ဗုဒ္ဓဘာသာလက်စွဲ (၂၀) **ဒုစရိုက် သုစရိုက်စစ်တမ်း**

ဒုစရိုက် သုစရိုက်စစ်တမ်း။

ဆရာ။     ။ ကိုင်း ရှေ့၌ ဟောတော်မူတဲ့ “မတရားသော မမျှတသော အကျင့်” ဆိုတာဒုစရိုက် သုံးမျိုးဖြစ်ကြောင်း, “တရာမျှတသော အကျင့်” ဆိုတာ သုစရိုက် သုံးမျိုး ဖြစ်ကြောင်းထင်းရှားပြီး မဟုတ်လားကွဲ့၊ ဒီတော့ “ဒုစရိုက်ဆိုတာ ဘာလဲ, သုစရိုက်ဆိုတာ ဘာလဲ” လို့ ကလေးများ သိချင်ကြတယ် မဟုတ်လား။

တပည့်များ။        ။  သိချင်ပါတယ်ဆရာ။

ဆရာ။     ။ [ဒု=မကောင်းသော+ စရိုက်=(စရိတ) အကျင့်၊] မကောင်းသော အကျင့်တွေကို “ဒုစရိုက်” ဟုခေါ်တယ်၊ ကိုယ်ဖြင့် ပြုကျင့်ရသော ဒုစရိုက်ကို “ကာယဒုစရိုက်”၊ နှုတ်ဖြင့် ပြော၍ကျင့်ရသော ဒုစရိုက်ကို “ဝစီဒုစရိုက်”၊ စိတ်ဖြင့် ကြံစီ၍ကျင့်ရသော ဒုစရိုက်ကို “မနောဒုစရိုက်” ဟုခေါ်တယ်၊ နားလည်ကြရဲ့လား။

တပည့်များ။        ။ နားလည်ကြပါတယ် ဆရာ၊ သုစရိုက်သုံးပါးကတော့ ဘယ်လိုဟာပါလဲ။

ဆရာ။     ။ [သု=ကောင်းသော+စရိုက်(စရိတ)=အကျင့်၊]ကောင်းသောအကျင့်တွေကို “သုစရိုက်” ဟုခေါ်တယ်၊ ကိုယ်ဖြင့် ပြုကျင့်ရသော “ကာယသုစရိုက်”၊ နှုတ်ဖြင့် ပြောဆိုကျင့်ရသော “ဝစီသုစရိုက်”၊ စိတ်ဖြင့် ကြံစီ၍ ကျင့်ရသော “မနောသုစရိုက်” ဟုသုံးပါးရှိတယ်။

တပည့်များ။        ။ ဘယ်လို ကျင့်တော့ ဒုစရိုက်, ဘယ်လိုကျင့်တော့ သုစရိုက် ဖြစ်ပါသလဲဆရာ။

ဆရာ။     ။ ကလေးများသိပြီးဖြစ်တဲ့ ငါးပါးသီလကို ပြန်မေးမယ်၊ စိတ်ထဲထင်တာ ဖြေနော်၊ သူ့အသက်ကိုသတ်တာဟာ ကောင်းတဲ့ ပြုကျင့်မှုလား, မကောင်းတဲ့ပြုကျင့်မှုလား။

တပည့်များ။        ။ မကောင်းတဲ့ ပြုကျင့်မှု။

ဆရာ။     ။ ဒါဖြင့် ပါဏာတိပါတာဟာ ဒုစရိုက်လား, သုစရိုက်လား။

တပည့်များ။        ။ ဒုစရိုက်။

ဆရာ။     ။ သူ့အသက် မသတ်ဘဲ(သနားညှာတာတဲ့) ပါဏာတိပါတာ ဝေရမဏိ သိက္ခာပုဒ် ဟာ ကောင်းတဲ့အကျင့်လား, မကောင်းတဲ့အကျင့်လား(သုစရိုက်လား, ဒုစရိုက်လား)။

တပည့်များ။        ။ ကောင်းတဲ့အကျင့်(သုစရိုက်)၊

             [ဤနည်းအတိုင်း ငါးပါးသီလကို မေးပါ။ 

ဆရာ။     ။ သူ့အသက်သတ်မှု, သူ့ဥစ္စာ ခိုးမှု လုယက်မှု, သူ့မယား သူ့သမီးကို လွန်ကျူးမှု, (ကိုယ့်ယောကျာ်းမဟုတ်သူနှင့် ဖောက်ပြန်မှု) အဲဒီသုံးပါးကို ဘာနဲ့ပြုကြရသလဲ, ကိုယ်နဲ့လား, နှုတ်နဲ့လား, စိတ်နဲ့လား၊ အများပြုနေတာကို ပြောကွဲ့။

တပည့်များ။        ။ ကိုယ်နဲ့ပြုရတယ်ဆရာ၊ [“ကိုယ်နဲ့ပြုရလျှင် ဘာဒုစရိုက် ခေါ်မလဲ” ဟု ဆက်မေး…. “ကာယဒုစရိုက် ခေါ်မယ်” ဟုဖြေတတ်ပါစေ။]

ဆရာ။     ။ မုသားပြောမှု (လိမ်ပြောမှု)ကိုဘာနဲ့ပြုသလဲ, ကိုယ်နဲ့လား, နှုတ်နဲ့လား, စိတ်နဲ့ လား။ အများပြုတာကိုဖြေကွဲ့။

တပည့်များ။        ။ နှုတ်နဲ့ဆရာ၊ [“နှုတ်နဲ့ပြုလျှင် ဘာ ဒုစရိုက်ခေါ်မလဲ” ဟုမေး၍ “ဝစီဒုစရိုက် ခေါ်မယ်”ဟုဖြေတတ်ပါစေ။]

ဆရာ။     ။ ကဲ ကဲ, ငါးပါးသီလထဲ မပါပေမယ့် မေးရဦးမယ်၊ …သူများပစ္စည်းကို “ငါ့ဟာ ဖြစ်လျှင်ကောင်းမှာပဲ” ကြံစီမှု, “ဒီအကောင် သေသွားလျှင်ကောင်းမှာပဲ” ဟုကြံစီမှု, “နောက် ဘဝဆိုတာ မရှိနိုင်ပါဘူး” ဟု တွေးတောမှုများကို ကောင်းတဲ့အကျင့်ခေါ်မလား, မကောင်းတဲ့ အကျင့်ခေါ်မလား။

တပည့်များ။        ။ မကောင်းတဲ့ အကျင့်လို့ခေါ်မယ် ဆရာ။

ဆရာ။     ။အဲဒီအကျင့်တွေကို ကိုယ်နဲ့ ပြုရသလား, နှုတ်နဲ့လား, စိတ်နဲ့လား။

တပည့်များ။        ။စိတ်နဲ့ပြုရတယ် ဆရာ၊ [“ဘာဒုစရိုက်ခေါ်မလဲ” ဟုမေး, “မနော ဒုစရိုက် ခေါ်မယ်”ဟုဖြေတတ်ပါစေ။]

ဆရာ။     ။သူများဥစ္စာ တိုးတက်တာတွေ ဝမ်းမြောက်မှု, သူများအသက် ရှည်စေချင်မှု, “နောက်ဘဝ ရှိတယ်, ပေးကမ်းလှူဒါန်းလျှင် နောက်ဘဝမှာဥစ္စာပေါမယ်” စသော တွေးတောမှု များကို ကောင်းသောအကျင့် ဆုိုမလား, မကောင်းသောအကျင့်ဆိုမလား။

တပည့်များ။        ။ ကောင်းသောအကျင့် ဆိုမယ်၊ [“ဘာ သုစရိုက်ခေါ်မလဲ” ဟုမေး, “မနော သုစရိုက် ခေါ်မယ်” ဟုဖြေတတ်ပါစေ။]

ဆရာ။     ။ ကိုယ်နှုတ်စိတ်တို့ဖြင့် မကောင်းပြုကျင့်မှု “ဒုစရိုက်”စုကို  သတ္တဝါများအပေါ်၌ မတရား, မမျှတသောအကျင့်ဟုဆိုမလား၊ တရားမျှတသော အကျင့်ဟုဆိုမလား [ဥပမာ..သူ့အသက်သတ်တာ တရားသလား, မတရားဘူးလား။]

တပည့်များ။        ။ “မတရား မမျှတသော အကျင့်” ဟုဆိုမယ်။

ဆရာ။     ။ ကိုယ် နှုတ် စိတ် တို့ဖြင့် ကောင်းကောင်းပြုမှု “သုစရိုက်” စုကို သတ္တဝါများ အပေါ်၌ မတရားမမျှတသော အကျင့်ဟုဆိုမလား, တရားမျှတသော အကျင့်ဟုဆိုမလား၊ [ဥပမာ…သူများကို သတ်လိုတဲ့စ်ိတ်မဖြစ်ဘဲ သနားညှာတာစိတ် ဖြစ်နေတာဟာ တရားသလား, မတရားဘူးလား။]

တပည့်များ။        ။ တရားတယ်ဆရာ။

ဆရာ။     ။ အေး, မကောင်းသောအကျင့် ဒုစရိုက်စုကို မတရား မမျှတဘူးလို့ မှတ်ထားကြ၊ ကောင်းသော အကျင့် သုစရိုက်စုကိုလဲ တရားမျှတတယ်လို့မှတ်ထားကြနော်။

တပည့်များ။        ။ ဟုတ်ကဲ့ ဆရာ။

ဆရာ။     ။ မတရားမမျှတတဲ့ ဒုစရိုက်ကို ပြုတဲ့သူဟာ ပြုပြီးတဲ့နောက် (နောင်တရတဲ့အခါ) သူ့ကိုယ်သူ လူကောင်းတစ်ယောက်လို့ ထင်မလား, လူဆိုးတစ်ယောက်လို့ ထင်မလား။

တပည့်များ။        ။ သူ့ကိုယ်ကို လူဆိုးလို့ထင်မယ်။

ဆရာ။     ။ ကိုယ့်ကိုယ်ကို လူဆိုးလုိ့ထင်နေတာဟာ မိမိကိုယ်ကို မိမိဘာသာ ကဲ့ရဲ့ စွပ်စွဲ တာပဲကွဲ့၊ အမြှော်အမြင်ရှိတဲ့ လူကြီးလူကောင်းများကတော့ အဲဒီလူကို ချီးမွမ်းမလား, ကဲ့ရဲ့မလား။

တပည့်များ။        ။ ကဲ့ရဲ့မှာပဲ ဆရာ။

ဆရာ။     ။ ဒီလို ကဲ့ရဲ့ခံရလျှင် သူ့မှာ ကောင်းတဲ့သတင်း (ကောင်းတဲ့နာမည်)ကျော်မလား, မကောင်းတဲ့ သတင်း(မကောင်းတဲ့နာမည်)ကျော်မလား။

တပည့်များ။        ။ မကောင်းသတင်း(မကောင်းတဲ့နာမည်)ကျော်မှာပဲ ဆရာ။

ဆရာ။     ။ အေး, ဒီလိုလောကကြီးထဲမှာ မကောင်းဘူးလို့ဆိုရတဲ့သူတွေဟာ သေလျှင် ငရဲ တိရစ္ဆာန် ပြိတ္တာဖြစ်ကြရတာဘဲကွယ်ရို့၊ တရားမျှတတဲ့ သုစရိုက်တွေလုပ်တဲ့သူများမှာတော့ ဒီဘဝမှာ နာမည်ကောင်း သတင်းကောင်းတွေကျော်ပြီးတော့ သေတဲ့အခါ နတ်ပြည် လူ့ပြည်မှာ ဖြစ်ကြရတာပဲကွဲ့၊ ကဲ ကဲ, ကလေးများဒါလောက်နားလည်ပြီးလျှင်ဗုဒ္ဓမြတ်စွာရဲ့ တရားတော်ကို ဆက်ဖတ်ပါဦး။