"မဟာလှေကား အရှုပ်တော်နှင့် ကဏိကာရ ရှာပုံတော်"

"မဟာလှေကားပန်း"ဆိုတဲ့ အမည်ကို
ပျို့တွေ ရတုတွေ ကြိုးသီချင်းတွေမှာ ထည့်သွင်းစပ်ဆိုကြခဲ့ကြပါတယ်။

ကျွန်တော်လက်လှမ်းမီသမျှ "မဟာလှေကားပန်း" ပါဝင်တဲ့ ပျို့၊ ရတု၊ ကြိုးသီချင်း၊ ကဗျာတွေကို ကောက်နှုတ်တင်ပြလိုက်ပါတယ်။

ဆိုင်းရရိုင်းသား၊ ပန်းတိုင်းခတ္တာ၊ ရွှေရင်းမာနှင့်၊ မဟာလှေခါး၊ မုရားရွက်သွန်း၊ မျက်နှာပန်းလည်း၊ ပွင့်ဆန်းမပွင့်၊ ရိုးတန်မြင့်လျက်၊ ချသင့်ဆုံးဖြတ်၊ ကြိုင်မွှေးလွတ်၏။ (ရှင်အဂ္ဂသမာဓိ)

"တစဉ်တစဉ်၊ ပင်ခြင်းယှဉ်၍၊ ကူးလျဉ်က်စိပ်၊
မွမ်းမွမ်းသိပ်သား၊ မြိုင်ရိပ်ရွက်ကြား၊ ထွားရယားလျင်၊
ချယားမုလေး၊ ကြိုင်ဧပုန်းညက်၊ ကြက်တက် ပန်းသုန်း၊
ဂမုန်းကြံစာ၊ မဟာလှေကား၊ ဆပ်သွားအင်ကြင်း၊ လေးညင်းစပယ်၊" (ရှင်အုန်းညို)

မဟာလှေကား၊ ဆတ်သွားရင်ခတ်၊ ခိုင်ညွှတ်ကံ့ကော်၊ ထိုထိုသော်လည်း၊ တော်သင်င်္ကြန်ဝင်၊ သည်သဘင်၌၊ ညွန့်ရှင်လုလု၊ ဂုဏ်တင်းပြုလျက်၊ မာန်ပုံဖက်၍၊ မင်းထက်မင်းဖျား၊ တို့ဘုရားကို၊ ညွတ်တွားသဒ္ဓါ၊ ဖူးပွင့်လာ၏၊ (ရှင်ဥတ္တမကျော်)

မောက်မို အင်ကြင်း၊ နီဝင်းဇော်တ၊ သော်ကလေ။ မဟာလှေကား၊ ဆတ်သွားလှိုင်ပျံ့၊ ကြိုင်နံ့မွှေး။ (ဝန်ကြီးပဒေသရာဇာ)

" မဟာလှေကား၊ ဆတ်သွားမဥ္ဇူ ၊ ပျဉ်းဖြူတည့် အနန်း" ( မြဝတီမင်းကြီးဦးစ)

"နော်ဇာရွှေဝါ၊ မာလာရနံ့၊ မဟာလှေကား၊ ရွှေသားပန်းသစ္စာ"(တရုတ်ဝန်)

မဟာလှေကား-စံကားရွှေနွယ်၊ ရွှေရောင်ဓာတ်သန်း-လျှပ်ပန်းသဖွယ်၊
ရှုမခန်းပ-ဆန်းဆန်းကြယ်ကြယ်၊ တိုက်အလုံး-ရွှေအုံး ဆင်သခြယ်။ (လယ်တီပဏ္ဍိတဦးမောင်ကြီး)

အခုတင်ပြခဲ့တဲ့ ပျို့ရတုသီချင်ကဗျာတွေကို ကြည့်ရင်
"မဟာလှေခါး"ဆိုတဲ့ ရေးထုံးနဲ့
"မဟာလှေကား"ဆိုတဲ့ ရေထုံး နှစ်မျိုးတွေ့ရမှာပါ။

ဒီရေးထုံးတွေက မူလရေးသူရဲ့ ရေးထုံးလား နောက်ပိုင်း တည်ဖြတ်သူ, ပုံနှိပ်သူတွေရဲ့ အလိုကျ ရေးထုံးလားဆိုတာတော့ ပြောဖို့ခက်မယ်ထင်တယ်။

ဒီပန်းပင်ဟာ ရေးထုံးသာ မတူညီတာ မဟုတ်ပါဘူး၊ မဟာလှေကားပင်နဲ့ ပတ်သက်လို့ ပညာရှင်တွေအကြား အယူအဆ ရှုပ်ထွေးနေတဲ့ အပင်တစ်ပင်လည်းဖြစ်နေတယ်။

မဟာလှေကားပင်ဟာ သိဒ္ဓတ္ထဘုရားရှင် ပွင့်တော်မူတဲ့ ဗောဓိပင်ဆိုပြီး ဗုဒ္ဓဝင်တွေမှာ ဖော်ပြထားတဲ့အတွက် ဗုဒ္ဓဘာသာဝင်တွေအဖို့ အရေးပါတဲ့ အပင်တစ်ပင်လည်းဖြစ်ပါတယ်။

မဟာလှေကားပန်းလို့ မြန်မာမှုပြုကြတဲ့ ပါဠိဝေါဟာရကတော့
"ကဏိကာရ" ဆိုတဲ့ပုဒ်ပါပဲ။

"ကဏိကာရ"ဆိုတဲ့ပါဠိကို မဟာလှေကားပင်လို့ မြန်မာမှုပြုကြတဲ့အကြောင်း ကျွန်တော် တင်ပြခဲ့ပြီးပါပြီ။

အဘိဓာန်တွေမှာ ဖော်ပြတဲ့ "ကဏိကာရ" နှင့် မဟာလှေကားအကြောင်း လေ့လာကြည့်ကြဦးစို့။

အဘယာရာမဆရာတော်က အဘိဓာန်နိဿယသစ်မှာ "ကဏိကာရ" ပုဒ်ကို မဟာလှေကား, အပြင် တောင်ဖက်ဝန်းပင်လို့လဲ ဘာသာပြန်ထားတာတွေ့ရပါတယ်။

ဆရာကြီးဦးမြင့်ဆွေ(လန်ဒန်)ကလည်း " कर्णिकार - တောင်ဖက်ဝန်း = မဟာလှေကား" လို့ သက္ကတမြန်မာ အဘိဓာန်မှာ ဖော်ပြခဲ့ပါတယ်။

ကဏိကာရပါဠိကို တောင်ဖက်ဝန်းလို့ ဘာသာပြန်တာဟာ အဘယာရာမ ဆရာတော်နှင့် ဆရာဦးမြင့်ဆွေတို့ရဲ့ ဘာသာပြန်မှာသာ တွေ့ရပြီး တခြားနိဿတွေမှာ တောင်ဖက်ဝန်းလို့ ဘာသာပြန်တာ မတွေ့ဖူးပါဘူး။

နိဃဏ္ဍု ကျမ်းကြီးများအလိုအရ
"ကဏိကာရ"ပုဒ်ဟာ မဟာလှေကားကို မဟောပါဘူးတဲ့။
ဒါကြောင့် ရှေးက "ကဏိကာရ" သဒ္ဒါကို မဟာလှေကား-လို့ ဘာသာပြန်တာဟာ အလွန်စဉ်းစားစရာဖြစ်တဲ့အကြောင်း
ပုံပြဆေးအဘိဓာန်မှာ သိမ်ဖြူဆရာတော်က ဝေဖန်ထားပြီး

"ကဏိကာရ"သဒ္ဒါဟာ
သာလိဂါမနိဃဏ္ဍုမှာ "ငုတစ်မျိုး"လို့ ဖွင့်ဆိုထားကြောင်းနှင့်
ဘာဝပ္ပကာသနိဃဏ္ဍု မှာ "ငုသိမ်၊ နွယ်သာကီ၊ မြွေနိုင်ပင်၊ ဖက်ဝန်းပင်တစ်မျိုး" လို့ ပညာရှင်တို့ အမျိုးမျိုးယူဆကြကြောင်း ဖော်ပြထားတာ တွေ့ရပါတယ်။

သိမ်ဖြူဆရာတော်ရဲ့ ဖော်ပြချက်ဟာ
နိဃဏ္ဍုကျမ်းတွေ မကြည့်နိုင်တဲ့
ကျွန်တော်တို့အတွက် အလွန်အဖိုးတန်တဲ့ ဖော်ပြချက်ပါပဲ။

ဆက်ပြီးတော့
"ကဏိကာရ"ပုဒ်နဲ့ပတ်သက်လို့
ပါဠိသက္ကတ အင်္ဂလိပ်အဘိဓာန်တွေ ရှာကြည့်လိုက်တဲ့အခါ

ပါဠိအင်္ဂလိပ်အဘိဓာန်(PTS) နှင့် သက္ကတအင်္ဂလိပ်အဘိဓာန် (SED) တို့မှာ ကဏိကာရ (ကရဏိကာရ) ပုဒ်ကို "Pterospermum acerifolium" လို့ ရုက္ခဗေဒအမည်နဲ့ ဖွင့်ပြထားတယ်။

S.Dhammaka ကလည်း
Flora and fauna in the Pali Tipitaka မှာ ကဏိကာရပုဒ်ကို
"Hindi kanak champh, Pterospermum acerifolium" လို့ ဟိန္ဒီအခေါ်နှင့် ရုက္ခဗေဒအခေါ် နှစ်မျိုးတွဲပြီး ဖော်ပြခဲ့တယ်။

Pterospermum acerifolium-ဆိုတာ တောင်ဖက်ဝန်းပင်ကို ရည်ညွှန်းတဲ့ Scientific Name (သိပ္ပံအမည်) ပါ။

ဆေးဝါးပင်များအဘိဓာန် စာမျက်နှာ (၉၄)မှာ"တောင်ဖက်ဝန်း" ကို ရုက္ခဗေဒအမည် "Pterospermum acerifolium (L.) Willd."၊ ပါဠိလို "ကဏ္ဏိကာရ(ကဏိကာရ)၊ သက္ကတလို ကရဏိကာရ- လို့ဖော်ပြတယ်။

ဒါကြောင့် Pterospermum acerifolium-ဆိုတာ မြန်မာ့အခေါ် "တောင်ဖက်ဝန်းပင်"ပါ။

တောင်ဖက်ဝန်းကို ခဏထားပြီး "မဟာလှေကား" အကြောင်း ဆက်ဦးစို့ဗျာ။

ဆေးဝါးပင်များအဘိဓာန်မှာပဲ
မဟာလှေခါးကို နှစ်မျိုးဖော်ပြထားတာတွေ့ရတယ်။

အဲဒါတွေက မဟာလှေခါးဝါ(နှာ-၁၆၂ပဲနဲ့
ဝါဂွမ်းဝါခေါ်တဲ့ မဟာလှေခါး (နှာ-၂၀၄)တို့ပါပဲ။

"မဟာလှေခါးဝါ"ဆိုတဲ့ မြန်မာ့အမည်ကို
ရုက္ခဗေဒအမည်နဲ့ "Bauhinia tomentosa Linn." လို့ဖော်ပြပြီး ပါဠိအမည် "ကဉ္စနာရ၊ သက္ကတအမည် "ကာံစနာရ" လို့ဖော်ပြထားပြီး

"ဝါဂွမ်းဝါ၊ မဟာလှေခါး" ဆိုတဲ့ မြန်မာအမည်ကိုတော့ ရုက္ခဗေဒအမည် " Cochlospermum religiosum (L.) Alston"၊
အင်္ဂလိပ်အမည် " Golden Silk-Cotton; Yellow-flowerex cotton"၊ ပါဠိအမည် "ပီတကပ္ပါသ" လို့ ဖော်ပြထားပြန်တယ်။

မြန်မာ့စွယ်စုံကျမ်းမှာ စွယ်တော်ပင်ကို "မဟာလှေကားဖြူ" လို့ ခေါ်တယ်လို့ ဖော်ပြထားပါသေးတယ်။

ဆေးအမယ်လိုတဲ့အခါ စွယ်တော်ကိုပဲ အရောင်အလိုက် မဟာလှေကား အဖြူ, အနီ, အဝါ စသဖြင့် ခေါ်ဝေါ် ထည့် သွင်း သုံးခဲ့ကြပါတယ်လို့လည်း
မှတ်သားရဖူးပါတယ်။

သစ်ခွပင်တွေထဲမှာတောင်
မဟာလှေကား-လို့ခေါ်တဲ့ သစ်ခွမျိုး ရှိသေးသတဲ့။ အမျိုးသမီးအဝတ်အစား
ဒီဇိုင်းထဲမှာ မဟာလှေကားသစ်ခွ ဒီဇိုင်းပုံတွေ ရှိနေပါပြီ။

ကဲ..အခု တင်ပြခဲ့တာတွေ အားလုံးခြုံငုံကြည့်ရင်
မဟာလှေကားပင်ဆိုတာ
"ငုသိမ်၊ နွယ်သာကီ၊ မြွေနိုင်ပင်၊ တောင်ဖက်ဝန်း၊
ဝါဂွမ်းဝါ၊ စွယ်တော်ဖြူ၊ စွယ်တော်နီ၊ စွယ်တော်ဝါ၊ သစ်ခွ" ဆိုတဲ့ အပင်
(၉)ပင်ကို အထိ ရှိပါတယ်။

ဒီနေ့တော့ ဒီမျှနဲ့ နားပါရစေ, နောက်မှ ဆက်လက်လေ့လာ ကြပါဦးစို့....

ကိုကိုသက်မှူး

ငုပင်
 

မြွေနိုင်ပင် Abroma augusta Linn.
ဆေးဝါးပင်များအဘိဓာန်မှာတော့ "မြွေဆေးပင်၊ နဂါးဘေ" လို့ဖော်ပြပါတယ်။ 



နွယ်သာကီ Nerium odorum Soland.
တောင်ဖက်ဝန်း Pterospermum acerifolium
စွယ်တော်ဝါ
စွယ်တော်ဖြူ
စွယ်တော်နီ

ဝါဂွမ်းဝါ Cochlospermum religiosum (L.) Alston
  မဟာလှေကားသစ်ခွ