အင်းဝခေတ်သာသနာ
[စတုတ္ထ အ၀မြို့တည် မင်းတရား၏
ညီတော်လက်ထက်၌ ၀ိနန္ဒာသဘထေရ်စီရင်၍ ကောဇာသက္ကရာဇ် (၁၁၉၉)ခု, သာသနာသက္ကရာဇ် (၂၃၈၁)ခုနှစ်၌
ပြီးစီးသော သီလ ၀ိသောဓနီကျမ်းမှ ထုတ်နုတ်ဖော်ပြချက်]
အမတ်စည်းစိမ်ထက် ရဟန်းအဖြစ် သာပုံ
မြောက်နန်းကျောင်းဆရာတော်သည် မှူးမတ်မျိုးမှ ထွက်၍ ရဟန်းပြုခဲ့၏၊
အခါတစ်ပါး၌ အမတ်များက “အရှင် ဘုရားသည် တပည့်တော်တို့လို
လူဝတ်ကြောင်ဘ၀ဖြင့် နေပါလျှင် အမတ်စည်းစိမ်ကို ရလောက်ပါကြောင်း” လျှောက်ကြလေသော် “သင်တို့
အမတ်စည်းစိမ်သည် ရေအိမ်ထက်၌ ငါပွားများအပ်သော အသုဘသညာ၏ တစ်စိတ်လောက်ကိုမျှ မီနိုင်မည်လော”ဟု
ပြန်၍ မိန့်တော်မူလေသည်၊ မိန့်လိုရင်းကား… ကျင်ငယ်စွန့်အိမ်ကို “ရေအိမ်”ဟု ခေါ်၏၊
ထိုရေအိမ်၌
ထိုင်စဉ် ပိုးလောက်ကလေးများကို မြင်၍ “ဤခန္ဓာကိုယ်မှ ထွက်သော ကျင်ငယ်ရေများသည် ပိုးလောက်
တို့၏ ဖြစ်ပွားရာ ရွံရှာဖွယ် ဖြစ်သကဲ့သို့ ဤခန္ဓာကိုယ်၌ ရွံရှာဖွယ် တွေ များလှချေတကားဟု
ခန္ဓာကိုယ်၏ အသုဘ (မတင့်တယ်ပုံ) အခြင်းအရာကို ဆင်ခြင်ရသော ကုသိုလ်၏ တစ်စိတ် တစ်ဖို့
လောက်မျှ သင်တို့၏အမတ်စည်းစိမ် အဖိုးမတန်၊ ထို့ကြောင့် ငါရနိုင် သော အမတ်စည်းစိမ်ကို
ငါမတောင့်တ”ဟု မိန့်လိုရင်း ဖြစ်သည်။ [ဤစကားဖြင့် ထိုခေတ်က သာသနာတော်ရေးသည် အရှိန်မသေး
ရကား မှူးမတ်မျိုးများပင် သာသနာတော်ဝင်၍ တာဝန်ကို ထမ်းတော်မူကြကြောင်း ထင်ရှားပေသည်။]
ခြိုးခြံသော မင်းရွာဆရာတော်
မင်းရွာဆရာတော်ကား
ဆွမ်းဘုဉ်းပေးသော အခါ မျက်စိမှတ်၍ နှိုက်မိရာ ဟင်းကိုသာ ဘုဉ်းပေးတော်မူ၏၊ ကောင်းနိုးရာကို
ရွေး၍ ဘုဉ်းပေးတော်မမူ၊ ဆွမ်းကိစ္စပြီးလျှင် လက်မသည်းခွံမျှလောက် လက်ဖက်ကို ဘုဉ်းပေးတော်မူ၏၊
ထို့နောက် ကွမ်းနှစ်ယာ ဘုဉ်းပေး ပြီးလျှင် နှုတ်ခမ်းပါးစပ်များကို ဆေး၍ ထိုနေ့အဖို့၌
စားဖွယ်များကို နောက်ထပ် ဘုဉ်းပေးတော်မမူ၊ (ဧကာသနိက်ဓူတင် အမြဲ ဆောက် တည်တော်မူဟန်တူ၏၊)
သူတစ်ပါးကို မည်သည့်အခါမျှ ကဲ့ရဲ့လေ့ မရှိ၊ မိမိအနား၌ ကဲ့ရဲ့စကား ပြောလာလျှင် ထိုစကားကို
ထောက်ခံ ပြောဆိုမှု မပြုဘဲ ဆိတ်ဆိတ် နေတော်မူလေ့ရှိသည်။
ဆေးပေး သစ်သီးပေး ရှောင်ကြပုံ
အရှင်ဝရဓမ္မဆရာတော် အထံသို့ ကျောင်းအမ ကိုယ်တိုင်လာ၍ ဆေးတောင်းလေရာ
“မပေးကောင်းဘူး” ဟု မိန့်တော်မူ၏၊ “ပစ္စည်းလေးပါး ဒါယိကာမ ဖြစ်ပါသည်”ဟု ထပ်၍ လျှောက်တောင်းပြန်ရာ
“ပစ္စည်းလေးပါး ဒါယိကာမ ဖြစ်လေ မပေးကောင်းလေ” ဟု မိန့်တော်မူ၏၊ နံမော်ဆရာတော်၏ ကျောင်းဒကာသမီးသည် ကန်ကြီးပုဂ္ဂိုလ်ထံ
ဆွမ်းပို့ သွား၏၊ ထိုပုဂ္ဂိုလ်က ငှက်ပျောသီးနှင့်
မုန့်ကို လက်ဆောင် ပြန်ပေးလိုက်၏၊ အိမ်ရောက်၍ ကျောင်းဒကာကြီး သိသောအခါ “ငါတို့ဆရာတော်နှင့်
မတူ”ဟု ဆို၍ နောက်ထပ် ဆွမ်းမပို့စေဘဲ ဘုန်းကြီးပေးလိုက်သော ငှက်ပျောသီး မုန့်များကို
စွန့်ပစ်စေသည်။ [ ဤစကားဖြင့် ““၀ိနည်းကို ကျောင်းဒကာ ကျောင်းအမ စသူတို့ နားလည်လေ ကောင်းလေ””ဟု
ပြ၏။]
ဗေဒင်မဟောသော ဆရာတော်
မင်္ဂလာဘုံကျော်ဆရာတော်ထံ
ဝန်ကတော်ကိုယ်တိုင် လှူဖွယ်လက်ဆောင်များစွာဖြင့် လာ၍ ၀န်ကြီးဇာတာကို ဗေဒင်မေးလေရာ “ဗေဒင်မဟောကောင်းဘူး”ဟု
မိန့်တော်မူသည်၊ ၀န်ကတော် ပြန် သွားသောအခါ လှူဖွယ်များကို စွန့်ပစ်စေ၍ ၀န်ကတော်ကို
ခေါ်ဆောင်လာသော “ငနီ”ကိုလည်း လွန်စွာ ငေါက်ငမ်းတော်မူလေသည်၊ အရှင်အဂ္ဂဓမ္မဆရာတော်ကား ဆေးကုသောဘုန်းကြီးက
လှူလာသော ပစ္စည်းများကို အကုန်စွန့်ပစ်၍ ထိုပုဂ္ဂိုလ်ထိုင်သော နေရာထိုင်ကိုပင် ရေဆေးခိုင်းတော်မူသတဲ့။
[ ဤစကားဖြင့် အင်းဝခေတ်က ဆရာတော်များသည် ၀ိနည်းတော်နှင့်အညီ အတော် ကျစ်လစ်စွာ ကျင့်တော်မူကြကြောင်း
ထင်ရှား၏၊ ၀ိနည်းတော်အလို အားဖြင့် ဗေဒင်ဟော ဆေးကု၍ လှူအပ်သော ပစ္စည်းသည် ထိုပုဂ္ဂိုလ်သာမက
ရဟန်း သာမဏေဟူသမျှ မသုံးကောင်းချေ။]
သာလွန်မင်းနှင့်ဆရာတော်နှစ်ပါး
သာလွန်မင်းတရားကို
သားတော် ရှင်တရုတ်က လုပ်ကြံသောအခါ လေးထပ်ကျောင်းသို့ မင်းကြီး ပြေးလာ၍ … “လိုက်လာသူကို
တောင်ဝှေးဆွဲ၍ ဆီးတားပေးပါ”ဟု မင်းတရားက လျှောက်လေရာ “ငါရဟန်းဖြစ်သည်”ဟု ဆိုကာ ဆီးတားမပေးဘဲ
စံကျောင်းဆရာတော်က ဆီးတားလေသည်၊ အရေးတော်ပြီးသောအခါ မင်းတရား ကြီးက “လေးထပ်ဆရာတော်သည်
ရဟန်းပီသပါပေ၏၊ စံကျောင်း ဆရာတော်လည်း စစ်သူကြီး ပီသပါပေ၏”ဟု ဆိုသတဲ့၊ နောင်ခါ သမီးတော်လက်ထပ်ပွဲ၌
လေးထပ်ဆရာတော်နှင့် တပည့်သံဃာ အပေါင်းကိုသာ (သံဃာပီသသည့်အတွက်) ပင့်၍ စစ်သူကြီးကဲ့သို့
ကာကွယ်သော စံကျောင်းဆရာတော်မှာ အပင့် မခံရပေ။ [“စံကျောင်း ဆရာတော်”ဟူရာ၌ မန္တလေးစံကျောင်း မဟုတ်ပါ။]
အလောင်းမင်း၏ ဆရာတော်များ
သာလွန်မင်းတရားကြီး၏ စကားမျိုးကို
အလောင်းမင်းတရားလည်း ဆိုခဲ့ဖူး၏၊ အတုလဆရာတော်သည်
ကျမ်းဂန်ကို သင့်ရုံသာ တတ်၏၊ နှုတ်ပြော ကောင်းလှ၏၊ အလောင်းမင်းတရားကြီး တိုင်းပြည်ကို
တည်ထောင်ရာဝယ် တိုင်ပင်ဖော် တိုင်ပင်ဖက် ဆရာတော် ဖြစ်၏၊ ပလိုင်းဆရာတော်, ကြက်သွန်ခင်းဆရာတော်
တို့ကား ကျမ်းဂန်အရာမှာလည်း တတ်တော်မူကြ, ၀ိနည်းသိက္ခာပုဒ်တော်ကိုလည်း လေးစားတော်မူကြ၏၊
ထို့ကြောင့် အလောင်းမင်း တရားကြီးက “အတုလဆရာတော်သည် ပစ္စုပ္ပန် (ယခုဘ၀အတွက်) ဆရာ ဖြစ်၏၊
နောက်ဆရာတော်သုံးပါးကား သံသရာဆရာတော် (သံသရာအတွက် ဟောပြော စောင့်ရှောက်တော်မူသော ဆရာများ
ဖြစ်သည်)”ဟု ပြောဆိုလေသည်။ [ ဤစကားဖြင့် ရှေးက သာသနာ့ ဒါယကာမင်းများသည် အရာဌာနအားလျော်စွာ
ကိုးကွယ်ခဲ့ကြကြောင်း, ၀ိနည်းအရာလည်း အထိုက်အလျောက်နားလည်၍ ပုဂ္ဂိုလ် အကောင်းအဆိုးကို
ရွေးချယ်တတ်ကြကြောင်း ထင်ရှားပေသည်၊၊]
