အနာဂတ်သာသနာရေး အပိုင်း(၁၂၉) သိမ်သမုတ်, ရဟန်းခံ

သိမ်သမုတ်

“သီမာ” ဟူသော  ပါဠိသည်  “အပိုင်းအခြား -နယ်နိမိတ် သတ်မှတ်ထားသော အရပ်” ဟု အဓိပ္ပာယ်ထွက်၏၊ “ရဟန်းများ ကံကြီးကံငယ် ပြုဖို့ရာ နယ်နိမိတ် သတ်မှတ်ထားသောအရပ်”ဟု သံဃာအများက အသိအမှတ်ပြုခြင်းကို “သိမ်သမုတ်”ဟု ခေါ်၏၊ ထို့ကြောင့် အစိုးရက နေရာတစ်ခုကို လူဝတ်ကြောင်တစ်ယောက်အား ဥပဒေနှင့်အညီ “သီးခြားရွာ”ဟု ပေးလိုက်လျှင်လည်း သိမ်သမုတ်ခြင်းကိစ္စ ပြီးတော့၏။

          သိမ်သမုတ်ရာ၌ အလွန်များစွာ ငွေကုန်ခံမည့်အစား ထိုနေရာ၌ မိုးလုံလေလုံရှိအောင် ကျောင်းဆောက်လိုက်ခြင်းသာ သာ၍ အကျိုး ရဖွယ် ရှိ၏၊ သို့ရာတွင် သိမ်သမုတ်ရာ၌ ပိဋကတတ်ကျွမ်းသော ဆရာတော်များ ပါဖို့ အရေးကြီး၏၊ နားမလည်သူများချည်းသာ သမုတ်လျှင်ကား အောင်မြင်ဖို့ မလွယ်ကူချေ။

ရဟန်းခံ

ယခုကာလ  ရဟန်းခံကိစ္စလည်း  အကုန်အကျ များလွန်း၏၊ ဘုန်းကြီး၏ ညီနှစ်ယောက်တွင် ၀မ်းကွဲညီကို (၇၀၀)လောက် အကုန်ခံ၍ သူ့မိဘများက ရဟန်းခံ ပေး၏၊ လေးလလောက်ကြာလျှင် လူထွက်သွားတော့၏၊ ညီရင်း တစ်ယောက်ကိုကား ထောင့်ငါးရာလောက် အကုန်ခံ၍ ရဟန်းအမ များက ရဟန်းခံပေး၏၊ ၀ါအတော်ရ၍ ပထမကျော် အောင်ပြီးမှ လူထွက်သွား၏။

          ရဟန်းခံကိစ္စ၌ ဆရာ တစ်ပါး အခြားသံဃာ လေးပါး ဤ သံဃာစစ် ငါးပါးသည် သပိတ် သင်္ကန်း ပြည့်စုံသော ရဟန်းလောင်းကို သိမ်စစ်စစ်သို့ သွင်း၍ ၀ိနည်းတော်အရ စီစဉ်ပေးလိုက်လျှင် ရဟန်းခံခြင်းကိစ္စ အထမြောက်တော့၏၊ ထိုမျှလောက် မကျဉ်းသော် လည်း ခပ်ကျဉ်းကျဉ်းနှင့် ကိစ္စ ပြီးမြောက်စေ၍ နောင်ခါ ထိုရဟန်းသစ်တို့ အမှန် လိုလားထိုက်သော စာအုပ် သင်္ကန်း ဆွမ်း ဆေးတို့ကိုသာ တဖြည်းဖြည်း ထောက်ပံ့သင့်၏၊ တစ်ခါတည်း အကုန်ခံခြင်းကို ပြုပြင်သင့်သည်။

ရဟန်းပြုရည်ရွယ်ချက်

ရဟန်းပြုရာ၌…

၁-ကြွေးထူနေသောကြောင့် ရဟန်းပြုခြင်း၊ 

၂-ရာဇ၀တ် ပြစ်မှုကို ရှောင်တိမ်း၍ နေလိုသောကြောင့် ရဟန်းပြုခြင်း၊ 

၃-သာမဏေဘ၀နှင့် နေရာမှ အသက်ကြီး၍ ယီးတီးယားတားနှင့် ရဟန်းပြုခြင်း၊

၎-သဒ္ဓါတရားအလျောက် ရဟန်းပြုခြင်း၊

၅-ပညာ လိုလားသောကြောင့် ရဟန်းပြုခြင်းဟု ငါးမျိုး ရှိ၏။

          (၁, ၂) အကြောင်းများကြောင့် ရဟန်းပြုသူတို့ကို အစိုးရကပင် ခွင့်မပြုထိုက်၊ (၃) အကြောင်းကြောင့် ရဟန်းပြုသူများလည်း နောင်ခါ မရှိထိုက်၊ (၄, ၅)အကြောင်းတို့ကြောင့် ရဟန်းပြုသူများ ကိုလည်း လူဝတ်ကြောင်များ ရသော ကုသိုလ်ထက် ပို၍ ကုသိုလ် ရလိုသူများကိုသာ ခွင့်ပြုသင့်ပါသည်၊ ထို့ကြောင့် “ကမ္မဋ္ဌာန်း အားထုတ်လိုပါသလား, စာသင်လိုပါသလား”ဟု မေးမြန်းထိုက်၏။

          ကမ္မဋ္ဌာန်း အားထုတ်လိုသူကို ရဟန်း ဖြစ်ပြီးလျှင် ပြီးချင်း တရားကျင့်ပုဂ္ဂိုလ်များ သီတင်းသုံးနေထိုင်ရာ ကျောင်းတိုက်၌ နေထိုင်စေသင့်၏၊ စာပေသင်လိုသူကို အစိုးက အသိအမှတ်ပြုထားသော စာသင်တိုက်၌သာ နေစေသင့်၏၊ ထိုနှစ်မျိုးတွင် မပါဝင်သော သာမန်အလုပ်လက်မဲ့ကျောင်း၌ကား မနေစေသင့်၊ ထိုသို့ နေထိုင် ပြီးနောက် အစိုးရက (သူကြီးက) ထိုပုဂ္ဂိုလ်၏ ဆရာ စသည်ကို မှတ်၍ သွားလေရာ ဆောင်ယူဖို့ရန် လက်မှတ်တစ်မျိုးကို ဆက်ကပ် ထားသင့်၏၊ ဤအချက်ကို အစိုးရပိုင်းက ပေါ့ပေါ့ဆဆ မယူဆထိုက်၊ [ ဤနေရာဝယ် သီဟိုဠ် ယိုးဒယားတို့မှ သာသနာ့ဥပဒေများကို နည်းယူတန်သမျှ ယူထိုက်ပေသည်။]