ကျွန်တော် မကြာခဏ သတိရနေမိသော အဆိုအမိန့်ကလေးတစ်ခုကို ပြောလိုက်ချင်ပါသည်။ ပြောကြားခဲ့သူမှာ `ဆာရစ်ချတ်လစ်ဗင်းစတုန်း`ဆိုသော ပညာရေး ပါရဂူကြီးဖြစ်လျက် သူ၏ဟောပြောချက်များကို စုပေါင်းထားသည့် `ပညာရေး၏ လုပ်ငန်းဆောင်တာများ(Some Tasks fpr Education)`ဟူသော စာအုပ်တွင် ဖတ်လိုက်ရသည်။
သိပ္ပံပညာက လက်တစ်ဖက်မှာ အဏုမြူဗုံး၊ လက်တစ်ဖက်မှာ ပင်နီဆလင်ကိုင်ပြီး ပေးနေတာပဲ။ ဘာကို ရွေးမလဲ။ ရွေးတဲ့အတိုင်း ကမ္ဘာကြီး ကံကြမ္မာဖန်လာမှာပဲ`
ယခုတလော ကမ္ဘာ့သတင်းတွေကို နားထောင်လိုက်တိုင်း အရွေးမှားတော့မည်ထင်ပါရဲ့ဟု အောက်မေ့နေမိသည်။ ဘယ်နေရာကို လှမ်းကြည့်လိုက်ကြည့်လိုက် စိတ်ချလက်ချ ငြိမ်းငြိမ်းချမ်းချမ်းနေရသော နေရာရယ်လို့ မတွေ့ရသလောက်ဖြစ်နေသည်။ အားလုံး ကျီးလန့်စာစား ဖြစ်နေကြရသည်။ စစ်ရေးမက်ရေး၊ အကြမ်းဖက်သမားဘေးတွေက တစီစီဖြစ်နေချိန်တွင် `ဆားစ်`လိုရောဂါဘေးတွေက ၀င်မှောင့်လိုက်ပြန် သေးသည်။
ဂျပန်လူမျိုးရုပ်ရှင်ဒါရိုက်တာကြီး အာကီရိုကူရိုဆာဝါသည် ရုပ်ရှင်ကားပေါင်းများစွာကို ရိုက်ကူးခဲ့ရာ သုံးပုံနှစ်ပုံလောက်သော ကားများကို ဂန္ထ၀င်ကားတွေဖြစ်သည်ဟု ရုပ်ရှင်ပညာရှင်များက လက်ခံကြသည်။ အင်တာဗျူးတစ်ခုတွင် `ခင်ဗျားရဲ့ ရုပ်ရှင်ကားတွေအားလုံးဟာ အချုပ်အားဖြင့် လူ့လောကကိုဘယ်လိုများ စကားဆိုချင်ပါသလဲ`ဟုမေးရာ သူကပြန်ဖြေလိုက်သည်မှာ `လူတွေဟာ ဒီထက်ပိုပြီး သာတောင့်သာယာ ချမ်းသာစွာ နေနိုင်ပါလျက် ကိုယ့်ဘာသာဆင်းရဲတွင်းနက်အောင် လုပ်နေကြတယ်ဆိုတဲ့စကားကို ပြောနေ တာပါပဲ`တဲ့။
ထိုစကားများကိုလည်း ကျွန်တော်မကြာခဏသတိရမိသည်။ နောက်စကားလေးတစ်ခွန်းကိုလည်း တစ်ဆက်တည်း ပြောလိုက်ချင်ပါသေးသည်။ မေးလိုက်သည်က `ဒီနေ့ ဂျပန်လူ့အဖွဲ့အစည်းမှာ မျက်စိ အောက်မှတင် ခြစားကြတာ၊ လာဘ်စားကြတာတွေကို မြင်နေပါလျက် ကိုယ်နဲ့မဆိုင်သလို လက်ပိုက်ကြည့် နေကြတယ်။ ဒီလို ကောက်ကောက်ကွေ့ကွေ့ဖြစ်နေတာတွေကို ဖြောင့်ပစ်ရမှာပဲ မဖြောင့်နိုင်ရင် တစ်နေ့မှာ ဒုက္ခပေးလိမ့်မယ်`။
နောက်စကားတစ်ခွန်းကို ဖောက်သည်ချလိုက်ဦးမည်။ ကမ္ဘာ့ရုပ်ရှင်ပွဲတော်တစ်ခုတွင် `ပီတာအိုတူး` ဆိုသော ရုပ်ရှင်မင်းသား(အို)ကြီးပြောသွားသော စကားပင်ဖြစ်ပါသည်။ ကျွန်တော်တို့ ငယ်စဉ်က ထိုမင်းသားကြီးကို အလွန်စွဲခဲ့ရသည်ကို မှတ်မိနေပါသေးသည်။ သူပြောတာက `ဒီနေ့ ကမ္ဘာကြီးမှာ ဖြစ်နေသမျှ အနိဋ္ဌာရုံအစုစုအတွက် ရုပ်ရှင်တွေဟာ တာဝန်မကင်းပါဘူး`
ဟုတ်ပါ့။
ရုပ်ရှင်ကားတွေကို ကြည့်လိုက်ပြန်လျှင်လည်း သတ်နည်းမျိုးစုံ၊ လိမ်နည်းကောက်နည်း အဖုံဖုံနှင့် `ဒုစရိုက်ထရိန်နင်`ကို တွင်တွင်ကြီး ပေးနေသည်ဟုပင် ဆိုလောက်ပါပေသည်။ ဆင်ဆာမဲ့ဗွီဒီယိုကားတွေ ဆိုလျှင် ပိုလို့ပင်ဆိုးသေးသည်ဟု ပြောကြပါသည်။ ပြောကြပါသည်ဟုဆိုခြင်းက ဗွီဒီယိုကားတွေကို ကြည့်ချိန် မပေးနိုင်တော့ပြီ။ အာရုံလည်း မထက်သန်တော့ပြီ။
ထို့ကြောင့် မြန်မာ့ရုပ်သံနှင့် မြ၀တီရုပ်သံကလာသော တရတ်ကား၊ ကိုရီးယားကားလေးတွေလောက်ကိုသာ ကြုံသည့်အခါ အပျင်းပြေ ကြည့်မိတော့သည်။ သည်တော့ လူငယ်တွေ ပြန်ပြောမှ ထိုထိုသောရုပ်ရှင်၊ ဗီဒီယိုကားတွေအကြောင်းကို သိရတော့သည်။ ကျွန်တော့သား အငယ်ဆုံးကောင်က ဗွီဒီယိုအခွေ၊ စီဒီအငှားဆိုင်ဖွင့်ထားလေတော့ `ဟေ့ကောင် ယုတ်တီး ယုတ်ပတ်၊ စုတ်တီးစုတ်ပဲ့ အနိဋ္ဌာရုံကားတွေကိုတော့ မတင်နဲ့ကွာ`ဟု ပြောမိပါသေးသည်။ သူက `ဟာ ဖေဖေကလဲ ကျွန်တော်ဒီလောက်အထိ အောက်တန်းမကျပါဘူး`တဲ့။
အေး၊ မင်းက ဒီလောက်အထိ အောက်တန်းမကျပါဘူးဆိုလို့ ၀မ်းသာတယ်။ ဒါပေမယ့် အဲဒီလောက်ထိ မကဘဲ အဲဒီထက်အောက်တန်းကျတဲ့လူတွေရှိနေလို့ ဒီကားမျိုးတွေ ထွက်လာတာပေါ့။ ဒါကြောင့် ကမ္ဘာကြီး အောက်တန်းကျလာတာ ရုပ်ရှင်တွေရဲ့ ပယောဂမကင်းဘူးလို့ မင်းသားဟောင်းကြီး ပီတာအိုတူးက ပြောခဲ့တာ။
နောက်စကားတစ်ခွန်းကို ပြောလိုက်ရပါဦးမည်။ ဘယ်သူရေးသည်၊ ဘယ်သူက ပြောခဲ့သည်ကိုတော့ ဖြင့် မမေးလိုက်ပါနှင့်။ ကျွန်တော်ငယ်ငယ်က (လွန်ခဲ့သောနှစ်ပေါင်း လေးငါးဆယ်က)ဖတ်ခဲ့ဖူးတာ ဖြစ်လေတော့ ဘယ်မှာ မှတ်မိပါမည်နည်း။ ကျွန်တော်မှတ်မိသလောက်-
``ကျွန်ုပ်တို့ ငြိမ်းချမ်းရေးကို လိုချင်လျှင် ကလေးတွေကို လက်နက်ဖြုတ်သိမ်းပစ်ရမည်``တဲ့။
ဟုတ်ပါ့။
ကြည့်စမ်း။ ကလေးကစားစရာတွေကို ကြည့်လိုက်စမ်းပါဦး။ သေနတ်တွေ၊ လက်ပစ်ဗုံးတွေ၊ တိုက်လေ ယာဉ်တွေ။ ဓားတွေ လှံတွေ။ ကုန်ကုန်ပြောလိုရလျှင် ကျိုက်ထီးရိုးဘုရားက ပြန်လာလျှင် ဒက်ဒက် ဒက်ဒက်မြည်သော စက်သေနတ်သုံးလက်လောက်တော့ ပါလာတတ်သည်။ စင်စစ်ကျိုက်ထီးရိုးဘုရားပွဲ ဆိုသည်မှာ ယဉ်ကျေးမှုတကာတို့တွင် အမြင့်ဆုံးဘာသာရေးပွဲမဟုတ်ပါလား။ သည်လိုပွဲမျိုးမှာပင် စက်သေနတ် တွေ တဒက်ဒက်ဖြစ်နေလေတော့ ကောင်းနိုင်ပါတော့မည်လား။
ခုတော့ မြို့နယ်ရပ်ကွက် ဘုရားပွဲကလေး များ၏ လမ်းဘေးဈေး၌ပင် တရုတ်ဇာတ်လမ်းတွဲကားထဲက ကျန်းကျောင်းဦးထုပ်၊ ကျန်ကျောင်းဓားတို့ကို ရောင်း နေကြသည်။ ဒါတွေကို လူကြီးမိဘတွေကလည်း လိုလိုချင်ချင် ၀ယ်ပေးနေကြသည်။ ကလေးတွေကလည်း ကျန်ကျောင်းဓားလေးတွေ တရမ်းရမ်းနှင့် ကစားနေကြသည်။ ဟိုးအရင် ကျွန်တော်တို့ခေတ်ကလို မြင်းရုပ်၊ ဇော် ရုပ်၊ မင်းသားမင်းသမီးရုပ် မဟုတ်ကြတော့ပြီ။
သူတို့တစ်တွေ နှစ်နှစ်ခြိုက်ခြိုက် ကစားနေကြသည့် တီဗွီဂိမ်းဆိုတာကို ကြည့်လိုက်ပြန်တော့လည်း ကျွန်တော်ကြည့်သလောက် ဟိုအကောင်ကို သတ်ဟ၊ ဒီအကောင်ကို ဖြတ်ဟ-ဆိုတာမျိုးတွေသာ ဖြစ်နေသည်။ တစ်ခုမျှ မေတ္တာစိတ်ကို မညွှန်း။ ကလေးတွေက သတ်ဟ၊ ဖြတ်ဟနှင့် ကြီးပြင်းလာကြသည်။ သည်ကလေးတွေ ကြီးလာလျှင်တော့ ဘာတွေလုပ်ကြမည်ကို ဗေဒင်မေးနေစရာမလိုတော့ပြီ။ ဘယ်လိုသတ်ရလျှင် ကောင်းမည်လဲ၊ ဘယ်လိုဖြတ်ရလျှင်ကောင်းမည်လဲဆိုဆာလောက်ကိုသာ တွေးနေတော့မည်ပေါ့။
သည်လို ဖြစ်နေတာတွေကို တွေးလိုက်မိတော့ ဒီကနေ့ လူကြီးတွေ ပြောနေတတ်ကြသော `ဒီခေတ်လူငယ်တွေ မကောင်းတော့ဘူး။ လူကြီးသူကြီးမှန်းမသိ၊ ရိုင်းလာကြတယ်`ဟူသော စကားတွေကို ရယ်ချင်လာမိသည်။ ကျွန်တော့ခေါင်းထဲမှာ မေးခွန်းတွေ အစီအရီပေါ်လာတတ်သည်။
ပထမဆုံးပေါ်လာလိုက်သည့် မေးခွန်းက ကလေးတွေ မရိုင်းအောင် လူကြီးတွေက ဘာလုပ်ပေးသလဲ ဟူသော မေးခွန်းဖြစ်သည်။
တွေ့သလောက်ပြောလိုက်ရလျှင် ယုတ်တီးယုတ်ပတ် ရုပ်ရှင်တွေရိုက်တာ လူကြီးတွေဖြစ်သကဲ့သို့ အရက်ချက်ရောင်းတာလဲ လူကြီးတွေပါပဲ၊ ဘိန်းဖြူချက်ရောင်းတာလဲ လူကြီးတွေပါပဲ။
ဤသို့ စိတ်ပျက်လက်ပျက်ဖြစ်နေချိန်တွင် ကလေးသူငယ်ဗုဒ္ဓဘာသာသင်တန်းကျောင်းကလေးတွေ အစီအရီပေါ်လာသည်။ ကျွန်တော့်ကိုလည်း ဟောပြောပို့ချပေးပါရန် ဖိတ်ကြားသောကြောင့် မကြာခဏဆိုသလို သွားရောက်ဟောပြောပေးရပါသည်။
သွားရောက်ဟောပြောရသော ကျောင်းများမှာ တောင်ဥက္ကလာ သင်္ဃန်းကျွန်း အစပ်တွင်ရှိသော ငါးကျမ်းပြန်ကျောင်းတိုက်၊ မှော်ဘီဘက်တွင်ရှိသော ရှင်ဆေကိန္ဒာရာမကျောင်း တိုက်၊ ဗဟန်းဘက်တွင်ရှိသော ရွှေတောင်ကုန်းရိပ်သာတို့ဖြစ်သည်။
နွေရာသီကျောင်းပိတ်၇က်လောက်တွင် ကျောင်းသားကျောင်းသူတို့မှာ သာမဏေငယ်များ၊ သီလရှင် ကလေးများဖြစ်နေကြသည်။ သီလရှင်ကလေးများကိုပင် သီလရှင်ဟုမခေါ် သိက္ခာရှင်ကလေးတွေဟု ခေါ်သည်။ ဤဝေါဟာရကလေးကို ကျွန်တော်သဘောကျမိသည်။ ထိုဝေါဟာရကို စတင်သုံးလိုက်သူကိုလည်း အထင်ကြီးမိသည်။ သိက္ခာရှင်ဟု အမည်ခံလိုက်သောကြောင့် သိက္ခာကို စောင့်ထိန်းရန်လိုအပ်ကြောင်း သတိ ပေးနေသကဲ့သို့ ဖြစ်သွားသည်။
အသက်အရွယ်ပညာရည်အားဖြင့်ဆိုလျှင် မူလတန်းမှ တက္ကသိုလ်အဆင့်လောက်အထိအောင် ပါဝင်သည်။ အချို့ကိုရင်ကလေးတွေ၊ သိက္ခာရှင်ကလေးတွေဆိုလျှင် အရွယ်အားဖြင့် ငယ်လွန်းလှသေးသည်။ အငယ်ဆုံးဆိုလျှင် ငါးနှစ်လောက်သာရှိသေးသည်။ ဒီလိုဆီးစေ့လောက် ကလေးတွေကို ဘာသာရေးသင်တန်း ပေး၊ ရိပ်သာဝင်၊ တရားမှတ်အလုပ်ခိုင်းတော့ ဘယ်မှာအကျိုးရှိမှာလဲဟု မေးစရာရှိသည်။ တစ်ခွန်းတည်းပြော လိုက်ချင်ပါသည်။ ဗွီဒီယိုကြည့်၊ ကာရာအိုကေဆို၊ တိရစ္ဆာန်ရုံသွား၊ ငါးမျှားလုပ်နေကြတာတွေထက်တော့ အများ ကြီးပိုကောင်းပါသည်။
သူတို့လေးတွေမှာ လက်အုပ်ချီတာကအစ၊ ဦးချတာကအစ စနစ်တကျနည်းမှန်လာသည်။ ဆွမ်းစားတာကအစ ဇွန်းသံ၊ ပန်းကန်သံ အသံမမြည်အောင် သတိထားတတ်လာသည်။ လမ်းလျှောက်တာက အစ၊ မျက်လုံးကြည့်တာကအစ ဣနြေ္ဒသိက္ခာနှင့်ဖြစ်လာကြသည်။ ဒါမျိုးတွေကို မိဘများက အိမ်မှာ ကြပ်ကြပ်မတ် သင်ပေးနိုင်ကြသည်မဟုတ်။ ကိုယ့်အလုပ်နှင့်ကိုယ် ပြေးကြ လွှားကြ ရုန်းကန်နေကြရသည်။ သူတို့ `ပါးစပ်မပြတ်လှုပ်`နိုင်ဖို့ မိဘတွေက `လက်မပြတ်လှုပ်`နေကြရသည်။ ဒါတွေက (ခုခေတ်လူငယ်တွေ စကားနှင့်ဆိုလျှင်) အကင်းပဲရှိသေးသည်။
သည်ထက်ပိုလာသည်က ကုသိုလ် အကုသိုလ်ကို သိလာကြသည်။ မိမိစိတ်ကို ဘယ်လိုထားရမည်ကို သိလာကြသည်။ ရတနာသုံးပါး၊ မိဘဆရာသမားကို ရိုသေရကောင်းမှန်းသိလာကြသည်။ မပြစ်မှား ကောင်းသော အရာတွေကို သိလာကြသည်။ သည်လောက်အထိသိလာကြလျှင်ပင် နည်းနည်းနောနော ကျေးဇူးလား။ ဓာတ်ခွဲခန်းတွင် အောက်ဆီဂျင်ဓာတ်ထုတ်ဖော်ပုံကို သိရန်ထက် ကုသိုလ် အကုသိုလ်ကို သိရန် ပိုလို့အရေးကြီးသည်ဟု ကျွန်တော်ထင်မိသည်။
မကြာသေးမီက ကွန်မြူနစ်ဝါဒ၊ ရုပ်ဝါဒအကြီးအကျယ်ခေါင်းထောင်လာခဲ့ဖူးသည်။ ဘာသာရေးသည် တော်လှန်ရေးစိတ်ဓာတ်ကို တွေဝေစေသောကြောင့် ဘိန်းနှင့်တူသည်ဟု ဆိုခဲ့ကြသည်။ ဘုရားဆိုတာတွေကို ပစ်ပယ်ရုံမျှမက ရှုတ်ချသည့်အဆင့်သို့ပင် ရောက်ခဲ့ပါသေးသည်။
ဘုရားရှိခိုးလိုက်မိလျှင်ပင် `မတိုးတက်သော` `ဖောက်ပြန်သော`စသည်ဖြင့် `သော`တစ်ရာ့ခြောက်ဆယ်တိုင်အောင် ဝေဖန်ပြစ်တင်တတ်ကြသည်။ သို့သော် ဘာသာရေးသည် နှစ်ပေါင်းထောင်ချီပြီး လောကကို စောင့်ရှောက်ခဲ့ကြောင်း သူတို့မေ့နေကြသည်။ ဘာသာရေးကို အစားထိုးနိုင်သော သဘောတရား သူတို့မှာ မရှိ။ ထို့ကြောင့် ဘာသာရေးမဲ့သော လူ့အဖွဲ့ အစည်း၊ တိုင်းပြည်နိုင်ငံတို့သည် မရှုမလှ ပြိုကွဲခဲ့ရသည်။
စကားစပ်လာသောကြောင့် စကားရှည်လိုက်ပါဦးမည်။ ကျွန်တော်ကွန်မြူနစ် မဖြစ်ခဲ့ဖူးသော်လည်း သိချင် တတ်ချင်သော ၀ါသနာကြောင့် ကွန်မြူနစ်သင်တန်း၊ ဆိုရှယ်လစ်သင်တန်းတွေကို တက်ခဲ့ဖူးသည်။ တစ်ခုသောဗုဒ္ဓဟူးနေ့၌ ကျွန်တော်တို့လမ်းအောက်ထိပ်က လက်ဘက်ရည်ဆိုင်တွင် စာပေအပေါင်းအသင်း၊ စာပေတပည့်များနှင့်ထိုင်ပြီး စာအကြောင်း ပေအကြောင်း ပြောနေကြသည်။ မြသန်းတင့်ကလည်း ရောက်လာ လိုက်သေးသည်။ ထိုအခိုက်တွင် ကွယ်လွန်သူ `လယ်ဝေး သခင်ကြည်ရှိန်`ပေါက်လာတဲ့ပြီး ဆိုင်းမဆင့် ပတ်မပျိုး-
ဘယ်လိုလဲကိုအောင်သင်းရဲ့။ ခင်ဗျားတို့ကွန်မြူနစ်ဝါဒက ငါးသုံးလုံးလောက်တောင်မှ သက်တန်းမရှည် ပါကလား-တဲ့။
ကျွန်တော့်သူငယ်ချင်း ကွန်မြူနစ်ဝါဒီမြသန်းတင့်ကြီးပင် ဣနြေ္ဒမဆောင်နိုင်ဘဲ ရယ်ပါလေတော့သည်။
ထိုအချိန်က ငါးသုံးလုံးစီးကရက်က နှစ်တစ်ရာပြည့်ပွဲ ခံနေချိန်ဖြစ်ရာ မြသန်းတင့်ရော ကျွန်တော်ပါမက တစ်ဝိုင်းလုံးရယ်မောလိုက်မိကြပါသည်။ သခင်ကြည်ရှိန်သည်။ ကွန်မြူနစ်တို့၏ ရန်သူဖြစ်သည်။
ထို့ကြောင့်သာ သည်လိုလှောင်သည်ပဲ ဆိုစေဦးတော့ သူပြောသည့်စကားကို ဆင်ခြေတက် ငြင်းပယ်ရန် အလွန်ခက်သည်။ အကြောင်းက ဆိုဗီယက်ကွန်မြူနစ်တော်လှန်ရေးက ၁၉၁၇-တွင်ဖြစ်ခဲ့သည်။ နှစ် ၇၀-ကျော်တွင် ပြိုကွဲခဲ့ရသည်။ ငါးသုံးလုံးစီးကရက်က နှးစ်တစ်ရာပြည့်ပွဲဖြစ်လေတော့ သူ့ထက်သက်တမ်းရှည်သည်ဟု ဆိုရမည်သာ ဖြစ်သည်။ ထို့ကြောင့် သခင်ကြည်ရှိန် ပြောမည်ဆိုလျှင်လည်း ပြောလောက်ပါပေသည်။
ဗုဒ္ဓသာသနာပေါ်ထွန်းခဲ့သည်မှာ နှစ်ပေါင်း ၂၅၀၀-ကျော်ခဲ့ပြီဖြစ်လေတော့ ငါးသုံးလုံးကိုပင် မယှဉ်နိုင်သော ကွန်မြူနစ်ဝါဒမှာ စကားထဲပင် ထည့်ပြောလို့မဖြစ်တော့ပြီ။ ရှေးခေတ်မြန်မာနိုင်ငံ၏ ပညာရေးကို ဘုန်းတော်ကြီးကျောင်းများက ဦးဆောင်ခဲ့သည်။ ထို့ကြောင့် ဘာသာရေးအဆုံးအမကို ငယ်စဉ်ကပင် စွဲလမ်းစွာ ခံယူကျင့်သုံးရကောင်းမှန်း သိခဲ့ကြသည်။ ရှေးခေတ် မြန်မာ့လူ့ဘောင်တွင် ဆိုးသွမ်းဟော့ရမ်းမှု၊ ပြစ်မှုကျူး လွန်မှု မရှိမဟုတ်၊ ရှိခဲ့သည်။ သို့သော် နိုင်ငံများနှင့်ယှဉ်လိုက်လျှင် အလွန့်အလွန် နည်းပါးခဲ့သည်။
ယခုအခါတွင် ဗုဒ္ဓသာသနာပြု ပုဂ္ဂိုလ်ကြီးအဖြစ် ကမ္ဘာတွင် ထင်ရှားနေသော ဆရာကြီးဦးဂိုအင်ကာ၏ အဘိုးက သူ့ခေတ်သူ့အခါတွင် ကြုံခဲ့ရသော ဖြစ်ရပ်အရ `သူခိုးမရှိသောတိုင်းပြည်`ဟုပင် ဥဒါန်းကျူးခဲ့ရသည်။ သူကကျေးလက်တောရွာများသို့ နောက်လိုက်နောက်ပါ လှည်းသမားများနှင့်အတူ ကုန်စည်လှည့်လည်ပြီး ရောင်းခဲ့ရသည်။ တစ်နေရာတွင်တော့ စရပ်ပေါ်မှာ အိပ်ကြရသည်။ နံနက်တွင် ခရီးဆက်ကြတော့ သူ့ငွေအိတ် ကို စရပ်ပေါ်တွင် မေ့ကျန်ခဲ့ရာ လေးငါးခြောက်မိုင်လောက်ရောက်မှ သတိရသည်။ ထို့ကြောင့် ပြူးပြူးပျာပျာဖြစ် လျက် လှည်းသမားတွေကို ပြန်လှည့်ဖို့ပြောသည်။
လှည်းသမားတွေက ဘာမျှမထူးခြားသလို `အပြန်ကျတော့ ယူပေါ့`ဟုသာပြောသည်။ သည်လောက်ထိအောင် ကြာခဲ့သည့်နောက် ပြန်သွားလျှင်လည်း တွေ့နိုင်တော့မည် မဟုတ်ဟုတွေးကာ ရှေ့ကိုသာ ခရီးဆက်ရတော့သည်။ သုံးလေးရက်ရှိမှ နောက်ကြောင်းပြန်လာသောအခါ သူ့ငွေအိတ်ကို လက်ရာမပျက်တွေ့ရသည်တွင်မှ အံ့အားအသင့်ကြီး သင့်ရတော့သည်။
ဤသည်မှာ မိမိမရထိုက်သော သူတစ်ပါး၏ပစ္စည်းကို မယူရဟူသော ဘာသာရေးအဆုံးအမကြောင့် မည်သူကမျှ မယူခဲ့ခြင်းဖြစ်ကြောင်း သိသာလှပါပေသည်။
ထို့နောက် အင်္ဂလိပ်ခေတ်သို့ ရောက်သောအခါတွင်မူကား ဘုန်းကြီးကျောင်းပညာရေးမှာ မှေးမှိန်လာခဲ့ ရသည်။ လူငယ်အများစုမှာလည်း ရှင်ပြု သာမဏေသုံးရက်လောက်သာ ၀တ်ဖူးလျက် ပုတီးစိပ်ကိုပင် အလွတ် ကျက်ချိန် မရလိုက်သော အမည်ခံ ဗုဒ္ဓဘာသာဝင်များ ဖြစ်လာကြလေတော့သည်။
ဤသည့်နောက်တွင် စစ်ကြီးဖြစ်လာလိုက်၊ ဂျပန်ဝင်လာလိုက်၊ ဖက်ဆစ်တော်လှန်ရေး၊ ပြည်တွင်းဆူပူမှု စသည်စသည်ဖြင့် အမိုက်အကန်း စရိုက်ကြမ်းဖို့ အကြောင်းများသည်သာလျှင် လွှမ်းလာလေတော့သည်။ မူးမိုက်ယစ်ဝေစေသော ပစ္စည်းတွင်လည်း ရှေးက ထန်းရည်၊ ကစော်၊ အရက်၊ ဆေးခြောက်၊ အလွန်ဆုံးဘိန်း အထိသာရှိခဲ့သည်။ ယခုတော့ ထိုထိုသောယစ်မျိုးပစ္စည်းများထက် အဆမတန် စွမ်းအင်ထက်မြက်သည့် ယစ်မျိုးတွေမှာ နာမည်ကိုပင် မှတ်လို့ မနိုင်အောင် ပေါ်လာခဲ့လေသည်။
ထိုသို့သော ကာလဆိုးကြီးမှ လူငယ်တို့ ထွက်မြောက်နိုင်အောင် လက်တွဲခေါ်ဆောင်နိုင်သည်မှာ ဘာသာရေးခံယူချက်သာလျှင် ရှိပေတော့သည်။ ကျွန်တော်တို့ မြန်မာနိုင်ငံမှာ ဗုဒ္ဓဘာသာအခြေခံခဲ့သည့် အတိုင်း ဗုဒ္ဓဘာသာအုတ်မြစ်ကို ခိုင်ခိုင်မာကြီး တည်ဆောက်ရပေလိမ့်မည်။ နိုင်ငံရေး စီမံကိန်းကြီးတွေ ဘယ်လောက်ပင် ကြီးကျယ်ခန်းနားနေစေဦးတော့၊ မည်မျှပင် သပ်ရပ်ကောင်းမွန်နေစေဦးတော့ စာရိတ္တ အုတ်မြစ် မခိုင်မာလျှင် ဖွဲပုံပေါ်လှံစိုက်သလို ယိုင်လဲမည်သာဖြစ်ချေသည်။
ထို့ကြောင့် ယနေ့ ငါးကျမ်းပြန်ကဲ့သို့သော ဘုန်းတော်ကြီးကျောင်းများက လူငယ်ပြုစုပျိုးထောင်ရေး စခန်း သာသနာပြုလုပ်ငန်းများကို ကြိုးပမ်းဆောင်ရွက်တော်မူနေကြသည်ကို `ဘုန်းကြီးတွေအလုပ်၊ ဘာသာရေးလုပ်ငန်း`ဟု ခပ်တိမ်တိမ်မတွေးဘဲ အလွန့်အလွန်အရေးကြီးသော နိုင်ငံရေး၊ စီးပွားရေးစသော အရေးတကာတို့ထက် အရေးကြီးသော `အရေးတော်ပုံကြီး`ကို ဆင်နွှဲနေသူများအဖြစ် ၀ိုင်းဝန်း ကူပံ့သင့်သည်ဟု ယူဆမိပါသတည်း။ ။
ဆရာကြီး အောင်သင်း
(၁၇.၈.၂၀၀၃)
ဆရာကြီး၏ ကန့်ကူလက်လှည့် ဆောင်းပါးစုပေါင်းစာအုပ်မှ မျှဝေပါသည်။
ဦးပဏ်ကြီး ဖေ့ဘုတ်မှ ကူးယူဖော်ပြပါသည်။ ကျေးဇူးပါ သူငယ်ချင်း ကိုယ်ကျန်းမာ စိတ်ချမ်းသာပါစေ
