငယ်ရွယ်စဉ်ကလို မပျော်၊  လူငယ်များ တု၍  စားကြည့် သောက်ကြည့် ကကြည့် ဆိုကြည့် ခံစားကြည့်သော်လည်း အတွင်းသွေးသားတွေကိုက ထုံးထိုင်း ညံ့ဖျင်းလာပြီ ဖြစ်သောကြောင့်လည်းကောင်း, စိတ်ဓာတ်ကလည် သဘာဝအလိုက် လျော့ လာပြီးဖြစ်သောကြောင့်လည်းကောင်း ဘာတစ်ခုမျှ အရွယ်ကောင်း တုန်းကလို အရသာ မရှိကြတော့ချေ၊

ဘာသာသွေး အပိုင်း (၃၆) အိမ်တော်ဝန် ဦးစံဖေ၏ ကိုယ်တွေ့ဝတ္ထု

အိမ်တော်ဝန် ဦးစံဖေ၏

ကိုယ်တွေ့ဝတ္ထု

သမ္မတ၏ အိမ်တော်ဝန် ဖြစ်ခဲ့သော ဒါယကာ ဦးစံဖေသည် (၁၉၂၅) ခုနှစ်လောက်က သာယာဝတီခရိုင် ဇီးကုန်းမြို့၌ နယ်ပိုင် ၀န်ထောက် အဖြစ်ဖြစ် နှစ်နှစ်ခွဲ့ခန့် နေပြီးနောက် အင်းစိန်မြို့သို့ အခွန်ဝန် အဖြစ်ဖြစ် ပြောင်ရွှေ့ခဲ့ရသည်၊ အင်းစိန်မြို့၌ ၀င်းကျယ် အိမ်ကောင်းရှာဖွေ၍ နေထိုင်စဉ် သုံးလလောက်ကြာသောအခါ နေမကောင်းသဖြင့် ရုံးမတတ်ဘဲ အိမ်မှာ အနားယူ၍ အိပ်ရာထဲ၌ လဲလျောင်နေရာသို့ နေ့လည် နှစ်နာရီအချိန်လောက်ဝယ် အရပ်ပုပု ဆံပင်ချ၍ မိန်းမတစ်ယောက် ခုတင်ခြေရင်၌ ရပ်လာသည်၊ အခွန်ဝန်ကတော်သည် ၀န်မင်းအနားမှာ ရှိသောလည်း ထိုမိန်းမကို မမြင်ရ, ၀န်မင်းသာ မြင်ရသည်။

ဝန်မင် နေမကောင်းမီ သုံးရက်လောက်ကလည်း ညဉ့်အခါတွင် မင်းကတော်နှင့် သားငယ်တို့ ခုတင်ကြီးပေါ်တွင် အိပ်နေကြစဉ် သားငယ်သည် နံရံဘက်က အိပ်ပါလျက် ခုတင်အောက်သို့ လိမ့်ကျသွားဖူး၏၊

ဘာသာသွေး အပိုင်း (၃၅) လက်တွေ့မဟုတ်လျှင် မယုံဘူးလား

လက်တွေ့မဟုတ်လျှင် မယုံဘူးလား

အသင်ခေတ်ပညာတတ်တို့သည် တိုးတက်နေသော လောကဓာတ် ပညာကြောင့်လည်း ဗုဒ္ဓဘာသာကို အထင်သေးရုံမက, ဗုဒ္ဓတရားတော်တွေ လွဲမှားနေပြီဟု တချို့က ယူဆပါလိမ့်မည်၊

ဤနေရာဝယ် အတော်ကျယ်ကျယ် ရေးဖို့လိုသော်လည်း အနည်းငယ်မျှ  ရေးပြပါမည်၊ ဗုဒ္ဓတရားတော်ဝယ် ““၀ိနည်း, အဘိဓမ္မာ, သုတ္တန်””ဟု သုံးမျိုးရှိ၏၊ ၀ိနည်းသည် ရဟန်းတော်၏ အနေအထိုင် အပြောအဆို ယဉ်ကျေးဖို့ရန် ညွှန်ပြသော တရားတော်ဖြစ်၏၊ တချို့ ပုဂ္ဂိုလ်တွေ မယဉ်ကျေးခြင်းမှာ ၀ိနည်းတော်အတိုင်း မလိုက်နာလို့သာ ဖြစ်ပါသည်၊ အဘိဓမ္မာသည် ရုပ်သဘော နာမ်သဘောကိုအစစ်အမှန် ဟောပြသော တရားတော် ဖြစ်၏၊

ထိုတရားကား ပဋ္ဌာန်းတရားတော် တိုင်အောင် နားလည်လေ, သာသနာ ဘာသာကို လေးစားလေ ဖြစ်စေ၏၊ ထိုတရားနှစ်မျိုး၌ မကျေနပ်ဖွယ်မရှိ၊ လောကဓာတ်နှင့် စစ်လေ အဘိဓမ္မာက ကျေနပ်စေလေ ဖြစ်ပါလိမ့်မည်၊ သတ္တ၀ါတို့ တရားအထူးကို ရစေနိုင်သော တရားတော်သည် ထိုဝိနည်း, ထိုအဘိဓမ္မာမဟုတ်, သုတ္တန်တရားတော်သာ ဖြစ်၏၊

ခုဘ၀ နောက် ဘ၀တို့၌ ချမ်းသာသုခရအောင် ညွှန်ပြသော တရားတော်လည်း သုတ္တန်တရားတော်ပင် ဖြစ်၏၊ ထိုသုတ္တန်တရားတော်များတွင် ဇာတ်တော်များလည်း ပါဝင်၏၊ နေလတို့ လှည့်ပတ် သွားလာပုံများ လည်းပါဝင်၏၊ ထို့ကြောင့် ထိုသုတ္တန်မှ တရားတချို့ကို ခေတ်ပညာ တတ်တို့က လက်တွေ့မဟုတ်၍ မယုံနိုင်ဘဲ ရှိကြပေလိမ့်မည်။

ဘာသာသွေး အပိုင်း (၃၄) အမျိုး ဘာသာကို အထင်မသေးနှင့်

၁၀။ ခေတ်ပညာတတ်များ စဉ်းစားဖွယ်

အမျိုးကို အထင်မသေးနှင့်

ခေတ်ပညာတတ် လူငယ်များသည် ခေတ်အလိုက် သိပ္ပ၀ိဇ္ဇာတို့ကို နိုင်ငံခြားမှ နည်းယူရသောကြောင့်လည်းကောင်း, ပစ္စည်း ငွေ အထောက်အပံ့ကိုလည်း နိုင်ငံခြားမှ အတော်အတန် ရသောကြောင့် လည်းကောင်း နိုင်ငံခြာူးမျိုးများကို အထင်ကြီးကောင်း ကြီးပါလိမ့်မည်၊

သို့သော် လူမျိုးတစ်မျိုးသည် ထာဝရမြင့်နေမည် မဟုတ်ပါ၊ ထိုလူမျိုးမှ ခေါင်းဆောင်ကောင်းများ ဆက်ကာ ဆက်ကာ ခေါင်းဆောင်နေခိုက် မြင့်နေ၍ ခေါင်းဆောင်ကောင်း မရှိသောအခါ တဖြည်းဖြည်း နိမ့်ကျ တတ်ပါသည်၊

တစ်ချိန်တုန်းက မြန်မာလူမျိုးများ မြင့်ခဲ့ဖူးသည်ကို သတိရပြီးလျှင် တဖြည်းဖြည်း နိမ့်ကျလာရာမှ ချက်ချင်း ကျွန်ဖြစ်ရပုံကို စဉ်းစားကြပါ၊

ထို့ကြောင့် အမျိုးသား အမျိုးသမီးများနှင့် ဘုန်းကြီးတို့တစ်တွေ ယခုတစ်ကြိမ် ကြိုးစားနိုင်ကြပါလျှင် ဤပြည်ထောင်စု မြန်မာလူမျိုးလည်း ခေတ်အလိုက် တိုးတက်သင့်သလောက် တိုးတက်ရ မည်မှာ အမှန်ပင်ဖြစ်ပါသည်၊ သို့ဖြစ်၍ မိမိလူမျိုးကို အထင်မသေးဘဲ “ကြိုးစားလျှင် ဘုရားတောင် ဖြစ်နိုင်သေးရဲ့”ဟူသော မြန်မာ့လက်သုံး ဆောင်ပုဒ်ကို လက်ကိုင်ပြုကာ ကြိုးစား၍ တိုးတက် နိုင်သော လမ်းကို ဖြေင့်ဖြောင့်တန်းတန်းသွားဖို့ ပြင်ကြပါလော။

ဘာသာသွေး အပိုင်း (၃၃) သီလရှင်များ၏၀န်ဆောင်ကျောင်းတိုက်

သီလရှင်များ၏၀န်ဆောင်ကျောင်းတိုက်

ဗုဒ္ဓဘာသာဝင် သီလရှင်များလည်း ခေတ်နှင့် လျော်ညီစွာ အမျိုး သမီးကလေးများကို ပညာသင်ပေးမှု, အကျင့်စာရိတ္တ ပြုပြင်မှုများကို   ပြုစေလိုပါသည်၊ ထိုသို့ ပြုပြင်ဖို့ရန် ရဟန်းတော်များအတွက် ၀န်ဆောင် ကျောင်းတိုက် လိုသကဲ့သို့ သီလရှင်များအတွက်လည်း အမှန်ပင် ၀န်ဆောင်ကျောင်းတိုက် လိုပါလိမ့်မည်၊

ထိုသို့ ၀န်ဆောင် ကျောင်းတိုက်ဝယ် စနစ်ကျသော ပညာကို သင်ယူကြပြီးနောက် မိမိတို့ မြို့ရွာနယ်ပယ်သို့ ပြန်၍ အမျိုးသမီးများ၏ အားကိုးရာများ ဖြစ်နိုင်မှ သာ တစ်နည်းတစ်လမ်းအားဖြင့် ရှေးဘိက္ခုနီ ထေရီမတိုိ့၏ နေရာ ၀င်၍ ဗုဒ္ဓသာသနာ့ဝန်ကို ထမ်းဆောင်ရာ ရောက်ကြပါလိမ့်မည်။

ဘာသာသွေး အပိုင်း (၃၂) ဘုန်းကြီးနှင့် သီလရှင်များတာဝန်

ဆရာဘုန်းကြီးများတာဝန်

စာသင်သားတိုင်း အခြေခံနည်းမှန်ဖို့ အရေးကြီးပါသည်၊ အခြေခံ ဟူရာ၌ စာတစ်မျိုးကိုသာ ဆိုလိုသည် မဟုတ်ပါ၊ အနေ အထိုင် အ၀တ် အစား အပြောအဆိုများကို ဆိုလိုပါသည်၊ စာသင်သားဘ၀သည် ပဋိသန္ဓေတည်ပုံနှင့် တူ၏၊ အမျိုးညံ့၌ ပဋိသန္ဓေ တည်မိလျှင် တစ်ဘ၀လုံး ထိုအမျိုး၏ ထုံးစံအတိုင်း အညံ့နည်းကို ရသကဲ့သို့, ထို့အတူ စည်းကမ်းမရှိ သော ဆရာ့အထံ၌ စာသင်သားဘ၀ ရောက်နေလျှင် ထိုဆရာသမား၏ ထုံးစံအတိုင်းသာ ပြောဆို နေထိုင်နည်းကို ခံယူရပါလိမ့်မည်၊

အမျိုးကောင်း၌  ပဋိသန္ဓေတည်မိလျှင်ကား ထိုအမျိုးကောင်း၏ ထုံးကောင်းကို ရနိုင်သကဲ့သို့, ထိုအတူ ဆရာကောင်းထံ၌ စာသင်သားဘ၀ရောက်လျှင် ထိုဆရာ့အထံမှ ကောင်းသောနည်းများကို ခံယူရရှိပါလိမ့်မည်၊ ထိုကြောင့် ကျေးရွာဆရာသမားများသည် မိမိတပည့်ကို နည်းကောင်းရမည့် လမ်းကိုသာညွှန်းပြဖို့ တာဝန်ရှိကြပါသည်။