ဗုဒ္ဓဘာသာလက်စွဲ (၂၈) **ဗုဒ္ဓရတနာ ဖတ်စာ**

တတိယတန်း

ဗုဒ္ဓရတနာ ဖတ်စာ

ဆရာ။   ။ ကလေးများ…ဆရာတို့ရော ကလေးများပါး ကိုးကွယ်ရာဖြစ်တော်မူသော ဗုဒ္ဓမြတ်စွာ အဖြစ်တော်စဉ် အကျဉ်းချုပ်ကို သူငယ်တန်းတုန်းကပင် ပြောပြခဲ့ပြီ၊  ခပ်ကျယ်ကျယ် အဖြစ်တော်စဉ်ကို စတုတ္ထတန်းကျမှ ပြဦးမည်၊ ယခုအခါ ထိုဗုဒ္ဓမြတ်စွာ၏ ဂုဏ်တော်များကို ဖတ်စာလုပ်ပြီးဖတ်ကြရအောင်၊ အရကျက်ထားတဲ့ အရဟံ ဂုဏ်တော်အနက်ကို ရွတ်ကြစမ်းကွဲ့။

တပည့်များ။     ။ သံပြိုင် ညီညီ, ဘုရားဘက်သို့ လက်အုပ်ချီ၍ ခပ်ဖြည်းဖြည်းရွတ်။

ဆရာ။     ။ ကိုင်း, အဲဒီဂုဏ်တော်အနက်ကို တစ်ခါတည်း နားလည်းအောင် ဖတ်စာဖတ်ကြကွဲ့၊ [အသံပြတ်သားသော ကလေးများကို တစ်လှည့်စီ အဖတ်ခိုင်း၊ အများက စာအုပ်ကြည့်ပြီးလိုက်နေပါစေ၊ အရဟံဂုဏ်တော်အနက်ကို ကျက်သောနေ့၌ အရဟံဂုဏ်တော်ဖတ်စာကို ဖတ်စေခြင်းသည် သဘာဝကျ၏]

(၁) အရဟံဂုဏ်တော်

(က) များစွာသော လူတို့်၏ စိတ်သည် မစင်ကြယ်ပါ၊ ဖြူစင်သောပုဝါကလေး၌ အမည်းကွက်၊ အပြာကွက်၊ အစိမ်းကွက်၊ အနီကွက်များ ထင်နေသကဲ့သို့ လူတို့၏ စိတ်မှာလည်း မစင်ကြယ်သော အကွက်ကလေးတွေ အမျိုးမျိုးထင်နေတတ်ပါသည်။

ဗုဒ္ဓဘာသာလက်စွဲ (၂၇) **တတိယတန်း အရကျက်ရန်စာများ**

တတိယတန်း

အရကျက်ရန်စာများ

[အောက်တန်း စာများကိုမရသေးလျှင် နှုတ်တတ်ပါရစေ။]

ဘုရားဂုဏ်တော်မြန်မာပြန်။

၁။ ဣတိပိ သောဘဂဝါ အရဟံ...ထိုရှင်တော်မြတ်ဘုရားသည် ကိလေသာတို့မှ ဝေကွာတော်မူ၍ ပူဇော်အပ်သော ပစ္စည်းတို့ကို ခံယူတော်မူထိုက်သော ဤအကြောင်းကြောင့်လည်း “အရဟံ”ဟူသော ဂုဏ်တော်အားဖြင့် ထင်ရှားတော်မူပါပေသည်တကား။

၂။ ဣတိပိ သောဘဂဝါ သမ္မာသမ္ဗုဒ္ဓေါ…ထိုရှင်တော်မြတ်စွာဘုရားသည် သိဖွယ်အတန်တန်ကို ဖောက်ပြန်မရှိ ကိုိယ်တော်တိုင် သိတော်မူနိုင်သော ဤအကြောင်းကြောင့်လည်း “သမ္မာသမ္ဗုဒ္ဓ”ဟူသော ဂုဏ်တော်အားဖြင့်လည်းထင်ရှားတော်မူပါပေသည် တကား။

၃။ ဣတိပိ သောဘဂဝါ ဝိဇ္ဇာစရဏသမ္ပန္နော… ထိုရှင်တော်မြတ်စွာဘုရားသည် ဝိဇ္ဇာဉာဏ်တော်, သုံးဘော်ရှစ်ပါး အကျင့်စရဏ တစ်ဆယ့်ငါးပါးနှင့်ပြည့်စုံတော်မူသော ဤအကြောင်းကြောင့်လည်း “ဝိဇ္ဇာစရဏ သမပန္န”ဟူသော ဂုဏ်တော်အားဖြင့် ထင်ရှားတော်မူပါပေသည်တကား။

၎။ ဣတိပိ သောဘဂဝါ သုဂတော… ထိုရှင်တော်မြတ်ဘုရားသည် ကိုယ်တော်မြတ်၏ ကြွသွားပုံဉာဏ်တော်၏ ဖြစ်ပုံနှစ်ပါးစုံ တင့်တယ်တော်မူသော ဤအကြောင်းကြောင့်လည်း “သုဂတ”ဟူသော ဂုဏ်တော်အားဖြင့် ထင်ရှားတော်မူပါပေသည်တကား။

ဗုဒ္ဓဘာသာလက်စွဲ (၂၆) **ဒုတိယတန်းဆရာများ သိရန်**

ဗုဒ္ဓဘာသာလက်စွဲ ပထမတွဲအဖွင့်

[ဒုတိတန်း ဆရာများ သာသိရန်ညွှန်ပြချက်။]

၁။ ။ “ဣတိ+ပိသော+ဘဂဝါ” ဟုမဖြတ်စေဘဲ “ဣတိပိ+သောဘဂဝါ” ဟုဖြတ်ပါစေ၊ “သမ္မာ+သမ္ဗုဒ္ဓေါ” ဟု မဖြတ်စေဘဲ “သမ္မာသမ္ဗုဒ္ဓေါ”ဟု တစ်ဆက်တည်းရွတ်ပါစေ၊  “ဝိဇ္ဇာ+စရဏ+သမ္ပန္နော” ဟုမဖြတ်စေဘဲ “ဝိဇ္ဇာစရဏသမ္ပန္နော” ဟုတစ်ဆက်တည်းရွတ်ပါစေ၊ “သတ္ထာဒေဝါ+မနုဿာနံ” ဟုဖတ်တတ်ကြသည်။  “သတ္ထာ+ဒေဝမနုဿာနံ” ဟုဖတ်တတ်ပါစေ။

၂။ ။ “သွာက္ခာတော=သွာခါတော” ဟုပါဌ်နှစ်မျိုးလုံးပင် သဒ္ဒထုံးစံရှိပါသည်။

၃။ ။ “သု+ပဋိပန္နော” စသည်ဖြင့် ရွတ်တတ်ကြစေ၊ “သုပ္ပဋိပန္နော, ဥဇုပ္ပဋိပန္နော, ဉာယပ္ပဋိပန္နော, သာမိစိပ္ပဋိပန္နော” ဟုရွတ်ဖတ်ပါစေ။

၎။ ။ ဆုတောင်း၌ “အာသဝက္ခယံ+ ဝဟံဟောတု” ဟုအဆိုမှားတတ်၏၊ အဂုင်္တ္တရဋ္ဌ ကထာ, ဧကနိပါတ, ၅-ပဏိဟိတအစ္ဆဝဂ်, ဒုတိယသုတ်အဖွင့်၌ “ဣဒံ မေ ဒါနံ အာသဝခ​ယာဝဟံ ဟောတု” ဟု သေသေချာချာရှိပါသည်။ ထို “အာသဝက္ခယာဝဟံ ” ပါဌ်သည် “ဟိတာဝဟံ, သုခါဝဟံ” စသော ပါဌ်တို့နှင့်လည်း ထပ်တူဖြစ်ပါသည်။

ဗုဒ္ဓဘာသာလက်စွဲ (၂၅) **ဆုတောင်းအဓိပ္ပာယ်**

ဆုတောင်းအဓိပ္ပာယ်

ဆရာ။     ။ ဆုတောင်း မတတ်လျှင် တစ်ဘဝပြီးတစ်ဘဝ ဆက်နေရလို့ အိုရ နာရ သေရတဲ့ ဒုက္ခတွေချည်း ခံနေရမယ်ကွဲ့၊ ဒါ့ကြောင့် “လူချမ်းသာဖြစ်ရပါလို၏, နတ်ချမ်းသာဖြစ်ရပါလို၏” ဆိုတဲ့ဆုတောင်းမျိုးဟာ မကောင်းဘူး၊ “နိဗ္ဗာန် မြန်မြန်ရပါလို၏” လို့ဆုတောင်းခြင်းသာ လမ်းမှန်တယ်၊ “ဣဒံ မေ ပုညံ အာသဝက္ခယာ ဝဟံ ဟောတု=တပည့်တော်၏ ဤကောင်းမှုသည် အာသဝေါ တို့၏ ကုန်ရာ နိဗ္ဗာန်ကို ဆောင်နိုင်ပါစေသတည်း” ဆိုတဲ့ဆုတောင်းကို ကုသိုလ်ကောင်းမှုပြုတိုင်း တောင်း ကြရ တယ်။

တပည့်များ။        ။ ဒီလိုဆုတောင်းလိုက်တော့ နိဗ္ဗာန်ကို မြန်မြန်ရရော့လားဆရာ။

ဆရာ။     ။ အေး, မေးထိုက်ပေတယ်ကွဲ့၊ ဆုတောင်းရုံနဲ့တော့ မရဘူးကွဲ့၊  ကုသိုလ်ပြုမှ ရတယ်၊ ကလေးများရဲ့ ဩကာသ ကန်တော့ခန်း ဆုတောင်းမှာ “အပါယ်လေးပါး, ကပ်သုံးပါး, ရပ်ပြစ်ရှစ်ပါး, ရန်သူမျိုး ငါးပါး, ဝိပတ္တိတရားလေးပါး, ဗျသနတရားငါးပါးတို့မှ ကင်းလွတ်ငြိမ်းသည်ဖြစ်၍” လို့ ဆုတောင်းတယ် မဟုတ်လား။

တပည့်များ။        ။တောင်းပါတယ်ဆရာ။

ဆရာ။     ။ အဲဒီ ဆုတောင်းတဲ့သူဟာ “သူ့အသက်သတ်, သူ့ဥစ္စာခိုး” ဆိုတဲ့ မကောင်းတာတွေ လုပ်နေလျှင်အပါယ်လေးပါးက လွတ်မလား။ အဒိန္နာဒါန အပြစ်ထဲမှာ ရန်သူမျိုး ငါးပါး ပါတယ်၊ သူ့ဥစ္စာခိုးနေတဲ့သူဟာ “ရန်သူမျိုးငါးပါးမှ လွတ်ရပါလို၏” လို့ဆုတောင်းရုံနဲ့ လွတ်မလား။

တပည့်များ။        ။ လွတ်မှာမဟုတ်ဘူးဆရာ။

ဆရာ။     ။ အေး, ဆုတောင်းဆိုတာ ကိုယ်လိုချင်တာကို နှုတ်ကထုတ်ပြောတာပဲ၊ ဆုတောင်းရုံ နဲ့တော့ မပြီးဘူး၊ မကောင်းမှု ဒုစရိုက်တွေကိုရှောင်ပြီး ကုသိုလ်ကောင်းမှုတွေလုပ်နေသူမှသာ ဆုတောင်း အတိုင်းအပါယ်လေးပါးစသည်မှလွတ်ပြီး နိဗ္ဗာန်ကို မြန်မြန်သိမယ်၊ မဂ်ဉာဏ် ဖိုလ်ဉာဏ် ဆိုတာလဲ နိဗ္ဗာန်ကို မျက်စိနဲမြင်သလောက် သိနိုင်မြင်နိုင်တဲ့ဉာဏ်တွေပဲကွဲ့။

ဗုဒ္ဓဘာသာလက်စွဲ (၂၄) **ငါးပါးသီလ(အပြစ်နှင့်အကျိုး) ဖတ်စာ**

ငါးပါးသီလ ဖတ်စာ

ပါဏာတိပါတ အပြစ်နှင့်အကျိုး

ဆရာ။     ။ ကိုင်း, ပါဏာတိပါတ အကျိုး အပြစ်ကို သိရအောင် “ပါဏာတိပါတ် သူ့အသက် သတ်က” ဆိုတဲ့ လင်္ကာကို ရွတ်ကြစမ်းကွဲ့။

တပည့်များ။        ။ သံပြိုင်ညီညီရွတ်။

ဆရာ။     ။ အဲဒီ လင်္ကာရဲ့ ဆိုလိုတာတွေ နားလည်အောင် အောက်ပါဖတ်စာ ကိုဖတ်ကြကွဲ့၊ (တစ်ယောက်ကဖတ်, ကလေးများက စာကြည့်ပြီး နားစိုက်နေစေ၊ ဤနည်းအားဖြင့် တစ်လှည့်စီ ဖတ်ပါစေ။)

(၁) ရှေးရှေး ဘဝ၌ သူများအသက်ကို သတ်ခဲ့ဖူးသူမှာ ယခုဘဝ၌ မျက်စိ, နား, နှာခေါင်း, လက်ခြေ စသောကိုယ်အဂါင်္များ ချို့ယွင်းတတ်၏။

 သူ့အသက် မသတ်ခဲ့ဖူးသူကား ယခုဘဝ၌ မျက်စိ, နား, နှာခေါင်း, လက်ခြေ စသော ကိုယ်အင်္ဂါများ မချို့ယွင်းဘဲ ပြည့်ပြည့်စုံစုံရှိတတ်ပါသည်။

(၂) သူ့အသက် သတ်ခဲ့ဖူးသူ၏ ရုပ်အဆင်းအသွင်သည် မွဲပြာ ခြောက်သွေ့၍နေတတ်၏။ သူ့အသက် မသတ်ဖူးသူ၏ ရုပ်အဆင်းအသွင်ကား လှလှပပ တင့်တင့်တယ်တယ် ရှိတတ် ပါသည်။

(၃) သူ့အသက် သတ်ခဲ့ဖူးသူမှာ အားအစွမ်းလည်းချို့ယွင်းတတ်၏။

မသတ်ခဲ့ဖူးသူကား ခွန်အားဗလ ကောင်းတတ်ပါသည်။

(၄) သူ့အသက် သတ်ခဲ့ဖူးသူသည်လျင်မြန်ဖျတ်လပ်ခြင်းလည်းမရှိပါ။

မသတ်ခဲ့ဖူးသူကား လျင်လျင်မြန်မြန် ဖျတ်ဖျတ်လပ်လပ်ရှိတတ်ပါသည်။

(၅) သူ့အသက် သတ်ခဲ့ဖူးသူသည် ယခုဘဝ၌ဘေးရန်ကို လွန်စွာကြောက်တတ်၏။

မသတ်ခဲ့ဖူးသူကား ဘေးရန်ကြုံသော်လည်း မတုန်လှုပ်တတ်ပါ။

(၆) ရှေးရှေးဘဝ၌ သူ့အသက်သတ်ခဲ့ဖူးသူသည် ယခုဘဝ၌ အသတ်ခံရတတ်၏။

သူ့အသက် မသတ်ခဲ့ဖူးသူကား သူများ အသတ်ကို မခံရတတ်ပါ။

(၇) သူ့အသက် သတ်ခဲ့ဖူးသူမှာ အနာရောဂါ များတတ်၏။

မသတ်ခဲ့ဖူးသူကား အနာရောဂါ ကင်းရှင်းတတ်ပါသည်။

ဗုဒ္ဓဘာသာလက်စွဲ (၂၃) **ဟိရီနှင့် ဩတ္တပ္ပအကြောင်းနှင့် ပြစ်မှားမိသော အပြစ်များဖြေပုံ**

ဟိရီနှင့် ဩတ္တပ္ပအကြောင်း။

ဆရာ။     ။ကလေးများ…ဤလောကမှာ မိခင် ဘခင် သားသမီးနှင့် ဆရာတပည့် ဆွေမျိုး စသည်ဖြင့် ခွဲခြား၍ နားလည်တဲ့အပြင် ကိုယ့်စည်းကမ်းနဲ့ကိုယ် နေထိုင်ရပေါင်းသင်းဆက်ဆံရတဲ့ ထုံးတမ်း စဉ်လာလဲရှိသေးတယ်၊ ဥပမာ-သားနဲ့အမိဆိုလျှင် သားကိုလဲ အမိက လေးစားရတဲ့ နေရာရှိတယ်၊ သားရှေ့မှာ (ကလေး ကလေးပင်ဖြစ်သော်လဲ)စောင့်စည်းရတယ်၊ သားကလဲ အမိ ကို လေးစားပြီးအမိရှေ့မှာ ကိုးရို့ကားယား မနေရဘူး၊ ကြမ်းကြမ်းတမ်းတမ်း မပြောရဘူး၊ အဘနှင့်သမီး မောင်နှင့်နှမ, ဦးကြီးဦးလေးစသူနှင့်တူမ, အဒေါ်စသူနှင့်တူ, ဆရာနှင့် တပည့် စသူတွေဟာအပြန်အလှန်လေးစားကြရမယ်။

ဥပမာ။     ။ တပည့်ရှေ့မှာ ဆရာဖြစ်သူက အထူးဣနြေ္ဒရရ (သိက္ခာရှိရှိ)နေရမယ်၊ တပည့် များကိုလှောင်လို့ပြောင်လုိ့မနေရဘူး၊ တပည့်များကလည်း ဆရာရှေ့မှာ တခြားနေရာထက်ပိုပြီး ငြိမ်ငြိမ် သက်သက် နေရတယ်၊ အဲဒီလို ကိုယ့်စည်းကမ်းနဲ့ကိုယ် နေဖို့ရန်လဲ စည်းကမ်း သိရုံနဲ့ မပြီး သေးဘူး၊ စိတ်ထဲမှာ ရှက်တတ်တဲ့ဟိရီ, လန့်တတ်တဲ့ ဩတ္တပ္ပဆိုတဲ့ ကိုယ်ကျင့်တရားနှစ်မျိုးလဲ ရှိဦးမှ နေနိုင်ကြတယ်။

အဲဒီ “ဟိရီ, ဩတ္တပ္ပ” ကိုယ့်ကျင့်နှစ်မျိုးသာ  မရှိလျှင် လူ့လောကကြီးဟာ တိရစ္ဆာန်လောကနဲ့ ဘာမှ မခြားတော့မှာ မဟုတ်ဘူး၊ ယခုခေတ်မှာပင် အဲဒီ ကိုယ့်ကျင့် တရား နှစ်ပါး အတော် နည်းသွားလို့ တချို့သော အဘနှင့်သမီး, ဦးကြီး ဦးလေးနှင့်တူမ, ဆရာနှင့်တပည့်မ, ကျောင်းသူ မကြီးတွေနဲ့ကျောင်းသားကြီးတွေ အနေအထိုင်သန့်သန့်ရှင်းရှင်းမရှိတော့ဘူး၊ ကျောင်းသူ ကျောင်းသားကြီးတွေဟာတွဲပြီး က,ရဲနေကြပြီ ၊ ဒီနည်းလမ်းအတိုင်း သွားလျှင်တော့ “တိရစ္ဆာန်လောကနှင့် တန်းတူဖို့ရာ မကြာတော့ပါဘူး” လို့ ထင်စရာဖြစ်နေတယ်၊ အနှစ်နှစ်ထောင့်ငါးရာ (၂,၅ဝဝ)ကျော် လောက်က ဟောတော်မူထားတဲ့ဗုဒ္ဓမြတ်စွာ၏ တရားတော်ကို ဖတ်ကြစမ်းပါကွယ်။

ဗုဒ္ဓဘာသာလက်စွဲ (၂၂) **မိဘကျေးဇူးတရားတော်**

မိဘကျေးဇူးတရားတော်။

ဘိက္ခုတို့…မိဘနှစ်ပါးတုိ့၏ ကျေးဇူးကို အလွယ်နည်းနှင့်ကျေအောင် ဆပ်နိုင်မည်ဟု ငါဘုရား ဟောတော်မမူ၊ ဘိက္ခုတို့…အသက်တစ်ရာ ရှည်သောသား(သမီး) တစ်ယောက်သည် လက်ယာပခုံး တစ်ဖက်ပေါ်မှာ အမိကို ထား၍ လက်ဝဲပခုံးတစ်ဖက်ပေါ်မှာ အဘကို ထားပြီးလျှင်ထိုပခုံးပေါ်မှာပင် နံ့သာတို့ဖြင့် လိမ်းကြံ ပွတ်တိုက်ပေးလုိ့, ပင်ပန်းပြေအောင် ဆုတ်နယ်ပေးလို့, ရေနွေး ရေအေးတို့ဖြင့် ရေချိုးပေးလို့, အညောင်းပြေအောင် ဆွဲငင်ဆန့်တန်းပေးလို့ လုပ်ကျွေးပြုစုနေတယ်လို့၊ (ဥပမာ-သဘောအားဖြင့်)ဆိုကြစို့၊ ကျင်ကြီး ကျင်ငယ်တောင် ပခုံးပေါ်ကနေ၍ စွန့်တယ် ဆိုကြစို့၊ (တစ်နည်း ပြောပြန်ပြောလျှင်) ဤကမ္ဘာ မြေပြင် တစ်ခုလုံးမှာ ရှင်ဘုရင်နှင့် မိဖုရားကြီးဖြစ်အောင်သားက ကြိုးစား ပေးတယ် ဆိုကြစို့၊ (သည်လိုများ တတ်နိုင်လျှင် အများအထင်အားဖြင့် မိဘကျေးဇူးကျေလောက်ပါပြီဟု ထင်စရာ ရှိပါပေသည်၊ သိုသော်) ဘိက္ခုတို့..ဤနည်းအားဖြင့် မိဘကျေးဇူးကို ကျေလည်အောင် ဆပ်ရာမ ရောက်သေးချေ။

“အဘယ့်ကြောင့် ကျေလည်အောင် ဆပ်ရာ မရောက်သေးသနည်း”ဟု မေးလျှင် ဘိက္ခုတို့ …မိဘတို့သည် သားသမီးတို့ကို ကြီးပွားအောင်မွေးကျွေးသုတ်သင်ကြပေသည်၊ ဤလောကကို ပြကြ ပေသည်၊(မိဘတို့က မကျွေးမွေးလိုဘဲ မွေးခါစကပင် ပစ်လိုက်မည်ဆိုလျှင် ဤလောကကို မြင်ရတော့မည်မဟုတ်၊) ဤသို့လူတစ်ယောက် အဖြစ်ဖြင့် ကြီးပွား၍ ဤလောကကို တွေ့မြင် နေရသည်မှာ မိဘတို့ကျေးဇူးသာ ဖြစ်သောကြောင့် မိဘတို့ကျေးဇူးကို အလွယ် နည်းဖြင့် ကျေလည်အောင် ဆပ်နိုင်မည်ဟုငါဘုရားဟောတော်မမူ။

ဗုဒ္ဓဘာသာလက်စွဲ (၂၁) **အကုသိုလ်ပယ်ရန် တိုက်တွန်းတရားတော်**

အကုသိုလ်ပယ်ရန် တိုက်တွန်းတရားတော်။

ဘိက္ခုတို့… အကုသိုလ်ကိုပယ်ကြ၊ အကုသိုလ်ကို ပယ်လို့ ဖြစ်နိုင်သည်၊ မဖြစ်နိုင်လျှင် “အကုသိုလ်ကို ပယ်ကြ” လို့ တိုက်တွန်းတော်မူမည် မဟုတ်ပါ၊ ပယ်လို့ဖြစ်နိုင်သောကြောင့် တိုက်တွန်းတော်မူသည်၊ အကုသိုလ်ကို ပယ်လိုက်သည့်အတွက် စီးပွားဆုတ်ယုတ်၍ ဒုက္ခရောက်ကြမည်ဖြစ်လျှင်လည်း “ အကုသိုလ်ပယ်ကြ” လို့တိုက်တွန်းတော်မူမည် မဟုတ်ပါ၊ အကုသိုလ်ကို ပယ်သည့်အတွက်စီးပွားချမ်းသာ တိုးတက်ဖွယ်ရာရှိသောကြောင့်သာ တိုက်တွန်းတော်မူသည်။

“အကုသလံ ဘိက္ခဝေ ပဇဟထ၊ သက္ကာ ဘိက္ခဝေ အကုသလံ ပဇဟိတုံ၊ နော စေ တံ ဘိက္ခဝေ သက္ကာ အဘဝိဿ အကုသလံ ပဇဟိတုံ, နာဟံ ဧဝံ ဝဒေယျံ “အကုသလံ ဘိက္ခဝေ ပဇဟထာ” တိ၊ ယသ္မာ စခေါ ဘိက္ခဝေ သက္ကာ အကုသလံ ပဇဟိတုံ, တသ္မာဟံ ဧဝံ ဝဒါမိ “အကုသလံ ဘိက္ခဝေ ပဇဟထာ”တိ၊ အကုသလံ ဘိက္ခဝေ ပဟီနံ အဟိတာယ ဒုက္ခာယ သံဝတ္တေယျ, နာဟံ ဧဝံ ဝဒေယျံ “အကုသလံ ဘိက္ခဝေ ပဇဟထာ”တိ၊ ယသ္မာ စ ခေါ ဘိက္ခဝေ အကုသလံ ပဟီနံ ဟိတာယ သုခါယ သံဝတ္တတိ၊ တသ္မာဟံ ဧဝံ ဝဒါမိ “အကုသလံ ဘိက္ခဝေ ပဇဟထာ”တိ။

ကုသိုလ်ပွားအောင် တိုက်တွန်းတရားတော်။

ဘိက္ခုတို့.. ကုသိုလ်တရားကို တိုးပွားစေကြ၊ ကုသိုုလ်တရားကို တိုးပွားအောင် ကြိုးစားလို့ ဖြစ်နိုင်သည်၊ မဖြစ်နိုင်လျှင် ငါဘုရားတိုက်တွန်းတော်မူမည်မဟုတ်ပါ၊ ဖြစ်နိုင်လို့သာ တိုက်တွန်း တော်မူသည်၊ ကုသိုလ်တရားကို တိုးပွားအောင်အားထုတ်သောကြောင့် စီးပွားဆုတ်ယုတ်၍ ဒုက္ခရောက်ကြမည် ဖြစ်လျှင်လည်း တိုက်တွန်းတော်မူမည်မဟုတ်ပါ၊ ကုသိုလ်တရားကို တိုးပွား စေသည့်အတွက် စီးပွားချမ်းသာ တိုးတက်ဖွယ်ရာရှိသောကြောင့် တိုက်တွန်းတော်မူသည်။

ဗုဒ္ဓဘာသာလက်စွဲ (၂၀) **ဒုစရိုက် သုစရိုက်စစ်တမ်း**

ဒုစရိုက် သုစရိုက်စစ်တမ်း။

ဆရာ။     ။ ကိုင်း ရှေ့၌ ဟောတော်မူတဲ့ “မတရားသော မမျှတသော အကျင့်” ဆိုတာဒုစရိုက် သုံးမျိုးဖြစ်ကြောင်း, “တရာမျှတသော အကျင့်” ဆိုတာ သုစရိုက် သုံးမျိုး ဖြစ်ကြောင်းထင်းရှားပြီး မဟုတ်လားကွဲ့၊ ဒီတော့ “ဒုစရိုက်ဆိုတာ ဘာလဲ, သုစရိုက်ဆိုတာ ဘာလဲ” လို့ ကလေးများ သိချင်ကြတယ် မဟုတ်လား။

တပည့်များ။        ။  သိချင်ပါတယ်ဆရာ။

ဆရာ။     ။ [ဒု=မကောင်းသော+ စရိုက်=(စရိတ) အကျင့်၊] မကောင်းသော အကျင့်တွေကို “ဒုစရိုက်” ဟုခေါ်တယ်၊ ကိုယ်ဖြင့် ပြုကျင့်ရသော ဒုစရိုက်ကို “ကာယဒုစရိုက်”၊ နှုတ်ဖြင့် ပြော၍ကျင့်ရသော ဒုစရိုက်ကို “ဝစီဒုစရိုက်”၊ စိတ်ဖြင့် ကြံစီ၍ကျင့်ရသော ဒုစရိုက်ကို “မနောဒုစရိုက်” ဟုခေါ်တယ်၊ နားလည်ကြရဲ့လား။

တပည့်များ။        ။ နားလည်ကြပါတယ် ဆရာ၊ သုစရိုက်သုံးပါးကတော့ ဘယ်လိုဟာပါလဲ။

ဆရာ။     ။ [သု=ကောင်းသော+စရိုက်(စရိတ)=အကျင့်၊]ကောင်းသောအကျင့်တွေကို “သုစရိုက်” ဟုခေါ်တယ်၊ ကိုယ်ဖြင့် ပြုကျင့်ရသော “ကာယသုစရိုက်”၊ နှုတ်ဖြင့် ပြောဆိုကျင့်ရသော “ဝစီသုစရိုက်”၊ စိတ်ဖြင့် ကြံစီ၍ ကျင့်ရသော “မနောသုစရိုက်” ဟုသုံးပါးရှိတယ်။

တပည့်များ။        ။ ဘယ်လို ကျင့်တော့ ဒုစရိုက်, ဘယ်လိုကျင့်တော့ သုစရိုက် ဖြစ်ပါသလဲဆရာ။

ဗုဒ္ဓဘာသာလက်စွဲ (၁၉) **မိစ္ဆာဒိဋ္ဌိအပြစ်ပြနှင့် သမ္မာဒိဋ္ဌိအကျိုးပြတရားတော်**

မိစ္ဆာဒိဋ္ဌိအပြစ်ပြတရားတော်

၁။ ဘိက္ခုတို့… မိစ္ဆာဒိဋ္ဌိကြောင့် သတ္တဝါတို့သည် ခန္ဓာကိုယ် ပျက်စီး၍ သေရပြီးနောက် အပါယ်လေးပါး၌ ဖြစ်ကြရသကဲ့သို့ ထို့အတူ မိစ္ဆာဒိဋ္ဌိလောက် အပါယ်လေးပါ၌ ဖြစ်စေနိုင်သော တရားကို ငါဘုရားမြင်တော်မမူ။

[မိန့်တော်မူလိုရင်းကား "အပါယ်ချနိုင်သော တရားများစွာတို့တွင် မိစ္ဆာဒိဋ္ဌိသည် အပါယ်အချ နိုင်ဆုံး တရားဖြစ်သည်" ဟု မိန့်တော်မူလိုသည်။

" နာဟံ ဘိက္ခဝေ အညံ ဧကဓမ္မမ္ပိ သမနုပဿာမိ ယေန သတ္တာ ကာယဿ ဘေဒါ ပရမ္မရဏာ အပါယံ ဒုဂ္ဂတိံ ဝိနိပါတံ နိရယံ ဥပပဇ္ဇန္တိ, ယထယိဒံ ဘိက္ခဝေ မိစ္ဆာဒိဋ္ဌိ၊ မိစ္ဆာဒိဋ္ဌိယာ ဘိက္ခဝေ သမန္နာဂတာ သတ္တာ ကာယဿ ဘေဒါ ပရမ္မရဏာ အပါယံ ဒုဂ္ဂတိံ ဝိနိပါတံ နိရယံ ဥပပဇ္ဇန္တိ"။

[အင်္ဂုတ္တုရ်, ဧကနိပါတ်, (၁၆) ဧကဓမ္မ(ဗီဇ)ဝဂ်၊]

သမ္မာဒိဋ္ဌိအကျိုးပြတရားတော်

၂။ ဘိက္ခုတို့…သမ္မာဒိဋ္ဌိကြောင့် သတ္တဝါတို့သည် ခန္ဓာကိုယ် ပျက်စီး၍ သေရပြီးနောက် ဂတိကောင်း (ဘဝကောင်း) ဖြစ်သော လူ့ပြည် နတ်ပြည် ဗြဟ္မာ့ပြည်၌ ဖြစ်ကြရသကဲ့သို့ ထို့အတူ သမ္မာ ဒိဋ္ဌိလောက် ကောင်းသော ဘဝ၌ ဖြစ်စေနိုင်သောတရားကို ငါဘုရား မြင်တော်မမူ၊ [မိန့်တော်မူ လိုရင်းကား "ကောင်းသောဘဝ၌ ဖြစ်စေနိုင်သော တရားတို့တွင် သမ္မာဒိဋ္ဌိသည် ဘဝကောင်း၌ အဖြစ်စေနိုင်ဆုံး တရားဖြစ်သည်" ဟု မိန့်တော်မူလိုသည်-]

[အင်္ဂုတ္တိုရ်, ဧကနိပါတ်, (၁၆) ဧကဓမ္မ (ဗီဇ) ဝဂ်၊]

ဗုဒ္ဓဘာသာလက်စွဲ (၁၈) **မိစ္ဆာဒိဋ္ဌိနှင့် သမ္မာဒိဋ္ဌိအကြောင်း**

မိစ္ဆာဒိဋ္ဌိနှင့် သမ္မာဒိဋ္ဌိအကြောင်း

ဆရာ။    ။[ဒိဋ္ဌိ=အမြင်၊ မိစ္ဆာ=အမှား၊ သမ္မာ=အမှန်၊] မှားသော အမြင်ကို မိစ္ဆာဒိဋ္ဌိ, မှန်သော အမြင်ကို သမ္မာဒိဋ္ဌိဟုခေါ်သည်၊ နားလည်ကြရဲ့လား၊ နားလည်လျှင် ပြန်ပြောကြစမ်း။

တပည့်များ။       ။ပြန်၍ ပြော။

ဆရာ။    ။ကောင်းပြီ၊ "နောက်ဘဝရှိတယ်" ဆိုလျှင် အမြင်မှန်လား, အမြင်မှားလား။

တပည့်များ။       ။အမြင်မှန်။

ဆရာ။    ။"နောက်ဘဝ မရှိဘူး" ဆိုလျှင် အမြင်မှန်လား, အမြင်မှားလား။

တပည့်များ။       ။အမြင်မှား။

ဆရာ။    ။ကောင်းတာ (သူများကို ချမ်းသာစေတာ) လုပ်လျှင် နောက်ဘဝ၌ ကောင်းကျိုး ရမလား, ဆိုးကျိုးရမလား။

ဗုဒ္ဓဘာသာလက်စွဲ (၁၈) **ဂုဏ်တော် မြန်မာပြန်**

ဒုတိယတန်းဖတ်စာ။

 ဘုရားဂုဏ်တော်ကိုးပါး မြန်မာပြန်။

၁။ ဣတိပိ သော ဘဂဝါ အရဟံ-ထိုရှင်တော်မြတ်ဘုရားသည် ကိလေသာတို့မှ ဝေးကွာတော်မူ၍ ပူဇော်အပ်သော ပစ္စည်းတို့ကို ခံယူတော်မူထိုက်သော ဤအကြောင်း ကြောင့်လည်း “အရဟံ”ဟူသော ဂုဏ်တော်အားဖြင့် ထင်ရှားတော် မူပါပေသည်တကား။

၂။ ဣတိပိ သော ဘဂဝါ သမ္မာ သမ္ဗုဒ္ဓေါ-ထိုရှင်တော် မြတ်ဘုရားသည် သိဖွယ် အတန်တန်ကို ဖောက်ပြန်မရှိ ကိုယ်တော်တိုင် သိတော်မူနိုင်သော ဤအကြောင်းကြောင့်လည်း “သမ္မာသမ္ဗုဒ္ဓ” ဟူသော ဂုဏ်တော်အားဖြင့် ထင်ရှားတော်မူပါပေသည်တကား။

၃။ ဣတိပိ သော ဘဂဝါ ဝိဇ္ဇာစရဏ သမ္မန္နော-ထိုရှင်တော်မြတ်ဘုရားသည် ဝိဇ္ဇာဉာဏ်တော်,

သုံးဘော် ရှစ်ပါး, အကျင့်စရဏ တစ်ဆယ့်ငါးနှင့် ပြည့်စုံတော်မူသော ဤအကြောင်းကြောင့်လည်း “ဝိဇ္ဇာ စရဏ သမ္ပန္န” ဟူသော ဂုဏ်တော်အားဖြင့် ထင်ရှားတော် မူပါပေသည်တကား။

ဗုဒ္ဓဘာသာလက်စွဲ (၁၇) **ဒုတိယတန်း အရကျက်ရန် စာများ**

ဒုတိယတန်း။

အရကျက်ရန် စာများ။

အောက်တန်း စာများကို မရသေးလျှင် နှုတ်တက် ရပါစေ။

ဘုရားဂုဏ်တော် ကိုးပါး။

ဣတိပိ သောဘဂဝါ (၁)အရဟံ, (၂) သမ္မာသမ္ဗုဒ္ဓေါ,

(၃) ဝိဇ္ဇာစရဏ သမ္ပန္နော, (၄) သုဂတော, (၅) လောကဝိဒူ,

(၆) အနုတ္တရော ပုရိသ ဒမ္မသာရထိ, (၇) သတ္ထာဒေဝမနုဿာနံ,

(၈) ဗုဒ္ဓေါ, (၉) ဘဂဝါ။

တရားဂုဏ်တော် ခြောက်ပါး။

(၁) သွာက္ခာတော ဘဂဝတာ ဓမ္မော, (၂) သန္ဒိဋ္ဌိကော,

(၃) အကာလိကော, (၄) ဧဟိ ပဿိကော, (၅) ဩပနေယျိကော,

 (၆) ပစ္စတ္တံ ဝေဒိတဗ္ဗော ဝိညူဟိ။

သံဃဂုဏ်တော် ကိုးပါး။

(၁) သုပ္ပဋိပန္နော ဘဂဝတော သာဝကသဃော,

(၂) ဥဇုပ္ပဋိပန္နော ဘဂဝတော သာဝကသံဃော, (၃) ဉာယပ္ပဋိပန္နော ဘဂဝတော သာဝက သံဃော, (၄) သာမိစိပ္ပဋိပန္နော ဘဂဝတော သာဝက သံဃော, (၅) [ယဒိဒံစတ္တာရိ ပုရိသယုဂါနိ, အဋ္ဌ ပုရိသပုဂ္ဂလာ၊] ဧသ ဘဂဝတော သာဝကသံဃော, အာဟုနေယျော, (၆) ပါဟုနေယျော, (၇) ဒက္ခိဏေယျော, (၈) အဉ္စလိကရဏီယော, (၉) အနုတ္တရံ ပုညက္ခေတ္တံ လောကဿ။

ဆုတောင်း။

ဣဒံ မေ ပုညံ အာသဝက္ခယာဝဟံ ဟောတု။

ငါးပါးသီလ အပြစ်နှင့် အကျိုး။

၁။ ။ပါဏာတိပါတ်, သူ့သက် သက်က, ….(၁) ချို့တတ် အင်္ဂါ, (၂) မွဲပြာရုပ်သွင်, (၃) အားအင်ယိုယွင်း, (၄) လျင်ခြင်းလည်းဝေး, (၅) ဘေးကို ကြောက်တတ်, (၆) အသတ်ခံရာ, (၇) အနာများလျက်, (၈) ခြွေရံပျက်၍, (၉) အသက်တိုလျ, ပြစ်များစွာသည်….ရှောင်ကအပြန် အကျိုးတည်း။

ဗုဒ္ဓဘာသာလက်စွဲ (၁၆) **ငါးပါးသီလခန်း မှတ်ဖွယ်**

ပထမတန်း အတွက်ညွှန်ပြချက်။

[ဆရာများသိရန်သာ, တပည့်အား ပြောရန်မဟုတ်၊]

ငါးပါးသီလခန်း။

[ငါးပါးသီလ တောင်းပုံကို ဤအခန်း၌ ကလေးများ ကျက်ဖို့ရာ များနေမည်စိုး၍ မပြသေးဘဲ ဒုတိယတန်းကျမှ ပြပါမည်။]

ပါဏာတိပါတ။     ။ပါဏောတိ ဝေါဟာရတောသတ္တော ပရမတ္ထတော ဇီဝိတိန္ဒြိယံ၊ သရသေနေဝ ပတနသဘာဝဿ အန္တရာဧဝ အတိပါတနံ အတိပါတော၊ အတိက္ကမ္မ ဝါ သတ္ထာဒီဟိ အဘိဘဝိတွာ ပါတနံ အတိပါတော၊ ["ပါဏာတိပါတ" ပုဒ်၌ "ပါဏ+အတိပါတ"  ဟုခွဲ၊) ပါဏ ဟူသည် အများပြောရိုးအားဖြင့် သတ္တဝါတည်း၊ ပရမတ္ထအသုံးအားဖြင့် ရုပ်နာမ်နှစ်ပါးတွင် ပါဝင်သော ဇီဝိတိနြေ္ဒတည်း၊ ထိုပါဏသည် ကံအရှိန်ကုန်လျှင် သူ့အလိုလို ကျရမည့် (ချုပ်ဆုံး ရမည့်) သဘောရှိ၏၊ သူ့အလိုလို ကျချိန် မရောက်မီ အကြား၌ အလျင်အမြန်ကျစေခြင်း, (ဥပမာ-အသက်ခုနစ်ဆယ်ပြည့်လျှင် သူ့အလိုလိုကျရမည့် ပါဏကို

ငါးဆယ်အရွယ် ခြောက်ဆယ်အရွယ်လောက်၌ အလျင်အမြန်ကျစေခြင်း, ကျအောင် ပြုလုပ်ခြင်း)သည် ပါဏာတိပါတမည်၏၊ [ပါဏ=သတ္တဝါ (ဇီဝိတိနြေ္ဒ) ကို+အတိ=လျင်မြန်စွာ+ပါတ=ကျစေခြင်း၊] တစ်နည်း-သူ့အလိုလို ကျချိန် မရောက်မီ ဓားစသောလက်နက်တို့ဖြင့် အတင်းလွှမ်းမိုး၍ကျစေခြင်းသည် ပါဏာတိပါတ မည်၏၊ ဤနည်း၌ အတိသဒ္ဒါသည် လွှမ်းမိုးခြင်းအနက်ဟောတည်း၊ အချုပ်မှာ-သူ့ကို သတ်ကြောင်းဖြစ်သော ဒေါသစေတနာပင်တည်း။

ဗုဒ္ဓဘာသာလက်စွဲ (၁၅) **မိတ်ဆိုးပယ်ခွာ မိတ်ကောင်းရှာတရားတော်**

မိတ်ဆိုးပယ်ခွာ မိတ်ကောင်းရှာတရားတော်။

ဘိက္ခုတို့ ကုသိုလ်တရား တိုးပွား၍ အကုသိုလ်တရား ဆုတ်ယုတ်သွားဖို့အရာဝယ် မိတ်ကောင်းဆွေကောင်းနှင့် ပေါင်းခြင်းမှလွဲ၍ တခြားတရားကို ငါဘုရားမြင်တော်မမူ၊ မိတ်ကောင်း ဆွေကောင်း ရှိသူမှာ မဖြစ်သေးသော ကုသိုလ်များလည်း ဖြစ်ကြ၏၊ ဖြစ်ပြီး အကုသိုလ်မျိုးလည်း (နောက်ထပ် မတိုးဘဲ)ဆုတ်ယုတ်ကြလေသည်။

-------

"နာဟံ ဘိက္ခဝေ အညံ ဧကဓမ္မမ္ပိ သမနုပဿာမိ၊ ယေန အနုပ္ပန္နာဝါ ကုသလာ ဓမ္မာ ဥပ္ပဇ္ဇန္တိ, ဥပ္ပန္နာဝါ အကုသလာ ဓမ္မာ ပရိဟာယန္တိ၊ ယထယိဒံ ဘိက္ခဝေ ကလျာဏမိတ္တတာ၊ ကလျဏ မိတ္တဿ ဘိက္ခဝေ အနုပ္ပန္နာစေဝ ကုသလာ ဓမ္မာ ဥပ္ပဇ္ဇန္တိ, ဥပ္ပန္နာစ အကုသလာ ဓမ္မာ ပရိဟာယန္တိ"။

(အဂုင်္တ္တိုရ်, ဧကနိပါတ်, ကလျဏမိတ္တဝဂ်, ပထမသုတ်၊)

ဗုဒ္ဓဘာသာလက်စွဲ (၁၄) **တပည့်ဝတ်, သားသမီးဝတ်**

တပည့်ဝတ်ငါးပါးအဓိပ္ပာယ်။

ဆရာ။     ။ဆွမ်းတော် ရေတော် ပန်းတော် မီးတော် ကပ်လှူရတဲ့ အကျိုးကြောင့် လူ နတ် စည်းစိမ်ကို အကြိမ်ကြိမ် ခံစားပြီး ရဟန္တာဖြစ်၍ နိဗ္ဗာန်ရသွားတယ်ဆိုတာ ကလေးများ ကြားကြပြီး မဟုတ်လား။

တပည့်များ။        ။ကြားပါတယ် ဆရာ။

ဆရာ။     ။အဲဒီဟာ ဆွမ်းလှူရုံ တစ်ခုထဲလို့ ထင်ရပေမယ့် နောက်နောက်ဘဝမှာ နောက်ထပ် ကုသိုလ်တွေက အများကြီး ဆက်သေးတယ်ကွဲ့၊ ဆွမ်းလှူလို့ ပထမကောင်းတဲ့ဘဝရောက်ရော၊ အဲဒီ ဘဝမှာ အမေကောင်း အဖေကောင်း ဆရာကောင်း တွေနဲ့ တွေ့ရလို့ သူတို့က လိမ္မာအောင် ပြောဆိုပေးတယ်၊ ဒီတော့ ကလေးတွေက လိမ္မာပြီး ကောင်းတဲ့ အမှုတွေကိုသာ ပြုကြရော၊ အဲဒီလို မိဘကောင်း ဆရာကောင်းနဲ့တွေ့တဲ သူတွေဟာ ကုသိုလ်တွေ နောက်ထပ် ရပြန်တယ်၊ ဒီိလို ကုသိုလ်တွေက များတော့ အပါယ်လေးပါးမှာ မဖြစ်ရတော့ဘဲ လူ နတ် စည်းစိမ်ကို အကြိမ်ကြိမ် ခံစားပြီး နိဗ္ဗာန်ရတယ်၊ လိမ္မာဆိုတာလဲ တပည့်ဝတ်ကျေရင် တပည့်လိမ္မာပဲ၊ သားသမီးဝတ်ကျေရင် သားလိမ္မာ သမီးလိမ္မာဖြစ်တယ်။

အဲဒီ ဝတ်တရားတွေကို ဆရာ ရှင်းပြမယ်၊ ကလေးများရတဲ့ စာကလေးကိုရွတ်ကြစမ်း။

တပည့်များ။        ။"ဆည်းကပ်ချဉ်းခ" စသော လင်္ကာကို သံပြိုင် ညီညီရွတ်စေ။

ဗုဒ္ဓဘာသာလက်စွဲ (၁၃) **စိတ်ကောင်းထားကြနော်**

ဆရာ။     ။ဆွမ်းတော် ရေတော် ပန်းတော် မီးတော်များကို ကပ်လှူပူဇော်ရသော ကောင်းမှုကြောင့် အပါယ်လေးပါး မလားရဘဲ လူ နတ်စည်းစိမ်များကို အကြိမ်ကြိမ်ခံစားရပုံ, နောက်ဆုံး၌ ရဟန္တာဖြစ်ပြီး နိဗ္ဗာန်ရပုံကို ကြားသိရပြီနော်၊ ဒီလိုလူတွေဟာ အမှန်တော့ သူတို့ပြုတဲ့ ကောင်းမှုအပြင် နဂိုကလဲ စိတ်ကောင်းရှိတဲ့ သူတွေဖြစ်လို့သာ ဒါလောက် ကြီးကျယ်တဲ့အကျိုးကို ရနိုင်ကြတာဖြစ်တယ်၊ ကလေးများလဲ စိတ်ကောင်း စိတ်ကောင်းထားကြနော်။

တပည့်များ။        ။ဟုတ်ကဲ့ဆရာ။

ဆရာ။     ။စိတ်ကောင်း ရှိပလားဆိုရင် ပြုလိုက်သမျှကောင်းမှုတွေအတွက် (သူ့နောက်က အရိပ်ပါ နေသလို) အခွင့်သာတိုင်းအကျိုးပေးဖို့ ချမ်းသာသုခလဲ အမြဲပါနေတာပဲလို့ ဗုဒ္ဓမြတ်စွာ ဟောတော်မူတယ်၊ ဆရာဖတ်ပြဦးမယ်။

"ကြည်လင်သောစိတ်(ကောင်းသောစိတ်)ဖြင့် ပြောဆိုပြုလုပ်(အားထုတ်ကြံစီ)သူ၏ နောက်သို့ သုခသည် အစဉ်လိုက်ပါနေ၏၊ ဥပမာ-လူရိပ်သည် လူ့နောက်သို့ အစဉ်လိုက်နေသကဲ့သို့တည်း" ။

မနသာ စေပသန္နေန, ဘာသတီ ဝါကရောတိ ဝါ၊

တတော နံ သုခမနွေတိ, သာယာဝ အနုပါယိနိ" ။

(ဓမ္မပဒ, ယမကဝဂ္ဂ, မဋ္ဌကုဏ္ဍလီဝတ္ထု။)

ဆရာ။     ။စိတ်ကောင်းလုိ့ အကျိုးခံစားရတဲ့ ဝတ္ထုတွေ အများကြီးရှိတယ်၊ ဝတ္ထု တစ်မျိုး ဖတ်ပြမယ်၊ မှတ်မိအောင် နားထောင်ကြကွဲ့။

မဋ္ဌကုဏ္ဍလီအကြောင်း။

ငါတို့ဘုရား လက်ထက်တော်အခါ သာဝတ္ထိမြို့၌အလွန်နှမြော ကပ်စေးနဲသော ပုဏ္ဏား သူဌေးကြီးမှာ သားကလေးတစ်ယောက်ရှိလေသည်၊ ထိုပုဏ္ဏားသည် ပန်းထိမ်သည်အား လက်ခ ပေးရမည် စိုးသောကြောင့် သူကိုယ်တိုင် ရွှေပြားခတ်၍ လိပ်ပြီးလျှင် သားကလေးအား နာဍောင်းလုပ်ပေးလေသည်၊[ထိုစင်းချော နားဍောင်းရှိသူ ဖြစ်၍ထိုသားကို "မဋ္ဌကုဏ္ဍလီ" ဟု ခေါ်ကြလေသည်။]

ဗုဒ္ဓဘာသာလက်စွဲ (၁၂) **ရေလှူရသောအကျိုး**

ရေလှူရသောအကျိုး

ဆရာ။     ။ကလေးများကို ရေလှူဖို့ရန်သင်ပေးခဲ့တယ် မဟုတ်လား၊ ရေလှူရတဲ့အကျိုးကို ဆရာဖတ်ပြဦးမယ်။

ပဒုမုတ္တိုရ်မြတ်စွာဘုရား ပရိနိဗ္ဗာန်စံတော်မူပြီးသော အခါ ဗုဒ္ဓဘာသာဝင် လူအပေါင်းတို့သည် ဗောဓိပင်ကို ရေစင်ရေကောင်းတို့ဖြင့် သွန်းလောင်းပူဇော်ကြလေသည်၊ ထိုအခါ အမျိုးသား တစ်ယောက်သည် လှပသောရေအိုး၌ နံ့သာထုံထားသောရေတို့ကို ထည့်၍ ဗောဓိပင်ကို သွန်းလောင်း ပူဇော်လေသည်၊ ထိုအမျိုးသားသည် ထိုဘဝမှ စုတေသော် တုသိတာနတ်ပြည်၌ ဖြစ်၍ ထိုဝမှ နောက်၌ လူမင်းစည်းစိမ် နတ်မင်းစည်းစိမ်ကို အကြိမ်ကြိမ် ခံစားကာ ငါ့တို့ ဘုရား လက်ထက်တော် အခါဝယ် လူ့ဘောင်မှ ထွက်၍ ရဟန်းပြုပြီးလျှင် "ဂန္ဓောဒကိယ  မထေရ်" ဟူသော အမည်အားဖြင့် ထင်ရှားသော ရဟန္တာတစ်ပါးဖြစ်လာလေသည်။ (ဗိဇနိဝဂ္ဂ, ဂန္ဓောဒကိယတ္ထေရ အပဒါန်ပါဠိတော်။)

ရေလှူသော အကျိုးဆယ်ပါး။

ဆရာ။        ။ဘုရားကို ဖြစ်စေ, ရဟန်းသံဃာတော်ကို ဖြစ်စေ သန့်ရှင်းကြည်လင်သော ရေစင် ရေကောင်းကို သောက်ဖို့ ချိုးဖို့ လှူဒါန်းသူဟာ ဖြစ်လေရာဘဝ၌ ဆယ်မျိုးသော အကျိုး ကိုလဲ ရနိုင်တယ်တဲ့ကွယ်၊ အကျိုးဆယ်ပါးကတော့-(၁)အသက်ရှည်ခြင်း, (၂)အဆင်းလှခြင်း, (၃)ချမ်းသာခြင်း, (၄)ခွန်အား(ဗလ) ကောင်ခြင်း, (၅)ဥာဏ်ပညာထက်ခြင်း, (၆)သန့်ရှင်း စင်ကြယ်ခြင်း, (၇)နာမည်ကျော်စောခြင်း, (၈)အခြွေရံပေါခြင်း, (၉)လျင်မြန်ခြင်း,

(၁ဝ)ရေမငတ်ခြင်း အဲဒီဆယ်ပါးပဲ၊ 
ခရီးသွားတုန်း ရေငတ်လာသူကို ဖြစ်စေ, ရေငတ်နေသော ခွေးကလေး ငှက်ကလေးများကို ဖြစ်စေ စိတ်ကောင်းကောင်းနဲ့ ရေတိုက်ပေးရင်လဲ ဒီအကျိုး ဆယ်ပါးကို ရတာကွဲ့၊ ဒါ့ကြောင့် ရေငတ်တဲ့ သူများတွေ့ရင် ရေအလှူပေးကြပါကွယ်၊ [အောက်ပါ ဆောင်ပုဒ်ကို အရကျက်ပါစေ, ဆရာကတိုင်းပေး, တပည့်များက လိုက်ဆို၊]

သက်ရှည်-ဆင်းလှ, ချမ်းသာရ, ဗလ-ဥာဏ်ပညာ။

စင်ကြယ်သန့်ရှင်း, ကျော်စောခြင်း, ခပင်းခြွေရံကာ။

ရေမငတ်ငြား, လျင်မြန်သွား, ဆယ်ပါးရေကျိုးလာ။

ဗုဒ္ဓဘာသာလက်စွဲ (၁၁) **ဘဝတိုင်းမကောင်းမှုလိုက်ပုံ**

ဘဝတိုင်းမကောင်းမှုလိုက်ပုံ

ဆရာ။ ။ သူ့ အသက်သတ်မှုက စ​၍ အရက်သောက်မှုအထိ အမှုတွေဟာ ကောင်းတဲ့ အမှုလား, မကောင်းတဲ့ အမှုလား။

တပည့်များ။    ။ မကောင်းတဲ့အမှုဘဲ ဆရာ။

ဆရာ။ ။ ဒီလို မကောင်းမှုတွေ လုပ်နေရင် (သတ်ကြ, လုကြ, ခိုးကြ လုပ်နေရင်) လူတွေမှာ ချမ်းသာမလား, ဆင်းရဲမလား။

တပည့်များ။    ။ ဆင်းရဲမယ် ဆရာ။

ဆရာ။ ။ အေး, လူတွေကို ဆင်းရဲအောင်လုပ်တဲ့ အလုပ်ဟူသမျှကို “မကောင်းမှု”လို့ မှတ်ထားကြ၊ ဒီ မကောင်းမှုကိုပဲ စာထဲမှာ တော့ “အကုသိုလ်” လို့လဲ ခေါ်တယ်။

ဆရာ။ ။ အဲဒီ မကောင်းမှုဟာလေ ပြုသူကို ဒုက္ခပေးဖို့ရာ အမြဲလိုက်ပါ နေသလိုပဲ ဒီဘဝမှာ ကိုယ်က သူ့ကိုသတ်ရင် နောက်ဘဝတွေမှာ ကိုယ်သတ်မယ့်သူ ပေါ်တတ်တယ်၊ သတ်မယ့်သူ မပေါ်ရင်လဲ လက်နက် တစ်မျိုးမျိုးနဲ့ထိပြီး သေရတတ်တယ်၊ ဒီဘဝမှာ သူ့ကို ကန်းအောင်နှိပ်စက်ရင် နောင်ဘဝ တစ်ခုခုမှာလဲ မျက်စိကန်းအောင် နှိပ်စက် မယ့်သူ ပေါ်လာတတ်တယ်။ ဒီလို ပေါ်မလာရင်လဲ ရောဂါဖြစ်ပြီး ကန်းတတ်တယ်၊ ဗုဒ္ဓမြတ်စွာ ဟောတော်မူတဲ့ တရားတော်ကို ဆရာဖတ်ပြမယ်, နားထောင်ကြစမ်း။

ဗုဒ္ဓဘာသာလက်စွဲ (၁၀) **ငါးပါးသီလ**

ပါဏာတိပါတသိက္ခာပုဒ်

ဆရာ။     ။ “ပါဏာတိပါတာ ဝေရမဏိသိက္ခာပဒံ သမာဒိယာမိ” လို့ဆောက်တည်ထားသူဟာ လူ့အသက်လဲ မသတ်ရဘူး, ကြက်ငှက်တို့ရဲ့ အသက်လဲ မသတ်ရဘူး၊ ကြက်ဥ ဘဲဥ သန်းဥ တို့ကိုလဲ အထဲကအကောင် မပျက်သေးလျှင် မကြော်ရမပြုတ်ရ မတုတ်ရဘူး၊ အသေမသတ်ဘဲ ကြိုးပဲ့ကန်းသွားအောင် နာကျင်အောင်လဲ မညှဉ်းဆဲရဘူး၊ သတ်ဖြတ် ညှဉ်းဆဲတဲ့ သူဟာသေရင် ငရဲ ကျရတတ်တယ်၊ ငရဲက လွတ်ရင် ပြိတ္တာ ဖြစ်တတ်တယ်၊ ကလေးမျာမှာ ကိုယ်ချင်းစာတရား အမြဲရှိရမယ်၊ ကလေးများကို သူများက သတ်ရင် ညှဉ်းဆဲရင် သဘောကျသလား, မကျဘူးလား။

တပည့်များ။        ။ သဘောမကျဘူး ဆရာ။

ဆရာ။     ။ အေး, ကိုယ်ကို ရိုက်နှက် ညှဉ်းဆဲရင်နာသလို ကလေးများက နိုင်တဲ့ သူကို ညှဉ်းဆဲရင် နာမှာဘဲ, မခံချင်မှာဘဲ၊ဒါကြောင့် ကိုယ်ချင်းစာပြီး သူများကို မညှဉ်းဆဲ ရဘူးလို့ ဘုရားက ဟောတော်မူထားတယ်၊ ဆရာဖတ်ပြမယ်။

သတ္တဝါဟူသမျှတို့သည် တုတ် (ဓားစသည်) မှ ကြောက်ကြကုန်၏၊ သတ္တဝါဟူသမျှတို့သည် သေရမည်မှ ကြောက်ကြကုန်၏၊ မိမိ(ကြောက်လန့်မှု) ကို ဥပမာပြု၍ (ကိုယ်ချင်းစာ၍ ) သူတစ်ပါးကို မညှဉ်းဆဲရ, မသတ်ရ”။

သဗ္ဗေ တသန္တိ ဒဏ္ဍဿ, သဗ္ဗေ ဘာယန္တိ မစ္စုနော၊

အတ္တာနံ ဥပမံ ကတွာ, န ဟနေယျ န ဃာတယေ။

(ဓမ္မပဒ, ဒဏ္ဍဝဂ္ဂ, ဆဗ္ဗဂ္ဂိယဘိက္ခု ဝတ္ထု၊)