အနာဂတ်သာသနာရေး အပိုင်း(၁၄၃) ကျမ်းစာပြုပြင်ရိုက်နှိပ်ရေး

ကျမ်းစာပြုပြင်ရိုက်နှိပ်ရေး

ယခုအခါ မြန်မာနိုင်ငံ၌ ကျမ်းစာပုံနှိပ်ပုံသည် ရှေးခေတ်က ပေစာတို့ကို ကူး၍ ရိုက်နှိပ်ခဲ့ရသောကြောင့် အဖြတ် အခွဲ အချဲ အခြားမရှိ၊ ပြတ်သိပ်လျက် ရှိနေ၏၊ စာအုပ်ချုပ်ပုံ ဖုံးပုံမှစ၍ ပြုပြင်ဖွယ်လည်းများစွာ ရှိနေ၏၊ အနာဂတ်ကာလ၀ယ် ပထမတန်းကျောင်းတိုက်နှင့် တက္ကသိုလ်တိုက် ဆရာတော်များသည် ထိုကျမ်းစာပြုပြင်ရိုက်နှိပ်ရာ၌ အားလုံးလိုပင် အကူအညီရကြပေလိမ့်မည်၊ ထို့ပြင် မရိုက်နှိပ် ရသေးသော အဋ္ဌကထာ ဋီကာများကိုလည်း ရိုက်နှိပ်ရပေဦးမည်၊ အနာဂတ်ကာလ၌ စာသင်တိုက်တိုင်းဝယ် ပိဋကတိုက်လည်း တည်ရှိ ရတော့မည် ဖြစ်၍ နည်းသစ်ဖြင့် ရိုက်နှိပ်အပ်သမျှ ပါဠိတော်, အဋ္ဌကထာ, ဋီကာများကို ထိုပိဋကတိုက်၌ ထားရန် ဆိုင်ရာဂေါပကအဖွဲ့က တာဝန်ယူနိုင်ကြလိမ့်မည်၊ ရိုက်နှိပ်သည့်အခါ၌မူ အစိုးရ စရိတ်ဖြင့် ရိုက်နှိပ်၍ အရင်းကျသမျှကိုသာ လက်မှတ်ထိုးယူကြရန် အစိုးရကပင် စီမံသင့်သည်။

မှတ်ချက်။                 ။ ဆဋ္ဌသင်္ဂါယနာတင်စဉ်က တာဝန်ခံဆရာတော်များသည် နိုင်ငံအရပ်ရပ်မှ ကျမ်းစာရိုက်နှိပ်ပုံကို ကြည့်ကာ မိမိတို့ ကျမ်းစာကိုလည်း ခေတ်မီအောင် ပြင်ဆင်ရိုက်နှိပ်စေပြီး ဖြစ်သည်။

ဆဋ္ဌသင်္ဂါယနာတင်

ဤအလုပ်ကို အစိုးရကိုယ်တိုင် သဘောကျပါမူ …  (မင်းတုန်း မင်းတရားကြီး၏ ကျောက်ပြားပေါ်တွင် အက္ခရာတင်ကာ ပဉ္စမသင်္ဂါယနာတင်အမည် ခံသကဲ့သို့) ထို့အတူ နိုင်ငံတစ်ဝန်းလုံးမှ အရေးပါ အရာရောက်မည့် ဆရာတော်များကို ကြီးကြပ်ပြင်ဆင်စေကာ ဆဋ္ဌသင်္ဂါယနာတင် ဖြစ်စေရန် စီမံဖွယ်များကိုလည်း စဉ်းစားထားသင့်ကြ၏၊ ဤသို့ စသည်ဖြင့် နှိုးဆော်လိုက်သောကြောင့် ဆဋ္ဌသင်္ဂါယနာတင်ကိစ္စကား ပြီးစီးသွားပေပြီ၊ သို့သော် မိမိကျေနပ်လောက်အောင် မဖြစ်ခဲ့ပါ။

နိဂုံးချုပ် ရိုက်နှိပ်ချိန်

ကျမ်းပြီးချိန်နှင့် “သာသာရေးနှင့်စပ်၍ တိုးတက်အောင် ညွှန်ပြဖို့ရာမှာ သာသနာ့ဝန်ထမ်း ရဟန်းတော်များ၏ တာဝန်”ဟု ရဟန်းငယ်ဘ၀တုန်းက ယူဆခဲ့ပါသော်လည်း မိမိ၏ အရွယ်နှင့် မတန်သေး၍ ထိုအရေးကို လျစ်လျူရှု ခဲ့ရပါသည်၊ ယခုသော် မိမိအရွယ်လည်း အတော်ကြီးလာပြီ၊ မြန်မာနိုင်ငံလည်း ဧကန် လွတ်လပ်ရေးရတော့မည်ဟု ကောလာဟလ ဖြစ်နေပြီ။

          သို့ဖြစ်၍ “ဤကျမ်းစာသည် လွတ်လပ်သောအခါ အကူအညီ ဖြစ်ပါစေတော့”ဟု သဘောထားလျက် ကောလာဟလ ဖြစ်ချိန်က စ၍  ရေးသားခဲ့ရာ လွတ်လပ်ရေးအောင်ပွဲကျင်းပတော့မည့် ၁၃၀၉-ခု ပြာသိုလပြည့်ကျော် (၉)ရက်နေ့ မတိုင်မီ တစ်ရက် ကြိုတင်၍ ဤကျမ်းစာကို ပြီးစီးစေခဲ့ပါသည်၊ ထိုသို့ ပြီးစေပြီးနောက် တစ်နှစ် လောက်ကြာမှ ရိုက်နှိပ်ရသောအခါ ပြည်တွင်းစစ်ဟု ဆိုရလောက်အောင် သောင်းကျန်းမှုနှင့် ကြုံကြိုက်နေသောကြောင့် ဤကျမ်း နိဂုံးကို နဂိုရေးရင်းအတိုင်း မဟုတ်စေဘဲ လက်ရှိ ဖြစ်နေပုံနှင့် ကိုက်ညီအောင် တစ်မျိုးပြင်လိုက်ရပါတော့သည်။

အမှာ။  ။         ဤကျမ်းစာကို  ရေးသားရာ၌  မည်သည့်ဘာသာ မည်သည့်ပုဂ္ဂိုလ်ကိုမျှ ထိပါးစေလိုသောစိတ်မရှိဘဲ သာသနာတော်အရေးနှင့် မြန်မာပြည်ထောင်စု၏ စီးပွားရေးကို အဓိကထား၍ ရေးသားပါသည်၊ သို့ပါလျက် မတော်တဆ ထိပါးသကဲ့သို့ ဖြစ်ချေသော် ခွင့်လွှတ်ကြပါရန် တောင်းပန်ပါသည်။