ဥပုသ်စောင့်
ဘာသာရေးကိစ္စများကို
ပြုပြင်ရာ၌ ယခုခေတ် ဥပုသ်စောင့်ပုံများကိုလည်း စဉ်းစားထိုက်၏၊ ကျေးရွာများ၌
ဥပုသ်စောင့်ဖို့ ကျောင်းသို့ လာပြီးနောက် သီလ မယူသေးမီ ရောက်တတ်ရာရာ စကားကိုသာ ပြောကြ၏၊
သီလ ယူပြီးသောအခါ အိမ်ပြန်ထမင်းစားပြီးလျှင် လူကြီးများ ကျောင်း ဘုရား ဇရပ်သို့ ပြန်လာကြ၍
အိပ်သူ အိပ်, ထွေရာလေးပါး စကား စမြည် ပြောသူက ပြောကြသည်၊ တရားစကားပြောသူ, တရားစစ် တရားမှန်ကို
နာခံဆွေးနွေးမေးမြန်းသူကား ရာခိုင်နှုန်း ဆယ်ယောက် ထက် များမည် မဟုတ်ချေ၊ မြို့ကြီး
ပြကြီး၌ကား သာ၍ ဆိုးရွား လှသော အချက်ရှိ၏၊ ၀ါတွင်းကာလများ၌ ဥပုသ်နေ့များမှာ သက်သတ်လွတ်
ဆားဟင်းလောက်ကိုသာ စားသောက်၍ ဥပုသ် စောင့်ထိုက်ပါလျက် ယခုအခါ၌မူ အဖိတ်နေ့၌ နွား, ၀က်,
ကြက်တွေ ပို၍ သေကြရရှာလေသည်။
ထိုအသားများကို ၀ယ်ယူချက်ပြုတ်ကြပြီးလျှင် ဥပုသ်နေ့၌ အသိုက်အ၀န်းကောင်းနှင့်
မိမိတို့ နီးစပ်ရာ ကျောင်း, ဇရပ်, ဘုရားသို့ တပျော်တပါး သွားရောက်၍ စားသောက်ကြလေတော့၏၊
ထိုကဲ့သို့ ဥပုသ်စောင့်ပုံမှာ ပျော်ပွဲစားထွက်ခြင်း တစ်မျိုးတည်း၊ “အချို့သော အမျိုးသမီးကလေးများလက်၌
လောကီဝတ္ထုစာအုပ်များပင် အဆင်သင့် ပါလာတတ်ကြသော”ဟူ၏၊
ထိုမှတစ်ပါး စကားပြောကြ, အိပ်မောကျကြ,
အပျော်အပါး အသံကောင်းသော တရားကို ရွေး၍ နာကြသည်မှာ ကျေးရွာများ၌ ထူးမခြားနားပင်၊ ဤကား
လူတိုင်း မဟုတ်သော်လည်း တစ်ရာလျှင် ကိုးဆယ်သော လူထု၏ ဥပုသ် စောင့်ပုံနည်းတည်း၊ [နည်းလမ်းကျသော
ဥပုသ်စောင့်ပုံကို ရတနာ့ ဂုဏ်ရည်၌ ညွှန်ပြခဲ့ပါပြီ။]
လက်ထပ်မင်္ဂလာ
လက်ထပ်မင်္ဂလာသည် ဘာသာရေးနှင့် မဆိုင်သော်လည်း တိုင်းသူပြည်သားတို့ အကုန်အကျ များ၍ မွဲနေလျှင်
ဘာသာရေး သာသနာရေးပါ အနှောင့်အယှက် ဖြစ်တော့၏၊… ထို့ကြောင့် လက်ထပ်မင်္ဂလာ အကြောင်းများကိုလည်း
ထည့်သွင်းပြဦးမည်၊ ကောင်းကျိုးချမ်းသာ ရခြင်း၏ အကြောင်းဟူသမျှကို ““မင်္ဂလာ””ဟု ခေါ်၏၊
အလွန်ကြွယ်ဝ ချမ်းသာသူတို့၏ လက်ထပ်ပွဲ၌ အကုန်အကျများစွာ ခံလိုက်သော်လည်း သူတို့မှာ
မထောင်းတာပေ၊ မှန်မှန်ကြွယ်ဝသူ ဆင်းရဲသူတို့၏ (တစ်ဖက်နှင့် တစ်ဖက် မျက်နှာရအောင်) အကုန်အကျ
များစွာ ခံလိုက်ခြင်းကား နောင်ခါ စီးပွားရေး၌ အရင်းအနှီး ဆုတ်ယုတ် သွားသဖြင့် အမင်္ဂလာ
ဖြစ်လေသည်၊ လက်ထပ်ပွဲ၌ လာရောက် သူတို့က လက်ထပ်ပွဲ၏ ကြီးကျယ်ခမ်းနားမှုကို ချီးမွမ်းကြသော်လည်း
နောင်ခါ ခမ်းနားစွာလက်ထပ်ခဲ့ကြသူတို့ ဆင်းရဲနေကြလျှင် မည်သူမျှ အဖက်လုပ်ချင်ကြမည်မဟုတ်၊
ထို့ကြောင့် လက်ထပ်ပွဲ၌ လူကြီး သူမ တော်သင့်ရုံဖိတ်၍ လက်ထပ်လိုက်ခြင်းသာလျှင် အကုန်အကျ
နည်း၍ နောင် စီးပွားရေးကောင်းဖို့ရာ မင်္ဂလာ ဖြစ်ပေလိမ့်မည်။
လက်ထပ်ပြီးနောက် နေထိုင်ရေး
လက်ထပ်သူများလည်း
တစ်ဖက်ဖက် မိဘအိမ်၌ အတော်ကြာကြာ နေနိုင်ဖို့ အရေးကြီး၏၊ ဤနေရာဝယ် ဘုန်းကြီးတို့ ဆွေမျိုး
များ၏ (ရှေးခေတ်က) ထုံးစံတစ်ခုကို ဖော်ပြလိုပါ၏၊ လက်ထပ် ပြီးနောက် အိမ်သီးခြားမခွဲသေးဘဲ
မိဘတစ်ဦးဦးထံမှာ အတော် ကြာကြာပင်နေကြ၏၊ အချို့ကား အ၀တ်လည်း ဆင်၏၊ အလုပ်ကိုလည်း အတူ
လုပ်စေ၏၊ ထို့ကြောင့် သူတို့မှာ စားစရိတ် မကုန်၊ လုပ်ကိုင်၍ ရသမျှကို စုမိလေ၏၊ မိဘတို့မှာလည်း
နဂိုက ကျွေးထား ရသော တစ်ယောက်ထက် နောက်တစ်ယောက်တိုးရုံမျှဖြင့် ထူး၍ ၀န်မလေးကြ၊ လက်ထပ်တုန်းက
လက်ဖွဲ့လိုက်ကြသော ငွေဖြင့် စပါး နှမ်း စသည် ၀ယ်ထား၏၊ အရှုံး မရှိ၊ အမြတ်ကြီးနှင့် အမြတ်ကလေးပင်၊
နှစ်နှစ် သုံးနှစ်ကြာသော် စပါးလေးရာ ငါးရာ စသည် စုမိကြလေ၏၊ ဤနည်းဖြင့် တိုးတက်လာရာ
အရွယ်ကောင်းတုန်းအချိန်မှာ အမွေတချို့ ရပြန်သဖြင့် လူရတတ်ကလေးတွေ ဖြစ်နေပြန်တော့၏၊
ထိုရှေးက အသောက်အစား အကစား မရှိကြသဖြင့် ဆွေမျိုးထဲ၌ ဆင်းရဲသူ နည်းပါးခဲ့၏၊ ယခုကား
ထိုသို့ မဟုတ်တော့ချေ။
ရဟန်းတော်များ ပြုပြင်နိုင်ပုံ
လွတ်လပ်ပြီးသော မြန်မာပြည်ကို
ကမ္ဘာပေါ်တွင် လူချင်းတူအောင် မြှင့်တင်ရာ၌ တိုင်းပြည်ခေါင်းဆောင် လူဝတ်ကြောင်များ
ချည်း ပြုပြင်နေရုံဖြင့် မြန်ဆန်လှမည် မဟုတ်၊ ရဟန်းတော်များကလည်း မိမိစွမ်းနိုင်ရာဘက်က
တိုင်းသူပြည်သားများကို ပြုပြင်ပေးသင့်ကြ၏၊ ရှင်းပြဦးအံ့… မြန်မာပြည်ရှိ လူဦးရေတွင်
ရာခိုင်နှုန်း (၉၀)သည် ကျေးလက်များ၌ နေထိုင်ကြသူများဟု ဆို၏၊ ထိုကျေးလက်သားတို့သည် အများအားဖြင့်
ရဟန်းတော်များ၏စကား ကို လိုက်နာကြ၏၊ ထို့ကြောင့် ပထမဆုံး ရဟန်းတော်များ၏ အရည်အချင်းကို
(ညွှန်ပြခဲ့သော စာသင်တိုက်တို့ဖြင့်) မြှင့်တင်၍ ရွာတိုင်း ရွာတိုင်း၌ ဘုန်းကြီးကောင်း
ရှိနေပါလျှင် ထိုရွာသူရွာသား တို့ အမြန်ဆုံး အသိဉာဏ်တိုးပွားပါလိမ့်မည်။
မှန်၏၊…
၁-ကျောင်းဘုန်းကြီး
ကောင်းခြင်း၊
၂-ရွာသူကြီး
ကောင်းခြင်း၊
၃-ဆေးဆရာ
ကောင်းခြင်း၊
ဤသုံးမျိုး
ရှိလျှင်ပင် နေချင်စရာကောင်းသော တိုးတက်လမ်းရှိသော ရွာတစ်ရွာ ဖြစ်နိုင်၏၊ ဆေးဆရာမရှိလျှင်
အသေအပျောက်နှင့် ရောဂါများဖွယ် ရှိသောကြောင့် ဆေးဆရာကောင်းရှိခြင်းကို ရွာ၏ဂုဏ်အင်္ဂါဟု
ထည့်လိုက်ပါသည်၊ ဆေးဆရာဟူရာ၌ တစ်ယောက်သာမက ဆရာဝန်ဆိုင်ရာနှင့် ၀မ်းဆွဲဆရာမများပါ (နှစ်ရွာ
သုံးရွာမှာ တစ်ယောက်ကျ ရှိသင့်၏၊) ထိုဆရာများလည်း လူကောင်းသူကောင်းစိတ်ရှိ၍ ရွာ၏မိဘသဖွယ်
ဖြစ်နိုင်မည့်သူကိုသာ အစိုးရလခနှင့် ထားသင့်၏၊ ကျောင်းဘုန်းကြီးနှင့် ရွာသူကြီးတို့ကား
ညွှန်ပြမည့် အချက်များ၌ အရေးတကြီး ပြုပြင်ကြရပါလိမ့်မည်။
