အခန်း
- ၄
စိတ်ဖြစ်စဉ်ကို
လေ့လာခြင်း (၁)(က)
“စိတ်ဖြစ်စဉ်ကို လေ့လာခြင်း” ရှေ့အပိုင်းမှာ စိတ်ဖြစ်ပုံကို လေ့လာခဲ့ကြပြီးပြီ။ ဒွါရကနေပြီး အာရုံဝတ္ထု ဆုံစည်းမှုကို အကြောင်းပြုပြီး
စိတ်တွေ ဖြစ်လာကြတယ်၊ ဖြစ်လာတဲ့ အခါကျတော့ စိတ်တွေဟာ ဘယ်ပုံဘယ်နည်းဖြစ်ကြသလဲ၊ စိတ်ဖြစ်စဉ်ကို
ပါဠိလို ဝီထိလို့ ခေါ်တယ် - စိတ္တဝိထိ၊ ဝီထိ ကို လမ်း လို့လည်း အဓိပ္ပါယ်ဖွင့်ဆိုကြတယ်။ ဝီထိဆိုတဲ့ စကားလုံးရဲ့ အဓိပ္ပါယ်က
လမ်းလို့ အဓိပ္ပါယ်ရတယ်။ အဲဒီလို လမ်းဆိုတဲ့ အဓိပ္ပါယ်နဲ့ ဖော်ဆောင်ကြည့်ကြတယ်။ ရှေးဆရာတွေက
ဘယ်လိုအဓိပ္ပါယ်ဖွင့်ဆိုကြလသဲဆိုတော့ “ရွာစဉ်အတိုင်း လမ်းမကြီးဟာ သွားသလိုပဲတဲ့
- စိတ်အစဉ်ဟာလည်း ခုန်ကျော်ခြင်းမရှဘဲ သွားနေတယ်”
လို့ ဒီလို အဓိပ္ပါယ် ဖွင့်ကြတယ်။
သို့သော်လည်း အဲဒီအဓိပ္ပါယ်ကို တချို့
ဆရာတော်ကြီးများက မနှစ်သက်ကြဘူး။ ဝီထိဆိုတဲ့ စကားလုံးက အစဉ် ဆိုတဲ့ အဓိပ္ပါယ်ကိုလည်း ဟောတယ်၊ ဖြစ်စဉ်တစ်ခု၊ အစဉ်အတန်းတစ်ခု၊ တစ်ခုပြီးတစ်ခု၊
အင်္ဂလိပ်လို serial ပေါ့။ တစ်ခုပြီးတစ်ခု ဖြစ်တာ၊ အဲဒါကိုပဲ process လို့လည်း ပြန်ကြတယ်။
စိတ္တဝီထိ Mental process စိတ်ဖြစ်စဉ်ပေါ့။
ဘုန်းကြီးတို့ စိတ်ဖြစ်စဉ်ဆိုတဲ့
ဝီထိအကြောင်းကို ရေးတဲ့အခါမှာ လူ့ဘဝရဲ့ စိတ်ဖြစ်စဉ်တင် မကဘူး၊ ဟိုး ဗြဟ္မာ့ပြည်က ဖြစ်စဉ်ပါ
မှတ်ရတယ်။ လူ့ပြည်နဲ့ နတ်ပြည့် ၆-ထပ်ကတော့ သိပ်မကွာဘူး၊ မကွာသည့်အတွက်ကြောင့် ကာမာဝစရဘုံတွေမှာ
ဖြစ်တဲ့ စိတ်အစဉ်ကတူတယ်။ ဗြဟ္မာကျတော့ ကွာခြားမှု ရှိသွားတယ်။ ရူပါဝစရစိတ် အရူပါဝါစရစိတ်တို့ရဲ့
ဖြစ်စဉ်, ထို့နောက်မှာ ဝိပဿနာကျင့်စဉ် ကျင့်ပြီးတော့ မဂ် ဖိုလ် ဆိုတဲ့ လောကုတ္တရာ စိတ်ဖြစ်စဉ်
- ဒါတွေကျတော့ ကွာခြားမှုရှိသွားပြီ၊ အဲဒီတော့ ရိုးရာဖြစ်စဉ်တစ်ခု အနေနဲ့ ပြောမယ်ဆိုလျှင်
လူတွေရဲ့ ဘဝနဲ့ ပြောကြရတယ်။
လူတွေရဲ့ စိတ်မှာ အကြမ်းဖျဉ်းအားဖြင့်
ဖြစ်စဉ်နှစ်ခုရှိတယ် လို့ ဒီလိုမှတ်ရမယ်၊ ဝီထိမုတ်စိတ်တို့ရဲ့ ဖြစ်စဉ်နဲ့ ဝီထိစိတ်တိ်ု့ရဲ့ဖြစ်စဉ်
ပေါ့။ ဝီထိစိတ်နဲ့ ဝီထိမုတ်စိတ်ဆိုပြီးတော့ ကွဲပြားခြားနားထားတာ ရှိသေးတယ်၊ အဘိဓမ္မာသင်ထားတဲ့
ပုဂ္ဂိုလ်တွေဟာ ဝီထိစိတ်ဆိုရင် ၈၀-လို့ နားလည်ထားရမယ်၊ ဝီထိမုတ်စိတ် ဆိုရင်တော့ ၁၉-ပါးလို့
ဒီလိုနားလည်ထားရမယ်။ အဲဒီ ဝီထိမုတ်စိတ် ၁၉-မျိုးထဲမှာ အမြဲတမ်း လွတ်နေတဲ့ စိတ်ကတော့
၉-ခု။
လူ့ဘဝအနေနဲ့ ပြောကြမယ်ဆိုရင် လူတွေရဲ့
ပဋိသန္ဓေစိတ် ၉-ခု ရှိတယ်။ အဲဒီ ၉-ခုသောစိတ်တွေကို ဝီထိမုတ်စိတ်လို့ ခေါ်တယ်။ အဲဒီ ၉-ခုက
ဘာတွေလဲဆိုရင် ကုသလဝိပါက် - (အဘိဓမ္မာမှာ ဝေါဟာရတွေဟာ ဘာသာမပြောဘဲနဲ့ ပါဠိနောက်လိုက်ပြီးတော့
ရေးထားတာဆိုတော့ ကုသလဝိပါက် ဆိုတာ - ကုသိုလ်ရဲ့ အကျိုးတရားလို့ပြောတာ) ကုသလဝိပါက် ဥပက္ခော
- သန္တီရဏစိတ်၊ သန္တီရဏစိတ်ဆိုတာ အာရုံကိုစူးစမ်းတဲ့စိတ် အဲဒီအာရုံကို စူးစမ်းတဲ့စိတ်ဟာ
ခံစားချက် နှစ်မျိုးရှိတယ်။ တစ်ခါ တစ်ရံ ဝမ်းမြောက်ဝမ်းသာ ခံစားချက်လို့ဆိုတဲ့ သောမနဿ
ရှိတယ်၊ တစ်ခါတစ်ရံမှာ ခံစားမှု မထင်ရှားတဲ့ ဥပေက္ခာဆိုတာ ရှိတယ်။ ဒါကြောင့်မို့ ဥပေက္ခာသန္တီရဏ
လို့ ဒီလိုပြောတာ သောမနဿသန္တီရဏ မဟုတ်ဘူး။ ဥပေက္ခာ
ဆိုတာ ခံစားမှုကိုရည်ညွှန်းပြီးတော့ ပြောတာ။ သန္တီရဏစိတ်သည် indifferent feeling ပေါ့၊
ဝမ်းသာတာလည်း မဟုတ်၊ ဝမ်းနည်းတာလည်း မဟုတ်ဘူး၊ အဲဒီနှစ်ခုကြားမှာ indifferent
feeling။ အဲဒီ သန္တီရဏစိတ်ဟာ ထူးခြားမှုမရှိတဲ့ သန္တီရဏကို ဥပေက္ခာသန္တီရဏ လို့ ခေါ်တယ်။
အဲဒီ ဥပေက္ခာသန္တီရဏကလည်း ကုသိုလ်ရဲ့
အကျိုးနဲ့ အကုသိုလ်ရဲ့ အကျိုးလို့ နှစ်မျိုးရှိပြန်တယ်။ ဒါကြောင့် စကားကို အပြည့်အစုံပြောလိုက်တဲ့
အခါကျတော့ ကုသလဝိပါက်ဥပေက္ခာ သန္တီရဏ လို့ ပြောရတယ်။ လူတွေရဲ့ သန္တာန်မှာ ပဋိသန္ဓေစိတ်
အနေနဲ့ ဖြစ်နိုင်တာ ကုသလဝိပါက်ဥပေက္ခာသန္တီရဏ - ကုသိုလ်၏ အကျိုးဆက်ဖြစ်တဲ့, မထင်ရှားတဲ့
ခံစားမှုနဲ့ယှဉ်တဲ့ စူးစမ်းတဲ့စိတ်လို့ ဒီလိုပြောတယ်။ ဒီနေရာမှာ သူ့ကို စူးစမ်းတဲ့စိတ်လို့
နာမည်ပေးထားပေမယ့်လို့ သူဆောင်ရွက်တဲ့ကိစ္စ သန္တီရဏကိစ္စ ဆောင်ရွက်တာ မဟုတ်ဘူး၊ ဝီထိမုတ်ဖြစ်တဲ့အခါ
ပဋိသန္ဓေကိစ္စကို ဆောင်ရွက်တယ်၊ ဘဝင်ကိစ္စကိုလည်း
ဆောင်ရွက်တယ်၊ စုတိကိစ္စကိုလည်း ဆောင်ရွက်တယ်၊ နောက် တခြား ဝီထိကိစ္စနဲ့တွဲလာတဲ့အခါကျတော့
သန္တီရဏကိစ္စနဲ့ တဒါရုံ ကိစ္စကိုလည်း ဆောင်ရွက်သေးတယ်ဆိုတော့ ၅-ကိစ္စ ဆောင်ရွက်နိုင်တဲ့စိတ်။
စိတ်တစ်မျိုးတည်းက ဆိုင်ရာဆိုင်ရာ
အာရုံတွေနဲ့ စပ်လျဉ်းပြီးတော့ ဖြစ်ပုံနေရာချင်း ဖြစ်တဲ့အချိန်ချင်း ကွာခြားလာတဲ့အခါမှာ
ဒီစိတ်တစ်မျိုးတည်းကနေပြီးတော့ ၅-ကိစ္စကို ဆောင်ရွက်တယ်လို့ ဒီလိုပြောတယ်နော်။ “၅-ကိစ္စ ၅-ဌာနတပ်သောစိတ်”
လို့ အဘိဓမ္မာမှာ အဲဒီလိုဆိုလိုတယ်။ ‘တပ်တယ်’ ဆိုတာ ‘တပ်ဆင်ထားတယ်’ ဆိုတဲ့ သဘောမျိုးလို့ ‘ကိစ္စလုပ်နေတယ်’ လို့ ပြောတဲ့ သဘောမျိုးဖြစ်တယ်။ ‘engaged ဖြစ်တယ်’၊ ‘အလုပ်တွေ
သူလုပ်တယ်’ လို့ ပြောတာနော်။ အဲဒီတော့ ၅-ကိစ္စ
ဆောင်ရွက်တယ်။ အဲဒီ ၅-ကိစ္စက ပဋိသန္ဓေကိစ္စ, ဘဝင်ကိစ္စ၊ သန္တီရဏလို့ ခေါ်တဲ့ စူးစမ်းခြင်းကိစ္စ၊
တဒါရုံလို့ ဆိုတဲ့ ဇောရဲ့အာရုံကို ဆက်ခံခြင်းကိစ္စ . . ဒီကိစ္စ ၅-မျိုးကို ဆောင်ရွက်တယ်၊ တစ်ပြိုင်နက် ဆောင်ရွက်တာတော့
မဟုတ်ဘူး၊ ရံဖန်ရံခါပေါ့၊ တစ်လှည့်စီ အလှည့်ကျတဲ့အခါမှာ သူဆောင်ရွက်တဲ့ ၅-ကိစ္စကို
ဆောင်ရွက်နိုင်တဲ့စိတ်။
စိတ်တွေထဲမှာ ဆိုလို့ရှိရင် ကိစ္စအများဆုံးစိတ်လို့
ပြောရမှာပေါ့နော်၊ သူဆောင်ရွက်နိုင်တဲ့ကိစ္စက များတယ်၊ သူ ပါဝင်တဲ့နေရာတွေ များတယ်ပေါ့၊
သူတောင်ရွက်တာ တစ်ပြိုင်နက်တော့ မဟုတ်ဘူး၊ တစ်နေ့ကပြောခဲ့တဲ့ ဥပမာလို့ပဲ . . လုပ်ငန်းခွင်မှာ
မန်နေဂျာ၊ အိမ်ကျတော့ ထမင်းချက်ပေါ့၊ အဲဒါမျိုးလိုပေ့ါ၊ သူ့ကိစ္စလေးနဲ့သူ ဆောင်ရွက်တာကို
ပြောတာနော်၊ အေး အဲဒီလို ဆိုင်ရာ ဆိုင်ရာ ကိစ္စလေးတွေ ဆောင်ရွက်တဲ့ ဥပေက္ခာသန္တီရဏစိတ်ဟာ
ကုသလ ဝိပါက်, အကုသလဝိပါက်လို့ နှစ်မျိုးရှိတယ်၊ အဲဒီ နှစ်မျိုးလုံးဟာ “ငါးဌာနမှာ ငါးကိစ္စဆောင်ရွက်နိုင်တဲ့စိတ်မျိုး” တဲ့။
အဲဒီစိတ်မျိုးဟာ လူ့ရဲသန္တာန်မှာ
ဖြစ်တဲ့အခါမှာလည်းပဲ ငါးကိစ္စကို ဆောင်ရွက်တယ်လို့ ပြောတယ်။ လူသားတစ်ယောက်ရဲ့ ပဋိသန္ဓေကိစ္စ, ဘဝင်ကိစ္စ, စုတိကိစ္စဆောင်ရွက်နေတဲ့အခိုက်မှာ
ဝီထိမုတ်စိတ်လို့ ခေါ်တယ်၊ ဘာဖြစ်လို့ ဝီထိမုတ်စိတ်လို့ ခေါ်တုန်းဆိုလို့ရှိရင်
process မှ လွတ်နေလို့ပဲ၊ ဝီထိ ဆိုတာ mental process၊ ‘မုတ္တ’ ဆိုတာ လွတ်နေတာ၊ process free လို့
ဒီလို ပြန်ကြတယ်။ ဖြစ်စဉ်တစ်ခုကနေပြီးတော့
လွတ်နေတာ၊ လွတ်နေတာဆိုတဲ့ အဓိပ္ပါယ်ကို နောက်တော့ရှင်းပြမယ်။
အဲဒီတော့ လူတေရဲ့ သန္တာန်မှာ ကုသလဝိပါက်
ဥပေက္ခာသန္တီရဏဖြစ်တာ။ အကုသလဝိပါက် ဥပေက္ခာသန္တီရဏက ပဋိသန္ဓေ ဘဝင် စုတိ အနေနဲ့တော့ မဖြစ်ဘူး၊
ဒိပြင်ကိစ္စအနေနဲ့ ဖြစ်နေတာ၊ လူတွေရဲ့ သန္တာန်မှာ အကုသလဝိပါက်ဖြစ်ရင် သန္တီရဏ - စူးစမ်းခြင်းကိစ္စနဲ့
တဒါရမ္မဏ - အာရုံကို ဆက်ခံခြင်း ကိစ္စ ဒီနှစ်မျိုးပဲ ဖြစ်နိုင်တယ်၊ ပဋိသန္ဓေ ဘဝင် စုတိအနေနဲ့
ဖြစ်ပြီဆိုရင် အပါယ်လေးဘုံမှာ ဖြစ်တယ်လို့ပြောတယ်၊ အကုသလ ဝိပါက်က အပါယ်လေးဘုံမှာ ဖြစ်တယ်၊
အဲဒီလို ခွဲပြီးတော့ မှတ်။
ကဲ ကောင်းပြီ၊ မဟာဝိပါက်စိတ် ၈-ခု၊
အဲဒီ မဟာဝိပါက်စိတ် ၈-ခုကလည်း ပဋိသန္ဓေကိစ္စ ဘဝင်ကိစ္စ စုတိကိစ္စကိုလည်း ဆောင်ရွက်နိုင်တယ်။
ဇောရဲ့ အာရုံကို ဆက်ခံမှုလို့ဆိုတဲ့ တဒါရုံကိစ္စကိုလည်း ဆောင်ရွက်နိုင်တယ်၊ သူက ၄-ကိစ္စ
ဆောင်ရွက်တယ်၊ သို့သော် ပဋိသန္ဓေကိစ္စ ဘဝင်ကိစ္စ စုတိကိစ္စဆိုတဲ့ ကိစ္စ ၃-ခုကို ဆောင်ရွက်တဲ့အချိန်မှာ
သူက process free ဝီထိမုတ်စိတ် ဖြစ်တယ်၊ တဒါရုံကိစ္စဆိုတဲ့ ဇောရဲ့ အာရုံကို ဆက်ခံပြီးတော့
ဖြစ်တဲ့ အချိန်မှာတော့ process free မဟုတ်ဘူး၊ ဝီထိစိတ်ဖြစ်တယ်။ အဲဒီ ကွဲပြားခြားနားချက်ကလေးတွေတော့
ရှိတယ်လို့။
ကဲ ဆိုလိုရင်း မြင်သာရုံ ပြောရမယ်ဆိုရင်
ဝီထိစိတ်တို့ရဲ့ ဖြစ်စဉ်နဲ့ ဝီထိမုတ်စိတ်တို့ရဲ့ ဖြစ်စဉ်လို့ ဒီလိုဖြစ်စဉ်နှစ်ခုကို
မှတ်ရမယ်။ ဝီထိမုတ်ဆိုတာ ဝီထိမုတ္တ - ဖြစ်စဉ်ကနေ လွတ်နေတာ၊ လွတ်နေတယ်ဆိုတော့ ဖြစ်စဉ်မရှိဘူးလို့
ဒီလိုဆိုလိုတာတော့ မဟုတ်ဘူးနော်၊ သူလည်း သူ့ဖြစ်စဉ်နဲ့ သူသွားနေတာ၊ သို့သော် ငြိမ်သက်တဲ့ဖြစ်စဉ်နဲ့
သွားနေတာ။
လူတစ်ယောက်ဟာ လူ့ဘဝရလာပြီ ဆိုလို့ရှိရင်
ကုသလဝိပါတ် ဥပေက္ခာသန္တီရ စိတ်နှင့်သော် လည်းကောင်း မဟာဝိပါက်စိတ် ၈-ခုထဲက စိတ်တစ်ခုခုနဲ့သော်လည်းကောင်း
ဘဝတစ်ခုကို အစပြုခဲ့ကြတယ်။
ဘယ်သူကနေပြီး အစပြုပေးတုန်းဆိုတော့
အတိတ်ဘဝက ရှိခဲ့တဲ့ အကျိုးပေးခွင့်ရတဲ့ ကုသိုလ်ကံက ထုတ်လုပ်ပေးလိုက်တာ၊ ကုသိုလ်ကံတွေ
မြောက်မြားစွာ ရှိသော်လည်း အင်အားကောင်းပြီးတော့ chance ရတဲ့ ကုသိုလ်ကံက အကျိုးပေးလိုက်တာ၊
အဲဒီ အချိန်မှာ ကောင်းတဲ့ကုသိုလ်ကံရဲ့ chance ရဖို့ အင်မတန်မှ အရေးကြီးတယ်၊ လူ့ဘဝရောက်လာဖို့ကနော်။
ကုသိုလ်ကံထဲမှာ အားပျော့တဲ့ ကုသိုလ်ကံက အကျိုးပေးခွင့်ရလို့ သူက လက်ဦးသွားလို့ ကုသလဝိပါက်
ဥပေက္ခသြန္တီရဏနဲ့ ပဋိသန္ဓေ နေလိုက်ရပြီဆိုရင် အဲဒီပုဂ္ဂိုလ်ဟာ မွေးကတည်းက မျက်စိကန်း နားကန်း
ဦးဏှောက်က မမှန်တာတို့၊ male, female အနေအထား မဟုတ်တာတို့ဆိုတဲ့ ချို့ယွင်းချက်တွေ
(ဆေးပညာကတော့ ဒိပြင်အကြောင်းတွေရှာပြီးတော့ ပြချင်ပြမှာပေါ့) ဗုဒ္ဓရဲ့ အဘိဓမ္မာ တရားတော်ကတော့
ကံကို ဦးတည်ပြီးတော့ပြောတယ်၊ အခြေခံကတော့ ကံပဲ၊ အေး . . . ဆေးပညာအရတော့ ဟိုမုန်းဓာတ်တို့
ဘာဓာတ်တို့ ညာဓာတ်တို့ ဒီလိုပြောမှာပေါ့၊ အဲဒီ ဟိုမုန်းရဲ့ အကြောင်းက ဘာတုန်းဆိုတော့
‘ကံ’
ရောက်လာမှာပဲ။ နောက်ဆုံး အကြောင်းရှာလိုက်ရင် ဘာဖြစ်လို့ ဒီလိုဖြစ်သွားရတာတုန်း ဆိုလိုက်ရင်
‘ကံ’ ပဲနောက်ဆုံး။
အဲဒီတော့ “ဇစ္စန္ဓ” လို့ခေါ်တဲ့ သန္ဓေကန်း၊ မွေးကတည်းက ကန်းလာတာ၊ မွေးကတည်းက
ကန်းလာတာကလည်း နှစ်မျိုးရှိတယ်၊ တစ်မျိုးက မျက်စိရလာပြီးတော့မှ အထဲထဲမှာ ပိုးကြောင့်ဖြစ်စေ,
လေကြောင့်ဖြစ်စေ, ကံကြောင့်ဖြစ်စေ ထပ်ပြီးတော့ ကန်းသွားတာမျိုး ဖြစ်တက်သေးတယ်၊ မျက်စိက
ဖြစ်လာပြီးတော့မှ ပြန်ပျက်စီးသွားတာကို ပြောတာနော်၊ ပိုးကြောင့်လေည်း ပျက်စီးတက်တယ်လို့
ပြောတယ်၊ လေကြောင့်လည်း ပျက်စီးတယ်၊ တစ်ခုခုသော ဆန့်ကျင်ဘက် အကြောင်းတစ်ခုခုကြောင့်
မျက်လုံးဟာ ပြန်ပြီးတော့ ဆုံးရှုံးသွားတက်တာမျိုး ရှိသေးတယ်၊ မမွေးခင် အတွင်းမှာပဲ ရလာတဲ့
မျက်လုံးလေးက ဆုံးရှုံးသွားတယ်၊ အဲဒီပုဂ္ဂိုလ်မျိုးနဲ့ မဆိုင်ဘူးလို့ပြောရမယ်၊ အဲဒီ ပုဂ္ဂိုလ်မျိုးက
အတိတ်က အကုသိုလ်ကံတစ်ခုရဲ့ ဖြည့်ဆည်းမှုကြောင့် ကန်းရတာ၊ ခုနတုန်းက ဥပေက္ခာသန္တီရဏနဲ့
ပဋိသန္ဓေနေလာတဲ့ ပုဂ္ဂိုလ်က မျက်လုံးဖြစ်လောက်အောင် ကံမပါဘူးလို့ ဒီလိုပြောတာ။
အဲဒီလို မွေးကတည်းက သန္ဓေကန်း၊ သန္ဓေတည်းက
ထိုင်းလာတဲ့ပုဂ္ဂိုလ်၊ မပီမပြင် ဦးဏှောက်ဖြစ်လာတဲ့ ပုဂ္ဂိုလ်၊ မှန်ကန်တဲ့ ဦးဏှောက်မရှိဘဲနဲ့
တမျိုးတဖုံ ပြောင်းပြောင်းလွဲလဲတွေဖြစ်ပြီး လူစဉ်မမီတဲ့ ပုဂ္ဂိုလ်တွေ၊ ဒီလို ပုဂ္ဂိုလ်တွေ
ရှိတက်တယ်ပေါ့။ အဲဒီလိုမွေးကတည်းကနေပြီတော့ embryo အဆင့်မှာပဲ အဆင်မပြေ ဖြစ်လာတဲ့ ပုဂ္ဂိုလ်မျိုးတွေ၊
အဲဒီ ပုဂ္ဂိုလ်မျိုးတွေဟာ ဥပေက္ခာသန္တီရဏနဲ့ ပဋိသန္ဓေနေခဲ့တယ်လို့ ပြောတာ။
***ဒေါက်တာနန္ဒမာလာဘိဝံသ၏
အဘိဓမ္မာမြတ်ဒေသနာ(ဒုတိယတွဲ) ၁၁၄-၁၂၁ မှ ပူဇော်ပါသည်။
*** ဆက်ရန်*** အခန်း(၄) စိတ်ဖြစ်ပုံကိုလေ့လာခြင်း(၁) (ခ) ကို ဆက်လက်ပူဇော်ပါမည်။
