အခန်း- ၉
ဘဝသစ်၌ ပြန်လည်မွေးဖွားခြင်း
ဘဝသစ်၌ ပြန်လည်မွေးဖွားခြင်း ဆိ်ုတာ ဗုဒ္ဓမြတ်စွာဟောကြားတော်မူခဲ့တဲ့
ဒေသနာတော်အရဖြစ်တယ်။ ဓမ္မစကြာ တရားတော်ထဲမှာ “ယာယံ
တဏှာ ပေါနောဗ္ဘဝိကာ” = တစ်ဖန်ဘဝသစ်ကို ဖြစ်စေတက်သော လို့ဆိုလိုတယ်။
ထိုထိုသုတ္တန်တွေမှာလည်း တကဏှာကို “ဘဝနေတ္တိ” = ဘဝကိုဆောင်တက်တဲ့တရား လုိ့ ဘဝတစ်ခုမှ တစ်ခုသို့ သယ်ဆောင်သွားတဲ့တရားလို့
ဒီလို ဟောတယ်။
ကံ နဲ့ ပတ်သက်လာလို့ ရှီရင်လည်း
မြတ်စွာဘုရားက “ဘဝဂါမီ” = ဘဝကိုဖြစ်စေတက်တဲ့ကံ လို့ ဟောတယ်။ ဘဝသစ်၌ ပြန်လည်းမွေးဖွားခြင်းနှင့်စပ်လျဉ်းပြီးတော့
မြတ်စွာဘုရားက “ပုနဗ္ဘဝ” ဆိုတဲ့ စကားလုံး သုံးနှုန်းထားတာရှိတယ်။ တမလွန်ဘဝနဲ့ ပတ်သက်ပြီးတော့
အမြင်ရှင်းဖို့ အင်မတန်မှ အရေးကြီးတယ်။
ဒီနေရာမှာ ဗုဒ္ဓဘာသာဝင်တွေ တမလွန်ဘဝနဲ့
ပတ်သက်ပြီးတော့ အမြင်ရှင်းဖို့ ခက်ခဲတယ်၊ အခြား ဘာသာဝါဒတွေနဲ့ ရောယှက်ပြီးတော့ မှားမှားယွင်းယွင်း
ဖြစ်တက်တယ်။
ဗုဒ္ဓမြတ်စွာကလည်း “ကံနဲ့ သံသရာ” အကြောင်းကို ဟောထားတယ်၊ ကောင်းကံ ဆိုးကံဆိုတာတွေလုပ်လို့
ကောင်းကံဆိုးကံတွေက ဖန်တီးတဲ့ဘဝ ရကြရတယ်ဆိုတာ ဗုဒ္ဓဘာသာကသာ လက်ခံထားတာ မဟုတ်ဘူး၊ ဗုဒ္ဓမြတ်စွာ
ပွင့်ရာဖြစ်တဲ့ အိန္ဒိယနိုင်ငံမှာရှိတဲ့ ဗြဟ္မဏဘာသာ သို့မဟုတ် ဟိန္ဒူဘာသာတို့ကလည်း လက်ခံကြတယ်၊
အခြားဘာသာတွေကလည်း လက်ခံထားတာရှိတယ်၊ ကွဲပြားခြားနားမှုကို မသိရင် တူညီတယ်လို့ ထင်မှတ်ကြလိမ့်မယ်၊
မတူညီတဲ့အချက်တွေ အများကြီးရှိတယ်။
သာမန်ကြည့်မယ်ဆိုရင် သူတို့လည်း
သံသရာအကြောင်းကို ရှင်းပြတယ်၊ ကံဆိုတာ လက်ခံတယ်။ ကံနဲ့ သံသရာကို ပြောကြတဲ့နေရာမှာ အသံတူနေသည့်အတွက်ကြောင့်
အနှစ်သာရပိုင်းမှာ တူသယောင်ယောင်ဖြစ်ပြီး “ဗုဒ္ဓဝါဒသည် ဟိန္ဒူဝါဒက ပေါက်ဖွားလာတာပါ” လို့ ဟိန္ဒူစာရေးဆရာတွေက ရေးကြတယ်၊ ဘယ်လိုထိအောင် ရေးတုန်းဆိုရင်
Buddha was born in Hindu, မြတ်စွာဘုရားက ဟိန္ဒူထဲမှာ ဟိန္ဒူအဖြစ်နဲ့ မွေးလာတယ်တဲ့၊
Buddha was living in Hindu. Buddha died in Hindu ဆိုပြီးတော့ ဟိန္ဒူထဲမှာမွေး၊ ဟိန္ဒူထဲမှာ
သေပေါ့၊ အဓိပ္ပာယ်ကတော့ Buddhism ဆိုတာ Hindusim က ပေါက်ဖွားလာတဲ့အရာလို့ ဒီလိုယူဆပြီးတော့
ပြောကြတယ်၊ အဲဒီလို ယူဆပြောဆိုချက်တွေဟာ အနှစ်သာရပိုင်းကို မသိလို့ တူတယ်ထင်ပြီးတော့
ပြောနေကြတာ။
ကမ္မဝါဒချင်း တူပေမယ့်လို့
Hindusim မှာ သံသရာလည်တယ်ဆိုတာ
ဘယ်သူလည်တာတုန်းဆိုတော့ “အတ္တ” လို့ခေါ်တဲ့ ထာဝရမြဲနေတဲ့ အရာလေးတစ်ခု လည်တာ၊ အတ္တက သံသသရာလည်းတာ၊
ထိုအတ္တမှာ ရုပ်တွေနာမ်တွေ ရှိတယ်၊ အဲဒီ အတ္တ ကို ဘယ်သူက ဖန်ဆင်းတုန်းဆို ဗြဟ္မာကြီးက
ဖန်ဆင်းထားတာ၊ အဲဒီ အတ္တကို နာမည်အမျိုးမျိုးနဲ့ ခေါ်လို့ရတာပေါ့၊ Hindusim မှာဆို ‘အာတ္မန်’ လုိ့ ဒီလိုသုံးတယ်၊ ‘အာတ္မန်’ တို့ ဗြဟ္မတ္မန် တို့ဆိုတာ ရှိတယ်၊ ဗြဟ္မတန်
ဆိုတာက Universal soul ကိုပြောတာ၊ ဗြဟ္မာကြီးကို ဗြဟ္မတ္မန် Universal soul? အဲဒီ
Universal soul ဆိုတဲ့ ဖန်ဆင်းရှင်ကြိးကနေပြီးတော့ Individual soul လို့ခေါ်တဲ့ အသီးသီးသော
သတ္တဝါတွေရဲ့ အတ္တကို ဖတ်ဆင်းပေးလိုက်တယ်၊ အဲဒီလို ဖန်ဆင်းမှုကို လက်ခံပြီးတော့ သံသရာအကြောင်း,
ကံ အကြောင်းကို ရှင်းပြတာ။
သူတို့ပြောတဲ့ ကံ, သူတို့ပြောတဲ့
သံသရာ ဆိုတာက ဖန်ဆင်းထားတဲ့ အတ္တကလေး သံသရာလည်းတာကို ပြောတာနော်။ ထို အတ္တလေးရဲ့ လုပ်ဆောင်ချက်တွေကို
ကံလို့ ပြောတာ၊ ဒါ သူတို့ရဲ့ အခြေခံ၊ အဲဒီတော့ ကမ္မဝါဒချင်း တူပေမယ့်လို့ အနှစ်သာရပိုင်း
အခြေပြုတာချင်း မတူဘူး၊ အလွန်ကွာခြားတယ်။
ဒါကြောင့်မို့ အင်္ဂလ်ိပ်ဘာသာမှာ
Reincarnation ဆိုတဲ့ စကားလုံးလေးတစ်ခုရှိတယ်၊ Cambridge ကထုတ်တဲ့ dictionary ကို ကြည့်လိုက်တဲ့အခါ
Reincarnation နဲ့ ပတ်သက်လို့ Spirit ဆိုတဲ့အရာ၊ Spirit ဆိုတာ ခုနက အတ္တ ကို ပြောတာ။
မြန်မာလိုပြောမယ်ဆိုရင်တော့ “ဝိညာဏ်ကောင်” တို့၊ “လိပ်ပြာ” တိုိ့ဆိုတာ မြန်မာတွေပြောလေ့ရှိတယ်၊ အဲဒီ ဝိညာဏ်တို့ လိပ်ပြာတို့
ဆိုတာဟာ ခန္ဓာကိုယ်ကြီးတစ်ခု ဟောင်းနွမ်းသွားပြီဆိုရင် နောက် ခန္ဓာတစ်ခုကို ပြောင်းရွှေ့တယ်။
အဲသလို ပြောင်းရွှေ့တဲ့အခါမှာ ဘယ်သူက
ရွေးချယ်ပေးတာတုန်းဆိုရင် ကံက ရွေးချယ်ပေးတယ်၊ ဘဝတစ်ခုကနေ ဘဝတစ်ခု ပြောင်းရွေ့နေတယ်ဆိုတာ
ဘယ်သူပြောင်းတာတုန်းဆိုတာကျ ကွဲပြားသွားပြီ အဲဒီအချက်ကလေးမြင်ဖို့ အင်မတန်မှလိုတယ်၊
ဗုဒ္ဓဘာသာတွေလည်း “လူဝင်စား လူဝင်စား” နဲ့ ပြောတယ်၊ ဒါ အပြောအနေနဲ့တော့ ပြောလို့ရတယ်၊ သို့သော်
အနှစ်သာရပိုင်းအနေနဲ့ အမှန်ကို သိဖို့ လိုတယ်။
ဗုဒ္ဓဘာသာမှာ ခုနက Universal soul ဆိုတဲ့ ထာဝရဘုရား သခင်က ဖန်ဆင်းထားတဲ့
“အတ္တ”
ဆ်ိုတဲ့အရာ မရှိဘူး၊ အင်္ဂလိပ်လို အတ္တကို soul လို့ ပြန်တယ်၊ အဲသလို soul ဆိုတဲ့အရာ သို့မဟုတ်
spirit ဆိုတဲ့အရာ သို့မဟုတ် “ဝိညာဏ်ကောင်” သို့မဟုတ် “လိပ်ပြာကောင်” က ထာဝရမြဲပြီး တစ်ဘဝကနေ တစ်ဘဝပြောင်းသွားနေတယ် ဆိုတဲ့အရာက
မရှိဘူး။
အဲဒီတော့ Reincarnation ဆိုတဲ့
စကားလုံးကို ဖွင့်ဆိုချက် အရ ထာဝရမြဲနေတဲ့ spirit ဆိုတဲ့ လူတွေ သေဆုံးသွားတဲ့အခါ လူတွေရဲ့
သန္တာန်မှာဖြစ်တဲ့ အသက်လိပ်ပြာ ဝိညာဏ်ကောင် ဆိုတာဟာ နောက်ခန္ဓာတစ်ခုကို ဝင်ရောက်ပြီးတော့
သွားတာ၊ အဲဒီအခါမှာ နောက်ခန္ဓာတစ်ခုမှာ သူက သွားပြီးတော့ ဖြစ်ပေါ်လာတယ်၊ ဒီခန္ဓာတစ်ခု
ပျက်သွားပြီးတော့ နောက်ခန္ဓာတစ်ခုမှာ ဝင်ရောက်သွားတယ်။
Cambridge Dictionary ထဲမှာ ဘာရေးထားတုန်းဆို
Hindu and Buddhist believe in reincarnation တဲ့ ရေးထားတယ်၊ သူပြောတဲ့ Buddhist က
ဘယ် Buddhist တုန်းဆိုရင် Tibetan Buddhist ပဲ ဖြစ်တယ်၊ ထေရဝါဒ Buddhist က
Reincarnation ကို လက်မခံဘူးနော်၊ Reincarnation ဆိုတဲ့ လူ့ရဲ့ “အသက်, လိပ်ပြာ, ဝိညာဏ်ကောင်” ကနေပြီးတော့ နောက်ထပ်တစ်ဘဝ ကူးပြောင်းသွားပြီးတော့ ပြန်မွေးတယ်
ဆိုတာကို လက်မခံဘူး၊ ဒါက ပြန်မွေးတာ မဟုတ်ဘူး၊ အဲဒီလို ကွဲပြားခြားနားမှုလေးတွေရှိတယ်။
အဲဒါကို မသိလို့ရှိရင် ဒီဘာသာတွေက
အတူတူပဲလို့ ထင်နေကြတယ်၊ အနှစ်သာရပိုင်းမှာ အလွန်ကွဲပြားခြားနားတယ်၊ သူတို့ရှင်းပြတဲ့
သံသရာတို့ ကံတို့ဆိုတာ အတ္တကို အခြေခံပြီးတော့ မြဲတဲ့အရာလေးတစ်ခုရဲ့ လှည့်ပတ်သွားလာမှု,
လုပ်ဆောင်နေမှုကို ကြည့်ပြီးတော့ ကံ, လှည့်ပတ်သွားလာနေမှုကို သံသရာလို့ ဒီလိုပြောတယ်၊
သူတို့မျာ သံသရာက လွတ်တယ်ဆိုတဲ့ နိဗ္ဗာန်ဟာ ဒီ Individual soul လေးက Universal soul
နဲ့ ပြန်ပေါင်းသွားတာကို လွတ်မြောက်မှု(မောက္ခ) လို့ ဒီလို ခေါ်တယ်။
အဲဒီတော့ ဗုဒ္ဓဘာသာမှာ အသက်တို့
လိပ်ပြာတို့ ဝိညာဏ်ကောင်တို့ အတ္တတို့ဆိုတာ မရှိဘူး၊ ဘာပဲရှိတုန်းဆို ခန္ဓာ ၅-ပါးပဲ ရှိတယ်၊ ရုပ်နဲ့နာမ်ပဲ ရှိတယ်၊ အဲဒီ
ရုပ်နာမ်ဆိုတဲ့ ခန္ဓာ ၅-ပါးဟာ ဘယ်သူကမှလည်း ဖန်ဆင်းထားတာ မဟုတ်ဘူး၊ မြဲတဲ့အရာကြီးလည်း
မဟုတ်ဘူး၊ ထာဝရပြောင်းလဲနေတဲ့ အရာသာဖြစ်တယ်၊ တစ်ခုတည်းလည်း မဟုတ်ဘူး၊ ဖြစ်ပြီး ပျက်သွားတာတွေချည်းပဲဖြစ်တယ်၊
ဖြစ်ပျက်နေတဲ့ အစဉ်တန်းကြီးသာ ဖြစ်တယ်၊ အဲဒါ ထေရဝါဒဗုဒ္ဓဘာသာ အဆို။
ဒီဟာလည်း တော်တော်နဲ့ သဘောပေါက်ဖို့
ခက်တဲ့ကိစ္စပဲနော်၊ သာမန်စဉ်းစားပြီး သာမန်ကြည့်မယ်ဆိုရင် ဒါကို သဘောမပေါက်နိုင်ဘူး၊
သဘောမပေါက်နိုင်လို့ရှိရင် ခုနကပြောတဲ့ ဟိန္ဒူဝါဒတွေလို အခြားဗုဒ္ဓဘာသာဂိုဏ်း၊ တိဘက်
ဗုဒ္ဓဘာသာဂိုဏ်း တို့လို့ ရောထွေးပြီးတော့သွားစရာရှိတယ်၊ ထေရဝါဒဗုဒ္ဓဘာသာက အဲဒီလို မဟုတ်ဘူး။
***ဒေါက်တာနန္ဒမာလာဘိဝံသ၏
အဘိဓမ္မာမြတ်ဒေသနာ(ဒုတိယတွဲ) မှ ပူဇော်ပါသည်။
*** ဆက်လက်ပူဇော်ပါမည်။ 
