အဘိဓမ္မာမြတ်ဒေသနာ ဒုတိယတွဲ အပိုင်း(၂၁) အခန်း - ၅ စိတ်ဖြစ်စဉ်ကိုလေ့လာခြင်း (၂) { အာရုံတွေရဲ့ ဝင်ရောက်ရာ တံခါးခြောက်ပေါက်}

                   ဘုန်းကြီးတို့တတွေရဲ့ သန္တာန်မှာ စိတ်အစဉ်ဟာ အာရုံနဲ့ ဆက်စပ်ပြီး အစဉ်မပြတ်ဖြစ်ပေါ်ပြီးနေတယ်။ အကြောင်းတရားတွေ မြောက်မြားစွာ ရှိတဲ့အထဲက အာရုံကတော့ အဓိက အကြောင်းတရားဖြစ်တယ်။ ဘာဖြစ်လို့တုန်းဆိုတော့ စိတ်ဆိုတာ အာရုံနဲ့ကင်းပြ၊ီး မဖြစ်ဘူး၊ အာရုံဟာ အဓိကကြောင်းတရားဖြစ်တယ်။ သို့သော် အာရုံတစ်ခုတည်းသား အကြောင်းတရားလို့ ဒီလိုတော့ မမှတ်နဲ့ပေါ့။ အခြား အကြောင်းတရားတွေလည်း ရှိသေးတယ်။

                   ဗုဒ္ဓမြတ်စွာက အဓိက အကြောင်းတစ်ကို ဦးတည်ပြီး မိန့်ကြားလေ့ရှိတယ်၊ ပဋိစ္စသမုပ္ပါဒ်မှာ ဆိုရင် “အဝိဇ္ဇာပစ္စယာ သင်္ခါရာ”၊ သင်္ခါရကို ဖြစ်စေတက်တဲ့ အကြောင်းတရားတွေ မြောက်မြားစွာ ရှိပေမယ့်လို့ အဝိဇ္ဇာကို ဦးတည်ပြီးတော့ ပဓာနဖြစ်တဲ့ main cause အဓိက အကြောင်းတရားကို ဦးတည်ပြီးတော့ ဟောတယ်။ ဒီနေရာမှာလည်း စိတ်ဆိုတာ အာရုံနဲ့ကင်းပြီး မဖြစ်သောကြောင့် အာရုံဟာ စိတ်ဖြစ်ဖို့ရာအတွက် အဓိက အကြောင်းတရားအနေနဲ့ - မနေ့က ဝီထိမုတ်စိတ် ဖြစ်စဉ်တစ်ခုကို ရှင်းလင်းပြီး ဟောကြားထားခဲ့ပြီ။

                   ဘုန်းကြီးတို့ရဲ့ဘဝမှာ စိတ်ဖြစ်စဉ်ဟာ ၂-လိုင်းရှိတယ်လို့ အကြမ်းဖျင်းအားဖြင့် ဒီလိုမှတ်ရမှာပေါ့၊ အခြေခံအားဖြင့် “ဘဝင်စိတ်တို့ရဲ့ ဖြစ်စဉ်” ဒီဟာက တစ်ခု၊ ဘဝင်စိတ်တို့ရဲ့ဖြစ်စဉ်က ကံအဟုန်နဲ့သွားနေတာ၊ ကံအဟုန်က ဖန်တီးပေးလိုက်တဲ့ အာရုံနဲ့ စခန်းသွားနေတာ၊ လက်ရှိဘဝမှာ ကြုံတွေ့ရတဲ့ မျက်စိ နား နှာ လျှာ ကိုယ် စိတ် တို့က ရယူပေးတဲ့ အာရုံနဲ့ စခန်းမသွားဘူး။ ကံက ရယူပေးတဲ့ အတိတ်ဘဝက အာရုံတစ်ခုခုနဲ့ စခန်းသွားနေတဲ့ ဖြစ်စဉ်က “ဝီထိမုတ်စိတ်တို့ရဲ့ ဖြစ်စဉ်”၊ ဝီထိမုတ်စိတ်တို့ရဲ့ ဖြစ်စဉ်ကတော့ အာရုံကလည်းတည်ငြိမ်တယ်, စိတ်တွေကလည်း တည်ငြိမ်တယ်လို့ ပြောရမယ်၊ ဒါကြောင့်မို့ လှုပ်ရှားမှုကင်းတယ်၊ လှုပ်ရှားမှုကင်းလို့ နေ့စဉ်ဖြစ်ပျက်မှုထဲမှာ ထူးခြားတဲ့အာရုံ အပြောင်းအလဲတွေ  မရှိလို့ “ဝီထိမုတ္တ” process free ဆိုတဲ့ နာမည် ပေးထားပုံရတယ်။

                   တစ်နည်းအားဖြင့် ဆိုရင် “ဒွါရဝိမုတ်စိတ်” door free လို့ ခေါ်တယ်၊ door feee ဆိုတာကတော့ အာရုံတွေဝင်ရာ တံခါးတွေနဲ့ ဆက်သွယ်မှုမပြတ်ဘဲနဲ့ အတိတ်ကံက ဖန်တီးပြီး ရယူပေးထားတဲ့ ကံ ကမ္မနိမိတ် ဂတိနိမိတ် ဆိုတဲ့ အာရုံတွေနဲ့ပဲ ပဋိသန္ဓေစိတ်က နောက်ဆုံး စုတိစိတ်ထိအောင် ပဋိသန္ဓေစိတ်နဲ့ စုတိစိတ်ကြားမှာ ဘဝင်စိတ်တွေဟာ ဝီထိစိတ်ဖြစ်မလာဘူးဆိုရင် စဉ်ဆက်မပြတ် ဖြစ်နေကြတယ်၊ ဝီထိစိတ်ဖြစ်ရင်လည်း ခေတ္တခဏရပ်သွားပြီ ပြန်ပြီး ဆက်လက်ဖြစ်ပေါ်နေတယ်။ အဲဒါကြောင့် ပကတိစိတ်လို့ ပြောချင်ပြောပေါ့။ လူ့ဘဝမှာ မူလဘူတဖြစ်တဲ့ စိတ်ဖြစ်စဉ်, တည်ငြိမ်နေတဲ့စိတ်ဖြစ်စဉ်တစ်ခု၊ ဒါကို ဘဝတစ်ခုလို့ ဒီလို သတ်မှတ်ထားတယ်။

    

               အဲဒီလို ဘဝတစ်ခုရလာတဲ့အခါမှာ လူတွေမှာ ရုပ်တရားတွေ၊ နာမ်တရားတွေ ဖွံ့ဖြိုးတိုးတက်လာတော့ ဘာတွေပါလာတုန်းဆိုတော့ organ လို့ဆိုတဲ့ အာရုံတွေရဲ့ ဝင်ပေါက်တံခါးတွေ ပါလာတယ်။ အဆောက်အဥိးကြီးတစ်ခုမှာ တံခါးပေါက်တွေ ရှိသလို လူ့ရဲ့ ခန္ဓာကိုယ်မှာလည်း အာရုံတွေ ဝင်ရောက်ဖို့ရန် တံခါးခြောက်ပေါက်ရှိနေတယ်၊ မျက်စိ နား နှာ လျှာ ကိုယ် စိတ် ဆိုတဲ့ တံခါးခြောက်ပေါက်။

                   အဲဒီတံခါးခြောက်ပေါက်ကိုပဲ ပဋိစ္စသမုပ္ပါဒ်မှာ “နမရူပပစ္စယာ သဋ္ဌာယတနံ” လို့ မြတ်စွာဘုရားက အာယတန ၆-ပါး အနေနဲ့ ဟောထားတယ်။ အဲဒီ တံခါးခြောက်ပေါက် ဖြစ်လာဖို့ ရှိရင် ဘာဖြစ်လာသလဲဆိုတော့ “သဠာယတနပစ္စယာ ဖေဿာ” အာရုံတွေ ဆက်သွယ်လာမှု, စိတ်နဲ့ အာရုံနဲ့ ထိတွေ့လာမှုတွေ ရှိလာရတယ်။

                   ဆိုလိုတာက မျက်စိပါလို့ မျက်စိမှာ မြင်စရာအာရု့တွေ မြင်ရတယ်၊ နားပါသည့်အတွက်ကြောင့် ကြားစရာအသံတွေ၊ ကြားလို့ရတဲ့ အသံတွေ၊ နှာခေါင်းရှိသည့် အတွက်ကြောင့် အနံ့တွေ၊ လျှာရှိသည့် အတွက်ကြောင့် အရသာအာရုံတွေ၊ ကိုယ်ကာယရှိသည့် အတွက်ကြောင့် ဖောဋ္ဌဗ္ဗအာရုံတွေ၊ စိတ်ရှိသည့်အတွက်ကြောင့် အခြားအာရုံတွေဆိုတာ လာရောက်ပြီးတော့ ဆက်သွယ်လာကြတယ်။

                   အဲဒီလို လာရောက် ဆက်သွယ်လာတဲ့အခါ ဘဝင်စိတ်ဆိုတဲ့ မူလဘူတစိတ်အစဉ်ဟာ လှုပ်ရှားပြတ်တောက်သွားပြီး အသစ်ဝင်ရောက်လာတဲ့အာရုံနဲ့ အလုပ်လုပ်မယ့်စိတ်တွေ ဖြစ်ပေါ်လာတယ်၊ အဲဒီ ဖြစ်ပေါ်လာတဲ့ စိတ်တွေဟာ အသစ်အာရုံတစ်ခုက ဖန်တီးပေးလိုက်တာ၊ အဲဒီမှာ တချို့စိတ်တွေဟာ ကံရဲ့ အကျိုးတရားအနေနဲ့ ပေးလာတယ်၊ တချို့စိတ်တွေကျတော့ ကံရဲ့ အကျိုးတရားမဟုတ်ဘူး၊ သူတို့ကိုယ်တိုင်က ကံ အသစ်ကို ဆောင်ရွက်တဲ့စိတ်အနေနဲ့ ပေါ်လာတာ၊ ကုသိုလ်တို့ အကုသိုလ်တို့ဆိုတာ ပေါ်လာတာ၊ ဘာကြောင့်ပေါ်တုန်းဆို တခြားအကြောင်းတွေကြောင့် ပေါ်တာ၊ အခြားအကြောင်းတရားတွေ ရှိသေးတယ်။

                   ဥပမာ - ယောနိသောမနသိကာရ လို့ခေါ်တဲ့ wise attention မှန်မှန်ကန်ကန်ု တွေးတောဆင်ခြင်မှုကြောင့် ကုသိုလ်တွေ ဖြစ်လာတယ်။ အယောနိသောမနသိကာရ ဆိုတဲ့ unwise attention မသင့်မတင့် နှလုံးသွင်းမှုကြောင့် အကုသိုလ်တွေ ဖြစ်လာတယ်။ ဒါတွေက အတိတ်ကံကြောင့် မဟုတ်ဘူး၊ အလေ့အကျင့်နဲ့ အာရုံကို အကြောင်းပြုပြီးတော့ ယောနိသောမနသိကာရ, အယောနိသောမနသိကာရ ဖြစ်လာတာ၊ ဆိုင်ရာဆိုင်ရာ အကြောင်းတရားတွေကြောင့် ဒါတွေက ဖြစ်ပေါ်လာတယ်။

                   တချို့စိတ်တွေက အကျိုးတရားအနေနဲ့လာတယ်၊ တချို့ စိတ်တွေက အကျိုးလည်းမဟုတ်, အကြောင်းလည်းမဟုတ်၊ အဲဒီစိတ်တွေကိုတော့ ကြိယာစိတ်လို့ ခေါ်တယ်။ အဲဒီ ကြိယာစိတ်တွေကို ဓမ္မသင်္ဂဏီ ပါဠိတော်မှာ “နေဝ ကုသလာ န အကုသလာ န စ ကမ္မဝိပါကာ နေဝ ကုသလာ - ကုသိုလ်လည်း မဟုတ်ဘူး၊ န အကုသလာ - အကုသိုလ်လည်း မဟုတ်ဘူး၊ န စ ကမ္မဝိပါကာ - ကုသိုလ်အကုသိုလ်ရဲ့ အကျိုးတရားလည်း မဟုတ်ဘူး၊ ကံတရားရဲ့ အကျိုးတရားလည်း မဟုတ်ဘူးတဲ့။” အဲဒီစိတ်မျိုးတွေကလည်း အာရုံ ဝတ္ထု ဆုံစည်းမှုကြောင့် ပေါ်လာတဲ့စိတ်တွေ၊ ဒီလို စိတ်တွေဟာ မြောက်များစွာ လူ့ရဲ့နေ့စဉ်ဘဝမှာ ပေါ်ထွန်းလာတယ် ဆိုတာ အဘိဓမ္မာဒေသနာတော်အရ သိကြရတယ်။

                   ကောင်းပြီ - လူတွေမှာ အာရုံတွေရဲ့ ဝင်ရောက်ရာ တံခါးခြောက်ပေါက်လို့ အရင်ရက်တွေကလည်း ပြောထားခဲ့တယ်၊ အဲဒီ တံခါးခြောက်ပေါက်က အာရုံတွေက လာရောက် ဆက်သွယ်တဲ့ အခါမှာ စိတ်တွေဖြစ်ပေါ်လာတယ်။ အာကိုမှီပြီးတော့ ဖြစ်ပေါ်လာတုန်းဆိုရင် ဝတ္ထုကိုမှီပြီးတော့ ဖြစ်တာ၊ စက္ခုဝတ္ထုလို့ဆိုတဲ့ စက္ခုပသာဒရုပ်ကို မှီဖြစ်တာရှိတယ်၊ သောတဝတ္ထု လို့ဆိုတဲ့ သောတပသာဒရုပ်ကို မှီဖြစ်တယ်၊ ဇိဝှါဝတ္ထု လို့ဆိုတဲ့ ဃာနပသာဒရုပ်ကို မှီဖြစ်တယ်၊ ဃနဝတ္ထုလို့ခေါ်တဲ့ ဃနပသာရုပ်ကို မှီဖြစ်တယ်၊ ဇိဝှါဝတ္ထုလို့ဆိုတဲ့ ဇိဝှါပသာဒရုပ်ကို မှီဖြစ်တယ်၊ ကာယဝတ္ထုလို့ဆိုတဲ့ ကာယပသာဒရုပ်ကို မှီဖြစ်တယ်၊ ဟဒယဝတ္ထုလို့ ဆိုတဲ့ စိတ်ရဲ့မှီရာ ဝတ္ထုရုပ်ကို မှီပြီးတော့ ဖြစ်တယ်၊ မှီရာဝတ္ထု မရှိဘဲနဲ့ လူ့ဘုံမှာ စိတ်ဖြစ်ပေါ်လာမှု မရှိဘူး။

                   အဲဒီလို ပေါ်လာပုံကို လေ့လာတဲ့အခါမှာ ၂-မျိုး ခွဲပြီးတော့လေ့လာမယ်။ (၁) ပဉ္စဒွါရမှာ ဝီထိစိတ်ဖြစ်စဉ်က တစ်မျိုး၊ (၂) မနောဒွါရလို့ခေါ်တဲ့ mind door မှာ ဘဝင်စိတ်နဲ့ စပ်ပြီးတော့ ဖြစ်တဲ့ဖြစ်စဉ်က တစ်မျိုး၊ (၁) ပဉ္စဒွါရဝီထိ (၂) မနောဒွါရဝီထိ အဲဒီလိုခေါ်တယ်။ စိတ်ဖြစ်စဉ်ဟာ ငါးဒွါရမှာဖြစ်တဲ့ ဖြစ်စဉ်ရှိတယ်, မနောဒွါရမှာဖြစ်တဲ့ ဖြစ်စဉ်ရှိတယ်၊ ဖြစ်ပုံချင်း မတူညီကြဘူး၊ ဘာလို့ မတူတာတုန်းဆိုရင် အာရုံထင်လာပုံချင်းက မတူတာ။

                   ကဲ ဒီကနေ့ အထင်ရှားဆုံးဖြစ်တဲ့ စက္ခုဒွါရလို့ခေါ်တဲ့ မျက်လုံးတံခါးမှာ ရူပါရုံလို့ဆိုတဲ့ အဆင်းအာရုံတစ်ခုက လာပြီး ထင်ဟပ် ပေါ်လွင်လာတာ၊ အဲဒီလို ထင်ဟပ်ပေါ်လွင်လာတဲ့ အာရုံတစ်ခုခုနဲ့ ပတ်သက်ပြီး အလုပ်လုပ်တဲ့အခါမှာ ထိုရူပါရုံဆိုတဲ့ အဆင်းအာရုံတွေ စက္ခုပသာဒလို့ဆိုတဲ့ eye door မျက်စိတံခါးက ဝင်လာတယ်။ မျက်စိမှာ ထင်လာသလိုပဲ mind door လို့ခေါ်တဲ့ မနောဒွါရမှာလည်း တစ်ပြိုင်နက်တည်း ထင်လာတယ်။ စက္ခုဒွါရမှာ ထင်လာသလိုပဲ မနောဒွါရမှာလည်း ထင်လာတယ်၊ “ဒွေသု ဒွေသု ဒွါရေသု ဥပ္ပဇ္ဇတိ”။ တစ်ပြိုင်နက်တည်း တံခါးနှစ်ပေါက်ကနေ အရိပ်ထင်လာတယ်၊ အဲဒီလို ထင်လာတဲ့အခါမှာ ဆိုင်ရာဆိုင်ရာ တံခါးတွေ ပွင့်သွားတယ်ပေါ့၊ စိတ်နဲ့ဆက်သွယ်မှု ဖြစ်လာပြီး ဖြစ်ပေါ်လာတဲ့စိတ်က အာရုံနဲ့ အလုပ်လုပ်တယ်။

                   အဲဒီလို အာရုံတွေနဲ့ အလုပ်လုပ်တာနဲ့ ပတ်သက်ပြီး အာရုံအမျိုးအစားကို ထပ်ပြီးတော့ ဒီဂရီအားဖြင့် ခွဲထားတာ ရှိသေးတယ်။ ငါးဒွါရမှာ ပေါ်လာတဲ့ အာရုံက ရူပါရုံ သဒ္ဒါရုံ ဂန္ဓာရုံ ရသာရုံ ဖောဋ္ဌဗ္ဗာရုံ၊ သူ့အာရုံနဲ့ သူ့ဒွါရ၊ အဆင်းအာရုံသည် မျက်စိတံခါးက ဝင်တယ်၊ အသံအာရုံသည် နားတံခါးက ဝင်တယ်၊ အနံ့အာရုံသည် နှာခေါင်းတံခါးက ဝင်တယ်၊ အရသာအာရုံသည် လျှာတံခါးက ဝင်တယ်၊ အထိအတွေ့အာရုံ သည် ကာယတံခါးကဝင်တယ်၊ အဲဒီလို ငါးဒွါရမှာ ဝင်လာလို့ရှိရင် မနောဒွါရကိုလည်း တိုက်ရိုက်ဆက်သွယ်ပြီးတော့ ဖြစ်ပေါ်လာကြတယ်။

***ဒေါက်တာနန္ဒမာလာဘိဝံသ၏ အဘိဓမ္မာမြတ်ဒေသနာ(ဒုတိယတွဲ) မှ ပူဇော်ပါသည်။

***  အခန်း(၅) စိတ်ဖြစ်ပုံကိုလေ့လာခြင်း (၂) {အာရုံတွေ ဒွါရပေါ်မှာပေါ်လာပုံ}ကို ဆက်လက်ပူဇော်ပါမည်။