ပွဲလမ်းသဘင်နှင့်ကစားပွဲ
တန်ခိုးကြီးဘုရားဟု
ထင်ရှားသော ဘုရားပွဲတိုင်းလိုပင် ဇာတ်ပွဲသဘင်များနှင့် အလောင်းအစား ကစားပွဲများ တွဲဖက်ပါဝင်နေသည်မှာ
ဗုဒ္ဓအလိုတော်နှင့် လုံးဝ ဆန့်ကျင်နေသော စနစ်သာတည်း။
အကယ်၍ ဗုဒ္ဓရှင်တော် သက်တော်ထင်ရှား ရှိနေပါမူ ဇေတ၀န် ကျောင်းတော်အတွင်း၌
ဤကဲ့သို့ ပွဲကျင်းပကာ ဗုဒ္ဓရှေ့တော်ဝယ် မင်းသား မင်းသမီး ဆိုသူတွေ သီဆိုကြ, လူပြက်တွေ
ပြက်လုံးထုတ် ကြနှင့် ပူဇော်ခွင့် ရကြပါမည်လော၊ ဘုရားပွဲဟူသည်မှာ ဘုရားကို ရည်မှန်း၍
လှူဒါန်းပူဇော်ရမည့်ပွဲတည်း၊ သို့ပါလျက် ဘုရားကို သတိ မရကြဘဲ ဘုရားကို အနားထား၍ ပျော်ရွှင်ကြခြင်း,
ပွဲကြည့်ရာမှ ကစားဝိုင်းမှ ရန်ပွဲဖြစ်ကြသဖြင့် သေကျေကြ, ရုံရောက်၍ ငွေကုန် လူပန်း ဖြစ်ကြခြင်းကား
ရိုင်းစိုင်းသော လူမျိုးဖြစ်ကြောင်းကို ၀န်ခံရာ ကျလှ၏။
အိန္ဒိယ
ဟိန္ဒူလူမျိုးတို့၏ ၀တ်တက်ပွဲ ဘုရားပွဲများ၌ မဟတ္တမ ဂန္ဒီကြီးက ငြိမ်းချမ်းသာယာမှု တရားရေအေး
တိုက်ကျွေးကြောင်းကို (သတင်းစာ၌) ဖတ်လိုက်ရသောအခါ ဘုန်းကြီးတို့ ဘုရားပွဲတွေကို ကြည့်၍
ဝမ်းနည်းမိပါတော့သည်၊ ထို့ကြောင့် အနာဂတ်ကာလ၌ ဘုရားပွဲကို အစိုးရနှင့်တကွ ရဟန်းတော်
အရှင်မြတ်တို့ ပြုပြင်ပေးရန် လေးနက်စွာ တောင်းပန်ပါသည်။
ဘုရားပွဲပြုပြင်ရေး
ကဆုန်လပြည့်စသည်၌
ဗုဒ္ဓအထိမ်းအမှတ်ပွဲဖြစ်စေ, မိမိတို့ရပ်ရွာ စေတီဆင်းတုတော်ပွဲ ဖြစ်စေ သက်တော်ထင်ရှား
မြတ်စွာဘုရားကို ရည်စူးပြုလုပ်ကြရ မည်သာတည်း၊ ထိုအခါ နေရာထိုင်ခင်းကို သပ်ရပ် သားနားစွာ
ခင်းကျင်း၍ ၀င်းထိန်နေအောင် ဆီမီးပူဇော်ခြင်း, ပန်းမျိုးစုံပူဇော် ခြင်း, စိမ်းစိုသော
သစ်ပင် (ငှက်ပျောပင်, ရွက်လှပင်)များနှင့် သစ်သီး မျိုးစုံ, မုန့်မျိုးစုံများကို
(နံနက်ဆက်ကပ်ရန်) ပြင်ဆင်ထားခြင်း, (သား ငါးစသော ဟင်းများ မပါစေရ။)
ဤသို့
ပြင်ပြီးလျှင် ပထမအချိန်၌ အမျိုးသမီးများက ဓမ္မစကြာ အနတ္တလက္ခဏ မဟာသမယသုတ် သတိပဋ္ဌာန်စသော
တရားတော် များကို သာယာကြည်နူးဖွယ် ရွတ်ဆိုသင့်သည်၊ ဒုတိယအချိန်၌ (ရနိုင်လျှင်) ဓမ္မကထိကအကျော်အမော်တို့ကို
ပင့်ဖိတ်၍ ဗုဒ္ဓဂုဏ် တော်တို့ကိုသာ များစွာ ဟောပြောစေသင့်၏၊ ဟထိုဘုရားပွဲ၌ လှူဖွယ် ပစ္စည်းများ
မပါစေရ၊“ တတိယအချိန်၌ လူငယ်ပိုင်းက ဗုဒ္ဓဂုဏ် တော်ဖွဲ့ဖြစ်သော တရားဂီတတို့ကို သီဆို၍
စန္ဒရား စသည်တို့ကို (အငှားလိုက် ပိုက်ဆံရ မဟုတ်ဘဲ သဒ္ဓါတရား သက်သက်ဖြင့်) သာယာငြိမ့်ညောင်းစွာ
တီးမှုတ်သင့်၏။
မကြာမီက ၀က်လက်နယ် ညောင်ပင်ကြီးတော ၀ိနည်းစာပြန် ပွဲသို့ သွားခဲ့ရာ
သီတင်းသုံးဖော်များနှင့်အတူ နံနက်စောစော ဆွမ်းစားနေတုန်း ဗြုန်းခနဲ အနားလာ၍ ဓာတ်စက်ဖွင့်၏၊
မဖွင့်ဖို့ရန် တားမြစ်မည်ဟု နှုတ်က ထွက်ခါနီး…“မေတ္တာဓာတ်နှင့် ဗုဒ္ဓမြတ်စွာ” ဟူသော အသံကို
ကြားရသဖြင့် မတားနိုင်ဘဲ ဂရုစိုက်၍ နားထောင်ရာ အောင်ခြင်းရှစ်ပါးသီချင်းဖြစ်၍ ၀မ်းမြောက်စွာဖြင့်
သီချင်းရှင်နှင့် ဓာတ်ပြားကုမ္ပဏီကို ချီးမွမ်းမိပါသည်၊ ထိုသီချင်းမျိုးကား တဏှာ လောဘ
ကိလေသာစိတ်ကို မဖြစ်စေဘဲ ကုသိုလ်စိတ်ကိုသာ ဖြစ်စေပါသည်၊ ထို့ကြောင့် ဘုရားပွဲများ၌
ထိုကဲ့သုိ့ သီချင်းများဖြင့် ဗုဒ္ဓ ဂုဏ်တော်ဖွဲ့နွဲ့ရုံသာမက ထိုကဲ့သုိ့ အသံကောင်းသော
အမျိုးသား အမျိုးသမီးများက ဗုဒ္ဓဂုဏ်တော်ကို ကိုယ်တိုင်နားလည်အောင် လေ့လာ၍ အကျယ်တ၀င့်
စကားဖြင့် ပြောကာ ဂီတများကို ရွတ်ဆို တီးမှုတ်သင့်ပါသည်။
ဤနည်းဖြင့် ညအချိန် ပူဇော်ပွဲကို ရုတ်သိမ်း၍ နံနက်စောစော အရုဏ်တက်၍
သံဃာတော်များကိုပါ ပင့်ပြီးလျှင် ဘုရားအတွက် လည်း တစ်ပွဲစာ သက်သက် ပြင်၍ ဆွမ်းတော်ကပ်ခြင်း,
[ထို ဆွမ်းတော်ကပ်ရာ၌လည်း ဗုဒ္ဓဂုဏ်တော်ဖွဲ့များကို တီးမှုတ်နိုင်ပါသည်၊] ဘုရားမှ ပိုလျှံသည်ဟု
ယူဆရသော မုန့်များကို အမှန် ဝေယျာဝစ္စပြုသူတို့ စားကောင်းပါ၏၊ သာ၍ ပိုလျှင် ရဟန်းတော်
များအား ကပ်လှူခြင်း, ဖုန်းတောင်းယာစကာတို့အား စွန်ကြဲခြင်းတို့ဖြင့် အထူး ကုသိုလ်ရသော
ဘုရားပွဲကို နွှဲကြဖို့ရန် တောင်းပန် ပါသည်၊ ယခုအခါ မန္တလေးမြို့ဝယ် တချို့ ဆွမ်းတော်ကြီးများကို ဘိုးဘွားရိပ်သာများသို့
သွား၍ တစ်ဆင့် လှူဒါန်းကြသည်ဟု ကြားရ၏၊ ကောင်းသောစနစ်ပင် ဖြစ်ပါပေသည်။
သီတင်းကျွတ်ပွဲများအပြစ်
အခါမကောင်းပုံ
မြို့ကြီး
မြို့ငယ် အနယ်နယ်တို့၌ သီတင်းကျွတ် သောအခါ ကထိန်ပွဲ
ဘုရားပွဲ ဆွမ်းတော်ကြီး လောင်းပွဲ စသည်ဖြင့် ဘာသာရေးဆိုင်ရာ အလှူပွဲတွေ များပြား လှ၏၊
ထိုပွဲများ၌ ဇာတ် အငြိမ့် ရုပ်သေး စသော ပွဲသဘင်များလည်း ပါဝင်ကြ၏၊ ထိုသို့ ဖြစ်ရာ၌
ဘာသာရေးတွင် ပျော်ပွဲရွှင်ပွဲများ ပါဝင်ခြင်း၏အပြစ်ကို ပြခဲ့ပြီ၊ ကထိန်ပွဲစသည် ကျင်းပရာအခါသည်
နောက်မိုးကောင်းကောင်း ရွာသွန်းတတ်ရာ ဥတုပြောင်း၍ ဆောင်းဝင်တော့မည့် အချိန်အခါ ဖြစ်၏၊
ထိုကဲ့သို့ ဥတုပြောင်းချိန်၌ကား ရိုးရိုးသားသားနေထိုင်သူတို့ပင် ဖျားနာတတ်ကြသေး၏၊ ကျန်းမာရေး
ကျမ်းစာတို့၌ ဥတုပြောင်းမည့် တန်ဆောင်မုန်းလအခါကို“ယမဒါဋ္ဌာ-ယမမင်း၏ အစွယ်ထက်မြက်ရာအခါ”ဟု
ခေါ်၏၊ ထိုအခါ၌ ဖျားနာ နေလျှင် သာ၍ ဂရုစိုက်ရမည့်အခါ သေလွယ်တတ်သောအခါဟု ဆိုလိုသည်။
လူဆင်းရဲပရိသတ်
ပွဲကြည့်ကြသူများတွင်
မိမိတို့အိမ်၌ သာယာပျော်မွေ့စွာဖြင့် နေထိုင်ကြသော အထက် တန်းစား သားသမီး လူကြီးလူကောင်းများ
နည်းပါးလှ၏၊ သူတို့ကား ပွဲဈေးတန်းလျှောက်ရုံသာ လာတတ်ကြလေသည်၊ တစ်ညလုံး မိုးလင်းထိအောင်
ပွဲကြည့်သူတို့မှာ အဆင်ခြင် နည်းပါးသူ, မိမိတို့ အိမ်တွင် ပျော်ရွှင်စွာ မနေရသူ လူဆင်းရဲများသာ
ဖြစ်တတ်ကြသည်၊ နဂိုကပင် တွေ့ကရာ စား၍ ဖြစ်သလို ကြီးပွားရသော ထိုလူဆင်းရဲ အများသည် တစ်ညလုံး
အအေးခံ၍ ကောက်ညှင်းပေါင်း ဗယာကြော် စသော အစာကြေခဲသော အစာများကို စားလျက် ပွဲအရသာကို
မြိန်မြိန်ရှက်ရှက် ခံစားပြီးနောက် တချို့မှာ အလုပ် မလုပ်လျှင် စားစရာ မရှိ၍ အလုပ်ဆင်းရတော့၏၊
ညက အိပ်ရေး ပျက်ခဲ့၍ နေ့အချိန်၌ အားရအောင် မအိပ်ရ, တစ်ညလုံးလည်း အအေးမိ၏၊ မိုးအေး ဆောင်းအေးနှင့်
လေအေးကလေး ရောထွေး လာသောအခါ အိမ်ကလည်း (တချို့မှာ) ကောင်းစွာ မလုံချေ၊ ထိုသူတွေ၏ ကျန်းမာရေးကား
ဘယ်သို့ နေရှာကြမည်နည်း။
မမာမကျန်းဖြစ်လျှင်
ထိုပွဲကြည့်များသော
လူဆင်းရဲတစ်စုသည် တကယ်လို့များ မကျန်းမမာဖြစ်ကြပါလျှင် ဆေးဆရာကောင်းကောင်းလည်း မခေါ်နိုင်ကြ၊
ဆွေမျိုးဉာတိ ရင်းနှီးသူတွေ မှိုင်တွေချ၍ သေဖို့သာ ပြင်ကြရတော့သည်၊ ထိုကဲ့သို့ အသေအပျောက်
များလာလျှင် “ဘယ်မြို့ ဘယ်ရပ်ကွက်၌ ပလိပ်ကပ်ရောဂါဖြစ်သတဲ့”ဟု ဟုတ်ဟုတ် မဟုတ်ဟုတ် သတင်းဖြစ်လာ၏၊
ထိုအခါ အိမ်ကြီးရှင် ပစ္စည်းရှင်တွေလည်း အလုပ်အကိုင်ထိခိုက်လျက် ရတက်မအေးနိုင်ကြတော့ပြီ၊
လူဆင်းရဲ သားသမီး ဆယ်ယောက် သေနေသော်လည်း မတုန်လှုပ်သော ရပ်သူရွာသားတို့မှာ လူရတတ် သားသမီး
တစ်ယောက် ပျက်စီးသောအခါ ကမ္ဘာမီး တောက်မလောက် အကြောက်ပိုကာ ဟိုရွှေ့ သည်ပြောင်းနှင့်
ဗလောင်ဆန် ဆူပွက်၍ ပြည်ပျက်သလို ဖြစ်သွားတတ်လေ၏၊ ထို့ကြောင့် “ဘာသာရေးများ၌ အပျော်အပါး
ကစားပွဲများ မပါ အောင် အနာဂတ်ကာလ၌ အစိုးရကိုယ်တိုင် ဇိကုတ်၍ နတ်ပြည် တင်ကောင်းပါရဲ့”ဟု
မျှော်လင့်ရတော့သည်။
