ဗုဒ္ဓခေတ်မြတ် တွေ့ကျိုးနပ်စေ

 

ရေချမ်းသစ်သီး ပန်းဆီမီးကို
ခိုင်ဖြီးသဒ္ဒါ လှူပြီးကာမျှ
ငါ့မှာကောင်းကျိုး အလွန်တိုးဟု
ယုံကိုးစိတ်ထဲ မရောင့်ရဲနှင့်။

မစဲညနေ့ ဘုရားရှေ့တွင်
ပျော်မွေ့မြတ်နိုး မြဲရှိခိုး၍
ကောင်းကျိုးပွားစည် ကြီးလှပြီဟု
ယုံကြည်အားရ စိတ်မချနှင့်။

ဓာရဏနှင့် ဓမ္မင်္ကြာ
မေတ္တာပဌာန်း ရွတ်နိုင်စွမ်းကြောင့်
ရွှင်လမ်းပီတိ ဂွမ်းဆီထိကာ
ကြီးမည့်တေဇော် မစောင့်မျှော်နှင့်။

ဂုဏ်တော်ပုတီး သက်စေ့ပြီးအောင်
ဇွဲကြီးခိုင်မာ ငြိမ်သက်စွာဖြင့်
သဒ္ဒါကြည်ယုံ စိတ်ပြီးယုံဖြင့်
လုံလောက်လှပြီ မရပ်တည်နှင့်။

ရေကြည်သစ်သီး ဆီမီးလှူမျိုး
ရှိခိုးဝတ်ရွက် စေလွှတ်မေတ္တာ
တစ်ရာ့ရှစ်သီး စိတ်ပုတီးကို
မငြီးဆင့်ကဲ စိတ်မြဲစိတ်ပါ
မဖြတ်ပါနှင့်။

ဆက်ကာတစ်မျိုး ရှေ့သို့တိုး၍
အကျိုးနိဗ္ဗာန် မျှော်ရိုးမှန်က
ရုပ်နာမ်ခွဲခြား ကျင့်တရားသာ
သံသရာဝဋ် ထွတ်လွတ်စေကြောင်း
လမ်းမှန်ကောင်းဟု ညွှတ်ပြောင်းစိတ်ထဲ
ယုံကြည်စွဲလျက် အမြဲနေ့ည
ဝိပဿနာ ဘာဝနာကို
ခိုင်မာဆန္ဒ ကြိုးလုံ့လမှ
ဗုဒ္ဓခေတ်မြတ် တွေ့ကျိုးနပ်မည်
ကြပ်ကြပ်သတိရှိပါစေ။

(မဟာသဒ္ဓမ္မ ဇောတိကဓဇ ဦးအောင်သိမ်း)