ယမမင်းစစ်တမ်း
အများ ကြားဖူးနားဝရှိအောင် ဒေ၀ဒူတ
သုတ္တန်ပါဠိတော်လာ ယမမင်းစစ်တမ်းကို အကျဉ်းချုပ်ပြဦးအံ့။ လူ့ပြည်မှာရှိသော ကလေး၊
သူအို၊ သူနာ၊ သူသေ၊ အကျဉ်းသမား ၅-ဦးသားကို ယမမင်းစေလွှတ်အပ်သော
တမန်တော်မဟုတ်သော်လည်း အလားတူဖြစ်သောကြောင့် “ဒေ၀ ဒူတ” ဟုခေါ်သည်။ (ဒေ၀ =
ယမမင်း၏ + ဒူတ = တမန်တော်။ ဒေ၀ ဒူတ - ပုဒ်ကို အမျိုးမျိုးဖွင့်ကြသေး၏။)
ယမမင်းသည် မိမိထံမှောက်သို့ ရောက်လာသော ငရဲသားများအား ဒေ၀ဒူတ ၅-မျိုးကို
ဖော်ပြလျက် စစ်ဆေးလေ့ရှိသည်။
ယမမင်း။ ။မောင်မင်း... လူ့ပြည်မှာတုန်းက မိမိ၏ ကျင်ကြီးကျင်ငယ်ကို
မသုတ်သင်နိုင်ဘဲ ကျင်ကြီးကျင်ငယ်ထဲ၌ လူးကာလှိမ့်ကာ နေရရှာသော ကလေးငယ်များကို
မတွေ့ခဲ့ဘူးလား။
ငရဲသား။
။တွေ့ခဲ့ပါသည်။
ယမမင်း။ ။မိမိကိုယ်တိုင် နားလည်သောအရွယ်သို့ ရောက်သောအခါ
ထိုကလေးများကိုကြည့်ရူ၍ “ငါသည် ဘာမျှ နားမလည်ရှာသေးသော ယခုလို ကလေးသူငယ်
ဖြစ်ဖို့ရာ နောင်ခါ ပဋိသန္ဓေနေရဦးမည်။ ပဋိသန္ဓေနေခြင်းသဘောကို
မလွန်နိုင်သေးအံ့တကား။ ယခုနှယ်က ကိုယ် နူတ် စိတ်များကို စောင့်စည်းလျက်
ကောင်းကောင်းနေမှသာ တော်တော့မည်”ဟု အကြံအစည်များ မဖြစ်ခဲ့ဘူးလားမောင်မင်း။ (အလွန်ကြင်နာစွာ
မေးသည်။)
ယမမင်း။ ။မောင်မင်း... မကောင်းမူကို ဆွေမျိုးဉာတကာ ဆရာမိဘစသူတို့က
ပြုပေးသည်မဟုတ်။ မောင်မင်းကိုယ်တိုင် ပြုခဲ့သည်ဖြစ်၍ မိမိအပြစ်ဒဏ်ကို
မေ့လျော့သူတို့ ထုံစံအတိုင်း မောင်မင်းခံရချေတော့မည်။
ဤနည်းအတိုင်း သူအိုကိုညွှန်ပြ၍
ဒုတိယအကြိမ်မေး၏။ သူနာကိုညွှန်ပြ၍ တတိယအကြိမ်မေး၏။ သူသေကိုညွှန်ပြ၍ စတုတ္ထအကြိမ်မေး၏။
အကျဉ်းသမားကို ညွှန်ပြ၍ ပဉ္စမအကြိမ်မေး၏။ ၅-ကြိမ်တိုင်အောင်မေး၍ ကုသိုလ်ကောင်းမူကို
သတိမရသေးလျှင် ယမမင်းကိုယ်တိုင် “လူ့ဘ၀၀ယ် ထိုသူ ကုသိုလ်ပြုသည့်အခါတုန်းက
မိမိအား အမျှဝေဖူးသလား”ဟု စဉ်းစား၏။ (ဤအချက်ကိုထောက်၍ ကုသိုလ်ပြုသောအခါ ယမမင်းအား
အမျှပေးဝေကြသည်။) စဉ်းစား၍ရလျှင် ထိုကုသိုလ်ကို ဖော်ပြော၏။ ယမမင်းက
ပြောခြင်းကြောင့်ဖြစ်စေ၊ မိမိဘာသာ သတိရ၍ဖြစ်စေ ကုသိုလ်ကို သတိရသည်နှင့်
တစ်ပြိုင်နက် ငရဲမှ လွတ်မြောက်၍ နတ်ပြည်ရောက်သူများလည်း အများပင်ရှိ၏။
ထိုနေရာမျိုးကျမှ မိမိ၏ ကုသိုလ်များ အားထားရကြောင်း ထင်ရှားပေသည်။
ယမမင်းကိုယ်တိုင် စဉ်းစား၍ မရသောအခါ ဆိတ်ဆိတ်နေရတော့၏။ ထိုအခါ ငရဲကောင်သတ္တ၀ါကို
ငရဲထိန်းတို့ ယူဆောင်လျက် အမျိုးမျိုးနှိပ်စက်ကြလေတော့သည်။
