နာယကလုပ်သူတိုင်း လူငယ်များကို စောစောကကြိုတင်၍ အမှားမရှိအောင် သတိပေးထားရမည်။ သို့ပါလျက် မတော်တဆအမှားတွေ့က မိမိကဲ့သို့ အသိဉာဏ် မကြွယ်ဝသေးတဲ့လူငယ်တွေပဲဟု သဘောထားပြီး သည်းခံရမယ်။ နောင် မမှားအောင် သတိပေးရမယ်။
၂။ ဇာဂရိယ = နိုးနိုးကြားကြားရှိခြင်း
နာယကလုပ်သူဟာ အအိပ်ကြီးလို့ မတော်ဘူး။ နိုးနိုးကြားကြားရှိရမယ်။ ကိုယ်ကတော့ အအိပ်ကြီးပြီး လူငယ်တွေတော့ မအိပ်မနေကြိုးစားစေလျှင် မတရားဘူးလို့ ထင်လာတတ်တယ်။
၃။ ဥဋ္ဌာန = အသိဉာဏ်ပါသော ထကြွလုံ့လ၀ီရိယရှိခြင်း
ဆိုင်ရာကိစ္စ၌ နားလည်မှုဉာဏ်ပညာနှင့် ထထကြွကြွ လုံ့လ၀ီရိယရှိရမည်။ ဉာဏ်ပညာမရှိ ၀ီရိယမရှိသော ခေါင်းဆောင်ကို ဘယ်လူငယ်ကမှ မလေးစားချင်ဘူး။
၎။ သံဝိဘာဂ = ခွဲဝေလေ့ရှိခြင်း
အစားအ၀တ်မှစ၍ လူငယ်များကို ခွဲဝေပေးလေ့ရှိရမယ်။ ခေါင်းဆောင်လုပ်သူကတော့ ခမ်းခမ်းနားနား စားသောက်နေထိုင်ပြီး လူငယ်တွေကတော့ အငတ်ငတ်အပြတ်ပြတ်ဖြစ်နေလျှင် ဘယ်နေရာမှာမှ အဆင်မပြေဘူး။
၅။ ဒယာ = သနားညှာတာခြင်း
လူငယ်တွေအပေါ်မှာ အကျိုးလိုလားတဲ့ မေတ္တာစိတ်နှင့် သနားညှာတာရမှန်းသိမှ ခေါင်းဆောင် နာယကရဲ့ သြ၀ါဒကို လွယ်လွယ်ကူကူ လိုက်နာနိုင်တယ်။ မသနား မညှာတာဘူးထင်လျှင် သြ၀ါဒ(အဆုံးအမ)ကို နာခံချင်မယ် မဟုတ်ဘူး။
၆။ ဣက္ခဏာ = ကြည့်ရှုစောင့်ရှောက်ခြင်း
လူငယ်တွေအပေါ်မှာ မကျန်းမာတဲ့အခါဖြစ်စေ တစ်စုံတစ်ခု အခက်အခဲ ကြုံတဲ့အခါဖြစ်စေ ကြည့်ရှုစောင့်ရှောက်ရမယ်၊ စောင့်ရှောက်ဖော်မရလျှင် နာယကကို လေးစားချင်မယ် မဟုတ်ဘူး။ မေတ္တာကရုဏာဖြင့် အရာရာ စောင့်ရှောက်မှန်းသိလျှင် နာယက(ခေါင်းဆောင်)ပေးသော တာဝန်ကို ကျေပွန်စွာထမ်းဆောင်ချင်တဲ့စိတ် ပေါ်လာလိမ့်မယ်။
ဒါကြောင့် နာယက(ခေါင်းဆောင်)များသည် မိမိကိုယ်ကို နာယကဂုဏ် (၆)ပါးနှင့် ပြည့်စုံအောင် သတိထားစေချင်တယ်။
