မဟာဂန္ဓာရုံဆရာတော် ရေးသားတော်မူသည့် ဘာသာသွေး (၁၁)

အာသဝက္ခယဉာဏ်

[အာသဝ-အာသဝေါတရားတို့၏+ခယ-ကုန်ကြောင်းဉာဏ်၊] စိမ်ရည်အိုး၌ ကြာမြင့်စွာ စိမ်ထားအပ်သော စိမ်ရည်အရက်ကို “အာသဝ”ဟု ပါဠိလို ခေါ်၏၊ ခန္ဓာအစဉ်၌ ကြာမြင့်စွာ ပါရှိနေသော လောဘ ဒိဋ္ဌိ မောဟတို့ကိုလည်း စိမ်ရည်အရက်နှင့်တူသောကြောင့် “အာသဝ-အာသဝေါတရား”ဟု ခေါ်၏၊ ထိုအာသဝေါတရားတို့သည် အရဟတ္တမဂ်ဉာဏ်ကို ရတော်မူသောအခါ ကုန်သွားသောကြောင့် အရဟတ္တမဂ်ဉာဏ်ကိုပင် “အာသဝက္ခယဉာဏ်”ဟု ခေါ်ရသည်၊ ဘုရားအလောင်းတော်သည် မဇ္ဈိမယာမ်လွန်ပြီးသောအခါ ညစ်ကြေးမတင် လွန်သန့်စင်၍ ကြည်လင်နူးညံ့သော စိတ်တော်ကို အာသဝက္ခယဉာဏ်တော်သို့ ညွှတ်ပေးတော်မူ၏။

၁။ ထိုအခါ ပထမ၌ သစ္စာလေးပါးကို မျက်စိဖြင့် မြင်ရသကဲ့သို့ သိမြင်နိုင်သော သောတာပတ္တိမဂ်ဉာဏ် သောတာပတ္တိဖိုလ်ဉာဏ် ပေါ်လာ၏၊ ထိုဉာဏ်ဖြင့် ဒိဋ္ဌိ ဝိစိကိစ္ဆာ ကိလေသာစုကို ပယ်၍ အယူမှားမှု ယုံမှားသံသယဖြစ်မှုတွေ အတွင်းဓာတ်ပါ မကျန် အောင် ကင်းစင်သွားတော့၏။

၂။ ထို့နောက် သစ္စာလေးပါးကို ပထမဉာဏ်ထက် ပို၍ သိမြင်သော သကဒါဂါမိမဂ်ဉာဏ် ဖိုလ်ဉာဏ် ပေါ်လာ၏၊ ထိုဉာဏ်ဖြင့် ကိလေသာ တစ်စုံတစ်ခုကိုမျှ မပယ်နိုင်သေး၊ သို့သော် ကာမ ရာဂဓာတ်ညစ်ç ဒေါသဓာတ်ညစ်တို့ကိုကား ပါးလှပ်အောင် ပယ်လိုက်ပြီ၊ [တရားအားထုတ်စဉ်ကလည်း ကာမစိတ် ဒေါသ စိတ်များ မဖြစ်ပါ၊ သို့သော် ဓာတ်သဘောကား ရှိနေသေး၏၊ ဈာန်ရသောအခါလည်း ဓာတ်သဘော ရှိနေသေး၏၊ မဂ်ဖြင့် ယခုပယ်ခြင်းကား ဓာတ်သဘောပါ မကျန်ရအောင် ပယ်ခြင်း ဖြစ်သည်။]

၃။ ထို့နောက် သစ္စာလေးပါးကို ဒုတိယဉာဏ်ထက်ပင် ပို၍ သိမြင် နိုင်သော အနာဂါမိမဂ် ဖိုလ်ဉာဏ်ပေါ်လာ၏၊ ထိုဉာဏ်အစွမ်း ကြောင့် ကာမရာဂဓာတ် ဒေါသဓာတ်များ လုံးလုံး ကင်းပြတ် သွားတော့၏၊ ရူပဘဝ အရူပဘဝတို့ကို နှစ်သက်သော ဓာတ်ç အမှန်အတိုင်း အထင်ကြီးတတ်သော မာနဓာတ်ကလေးများ အလွန်သိမ်မွေ့စွာ ကျန်သေး၏။

၎။ ထို့နောက် သစ္စားလေးပါးကို အစွမ်းကုန်သိမြင်နိုင်သော အရဟတ္တမဂ်ဉာဏ်နှင့် အရဟတ္တဖိုလ်ဉာဏ် ပေါ်လာ၏၊ ထိုဉာဏ်အစွမ်းကြောင့် ကျန်သေးသော အကုသိုလ်အညစ်အကြေး ဓာတ်များ အလုံးစုံကင်းပြတ်သွားတော့၏၊ ထို အညစ်အကြေးဓာတ်တို့ ကင်းပြတ်သွားရာတွင် အရင်းခံဖြစ်သော အာသဝေါ တရားတို့၏ ဓာတ်များလည်း ပါဝင်သွားရကား ဤ အရဟတ္တမဂ်ဉာဏ်ကို အာသဝက္ခယဉာဏ်ဟု ခေါ်ရသည်၊ ဤ အာသဝက္ခယဉာဏ်ရသည်နှင့် တစ်ပြိုင်နက် အရုဏ်လည်း တက်လာတော့၏။

ဘုရားဖြစ်တော်မူချိန်

ထိုအရဟတ္တမဂ်ဉာဏ် ရတောမူပြီးသည်တစ်ပြိုင်နက် သဗ္ဗညုတဉာဏ်တော်ကိုလည်း တစ်ခါတည်း ရပြီးဖြစ်တော့၏၊ ထိုဉာဏ်တော်ကြောင့် “ဗုဒ္ဓ”ဟူသော အမည်တော်ကိုလည်း ရတော်မူ၏၊ ဘုရားဖြစ်တော်မူချိန်သည် ကဆုန်လပြည့်ညဥ့်ကို လွန်၍ အရုဏ်တက်မည့်ဆဲဆဲ အချိန်ဖြစ်ပါသည်၊ ထိုအချိန်၌ရှင်တော်မြတ်ဘုရား၏ မျက်နှာတော်သည် အလွန်ကြည်လင်တော်မူသောကြောင့် မျက်နှာတော်ကို အကဲ ခတ်၍ ထူးမြတ်သော ဉာဏ်တော်ကို ရတော်မူပြီဟု သိကြသော နတ်အများတို့ ဝမ်းမြောက်ဝမ်းသာ ဖြစ်ကြလေသည်။ [သဗ္ဗ-အလုံးစုံကို+ ညုတာ-သိနိုင် သောပုဂ္ဂိုလ်ထူး ပုဂ္ဂိုလ်မြတ်ဖြစ်ကြောင်း ဉာဏ်တော်၊]

သဗ္ဗညုတဉာဏ်တော်အစွမ်း

သဗ္ဗညုတဉာဏ်တော်သည်

(၁)သိဖွယ်ဟူသမျှတို့ကို အလုံးစုံ အကုန်အစင် သိတော်မူ၏၊ ထိုသို့ သိရာ၌ တစ်ခုတလေမျှလည်း အမှားအယွင်းမရှိ။

(၂)သိအပ်သော တရားတိုင်းဝယ် “သူတစ်ပါး နားလည် အောင် မည်သည့်နည်းဖြင့် ဟောနိုင်သည်”ဟု တရားတစ်မျိုး တစ်မျိုးလျှင် ဟောနည်း(တရားဆင်နည်း) အမျိုးအမျိုးကိုလည်း သိတော်မူ၏။

(၃)တရားနာမည့် ပုဂ္ဂိုလ်တိုင်း၏ အလိုဆန္ဒ(စိတ်ကြိုက်) ကိုလည်း နှိုက်နှိုက်ချွတ်ချွတ် သိတော်မူ၏၊

ထိုသို့ အစွမ်းသတ္တိ သုံးမျိုးရှိသော ဉာဏ်တော်ဖြင့် ချွတ်ထိုက်သော သတ္တဝါတို့ကို တရားဟောပြ၍ သံသရာဝဋ်မှ ကျွတ်လွတ်အောင် ချွတ်တော်မူလေရာ မရေမတွက်နိုင်အောင် များမြောင်သော နတ်ဗြဟ္မာများနှင့် လူအတော် များများတို့ တရားထူး ပေါက်ရောက်ကာ သံသရာဝဋ်ဒုက္ခမှ ကျွတ်လွတ်ကြရပေသည်။ [ဘုရားတစ်ဆူ ပွင့်တော်မူရာ၌ “ကုဋေလေးဆယ်ç ဗိုလ်ခြေတစ်သိန်း ကျွတ်ကြသည်”ဟု ပြောစမှတ် ပြုကြ၏၊ ထိုစကားသည် ပါဠိတော် အဋ္ဌကထာလာ စကား မဟုတ်, ပါရမီ ပြည့်သူတိုင်း ကျွတ်တန်းဝင်ရမည်ဖြစ်သောကြောင့် “ဘုရား တစ်ဆူလျှင် ကျွတ်တန်းဝင်သူ မည်မျှသာရှိသည်” ဟု အတိအကျ သတ် မှတ်ခြင်း လည်း ယုတ္တိမရှိပါ။]

(မဟာဂန္ဓာရုံဆရာတော်၏ ဘာသာသွေး စာအုပ်မှ) ဆက်ဦးမည်....