စာသင်တိုက်ကျောင်းဆောက်မှု
ကျောင်းဆောက်မှု၌
စဉ်းစားထိုက်သော အချက်တွေများလှ၏၊ စာသင်တိုက်ဟူသမျှ အသစ်တည်ရတော့မည်ဖြစ်လျှင် ကံကြီး
ကံငယ် ပြုဖို့ရန် သိမ်လည်း ဖြစ်နိုင်, စာချကျောင်းလည်း ဖြစ်နိုင်, ဘုရားဆင်းတုတော်
သီတင်းသုံး၍ ဘုရားဝတ်ပြုကြဖို့ရာ ဘုရား ကျောင်းလည်း ဖြစ်နိုင်, ကာလအားလျော်စွာ စည်းဝေးဟောပြော
ဖို့ရာ ဓမ္မာရုံလည်း ဖြစ်နိုင်သော အလယ်ကျောင်းကြီးတစ်ကျောင်း (မြို့ရွာဒေသလိုက်၍) ခပ်ကောင်းကောင်း
ဖြစ်ရန်လိုပေသည်၊ ထို ကျောင်းကြီးကို ပစ္စည်းတတ်နိုင်သူ တစ်ဦးတစ်ယောက်က မတည်၍ မြို့ရွာက
ဝိုင်းဝန်းကြပြီးလျှင် တစ်မြို့လုံးနှင့်ဆိုင်သော ကျောင်း ဖြစ်မှသာ ရပ်သူ ရွာသားတို့
သာ၍ ညီညွတ်ဖွယ်ရှိသည်။
ထို့နောက် သံဃာအများ နေထိုင်ဖို့ရာ (စာချဘုန်းကြီးများနှင့် စာသင်သားများအတွက်)
နှစ်ပါးနေ သုံးပါးနေ မိုးလုံ လေလုံ ခပ်ကြမ်းကြမ်း ကျောင်းကလေးတွေနှင့် ဆွမ်းစားကျောင်းကို
လည်းကောင်း, သံဃာအလွန်များလျှင် စာချဖို့နေရာများကိုလည်းကောင်း အစီအစဉ်ကျကျနှင့် သပ်သပ်ရပ်ရပ်
တည်ဆောက်သင့်ကြပေသည်၊ အနီးအပါး ကျောင်းဟောင်း ကျောင်းပျက် ဇရပ်ပျက်များကိုလည်း “၀ိနည်းတော်နှင့်
မဆန့်ကျင်သော ကျောင်း ဇရပ်”ဟု စိတ်ချရလျှင် ရွှေ့ပြောင်း ဆောက်သင့်၏၊ နဂိုက ၀ိနည်းတော်နှင့်
အပ်စပ်ပုံမရသော ကျောင်းများကို မူလစပ်ဆိုင်သော ဆွေမျိုးများက သူတို့ပိုင် ပစ္စည်းဟု
သဘောထား၍ သယ်ယူရွှေ့ပြောင်း လှူလျှင် အပ်တော့သည်သာ၊ ထိုသို့ ကျောင်းဆောက်ပြီးနောက် စားရေးသောက်တာ
အတွက်ကိုမူ ဂေါပကအဖွဲ့နှင့် ရပ်ရွာမြို့နယ်ကို အားထားရပေ လိမ့်မည်။ [ဤနေရာ၌ ဆိုင်ရာကျောင်းတိုက်များ၏
စည်းကမ်း ဥပဒေကိုလည်း သီးခြား ရေးသင့်၏။]
အုပ်ချုပ်သောပုဂ္ဂိုလ်
အားလုံးသော ကျောင်းထိုင် တိုက်အုပ်ဆရာတော်များသည် မိမိ တစ်ပါး၏
ကောင်းကျိုးထက် အများ၏ ကောင်းကျိုးကို ရှေ့ရှုသော စိတ်ဖြင့် တပည့် ပရိသတ် ရပ်ရွာ ဒကာ
ဒကာမတို့ကို အမြဲ ညှာတာစိတ် ရှိသင့်၏၊ သူတို့၏ တိုးပွားကြောင်း နည်းလမ်းကိုသာ ပြုကျင့်နေထိုင်
သင့်၏၊ ၀ိနည်းတော်လာ “ကျောင်းထိုင်အင်္ဂါ”ခေါ်
ဥပဇ္ဈာယ်ဆရာ ဖြစ်ထိုက်သော ဂုဏ်အင်္ဂါနှင့် ပြည့်စုံသော ပုဂ္ဂိုလ်များချည်း ဖြစ်စေသင့်သည်၊
ဟဥပဇ္ဈာယ်ဆရာ၏ ဂုဏ်အင်္ဂါကို ရှေး၌ ပြခဲ့ပြီ၊“ ထို့ပြင်
ရွာကျောင်းအုပ်ချုပ်သော ဘုန်းတော်ကြီးသည်
အနည်းဆုံး မူလတန်းနှင့်ညီမျှသော သင်ခန်းစာများကို ပို့ချနိုင်သောပုဂ္ဂိုလ် ဖြစ်စေသင့်သည်၊
ကျောင်းတိုက်ကို အုပ်ချုပ်ကြသော ဆရာတော် များကား သတ်မှတ်ထားသော အဆင့်အတန်းကို နိုင်နင်းစွာ
ပို့ချ နိုင်သော ဆရာတော်များချည်း ဖြစ်စေသင့်သည်။
မှတ်ချက်။ ။ မူလတန်းကျောင်း၌ မိန်းကလေးများကို လက်မခံရ၊
မိန်းကလေးများနှင့် အချို့ယောက်ျားကလေးများ အတွက်ကား လူဝတ်ကြောင်များ၏ စာသင်ကျောင်းများ
ရှိပေလိမ့် မည်၊ ထိုစာသင်ကျောင်းများလည်း (ရွာငယ်များအတွက် အနီးအပါး နှစ်ရွာ သုံးရွာ
ပေါင်းစပ်၍) မရှိ ရှိအောင် တည်ထောင်ပြီးလျှင် စာသင်ချိန် ကလေးဟူသမျှ စာသင်ကျောင်း၌
မသင်မနေရဟု အစိုးရက ပညတ်သင့်သည်၊ ထို့ကြောင့် စာသင်ကျောင်းများရှိရာ ရွာတို့၌ စာသင်တိုက်က
တာဝန်ယူဖွယ် မလို။
ဂေါပကအဖွဲ့
ကြီးသည်ဖြစ်စေ,
ငယ်သည်ဖြစ်စေ ကျောင်းတိုက်တိုင်း၏ ဂေါပကအဖွဲ့ ရှိသင့်၏၊ ထိုဂေါပကအဖွဲ့များကား ကျောင်းဒကာ
ကျောင်းအမ စသူတို့၏ ဆိုင်ရာနှင့် ရွာ လူကြီးများအပြင် ထိုကျောင်းအတွက် အထူးကြောင့်ကြစိုက်နေသော
လူကောင်းများ ဖြစ်စေသင့်၏၊ ထိုဂေါပကအဖွဲ့၏ တာဝန်မှာ အလှူ ဒါန ရသမျှကို ထိန်းသိမ်းစောင့်ရှောက်၍
ကျောင်း၌ လိုသမျှကိုသာ တဖြည်းဖြည်း လှူရန်ဖြစ်၏၊ ဂေါပကအဖွဲ့ဝင်တို့ ထိန်းသိမ်းရမည့်
ပစ္စည်းမှာ ဆွမ်းအတွက် ဆေးအတွက် (သင်္ကန်းလိုလျှင် သင်္ကန်း အတွက်) စာအုပ် ခဲတံ စသည်တို့အတွက်
ရည်မှန်း၍ ကျောင်း န၀ကမ္မအဖြစ်ဖြင့် လှူဒါန်းထားသော ရှင်ပြုစသည်မှ ရအပ်သော ပစ္စည်းများနှင့်
အစိုးရက ထောက်ပံ့သော ပစ္စည်းများသာ ဖြစ်ပါ လိမ့်မည်၊ ထိုဂေါပကအဖွဲ့ဝင်တို့၏ အထူး လိုလားအပ်သော
အရည် အချင်းမှာ သာသနာကို စောင့်ရှောက်လိုသော စိတ်နှင့် ၀ိနည်းတော် ကို အတော်များများ
နားလည်ထားခြင်းတည်း၊ [ဂေါပကအဖွဲ့၏ တာဝန်များကိုလည်း စည်းမျဉ်းထား၍ သီးခြားစီစဉ်သင့်ပေသည်၊၊]
ဒါနပစ္စည်း သိမ်းဆည်းမှု
သား
ရှင်ပြု သမီး မင်္ဂလာ စသော ကိစ္စတို့၌ ဘာသာရေးအရ ဒါနများ ပြုလေ့ရှိရာ အနာဂတ်ကာလ၀ယ် ကျောင်းတိုက်၌
အမှန်လိုအပ်သော ပစ္စည်းများကိုသာ လှူသင့်၏၊ ဥပမာ…သံဃာများ၌ ဆွမ်း ရှားပါးနေလျှင် ဆွမ်းဆန်
စသည်ကိုသာ ဂေါပကအဖွဲ့ထံ အပ်နှံ၍ သံဃာတော်များအား ပင့်ဖိတ်လှူဒါန်းသင့်၏၊ ၀ိနည်းနားလည်သော
ဂေါပကအဖွဲ့ကား န၀ကမ္မအား လှူဒါန်းအပ်သော ငွေကိုပင် ၀ိနည်းတော်နှင့် လျော်ညီအောင် စီစဉ်၍
လှူဒါန်းတတ်ပါလိမ့်မည်၊ [ န၀-အသစ်+ကမ္မ-အလုပ်၊ ကျောင်းတိုက်၌ အသစ် အသစ်ပြုလုပ်ဖွယ် အလုပ်ကို
“န၀ကမ္မ”ဟု ခေါ်၏၊ ထိုအလုပ်များ၌ ကုန်ကျ သုံးစွဲဖို့ရန် လှူဒါန်းခြင်းကို “န၀ကမ္မအား လှူဒါန်းခြင်း”ဟု
ခေါ်၏၊ ထိုသို့ လှူရာ၌ မည်သည့် ပုဂ္ဂိုလ်မျှ မပိုင်၊ သို့သော် ထိုပုဂ္ဂိုလ်များ၏ ဆိုင်ရာ
အလုပ်၌ကား ထိုငွေဖြင့် ကပ္ပိယဒါယကာများက သုံးစွဲနိုင်သည်။]
တစ်ရံတစ်ခါ ကျောင်းဒကာ ကျောင်းအမ စသူတို့က ၀တ္ထုကံ အဖြစ်ဖြင့် လယ်ယာများကိုလည်း
ကျောင်းအား လှူတတ်၏၊ (ယခု ကာလ၌ ၀တ္တကဟု ခေါ်သည်၊) ထိုဝတ္ထုကံလယ်ယာစသည်ကိုလည်း ဂေါပကအဖွဲ့ကပင်
စီစဉ်ပေးရလိမ့်မည်၊ ပုဂ္ဂိုလ်တစ်ပါးအား ဖြစ်စေ, တိုက်သံဃာများအားဖြစ်စေ မည်သည့်နည်းနှင့်မျှ
ငွေကိုလည်းကောင်း, လယ်ယာကိုလည်းကောင်း တိုက်ရိုက် မလှူကောင်း။
စာသင်စည်းကမ်း
မူလတန်းကျောင်းများမှ
စ၍ တက္ကသိုလ်ကျောင်းများအထိ စာသင်နည်းစည်းကမ်း ရှိသင့်၏၊ (ကျမ်းစာအသုံးအနှုန်း ကွဲလွဲစေကာမူ)
အတန်းထားပုံချင်းမှာ တစ်မျိုးတစ်စားတည်း ဖြစ်စေသင့်၏၊ ဥပမာ…သဒ္ဒါဗျာကရုဏ်းကို လေ့လာကြရာ၌
ကျောင်းတိုက်အချို့က ဗာလာဝတာရ, အချို့က ကစ္စည်းသဒ္ဒါကြီး, အချို့က ရူပသိဒ္ဓိ, အချို့က
မောဂ္ဂလ္လာန်ဟု အမျိုးမျိုး လေ့လာကြသော်လည်း ပဒမာလာ စဉ်တတ်ခြင်း, ရုပ် အကျဉ်း တွက်တတ်ခြင်း,
သဒ္ဒါနည်းအရ ပါဠိဝါကျကို ရှင်းလင်း နိုင်ခြင်းအားဖြင့် အရည်အချင်း တူမျှပုံမှာ ထူးမခြားနား
ဖြစ်စေသင့်၏၊ ထို့ကြောင့် အတန်းစာမေးပွဲများ၌ ဆိုင်ရာ သုတ်, သုတ်နက် ရခြင်း, မရခြင်းကို
လိုရင်းထား၍ မေးမြန်းခွင့် ရှိစေလိမ့်မည်မဟုတ်၊ ထိုအတန်း အားလုံးလည်း အစိုးရ အသိအမှတ်
ပြုထားသော အတန်းချည်းသာ ဖြစ်စေပါလိမ့်မည်။
ကျောင်းတိုက်ချင်း ဆက်သွယ်ပုံ
မူလတန်းကျောင်းမှ
စ၍ မိမိတို့ နီးစပ်ရာ အတွင်းရှိ ကျောင်းများသည်
တစ်ကျောင်း နှင့်တစ်ကျောင်း ဆက်သွယ်ရပေလိမ့်မည်၊ ဥပမာ…မူလတန်းကျောင်းမှ ကျောင်းသား
သာမဏေများသည် ရှေ့သို့ တိုး၍ သင်လိုလျှင် မိမိတို့ နယ်ပယ်ရှိ တတိယတန်း ဒုတိယတန်း ပထမတန်းစားကျောင်းများတွင်
နီးကပ်လျက်ရှိသော ကျောင်း တိုက်များသို့ ပြောင်းရွှေ့ သင်ယူစေကြရမည်၊ မြို့ကြီး တိုက်ကြီး
များသို့ မသွားစေရ၊ မြို့ကြီး၌ တည်ရှိသော တက္ကသိုလ်တိုက်ကြီး များ၌လည်း နယ်မှ အတန်း
မဆုံးသေးသူကို လက်မခံရဟု ဆိုလိုသည်။ [ဤသို့ နယ်ရှိတိုက်များသို့ သွားစေရခြင်း၏ အကျိုးကို
ရှေ့၌ ပြခဲ့ပြီ။]
အတန်းနှင့်ကျမ်းစာ ပြဋ္ဌာန်းရေး
ဤအချက်မှာ နောင်ခါ ကျနစွာ အလုပ် လုပ်ချိန်၌ ညှိနိုင်း တိုင်ပင်ရမည့် အချက်ဖြစ်၏၊ သို့ရာတွင်
အကြမ်းအားဖြင့် မှန်း ထားချက်ကို ဖော်ပြဦးမည်၊ မူလတန်းကျောင်းများ၌ ယခုခေတ် လူများ၏
မူလတန်းကျောင်းကဲ့သို့ အတန်းများ သတ်မှတ်သင့်၏၊ ဤအချိန်မှာ ပါဠိ ပိဋကစာပေဘက်က များစွာ
အရေးမကြီးလှသေး၊ လူ့ဘောင်၌ ရေးတတ် ဖတ်တတ် တွက်ချက်တတ်မှုနှင့် လူမှုရေးရာ လိမ္မာမှုကိုသာ
ဂရုပြု၍ ဘာသာရေးအခြေခံ သိတန်သောအချက် များကိုလည်း နားလည်အောင် သင်ပြလိုက်ရမည်၊ တတိယ
ဒုတိယ ပထမတန်းကျောင်းတိုက်တို့ ကား ရဟန်းဘ၀၌ နေမည့် ပုဂ္ဂိုလ်များ အတွက်သာ ဖြစ်၍ ပါဠိပိဋကပညာရပ်များကိုသာ
သင်ပြရပေမည်။
ထိုသို့ သင်ပြရာ၌ ပိဋကပါဠိတော်ကို သဒ္ဒါ သင်္ဂြိုဟ်မှ စ၍ (၁၀)နှစ်မျှ
သင်ယူရလျှင် အားလုံးပေါက်ရောက်ပြီး ဖြစ်စေသင့်၏၊ ထိုသို့ ဖြစ်နိုင်လောက်အောင်လည်း
(၁၀)တန်း ခွဲခြား၍ ထားရမည်၊ ထိုသို့ ခွဲခြားပြီးလျှင် တတိယတန်းကျောင်းများ၌ (၅)တန်းလောက်,
ဒုတိယတန်းကျောင်းများ၌ (၇)တန်းလောက်, ပထမတန်းကျောင်း များ၌ ပထမတန်းမှ စ၍ (၁၀)တန်းအထိ
သင်ပြနိုင်စေရမည်။
တက္ကသိုလ်ပညာ
တက္ကသိုလ်ကျောင်းများ၌ကား
ပါဠိဘာသာကို (၁၀)တန်းအထိ သင်ယူပြီးနောက် ထူးခြား သော အရည်အချင်းရှိ ပုဂ္ဂိုလ်များကိုသာ
ရွေးချယ်လက်ခံသင့်၏၊ ထိုတက္ကသိုလ်ဝင် အရှင်တို့ သင်ကြရမည့် ပညာရပ်များကား …
၁-ကျောင်းတိုက်အုပ်ချုပ်၍
ဆရာလုပ်နည်း၊
၂-ကျမ်းစာရေးသား၍
ပြင်ဆင်နည်း၊
၃-တရားဟောနည်းနှင့်
သြ၀ါဒပေးနည်း၊
၎-သက္ကတ
ကျမ်းစာများ၊
၅-ဟိန္ဒီ,
အင်္ဂလိပ်စသော ခေတ်အလိုက် သိထိုက်သော ဘာသာများတည်း၊
ထိုတွင်
၁-၂-၃ သည် မသင် မနေရသော မူလ ပညာရပ်ဖြစ်၍ ၄-၅ တို့မှာ သင်လိုမှ သင်ရမည့် အပိုဘာသာများ
ဖြစ်စေသင့်သည်၊ တက္ကသိုလ်ပညာ လုံလောက်ပြီးသော ဆရာတော် များသည် မိမိဆိုင်ရာ ကျောင်းတိုက်များသို့
ပြန်၍ အုပ်ချုပ်ခြင်း, ကျောင်းတိုက်သစ် တည်ခြင်း, စာပေရေးသား ပြင်ဆင်ခြင်း, တရား ကျင့်ခြင်း,
တရားဟောခြင်းဖြင့် အမျိုးဘာသာ သာသနာအကျိုးကို ရွက်ဆောင်နေကြပေလိမ့်မည်၊ ပါဠိနှင့်ဟိန္ဒီ
သက္ကတ အင်္ဂလိပ် (ဘာသာစုံ)တတ်သူတို့ကား နိုင်ငံခြားတိုင်အောင် ဟောပြောခြင်း ရေးသားခြင်းတို့ဖြင့်
မြန်မာပြည်၏ အောင်လံတံခွန် ထူးချွန်သူများ ဖြစ်သင့်ကြပေသည်။
ကျောင်းတိုက်များ၌ အထောက်အပံ့
တက္ကသိုလ်ကျောင်းတိုက်
မဟုတ်သော ကျောင်းတိုက်များကို ဆိုင်ရာနယ်ပယ်ကို
အားကိုး၍ တည်ဆောက်ရမည်ဖြစ် သောကြောင့် ဆိုင်ရာနယ်ပယ်၏ အကူအညီကို မျှော်လင့်စရာရှိ၏၊
ရှင်းပြဦးအံ့…ဆရာတော်မှ စ၍ အားလုံးပုဂ္ဂိုလ်များသည် (ကျန်းမာ ပါလျှင်) ဆွမ်းခံကြရမည်ဖြစ်၏၊
ထို့ကြောင့် ဆွမ်းခံ၍ ရလောက် သော ရွာကြီးနှင့် မြို့များ၌သာ စာသင်တိုက် အကြီး အငယ်
တည်ဆောက်ရပေလိမ့်မည်။
စာသင်သားတို့ကို လက်ခံရာ၌လည်း… အစားအသောက် တတ်နိုင်ရုံလောက်သာ
နှိုင်းချိန်၍ လက်ခံသင့်ပေသည်၊ စာသင်သား နှင့် စာချပုဂ္ဂိုလ်ဟူသမျှသည် နှစ်ထပ်ဘုဉ်းပေးရမှ
သင့်လျော်မည်၊ ထိုကဲ့သို့ နှစ်ထပ်မပြည့်စုံလျှင် နံနက်စောစောတွင် ယာဂုဘုဉ်းပေး၍ မွန်းလတ်အချိန်တွင်
ဆွမ်းတစ်ထပ်နှင့်လည်း ပြီးနိုင်၏၊ ထိုမျှလောက် မပြည့်စုံလျှင်ကား တရားကျင့်သော ပုဂ္ဂိုလ်များနေရာသာ
ဖြစ်သင့် တော့သည်။
စာအောင်ပုဂ္ဂိုလ်အနည်းအများလိုက်၍ အစိုးရထောက်ပံ့သော ပစ္စည်းများနှင့်
ရပ်ရွာနယ်ပယ်မှ ဒါနပစ္စည်းများလည်း ရှိပေလိမ့် ဦးမည်၊ ထိုဒါနပစ္စည်းများကို ဂေါပကအဖွဲ့က
သိမ်းဆည်း၍ အရေး ကြီးသော ဆွမ်း, ဆေးကိစ္စ၌ အသုံးချသင့်ပေသည်။ [ နေရာကျောင်း များကား
ဆိုင်ရာဓနရှင်များနှင့်ကျောင်းဒကာစသူတို့က ကြည်ဖြူစွာ လှူဒါန်းကြမည့်ပြင် သင်္ကန်းများကိုလည်း
ဆွေမျိုးမိဘနှင့် ရဟန်း ဒကာ ဒကာမများက တာဝန်ယူကြပေလိမ့်မည်။]
စာချရရှိရေးနှင့် သက်သာရေး
သာသနာရေးကို
စ၍ ပြင်ရာ၌ ကျောင်းထိုင်စာချ ပုဂ္ဂိုလ်များကို
ခပ်မြန်မြန် ရအောင် တက္ကသိုလ်ကျောင်းတိုက်
တစ်တိုက်လောက် အရေးတကြီး တည်ထောင်၍ ရွေးချယ်ကာ အစိုးရအသိအမှတ်ပြု အပ်သော ကျောင်းတိုက်များ
အမြန်ဆုံး ရစေရမည်၊ နှစ်ပေါင်း အတော်ကြာလျှင် တက္ကသိုလ်ကျောင်းမှ ဂုဏ်ထူးရသောကျောင်းထိုင်
ဆရာတော်များ အများအပြား ပေါ်ထွက်လာပါလိမ့်မည်။
ကျောင်းထိုင်စာချပုဂ္ဂိုလ်များလည်း တိုက်တာ အကြီးအငယ် အား လျော်စွာ
တစ်တိုက်မှာ လေးပါး, ငါးပါးစသည် ရှိရပေသည်၊ ထိုပုဂ္ဂိုလ်များ၏ ဘောဇနသပ္ပာယဖြစ်မှုလည်း
လွန်စွာအရေးကြီး၏၊ စာပေပို့ချရသည့်အတွက် နဂိုအားအင် ဆုတ်ယုတ်မသွားအောင် မျှတလောက်သော
ဘောဇဉ်ဟင်းလျာနှင့် ညနေ အဖျော်များရသင့် သည့်အပြင် (ခမ်းနားကြီးကျယ်ခြင်း မရှိသော)
သန့်ရှင်းသပ်ရပ် သော နေရာထိုင်ခင်းနှင့် ဆေးဝါးများကိုလည်း အမြဲရသင့်ပေသည်။
ထို့ပြင် စာချဘုန်းကြီးများ၏ မိဘများ ဆင်းရဲနွမ်းပါးနေလျှင် ထိုမိဘများ၏
စားသောက်နေထိုင်ရေးလည်း မယုတ်မလွန်ရအောင် စီမံပေးသင့်၏၊ ထိုအလုံးစုံအတွက် ဆိုင်ရာဒကာ
မရှိပါမူ (သို့မဟုတ်) ဂေါပကအဖွဲ့မှာ ဆောင်ရွက်နိုင်လောက်အောင် အင်အားမရှိပါမူ ဒကာ ဒကာမတို့
အင်အားရှိသလောက်သာ စာသင်တိုက်ငယ်အဖြစ် တည်ရှိစေသင့်၏၊ စာချဘုန်းကြီးများသည် စာချနေစဉ်
ဘောဇဉ် ဆေးဝါးနှင့် မိဘအတွက် အကူအညီမရဘဲ ကိုယ်ဆင်းရဲ စိတ်ဆင်းရဲ ခံ၍ စာချမနေသင့်၊ ထိုသို့
ဆင်းရဲရဦးမည်ဆိုလျှင် တရားကျင့်၍ ကိုယ်ကျိုးသက်သက်ကိုသာ ရှာသင့်ကြပေသည်။
စာမေးပွဲများ
စာမေးပွဲများ၌ မူလတန်းမှစ၍
တက္ကသိုလ်တန်းအထိ အတန်းတိုင်း ရှိစေသင့်၏၊ ထိုအတန်းများ တွင် အချို့အတန်းကို ကျောင်းတိုက်အတွင်း၌
ကျင်းပ၍ မေးခွန်း များကိုလည်း ကျောင်းစာချများကပင် ထုတ်သင့်၏၊
ထိုထို ကျောင်းတိုက်၏ နောက်ဆုံးအတန်းများကို (မူလတန်း ဒုတိယတန်း တတိယတန်းကျောင်းများအတွက်)
နယ်ရှိ ပထမတန်းစာသင်တိုက်မှ မေးခွန်းထုတ်သင့်၏၊ ပထမတန်းစားကျောင်းများ၏ နောက်ဆုံးတန်း
အတွက် တက္ကသိုလ်ကျောင်းများမှ မေးခွန်းထုတ်သင့်၏၊ စာအောင် သည့်အတွက် ဆုတော်ငွေ ရကြမည်မဟုတ်၊
စာအောင်ဦးရေနှင့် အဆင့်အတန်းလိုက်၍ကား န၀ကမ္မအတွက် အစိုးရက ဂေါပက အဖွဲ့ကို လွှဲအပ်၍
ကျောင်းအား လှူဒါန်းပေလိမ့်မည်။
