သားရှင်ပြု လှူဒါန်းကြပုံ
ဘုန်းကြီးဝါဒမှာ
“နေ့စဉ်စိတ်ကောင်း ထား၍ နေ့စဉ် ဒါန၀တ်နှင့်ကိုယ်ကျင့် သီလ ကောင်းခြင်းကိုသာ အရာရာဝယ်
သာယာအေးမြလျက် နောက်ဘ၀၌ မုချဂတိကောင်းကြောင်း အလုပ်ဖြစ်၏”ဟု ယူဆပါသည်၊ တစ်ရံတစ်ခါ ပကာသနများစွာဖြင့်
ဒါနအကြီးအကျယ်ပြုမှုများကို အနှစ်အသားဟု မမှတ်ထင်သည့်အပြင် လူအများ၏ ကိုယ်ကျင့် ပျက်ကြောင်း,
ရဟန်းတော်များ အလုပ် ပျက်ကြောင်း ဟုသာ ထင်ပါသည်။
ရှင်းပြဦးအံ့… သားရှင်ပြုကိစ္စ၌ ဂုဏ်အသရေရှိ လူကြီး လူကောင်းတို့ကား
ထိုကဲ့သို့သော အစာကို စားနေကျ ဖြစ်၏၊ သူက ဖိတ်လို့သာ အားနာ၍ (မသွားမကောင်းသဖြင့်) သွားရသည်၊
အိမ်မှာ အလုပ်ကိစ္စ တန်းလန်းနှင့် မအားကြ၊ ကျွေးမွေးရာ၌ ကုန်သောငွေလည်း မနည်းလှ၊ စားရသူတို့ကလည်း
အားနာပါးနာ နှင့် မလွှဲသာ၍ လာကြရာဝယ် အဘယ်မှာ ကုသိုလ်ထုပ်ကြီး ရနိုင်ပါ မည်နည်း၊ ထိုအပေါ်မှာ
ဂုဏ်ဖော်ချင်သော စိတ်ကောက်ကလေးက (ပကာသန, အကုသိုလ် လောဘစိတ်ကလေးက) ပါလိုက်ချေ သေး၏။
ဘုန်းကြီးပင့်ရာမှာလည်း ပင့်ရိုးအတိုင်း မပါမကောင်းသော ဘုန်းကြီးပေါင်းများစွာကို
ပင့်ရပြန်၏၊ ထိုဘုန်းကြီးများသည် တစ်နေ ကုန် တစ်နေခန်း ပရိယတ် ပဋိပတ် အလုပ်ဖျက်ကာ အလှူရှိရာ
ကျောင်းသို့ သွား၍ နေကြရ၏၊ နောက်ပါ ကျောင်းသားတို့လည်း စာသင်ပျက်ကြ၏၊ သို့ဖြစ်လျှင်
ရာပေါင်းထောင်ပေါင်းများစွာ အကုန်အကျခံ ပြုကြသော သားရှင်ပြု သမီးနားသ အလှူ ဒါနကြီးသည်
သာသနာကြီးပွားရေးကို အဘယ်နည်းဖြင့် အားပေးရာ ရောက်တော့မည်နည်း။
ထိပ်ကွက်ကလေးကိုသာ စီရင်လိုက်ပါတော့
သားရှင်ပြု
တစ်ခု၌ ကြားရဖူးသည်ကား အလှူ့ဒကာသည်
ထိုနယ်၌ နာမည်ကြီးသူတည်း၊ အလှူမှာ အမဲသား
(နွားသား) ကျွေး၏၊ ပရိသတ်တွေ လာကြသည်မှာ ကျွေး၍ မလောက်အောင်ပင်၊ အတော်ကြာလျှင် ၀ယ်ထားသော
အသားတွေ ကုန်လုပြီ၊ အလှူ့ဒကာသည် ပရိက္ခရာရှစ်ပါးကို လွယ်ကာ အတော် ကြည်နူးစွာဖြင့် ရှင်လောင်းလှည့်ရာတွင်
ပါဝင်နေ၏၊ ထမင်းကျွေး သူများလည်း အမဲသားလောက်ပုံမရ၍ ဗျာများနေကြပြီ၊ နောက်ဆုံး၌ မကြံတတ်တော့သဖြင့်
အလှူ့ရှင်ထံ ပြေးလာကြ၍ ဟင်းလောက်ပုံ မရကြောင်း ပြောကြလေသည်၊ အလှူ့ ဒကာလည်း အတော် စိတ်
မောသွားဟန်တူ၏၊ တောင်ကြံ မြောက်ကြံနှင့် ကြံရှာပါသော်လည်း အကြံ မရတော့ပြီ၊ အတော်ကြာကြာ
တွေးပြီးမှ “အင်း… အိမ်က ထိပ်ကွက်ကလေးကိုသာ စီမံလိုက်ကြပါတော့”ဟု ရှုံ့မဲ့သောမျက်နှာ
ဖြင့် ညွှန်ပြလိုက်ရှာသတဲ့။
သားရှင်ပြုအလှူ
့ရှင်တစ်ယောက်လည်း နာမည်ကြီး သူပင်တည်း၊ ကူငွေများများရလျှင် နဂိုတင်ရှိသော ကြေးဟောင်းများပင်
ကျေလောက်လိမ့်မည်ဟု မျှော်လင့်ချက်ဖြင့် ကြီးကျယ်သောအလှူကို စီစဉ်လေ၏၊ ချက်ပြုတ်ထားသည်မှာလည်း
အများပင်၊ သို့သော် လူအလာများသလောက် ကူငွေ မရချေ၊ ကုန်ကျစရိတ်နှင့် ရသမျှငွေကို စောစောက
စိတ်တွက် တွက်နေ၏၊ ထင်ကြေးမကိုက်သဖြင့် ခပ်စောစောကပင် မျက်နှာမသာယာလှ၊ ညနေချိန်၌ ပင့်ထားသော
ကိုယ်တော်များ ပရိတ်ရွတ်ရန် မဏ္ဍပ်သို့ ကြလာကြပြီ၊ သူကား ရေစက်ခွက် ကိုင်ကာ သံဃာစင်ပေါ်
ရောက် နေ၏၊ ဘုန်းကြီးတစ်ပါးက အာဝဇ္ဇန်းရွှင်ရွှင်နှင့် ရေစက်ချပေး၏၊ အလှူ့ ဒကာမှာ သူ့အနီး၌
ကပ်လျက် ရေစက်ချပေးနေသည်ကိုမျှ ကောင်းကောင်း မကြားရဘဲ ကူငွေနှင့် ကုန်ကျစရိတ်များကို
အပြန် အလှန် စဉ်းစားနေစဉ် ဘုန်းကြီးလည်း ရေစက်ချပြီးရော၊ သူလည်း ကူငွေတွက်ရာမှ အရှုံးထွက်နေတာ
သိရရော၊ ထိုအခိုက်၌ အနားရှိ ဆွေမျိုးများက “အမျှဝေလိုက် အမျှဝေလိုက်”ဟု တိုက်တွန်းသံကြား
သဖြင့် ကပျာကယာ နှုတ်က ထွက်သွားသည်မှာ “သောက်ကျိုး နည်းပါပြီဗျို့”ဟု နှုတ်က ထွက်သွားရှာသတဲ့။
အလားတူ အလှူပျက်တွေ
ဤအဖြစ်အပျက်မျိုးသည်
ယခုခေတ်ကျမှ ပေါ် လာသည်မဟုတ်၊ မင်းကြီးဦးပေါ်ဦးတို့လက်ထက်ကပင် အလားတူ သားရှင်ပြုရှိခဲ့သည်၊
ထို့ကြောင့် ယမမင်းထံ အစစ်ခံ သံပေါက်၌ ထိုအလှူမျိုးတွေ မကျေနပ်၍ မင်းကြီးရေးထားသည်မှာ…
သားကြီးရှင်ဖြစ်, ကျွန်တော်စစ်, ညှစ်၍လှူခဲ့တယ်။ ကွမ်းဆေးလက်ဖက်, ဆီစက်စက်,
ဝက်နှင့်ကြက်သား ကျွေးခဲ့တယ်။
သည်ကို ဟိုကို, ကြွပါဆို, ဗျိုဗျာမစဲ ခေါ်ခဲ့တယ်။
ကျွန်တော့်အလှူ,
ကြေးတွေပူ, ငွေကူကိုသာ မျှော်မိတယ်။
ကူငွေနှင့်သာ,
ငါလှူတာ, ထေမိပါမှ ကာတော့မယ်။
ဤသို့လျှင် မင်းကြီးဦးပေါ်ဦးလက်ထက်ကပင် သားကြီးရှင်ဖြစ် အလှူတွေ
ထွန်းကားနေခဲ့၏၊ စည်းပျက်ကမ်းပျက် ကိစ္စဟူသမျှသည် မပြုပြင်သမျှ တစ်ခေတ်ထက် တစ်ခေတ် သာ၍
ဆိုးရွားကြမ်းတမ်းမြဲ ဖြစ်ရကား ယခုခေတ် တချို့ရပ်ရွာ၌ မလှူမီ ကြိုတင်၍ “၀က်သား မည်မျှပေးပါ,
အမည်းသား မည်မျှပေးပါ”ဟု ဆိုင်ရာသို့ အမိန့်ပေး ထားကြ၏၊ ဆိုင်ရာတို့ကလည်း အလှူရက်ရောက်မှ
ဝက်နှင့် နွား တို့ကို သတ်ဖြတ်၍ လောလောလတ်လတ် အသားတွေကို ဒါနရှင် အလှူ့ ဒကာလက်သို့
ပို့ဆက်ကြတော့၏၊ ဤမျှလောက် ပျက်စီး နေသော ဘာသာရေးအလုပ်ကို ဘုန်းကြီးများနှင့် အမျိုးသားအစိုးရ
ဆိုသူတွေက အဘယ်မှာလျှင် မပြုပြင်ဘဲ နေထိုက်တော့မည်နည်း။
