၃။ဘုရားဖြစ်တော်မူခန်း
ဘုရားဖြစ်မည့်နေ့အစီအစဉ်
ပဉ္စဝဂ္ဂီငါးဦးတို့
(တန်ခူးလကွယ်နေ့လောက်၌) ခွဲခွာ၍ သွားကြသောအခါ ဘုရားအလောင်းတော်သည် ကိုယ်တော်တစ်ပါးတည်း
ဆိတ်ငြိမ်မှုရသောကြောင့် တရားအားထုတ်ရာ၌ သမာဓိလည်း အထူးတိုးတက်လာလေသည်၊ ထိုသို့ ကိုယ်တော်တစ်ပါးတည်း
(၁၂)ရက်မျှ ကြိုးစားခဲ့ပြီးနောက် ကဆုန်လပြည့်နေ့ဝယ် သုဇာတာ၏ ဃနာနို့ဆွမ်းကို ဘုန်းပေးတော်မူပြီးလျှင်
နေ့လည်အချိန်၌ ထိုအနီးရှိ တောအုပ် ဝယ် တရားအားထုတ်တောမူသော အခါ.....
၁။ ပထမဈာန်ကို ရတော်မူ၏၊ ထိုဈာန်၏ အစွမ်းကြောင့်
စိတ်တော်ဝယ် ကာမနှင့်စပ်သော တဏှာလောဘစိတ်ဓာတ်များ ကင်းကွာနေ၏၊ ဒေါသ မောဟနှင့်စပ်သော
စိတ်ဓာတ်များလည်း ကင်းကွာနေ၏၊ အာနာပါန(ထွက်သက်ဝင်သက်) အာရုံတစ်ခုအပေါ်၌ စူးစိုက်သော
စိတ်အစဉ်သာ ဖြစ်နေ လေသည်။
၂။ ထို့နောက်
ဆက်၍ အားထုတ်သောအခါ ဒုတိယဈာန်ကို ရတော်မူ၏၊ ထိုဈာန်၏အစွမ်းကြောင့် စိတ်၏လှုပ်ရှားမှုကို
ပြုတတ်သော ဝိတက်ဝိစာရတို့သည် ငြိမ်သက်သွားကုန်၏၊ စိတ်သည် အလွန်ကြည်လင်တော်မူ၏၊ သမာဓိလည်း
ပို၍ အားကောင်းတော်မူလာ၏၊ နှစ်သက်မှု ပီတိ, စိတ်ချမ်းသာမှု သုခတို့လည်း ထင်ထင်ရှားရှား
ဖြစ်လာကုန်၏။
၃။ ထိုနောက်
တိုး၍ အားထုတ်သောအခါ တတိယဈာန်ကို ရတော်မူ၏၊ ထိုဈာန်၏အစွမ်းကြောင့် နှစ်သက်မှု ပီတိသည်ပင်
ကွယ်ပျောက်၍ သုခချည်းသက်သက် ချမ်းသာလျက် ရှိ၏၊ ထိုသုခ၏အစွမ်းကြောင့် တစ်ကိုယ်လုံးလည်း
ချမ်းသာ, သတိလည်း အလွန်ကောင်း, ဉာဏ်ပညာလည်း အလွန် ထက်မြက်လာသည်။
၎။ ထို့နောက်
တိုး၍ အားထုတ်သောအခါ စတုတ္ထဈာန်ကို ရတော်မူ၏၊ ထိုဈာန်၏အစွမ်းကြောင့် ချမ်းသာသုခသည်လည်း
ငြိမ်းသွားပြန်၏၊ စိတ်အစဉ်လည်း သုခသဘောအားဖြင့် သာယာမှု မရှိတော့ဘဲ ဥပေက္ခာသဘောအားဖြင့်
လစ်လျူရှုလျက် ရှေးကထက်ပို၍ ထက်မြက်လာလေသည်၊ ထို့နောက် အရူပဈာန်ကိုလည်း ရတော်မူသည်။
ဗောဓိညောင်ပင်အောက်ထိုင်တော်မူခြင်း
(မဟာဂန္ဓာရုံဆရာတော်၏ ဘာသာသွေးစာအုပ်မှ) ဆက်လက်တင်ပြပါမည်။
