တိတ္ထိတွေ ကြော်ငြာကြပုံ
ပါတိမောက်ကို
သင်ပြီးသောအခါ သရဘပရိဗိုဇ်ကို ဆရာတင်၍ ရာဇဂြိုဟ်မြို့တွင်းသို့
အစောကြီး ၀င်ပြီးလျှင် သူတို့ဆိုင်ရာပရိသတ် အလယ်၌ သရဘပရိဗိုဇ်က ပြောသည်မှာ… ငါသည် ရဟန်းတို့၏
တရားကို အကုန်သိပြီ၊ ရဟန်းဂေါတမရဲ့တရား၌ အဆီအနှစ် ဘာမျှ မရှိဘူး၊ တကယ်ရှိ လျှင် ငါကိုယ်တိုင်
သူတို့အထဲက ထွက်ခဲ့မှာ မဟုတ်ဘူး၊ ယခုတော့ အနှစ်သာရ ဘာမျှမရှိလို့ ငါထွက် လာခဲ့တယ်၊
ရဟန်းတွေဟာ အာဝဋ္ဋနီမာယာ (မျက်လှည့်အတတ်)ကို သွင်းပြီးတော့ လောက၌ ညာစားနေကြတယ်၊
ဤသို့
စသည်ဖြင့် သာသနာတော်ကို စော်ကားပုတ်ခတ်နေသံကို ဆွမ်းခံဝင်သော ရဟန်းအချို့ ကြားခဲ့ကြလေသည်၊
ထိုသို့ ကြားခဲ့ရသော ရဟန်းအများတို့တွင် ပုထုဇဉ်အချို့က မခံချင်ကြသော ကြောင့် ပြန်ရောက်သောအခါ
ဗုဒ္ဓရှင်တော်အား လျှောက်ကြပြီးလျှင် “သူပြောသမျှကို ဆိတ်ဆိတ် နေလျှင် သာ၍ ရောင့်တက်ကာ
သူ့မှာ အပြစ်များဖွယ် ရှိပါသည်၊ သရဘကို သနားသောအားဖြင့် ပရိဗိုဇ်ကျောင်းသို့ ကြွတော်မူပါ”ဟု
တောင်းပန်ကြလေသည်။
ဗုဒ္ဓကြွတော်မူခြင်း
ဗုဒ္ဓရှင်တော်မြတ်သည်
ရုတ်တရက်ကြွတော်မမူသေးဘဲ နေ့လယ်အချိန်ဝယ် သမာပတ် ၀င်စား၍ ညနေအချိန်မှ ကိုယ်တော်တစ်ပါးတည်း
ပရိဗိုဇ်ကျောင်း တိုက်သို့ ကြွတော်မူလေသည်၊ [သံဃာ့ပရိသတ်နှင့် ကြွတော်မူလျှင် “ပရိသတ်အားဖြင့်
တိတ္ထိ၀ါဒကို နှိမ်သည်”ဟု စွပ်စွဲဖွယ်ရှိသော ကြောင့် တစ်ပါးတည်း ကြွတော်မူခြင်း ဖြစ်သည်၊
] ဗုဒ္ဓ ကြွတော် မမူမီပင် ပရိဗိုဇ်တို့လည်း သရဘကို မေးမြန်းနေကြသည်မှာ…
ပရိသတ်။ ။
ဆရာရဲ့… ယနေ့ ရဟန်းဂေါတမ၏ အပြစ်တွေ ကိုတော့ တစ်မြို့လုံး လှည့်၍ ပြောခဲ့ကြပြီ၊ ယခုနှယ်အခါ
အရှင်ဂေါတမ လာလျှင် ဘယ့်နှယ်လုပ်မလဲ။
သရဘ။ ။
ရှင်ဂေါတမက တစ်ခုလောက်ပြုလျှင် ငါက နှစ်ခုလောက် ပြုလိုက်မယ်၊ ရှင်ဂေါတမက နှစ်ခုပြုလျှင်
ငါက လေးခု, ရှင်ဂေါတမက လေးခုပြုလျှင် ငါက ရှစ်ခု ပြုပြမယ်၊ သူက တစ်ရာပြုလျှင် ငါက တစ်ထောင်
ပြုပြမယ်။ [ထိုကဲ့သို့ ပြောနေတုန်း မှာပင် ဗုဒ္ဓရှင်တော် ကြွလာတော်မူသည်ကို ပရိသတ် မြင်၍
“အဟုတ်ကို ရဟန်းဂေါတမ လာနေပြီ”ဟု ပြောလိုက်ရာ သရဘဆရာလည်း အတော်ကလေး ထိတ်သွားသည့် လက္ခဏာဖြင့်
ဦးခေါင်း ကျုံ့သွားလေသည်။]
ဗုဒ္ဓ။ ။
(ခင်းထားသောနေရာ၌ ထိုင်ပြီးလျှင်) “သရဘ … ရဟန်း၏တရားကို ငါ အကုန်သိပြီ, ထိုသို့ သိသောကြောင့်
ငါသည် သူတို့၏ သာသနာမှ ထွက်လာခဲ့သည်”ဟု လှည့်လည် ပြောဆိုနေကြောင်းကို ကြားရ တယ်, ဒီအတိုင်း
ပြောနေတာ မှန်သလား။
သရဘ။ ။ (ဘာမျှ ပြန်၍ မပြော။)
ဗုဒ္ဓ။ ။
ရှေးနည်းအတိုင်း ထပ်၍ မေးတော်မူပြီးလျှင်, သရဘ… ပြောပါ၊ ရဟန်းတို့ တရားကို သင်က ဘယ်လို
သိနေသလဲ၊ သင်သိထားတဲ့ တရားထဲမှာ လိုနေသေးတာ ရှိလျှင် ငါက ဖြည့်စွက်ပေးပါ့မယ်၊ သင်သိထားသောတရားက
ပြည့်စုံနေလျှင် ငါက ၀မ်းမြောက်ဝမ်းသာ သာဓု ခေါ်ပါ့မယ်။
[သရဘကား
ဘာမျှ မပြောတော့ချေ၊ ဗုဒ္ဓလည်း သုံးကြိမ်တိုင်အောင် မေး၏၊ ထိုအချိန်မှာ ရဟန်း တော်များနှင့်
မြို့တွင်းက လူအပေါင်း အတော်များများပင် ပရိဗိုဇ်ကျောင်းတိုက်သို့ ဗုဒ္ဓ ကြွသွား တော်မူကြောင်းကို
ကြားရ၍ ရောက်လာကြလေပြီ၊ သရဘမှတစ်ပါး အခြားသော ပရိဗိုဇ်တို့ကလည်း ဗုဒ္ဓက သရဘကို ဆန့်ကျင်ဘက်
မပြောဘဲ လိုက် လိုက်လျောလျော မေးနေပုံကို မြင်ကြရ၍ ဗုဒ္ဓ ဘက်သို့ အတော်ကြီး စိတ်ညွတ်နေကြလေပြီ။]
ပရိဗိုဇ်များ။ ။ ငါ့ရှင် သရဘ…သင်တောင့်တနေသော အချက်ကိုပင် အရှင်ဂေါတမက ဖိတ်မန်နေတယ်,“ရဟန်းတို့
တရားကို ဘယ်ပုံဘယ်နည်း သိထားတယ်“ ”ဆိုတာ ပြောလိုက်ပါတော့လား၊ လိုနေလျှင် ဖြည့်လိမ့်မပေါ့,
ပြည့်စုံလျှင်လည်း ၀မ်းမြောက်ပါ လိမ့်မည်။
ရဲရဲတောက် မိန့်ခွန်းတော်
သရဘသည်
ဘာမျှ ပြန်မပြောတော့ဘဲ ကြက်ဖကြီး ရိုက်ထားသကဲ့သို့
ဦးခေါင်းငိုက်စိုက် ကျကာ မှိုင်၍ နေရှာ၏၊ ဤသို့ စကားမေး မရလောက်အောင် မှိုင်၍ နေသောအခါ
ဗုဒ္ဓရှင်တော်မြတ် သည် ““သီဟနာဒ””ခေါ် ခြင်္သေ့ ဟောက်သကဲ့သို့ ရဲရဲတောက် မိန့်တော်မူသည်မှာ…
၁။ “ငါသည် အလုံးစုံကို အကုန်သိ၏”ဟု ၀န်ခံထားရာ၌
“မည်သည့် တရားတွေ မသိဘဲ ကျန်နေသေးတယ်” လို့များ ပရိဗိုဇ် တစ်ယောက်ယောက်က ပြောလျှင်
ထိုပြောသူကို ပြန်၍ စစ်ဆေး မေးမြန်းသောအခါ သူသည် ရှေ့စကားကို နောက် စကားဖြင့် ဖုံးကွယ်လျှင်လည်း
ဖုံးကွယ်လိမ့်မည်၊ အပြင်ဘက်က စကားတစ်ခုခုကို
အပိုသွင်းချင် သွင်းပေလိမ့်မည်၊ စိတ်တိုခြင်း, ဒေါသထွက်ခြင်း, မနှစ်သက်ခြင်းကိုသော်လည်း
ထင်ရှားပြ လိမ့်မည်၊ ထိုသုံးမျိုးတွင် တစ်မျိုးမျိုး ဧကန်ဖြစ်ရမည်၊ ထိုသို့ မဖြစ်လျှင်
ယခု သရဘ မှိုင်နေသလို စကားမေးမရအောင် မှိုင်နေရလိမ့်မည်။
၂။
“ငါ့မှာ ကိလေသာ ကုန်ပြီ”ဟု ၀န်ခံထားရာ၌ “ကိလေသာ မကုန်သေးဘူး”ဟု ပရိဗိုဇ် တစ်ယောက်ယောက်က
ပြောလျှင် ထိုပြောသူကို ပြန်၍ စစ်ဆေးမေးမြန်းသောအခါ သူသည် (အထက်ပါ အဖြစ်သုံးမျိုးတွင်)
တစ်မျိုးမျိုး ဧကန်ဖြစ်ရမည်၊ ထိုသို့ မဖြစ်လျှင် သရဘကဲ့သို့ စကားမေးမရအောင် မှိုင်၍
သော်လည်း နေရလိမ့်မည်။
၃။
“ငါပြောသည့်အတိုင်း ကျင့်သူသည် ငါပြောအပ်သောအကျိုးကို မရနိုင်။”
(က) ရာဂကို ပယ်ခြင်း အကျိုးငှာ အသုဘကမ္မဋ္ဌာန်းကို ဟောတော်မူရာ၌
“အသုဘ ကမ္မဋ္ဌာန်းကို အားထုတ်သော်လည်း ရာဂကို မပယ်နိုင်”ဟုလည်းကောင်း၊
(ခ)
ဒေါသ အာဃာတ (ရန်ငြိုးဖွဲ့ခြင်း)ကို ပယ်ဖျောက်ဖို့ရာ မတ္တာကမ္မဋ္ဌာန်းကို ဟော တော်မူရာ၌
“မေတ္တာကမ္မဋ္ဌာန်း သည် ထိုဒေါသ အာဃာတကို မပယ်ဖျောက်နိုင်”ဟု လည်းကောင်း၊
(ဂ) မကောင်းကြံမှု ၀ိတက်ကို
ပယ်ဖို့ရာ အာနာပါနကမ္မဋ္ဌာန်းကို ဟောတော်မူရာ၌
“ထိုအာနာပါနသည် ၀ိတက်ကို မပယ်နိုင်”ဟုလည်းကောင်း၊
(ဃ) မဂ်ဖိုလ်ရဖို့ရာ
သတိပဋ္ဌာန်စသော တရားတို့ကို ဟောတော်မူရာ၌ “သတိပဋ္ဌာန်စသော (ဗောဓိပက္ခိယတရား)(၃၇)ပါးသည် မဂ်ဖိုလ်ရကြောင်း
မဟုတ်”ဟုလည်းကောင်း ပရိဗိုဇ် တစ်ယောက်ယောက်က ပြောလျှင် ထိုပြောသူကို ပြန်၍စစ်ဆေးမေးမြန်းသောအခါ
အထက်ပါ အဖြစ်သုံးမျိုးတွင် တစ်မျိုးမျိုးသော်လည်း ဖြစ်လိမ့်မည်၊ သို့မဟုတ်လျှင် သရဘကဲ့သို့
မှိုင်၍ နေရလိမ့်မည်။
ဤသို့ ရဲရဲတောက် မိန့်ခွန်းသုံးချက်ကို မိန့်မြွက်တော်မူပြီးနောက်
ရောက်လာသော ပရိသတ်အား သစ္စာလေးပါးတရားကို ဟောတော်မူ၍ တရားရစေတော်မူပြီးလျှင် အဘိညာဉ်ဖြင့်
ပြန်ကြွတော်မူသောအခါ အခြားပရိဗိုဇ်တို့က သရဘကို ၀ိုင်း၍ “ငါ့ရှင် သရဘ… ခြင်္သေ့နှင့်
မတွေ့ခင်က ခြင်္သေ့လို ဟောက်လိုက်မည်ဟု ကြုံးဝါး၍ တွေ့သောအခါ မဟောက်ဝံ့သော မြေခွေးလို
ဖြစ်နေပါပကော”ဟု ပြောဆိုကြလေသည်။
