ရှင်လောင်းကို စိစစ်ပါ
ရှင်သာမဏေပြုလုပ်မည့်
အလောင်းအလျာကို “ရှင်လောင်း”ဟု ခေါ်၏၊ ထိုရှင်လောင်းဆိုသူတို့တွင်
တချို့သည် စကားမျှ မပီသေး၊ တချို့ ကား အတော်အတန် ကြီးပါသော်လည်း ရှင်သာမဏေများ ကျင့်ရမည့်
ကျင့်ဝတ်ကို နားမလည်၊ တချို့ရှင်ကလေးများမှာ မဏ္ဍပ် အတွင်း၌ သင်္ကန်းချည်၍ မဏ္ဍပ်က ထွက်လျှင်
ထွက်ချင်း လူဝတ် လဲရတော့၏၊ မလဲလို့လည်း မဖြစ်ကြတော့, ရှင်သာမဏေပြုရာ၌ ““ဗုဒ္ဓံ သရဏံ ဂစ္ဆာမိ”” စသော သရဏဂုံပါဠိ ဆရာဘုန်းကြီးနှင့် ရှင်လောင်း နှစ်ဦးလုံးပင် ပီပီသသ
(ဌာန် ကရိုဏ်းကျကျ) ရွတ်ဆို တတ်မှ ရှင်သာမဏေအစစ် ဖြစ်သည်ဟု ကျမ်းစာ၌ ဆိုထား၏၊ ယခုခေတ်
မြန်မာလူမျိုးတို့ကား အင်မတန် ကြိုးစားမှ စာလာပေလာ အတိုင်း ပီနိုင်၏၊ ထိုသို့ မပီစေကာမူ
ရှင်သာမဏေဟု ၀န်ခံ၍ ဆိုင်ရာကျင့်ဝတ်များကို ကျင့်တတ်လျှင် အပြစ်ကင်းဖွယ် ကုသိုလ် ရဖွယ်
ရှိပါသေး၏၊ ယခုသော် များသောအားဖြင့် ရှင်ကျင့်ဝတ်ကို နားလည်သူများ နည်းပါး, ကျင့်သူက
သာ၍ ရှားတော့၏၊ ဤကိစ္စကို တိုင်းသူပြည်သားတို့ နားလည်အောင် စီမံပြီးလျှင် မူလတန်းပညာ
လောက်ကို (အနည်းငယ်) သင်ပြီး၍ ကောင်းစွာနေထိုင်တတ်မှသာ ရှင်သာမဏေပြုစေသင့်ကြပါသည်။
ကြီးကျယ်သော ရှင်ပြုနည်း
ယခုအခါ
ခေတ်စားနေသော ရှင်ပြုနည်းကိုပြင်များ၌ ငွေပိုငွေလျှံရှိသူတို့အတွက် မထောင်း သာသော်လည်း ရှိသမျှပစ္စည်းကလေးနှင့် အားခဲရသူ, ကြွေးယူ၍ သားကြီးရှင်ဖြစ်
ပြုရသူတို့အတွက် အလွန်နစ်နာလှပေ၏၊ သံသရာကျိုးလည်း နေ့စဉ် ဆွမ်းလောင်း မိဘပြုစု စသော
ဒါနမှုလောက် အားမကိုးရ၊ ပြခဲ့သော နွားသတ် ၀က်သတ် ခိုင်း၍ ငွေကူကို မျှော်ရသော အလှူနှင့်
ဂုဏ်ပကာသနကို ပဓာနထားသော အလှူတို့မှာ ငွေကုန် အပြစ်ဖြစ် နှစ်မျိုးလုံး နစ်နာ၏၊ ထိုအလှူမင်္ဂလာဝယ်
သားငယ်ကို မင်းမြောက်တန်ဆာ ဆင်၍ အဘိသိက်သွန်းလိုက်သော်လည်း မည်သူကမျှ အထင်မကြီးကြ၊
ထိုအဘိသိက်သွန်းလောင်းမှုကြောင့် ဘာမင်္ဂလာမှလည်း မတိုးတက်ပါ။
ယခုရှင်လောင်းများထက် မယှဉ်သာလောက်အောင် အဆင့်အတန်းမြင့်သော သားတော်ရာဟုလာ
ရှင်ပြုရာဝယ် ဘာဘိသိက်မှ မသွန်းရ၊ ဘာအလှူကြီးမှလည်း မလှူလိုက်ရ၊ ကျောင်းတော် လိုက်
သွားရာမှ အရှင်သာရိပုတြာ မထေရ်မြတ်က ဦးခေါင်းရိတ်၍ သာမဏေ၀တ်ပေးရုံမျှဖြင့် ရှင်ပြုကိစ္စ
ပြီးရပါသည်။
မိမိတူအားပြောခြင်း
မိမိ၏တူ၌
(၉)နှစ်မျှရှိသော သားကြီးရှိ၏၊ ထို ကလေးကို ရှင်ပြုမည့် အကြောင်း လျှောက်၏၊ သူတို့မှာ
နှစ်ယောက်လုံး အထက်တန်းကျောင်းဆရာ ဖြစ်သော်လည်း ငွေများများ မပိုနိုင်သောကြောင့် “ငွေဘယ်က
ရမည်လဲ”ဟု မေး၏၊ ယောက္ခမနှစ်ယောက်က သူတို့ မသေခင် ကလေးကို သင်္ကန်းနဲ့ မြင်ချင်လို့ သူတို့ရဲ့
ရွှေတစ်ဆယ်သားကို ရောင်းမည်ဟု ပြောပါသည်၊ ကောင်းပြီ, အလှူဖိတ်တဲ့အခါ မင်းတို့လို စားနိုင်
သောက်နိုင်သူများကို ဖိတ်ပြီး အစားကောင်းတွေကို ကျွေးတာနဲ့ ငွေအတော်များများ ကုန်သွားပြီ၊
သူတို့မှာ ဒီလို အစားကောင်းကို ၀ယ်၍ စားနိုင်သောကြောင့် ကျေးဇူးတင်လှမည် မဟုတ်။
ဘုန်းကြီးပင့်တော့လည်း သိကျွမ်းပြီး ဘုန်းကြီးများကို ပင့်၍ သင်္ကန်းစသည်
လှူလို့ ငွေအတော်ကုန်သွားလိမ့်မည်၊ ဒီပစ္စည်းမျိုး ဘုန်းကြီးများမှာ ရှိနေသောကြောင့်
ကျေးဇူးများလှမည်မဟုတ်၊ ကလေးငယ်လည်း ရှင်သာမဏေ၏ ကျင့်ဝတ် နားမလည်ဘဲ ကိုးရိုး ကားရားဝတ်၍
မဏ္ဍပ်အတွင်းဝယ် ကစားကာ ပျော်သလို နေရှာပေလိမ့်မည်၊ ရွှေတစ်ဆယ်သားကုန် ရှင်ပြု၌ ကလေးမှာ
အကုသိုလ်ရရှာတော့မည်၊ ထို့ကြောင့် ဒီလိုပြုမည့် ရှင်ပြုကို သင်တို့ မြို့မှာသာ ပြုပါ၊
ဒီလိုမှ မဟုတ်ဘဲ ကလေး ကုသိုလ်ရ၍ ဘာသာရေးနားလည် အောင် ရှင်ပြုပေးလိုလျှင် ဆယ်တန်းအောင်မှ(သို့မဟုတ်)တက္ကသိုလ်
ဒီဂရီရမှ ဘုန်းကြီးကျောင်းလာပြီး ရှင်ပြု (သို့မဟုတ်) ဒုလ္လဘ၀တ်ပါ၊ ရွှေတစ်ကျပ်သားမျှ
မကုန်စေရပါဘူးဟု ပြောလိုက်ပါသည်။
