၅။ အနာဂတ်သာသနာခန်း
ကာလာမသုတ်တော်
မစွဲလမ်းရာ ဆယ်ဌာန
ကောသလတိုင်း
အပါအ၀င်ဖြစ်သော ကာလာမမင်းတို့၏ အုပ်စိုးရာ ကေသမုတ္တ
နိဂုံးသည် တောအုပ်တစ်ခု၏ အ၀င်ဝ၌ တည်သောကြောင့် ထိုတောလမ်းခရီးသွားတို့၏ တည်းခိုရာအရပ်
ဖြစ်နေ၏၊ အယူ အမျိုးမျိုးရှိသော ဆရာကြီးတို့သည် ထိုအရပ်ရောက်လျှင် မိမိတို့ အယူကို
ဝါဒဖြန့်၍ အခြားအယူများကို ဖိနှိပ်ဟောပြောတတ်ကြ ကုန်၏၊ ထိုနိဂုံးသားတို့သည် အယူဝါဒနှင့်
စပ်၍ ယောင်ဝါးဝါး ဖြစ်နေကြစဉ် ဗုဒ္ဓအရှင်တော်မြတ်လည်း ထိုအရပ်သို့ ရောက်တော် မူလာ၏၊
ထိုနိဂုံးသားတို့သည် အယူဝါဒအမျိုးမျိုးကို ကြားနေကြရ သဖြင့် ဟိုသူပြောတာ ဟုတ်နိုးနိုး,
ဒီသူပြောတာ ဟုတ်နိုးနိုး တွေးတောနေကြရပါကြောင်း လျှောက်ကြလေရာ ဗုဒ္ဓအရှင်တော် မြတ်က
အမျိုးမျိုးကြားနေရသော သင်တို့မှာ ယုံမှားတွေးတောစရာပဲ ဟု မိန့်တော်မူပြီးလျှင် နားထောင်ကြ
ကာလာမအမျိုးသားတို့…
၁။ ကလေးဘ၀မှ စ၍ ကြားနာ မှတ်သားခဲ့ခြင်းဖြင့်လည်း
““ဟုတ်တယ် မှန်တယ်””ဟု အစွဲအမြဲ မယူကြနှင့်။
၂။ မိဘဘိုးဘွား စသည်တို့မှ ဆင်းသက်၍ (ပရံပရ-အဆက်ဆက်)
မှတ်ယူလုပ်ကိုင်ရိုးဖြစ်၍လည်း အစွဲအမြဲ မှတ်ယူမထားကြနှင့်။
၃။ ““ဣတိ ကိရ-ဒီဟာက ဒီလိုတဲ့””ဟု အခြားတစ်ယောက်က
ပြောလိုက်ရုံမျှဖြင့်လည်း အမြဲမှတ်ယူမထားကြနှင့်။
၎။ ““ဒီအယူအဆသာ ငါတို့ သင်အပ်သော ကျမ်းစာနှင့်ညီတယ်””
ဟု မိမိတို့ ကျမ်းစာနှင့် ညီနေရုံဖြင့်လည်း အတည်တကျ မှတ်ယူမထားကြနှင့်။
၅။ မိမိဘာသာ ကြံစည်အပ်သော အရာကိုလည်း ““ဟုတ်လှပြီ,
မှန်လှပြီ””ဟု အမြဲအစွဲ ယူမထားကြနှင့်။
၇။ တစ်စုံတစ်ခု ဖြစ်ဖို့ရန် အကြောင်း အထောက်အထားကို
စဉ်းစားရာဝယ် အထောက်အထားကောင်းကို ရ၍ သဘော ကျသဖြင့်လည်း အမြဲအစွဲ ယူမထားကြနှင့်။
၈။ ““သူပြောအပ်သော အယူဝါဒသည် ငါတို့ စဉ်းစားကျေနပ်
ထားသော အယူနှင့် ညီမျှပေသည်””ဟု အယူဝါဒချင်း တူရုံ မျှဖြင့်လည်း အမြဲအစွဲ မယူကြနှင့်။
၉။ ဤရသေ့ ရဟန်းကား ယုံကြည်ထိုက်သော အထက်တန်း ပုဂ္ဂိုလ်တည်း၊
ဒီလို ပုဂ္ဂိုလ်၏ စကားကို လေးလေးစားစား မှတ်သားထိုက်သည်””ဟုလည်း စွဲစွဲမြဲမြဲ မှတ်ယူမထားကြနှင့်။
၁၀။ ““ဤရသေ့ ရဟန်းကား ငါးတို့ ကိုးကွယ်အပ်သော ဆရာ
ဖြစ်၏၊ ငါ့ဆရာစကားကို ငါမှတ်သားသင့်သည်””ဟုလည်း
စွဲစွဲမြဲမြဲ မှတ်ယူမထားကြနှင့်။
ကာလာမအမျိုးသားတို့…““ဤအကျင့်တွေသည် ကောင်းလည်း မကောင်း, အပြစ်လည်း
မကင်း, ပညာရှိတို့ ကဲ့ရဲ့စရာလည်း ဖြစ်၏၊ ထိုအကျင့်အကြံ အလုပ်အကိုင်ကို ပြုလိုက်လျှင်
စီးပွားမဲ့ ဒုက္ခရောက် ဖို့ ဖြစ်၏””ဟု ကိုယ်တိုင်နားလည်သောအခါ ထိုအကျင့် ထိုအပြုအမူ
များကို စွန့်လိုက်ကြ၊ ““စီးပွားတိုးတက်၍ သုခရဖို့ အကျင့်များ””ဟု ကိုယ်တိုင်နားလည်ထားသော
အကျင့်အကြံများကိုသာ လိုက်နာ ပြုကျင့်ကြ။ (တိကင်္ဂုတ္တရပါဠိတော်)
[ဆောင်] ကလေးဘ၀, စ၍မှလျှင်, ကြားရဖန်ဖန်, ပရံပရ, မိဘ
ဘိုးဘွား, ဆက်ဆက်အားဖြင့်, မှတ်သားခဲ့ဘိ, ပြုရိုးရှိ၏၊ ဣတိကိရ, ကြားလူကပြော, ကျမ်းသဘောနှင့်,
နှီးနှော ညီပြန်, အကြံသက်သက်, ကြံစည်ချက်တည်း၊ တစ်နည်း မှန်းဆ, နည်းလမ်းရမူ, တစ်မူအကြောင်း,
ကြံကောင်း ကြံရ, ကိုယ့်ယူဆကို, အားရနှစ်သက်, ညီညွတ်ချက်ပါ၊ ရဟန်းမှာမူ, ပြောရာမှန်ကန်,
ဖြစ်သင့်တန်၏၊ တစ်ဖန် သူဟာ, တို့ဆရာဟု, ဆယ်ဖြာကြောင်းစု, တစ်ခုခုကြောင့်, ယူမှုတိမ်းစောင်း,
မှားတတ်ကောင်းသည်,… အပေါင်း စဉ်းစားကြစေသောဝ်။
။
မှတ်ချက်။ ။ ဤကာလာမသုတ်၌
““မိမိတို့ ငယ်ရွယ်စဉ်က မှတ် သားထားသောအရာ မိရိုးဖလာ (ပြုရိုး ပြုစဉ်)နှင့် ရသေ့ရဟန်းပြောသမျှတွေကိုပင်
အကျိုး ရှိ-မရှိ စဉ်းစား၍ အမှန် အကျိုးရှိကြောင်းကို ကိုယ်ပိုင်ဉာဏ်ဖြင့် သိမှ မှတ်ယူလိုက်နာရမည်””
ဟု အမိန့်တော်ရှိ၏၊ ယခုကာလ၌ မိရိုးဖလာ အစွဲသန်နေသူတို့သည် ဗုဒ္ဓရှင်တော်၏ ဤမိန့်ခွန်းတော်ကို
ဦးထိပ်ရွက် ပန်ဆင်ကာ အစွဲသန် သင့်ရာ၌သာ အစွဲသန်ကြ၍ မစွဲလမ်းသင့်ရာတို့၌ကား လွယ်လွယ်
ကလေးနှင့် ပြုပြင်နိုင်မှသာ သာသနာကျိုး နိုင်ငံကျိုး မိမိအကျိုး ပွားတိုးစေနိုင်ကြပေလိမ့်မည်။
အသောကမဟာရာဇာသည် မိရိုးဖလာ ကိုးကွယ်ထားသော ဗြာဟ္မဏတွေကို စွန့်လွှတ်၍
ရဟန်းတော်များကို ကိုးကွယ်ကာ အကြီးအကျယ် သာသနာပြုခဲ့ပါသည်၊ အနော်ရထာမင်းစောလည်း အရည်းကြီးများကို
ဖယ်ရှား၍ အရှင်အရဟံ အမှူးထားသော သံဃာ များကို နှစ်နှစ်ကာကာ ချီးမြှောက်ခဲ့ပါသည်၊ ယခုအခါ
မြန်မာနိုင်ငံ၌ သာသနာရေးဝယ် ပြုပြင်ဖွယ်တွေ ရှိသော်လည်း ထိုမင်းများကဲ့သို့ တစ်မျိုးတစ်မည်
ပြောင်းပစ်ဖို့ မလိုပါ၊ အဆုတ်ဘက် အလျော့ ဘက်သို့ ငဲ့နေသော သာသနာကို အနည်းငယ် ဦးလှည့်ပေးလိုက်ရုံမျြှုဖင့် အတိုးဘက် အတက်ဘက်သို့ ရှေးရှုဖြစ်ကာ အမျိုးဘာသာ သာသနာအကျိုး
ပွားတိုးစေနိုင်သည်ဟု မြော်မြင်မိပါသည်၊ ဤသို့မျှ လက်ရှိပုဂ္ဂိုလ်တို့က (နိုင်ငံခေါင်းဆောင်
သာသနာ့ဝန်ဆောင်တို့က) မပြုပြင်ခဲ့ကြလျှင် အနာဂတ်လူငယ်တို့သည် သာသနာကို ကိုးကွယ် ကြတော့မည်
မဟုတ်ပါ။
