စိတ်ဖြစ်ပုံလေ့လာခြင်း အပိုင်း(၂)
(ခ)
ဋီကာကျော်ဆိုတဲ့ အဘိဓမ္မတ္ထဝိဘာဝနီကျမ်းကတော့
သီဟိုဠ်က ရေးတဲ့ကျမ်း။ အဖွင့်အဆို ပါဠိစကားလုံး လှပါချောမွတ်တယ်၊ သို့သော် အဓိပ္ပါယ်အယူအဆတွေက
တချို့နေရာတွေမှာ မှန်ကန်မှု မရှိဘူး။ အခု ဒွါရနဲ့ပတ်သက်ပြီးတော့ သူက ဘယ်လိုဖွင့်တုန်းဆိုတော့
“အာဝဇ္ဇန်း စသော စိတ်တို့ရဲ့ ဖြစ်ရာအဝ
ဖြစ်သောကြောင့် ဒွါရ” လို့ ဆိုတယ်။ အဲဒီအဓိပ္ပါယ်ကို လယ်တီဆရာတော်ကြီးက
လက်မခံဘူး၊ ဘာဖြစ်လို့လဲဆိုရင် စိတ်တွေချည်း ဖြစ်တာ မဟုတ်ဘူးတဲ့၊ အာရုံလည်း ဖြစ်တယ်။
လက်တွေ့ကြည့်လိုက်မယ်ဆိုရင် မြင်စရာ
အအဆင်းအာရုံလေးက ဘယ်တံခါးက ဝင်လာတာလဲ၊ မျက်စိတံခါးပေါက်က ဝင်လာတာ - စက္ခုဒွါရ၊ စက္ခုဒွါရဆိုတာ
စက္ခုပသာဒရုပ်လေးကို ခေါ်တာ၊ မျက်စိထဲမှာ ရှိတဲ့ အကြည်ဓာတ်လေးကို ခေါ်တာ၊ မျက်လုံးကြီးတစ်ခုလုံးကို
ခေါ်တာမဟုတ်ဘူး၊ မျက်လုံးကြီးထဲမှာ ရှိတဲ့ အကြည်ဓာတ်လေးကို ခေါ်တာ၊ အပြင်ဘက်က ရုပ်ပုံလေးလာထင်တဲ့
အကြေည်ဓာတ်လေးကို ခေါ်တာ၊ အဲဒီအကြည်ဓာတ်နဲ့ ဆက်သွယ်ပြီး လှုပ်ရှားသွားတဲ့ အရာတွေလည်း
အပါအဝင်ပေါ့။ အဲဒီအကြည်ဓာတ်လေးထဲမှာ ရုပ်ပုံလွှာထင်ပြီးတော့ ထိုရုပ်ပုံလွှာဟာ ဘယ်ထိအောင်ရောက်သွားလဲဆိုရင်
မနောဒွရလို့ခေါ်တဲ့ ဘဝင်စိတ်ထိအောင် ရောက်သွားတယ်။
နားက အသံကြားရင်လည်း အသံသည် သောတပသာဒ
လို့ဆိုတဲ့ နားမှာလာပြီးတော့ ထိခိုက်ရုံတင်မကဘူး, ဘဝင်စိတ်လို့ ဆိုတဲ့ စိတ်တံခါးကိုလည်း
လာပြီးတော့ ထိခိုက်တယ်၊ ဒါကြောင့်မို့ “ဒွီသု
ဒွီသု ဒွါရေသု ဥပ္ပဇ္ဇိတိ” - တံခါးနှစ်ပေါက် နှစ်ပေါက်မှာ တစ်ပြိုင်နက်ရောက်တယ်
လို့ပြောတာ၊ စိတ်ရဲ့ တံခါးဝတွေ ဆိုတာကို ကိယ့်သန္တာန်မှာ ရှာပြီးတော့ ကြည်ကြရအောင်။
စက္ခုဒွါရ - အဲဒီ စက္ခုဒွါရဆိုတဲ့ စက္ခုပသာဒရုပ်ကို တံခါးလို့ သုံးတယ်၊ စိတ်ဖြစ်ပေါ်ရာဋ္ဌာန
ဖြစ်သောကြောင့် ဝတ္ထုလို့လည်း ခေါ်တယ်၊ အတူတူပဲလို့ မှတ်ထားပါ။ ဘာဖြစ်လို့ တူရဲ့သားနဲ့
နှစ်မျိုး ခွဲပြောတုန်းဆိုရင် ဆောင်ရွက်ပုံ ဆောက်ရွက်နည်း မတူဘူး၊ မူတူညီတဲ့
aspect ရှိတယ်ပေါ့။ ဘယ်လို မတူညီတာလဲဆိုတော့ တံခါးလို့ ခေါ်တဲ့အခါမှာ ဘာကို ရည်ညွှန်းပြီးတော့
ခေါ်တာလဲဆိုရင် “အာရုံရဲ့ ဝင်ရောက်ရာ”
ဆိုတဲ့အနေနဲ့ခေါ်တာ၊ ဝတ္ထုလို့ခေါ်တဲ့ အခါကျတော့ ဖြစ်ပေါ်လာတဲ့ “စိတ်ကလေးရဲ့
တည်ရာမှီရာ” ဆိုတဲ့ အနေနဲ့ ခေါ်တာ၊ ရှုထောင့်ခြင်းမတူဘူးပေါ့၊
သို့သော်လည်း တစ်ခုတည်းကို ခေါ်တယ်လို့ မှတ်ထားပါ၊ စက္ခုဒွါရဆိုတာရယ်, စက္ခုဝတ္ထုဆိုတာရယ်
အတူတူပဲ၊ အရပ်စကားနဲ့ ပြောလို့ရှိရင် စက္ခုဒွါရ, စက္ခုဝတ္ထု - ဒီနှစ်ခုစလုံးဟာ မျက်လုံး
မျက်စိအကြည်ဓာတ်ကို ခေါ်တယ်လို့ ဒီလိုပဲ မှတ်ပါ၊ အဲဒီနှစ်ခုက တူညီတယ်၊ မတူညီတဲ့ ဆောက်ရွက်မှုကိုကြည့်ပြီး
ဒွါရလို့လည်း ခေါ်တယ်၊ ဝတ္ထုလို့လည်း ခေါ်တယ်။
လူတွေတောင်မှ တချို့ နာမည် ၂-မျိုး၊
၃-မျိုး မှည့်တယ်မဟုတ်လား၊ အလုပ်အကိုင် ကြည့်ပြီးတော့လည်း ခေါ်ကြတယ်လေ။ ရုံးမှာတော့
မန်နေဂျာ၊ အိမ်ရောက်တော ထမင်းချက်ပေါ့၊ ဒီလိုလည်းရှိတာပဲ၊ ဘာဖြစ်လို့တုန်းဆို ရုံးမှာကျတော့
မန်နေဂျာလုပ်တာကိုး၊ အိမ်ကျတော့ မန်နေဂျာလုပ်လို့ မရဘူး၊ ထမင်းချက်ရတယ်၊ အဲဒီလို အလုပ်အကိုင်ကိုကြည့်ပြီးတော့လည်း
ဒီလို ခေါ်ရတာပဲ၊ ဒါကိုပြောတာ aspect ဆိုတာ၊ မတူဘူးပေါ့။
နောက် ဒွါရတစ်ခုက
သောတဒွါရ - နားတံခါးပေါ့၊ နားတံခါး ဆိုတာ အသံကိုဖမ်းယူနိုင်စွမ်းရှိတဲ့ နားထဲက အကြည်ဓာတ်လေး၊
သောတပသာဒရုပ်တည်ရာ အသံကြားနိုင်စွမ်းရှိတဲ့နေရာ၊ အသံအာရုံ ထင်ပေါ်လာတဲ့နေရာ၊ အဲဒါကို
သောတပသာဒလို့ ခေါ်တယ်။ အဲဒါကို ဒွါရလို့လည်း ခေါ်တယ်၊ ဒါက အတူတူပဲ။
နောက်တစ်ခုက ဃနဒွါရ၊ ဃနကျတော့ ‘ဃ’ ကြီးနဲ့ ရေးရတယ်၊ ‘ဃန’ ဆိုတာ နှာခေါင်း၊ အဲဒီ နှာခေါင်းဆိုတာလည်း
အနံ့ကို ရယူနိုင်တဲ့ ဃနပသာဒ နှာခေါင်းအကြည်ရုပ်လေး ရှိတယ်။ အဲဒီ အကြည်ရုပ်လေးကို ရည်ညွှန်းပြီးတော့
ပြောတာ၊ နှာခေါင်းကြီး တစ်ခုလုံးကို ပြောတာမဟုတ်ဘူး၊ ပုံပန်းသဏ္ဍာန်ကြီး တစ်ခုလုံးကိုတော့
မပြောဘူး၊ သို့သော် အရပ်ပြောအနေနဲ့ ပေါင်းပြီးတော့
ပြောလို့တော့ ရတာပေါ့နော် - နှာခေါင်း၊ အဲဒါက အနံ့အာရုံရဲ့ ဝင်ရောက်ရာ တံခါးဖြစ်သောကြောင့်
ဃနဒွါရတဲ့၊ အဲဒီဃနဒွါရသည်ပင်လျှင် နံသိစိတ်ရဲ့ ဖြစ်တည်ရာ ဖြစ်သောကြောင့်လည်း ဝတ္ထုလို့
ခေါ်တယ်၊ ဒွါရနဲ့ ဝတ္ထု ဒီနှစ်ခုက အတူတူပဲ၊ အဲဒီတော့ စက္ခုဒွါရ - စက္ခုဝတ္ထု၊ သေတဒွါရ -သောတဝတ္ထု၊
ဃနဒွါရ-ဃာနဝတ္ထု အတူတူပဲလို့ ဒီလိုမှတ်ရမယ်။
နောက်တစ်ခုက ဇိဝှါဒွါရ၊ မျက်စိတို့
နားတို့ နှာခေါင်းတို့ ကိုတော့ အပေါက်ဆိုတော့ တံခါးလို့ ပြောရတာ လွယ်တယ်ပေါ့။ လျှာကျတော့
အပေါက်မပါတော့ ပြောရခက်ပြန်တယ်၊ လျှာမှ အပေါက်ပါတာ မဟုတ်ဘူး။ သို့သော် ဇိဝှါဒွါရ -
လျှာတံခါး၊ လျှာတံခါးဆိုတာ ရသာရုံနဲ့ ဝင်ရောက်ရာဖြစ်လို့ လျှာတံခါးလို့ ခေါ်တာ၊ အဲဒါက
လျှာရဲ့ အလယ်ခေါင်မှာ ရှိပြီးတော့ ချို ချဉ် ငန် စပ် အရသာကို ရယူနိုင်တဲ့, အရသာရဲ့
ထင်ရှားဖြစ်ပေါ်လာနိုင်တဲ့ ဇိဝှာပသာဒ ရုပ်လေးကို ခေါ်တယ်၊ အဲဒီ ဇိဝှာပသာဒရုပ်လေးကို အမှီပြုပြီးတော့
ဇိဝှာဝိညာဏ်စိတ်ဖြစ်လို့ ဝတ္ထုလို့လည်းခေါ်တယ်၊ ရသာရုံရဲ့ ဝင်ရောက်ရာ ဖြစ်သောကြောင့်
ဇိဝှါဒွါရ လို့လည်း ခေါ်တယ်၊ ဒီနှစ်ခုလည်း အတူတူပဲပေါ့။
နောက်တစ်ခုက ကာယဒွါရ၊ ကာယဒွါရဆိုတာ
ကာယပသာဒ- ကိုယ်အကြည်ရုပ်၊ ကိုယ်အကြည်ရုပ်ကိုလည်းပဲ ကာယဒွါရ - ကိုယ်တံခါးလို့ခေါ်တယ်၊
ဘာဖြစ်လုိ့ တံခါးလို့ ခေါ်တုန်းဆိုရင် ဖောဋ္ဌဗ္ဗာရုံတဲ့ (ဖောဋ္ဌဗ္ဗဆိုတာ ဘာကို ပြောတာလည်း
ဆိုရင် ပျော့တယ် မာတယ် ဆိုတဲ့ အထိအတွေ့၊ ပူတယ် အေးတယ် ဆိုတဲ့ အထိအတွေ့၊ တွန်းကန်တယ်
လှုပ်ရှားတယ် ဆိုတဲ့ အထိအတွေ့ ၃-မျိုးရှိတယ်၊ စာလိုပြောရရင်တော့ ပထဝီ တေဇော ဝါယော၊ အဲဒီအထိအတွေ့တွေကို
ကာယပသာဒက ဖမ်းယူတယ်) အဲဒီ အထိအတွေ့တွေ အပြင်က အာရုံတွေ ဝင်လာရာ ဖြစ်သောကြောင့် သူ့ကိုလည်း
တံခါးလို့ ခေါ်တယ်၊ စိတ်ဖြစ်ပေါ်ရာနေရာ ဖြစ်သောကြောင့် ဝတ္ထုလို့လည်း ခေါ်တယ်။
စက္ခုဒွါရ - စက္ခုဝတ္ထု၊ သောတဒွါရ - သောတဝတ္ထု၊ ဃနဒွါရ - ဃနဝတ္ထု၊
ဇိဝှါဒွါရ - ဇိဝှာဝတ္ထု၊ ကာယဒွါရ - ကာယဝတ္ထု၊ အတူတူပဲ၊ ပသာဒရုပ် ၅-ပါးကို ခေါ်တယ်လို့
ဒီလို မှတ်ရမယ်။ တစ်ခုတည်းကနေပြီးတော့ ကိစ္စ
၂-ခုကို ဆောင်ရွက်တယ်ဆိုတဲ့ အဓိပ္ပါယ်နဲ့ ပြောတာ၊ ကိစ္စနှစ်ခုကို ဆောင်ရွက်သည့် အတွက်ကြောင့် ဆောင်ရွက်ပုံ ဆောင်ရွက်နည်းအရ နာမည် အတွက်ကြောင့်
ဆောင်ရွက်ပုံ ဆောင်ရွက်နည်းအရ နာမည် ၂-မျိုး ပေးထားတယ်။
နောက်တစ်ခုက ဟဒယဝတ္ထု၊ ဟဒယဝတ္ထု ဆိုတာကျတော့
စိတ်ရဲ့မှီရာဝတ္ထုရုပ်သာ ဖြစ်ပြီးတော့ တံခါးတော့ မဟုတ်ဘူး၊ အဲဒီတော့ စိတ်တံခါးကျတော
ဘယ်အရာကို ပြောတာတုန်းဆိုရင် ဘဝင်စိတ်ကို ပြောတာ။ ဒါကျတော့ မတူဘူးလို့ မှတ်ထား၊ စိတ်က
ဟဒယဝတ္ထုကို မှီပြီးတော့ ဖြစ်တယ်၊ အဲဒီ ဟဒယဝတ္ထုကို မှီပြီးတော့ ဖြစ်တဲ့စိတ်သို့ အာရုံဝင်လာတာ
ဘယ်ကနေ ဝင်လာတုန်းဆိုရင် ဘဝင်စိတ်ကနေ ဝင်လာတာဖြစ်သောကြောင့် ဘဝင်စိတ်ကို mind door
စိတ်တံခါးလို့ ဒီလိုခေါ်တယ်။
အဲဒီနေရာမှာ ဘဝင်စိတ်ဆိုတာ ဘယ်
ဘဝင်စိတ်လဲလို့ မေးစရာရှိလာတယ်။ ဝီထိစဉ်ကို ကြည့်လိုက်လို့ရှိရင် အာရုံနဲ့ဆုံလို့ ပေါ်လာတဲ့စိတ်တွေ
မဖြစ်မီ လူတွေရဲ့သန္တာန်မှာ အမြဲတမ်းဖြစ်နေတဲ့,
ကံရဲ့အဟုန်နဲ့ သွားနေတဲ့ ဘဝင်စိတ်အစဉ်ဖြစ်တယ်။ လှုပ်ရှားမှုကင်းတဲ့ passive
mind process ဘဝင်စိတ်အစဉ်၊ အာရုံအသစ်နဲ့ ဆက်သွယ်မှုမရှိတဲ့ စိတ်မျိုးပဲ။
သာမန်အားဖြင့် နာမည်တစ်မျိုး ပြောမယ်ဆိုရင်
ဘဝင်စိတ်ဆိုသည်မှာ အိပ်ပျော်နေတဲ့ အချိန်မှာ ဖြစ်နေတဲ့ စိတ်အစဉ်မျိုးကိုပြောတာ၊ အိပ်ပျော်နေလို့ရှိရင်
မျက်စိကလည်း ဆက်သွယ်တာမရှိဘူး၊ နားကလည်း ဆက်သွယ်တာ မရှိဘူး၊ နှာခေါင်းကလည်း ဆက်သွယ်တာ မရှိဘူး၊ လျှာကလည်း ဆက်သွယ်တာ
မရှိဘူး၊ ခန္ဓာကိုယ်ကလည်း ဆက်သွယ်တာမရှိဘူး၊ စိတ်ကူးစိတ်သန်းတွေနဲ့လည်း ဆက်သွယ်တာ မရှိဘူး။
သို့သော် အဲဒီအချိန်မှာ စိတ်မရှိဘူးလားဆိုတော့
ရှိတယ်၊ အဲဒီလို အိပ်ပျော်နေတဲ့ အချိန်မျိုးဖြစ်တဲ့ ဘဝင်စိတ်မျိုးဆိုတာဟာ စဉ်ဆက်မပြတ်
ဝီထိစိတ်မဖြစ်မခြင်း ဖြစ်ပြီးတော့ နေတယ်လို့ ဒီလို မှတ်ရမယ်၊ သူက ဘယ်သူ့စွမ်းအားနဲ့
သွားနေတာတုန်း၊ ဘယ်သူ့စွမ်းအားနဲ့ ဒီဖြစ်စဉ်ကြီးတစ်ခု ပေါ်နေတာတုန်းဆိုရင် ကံစွမ်းအားနဲ့
ပေါ်နေတာ။
အဲဒါကို သဘောပေါက်အောင် ပြောရမယ်ဆိုရင်
အတိတ်ဘဝက ကံတစ်ခုက ဘဝတစ်ခုကို ဖန်တီးလိုက်တယ်၊ ဖန်တီးလိုက်လို့ ပထမဆုံးရလာတဲ့စိတ်က
ပဋိသန္ဓေဝိညာဏ်စိတ်၊ ပဋိစ္စသမုပ္ပါဒ်မှာ
သင်္ခါရပစ္စယော
ဝိညာဏံ လို့ ဟောထားတဲ့ ဝိညာဏ်စိတ်ပဲ၊ လူသားတွေဆိုရင် မဟာဝိပါတ် စိတ် ၈-ခုထဲက တစ်ခုပေါ့။
လူစဉ်မမီတဲ့ ပုဂ္ဂိုလ်တွေဆိုရင်တော့
ကုသလဝိပါက် ဥပေက္ခာသန္တီရဏစိတ်နဲ့ ဖြစ်တယ်။ လူစဉ်မမီဘူးဆိုတာ အမိဝမ်းထဲက ကန်းလာတဲ့ပုဂ္ဂိုလ်တွေ,
နားထိုင်းလာတဲ့ပုဂ္ဂိုလ်တွေ, စကားမပြောတက်တဲ့ ပုဂ္ဂိုလ်တွေ၊ နောက်မှ လူစဉ်မမီဖြစ်တာကို
ပြောတာမဟုတ်ဘူး အစကတည်းက ကံမရှိလို့ ပါမလာတဲ့ ပုဂ္ဂိုလ်မျိုးကို ပြောတာ။ အဲဒီပုဂ္ဂိုလ်မျိုးဟာ
လူ့ဘဝရသော်လည်း သူ့ရဲ့ ကံစွမ်းအားက ဖန်တီးတဲ့နေရာမှာ ညံ့ဖျင်းသည့်အတွက်ကြောင့် လှလှပပ
ပြည့်ပြည့်ဝဝ မဖန်ဆင်းနိုင်ဘူးတဲ့၊ imperfect ဖြစ်တာပေါ့။ perfect မဖြစ်လာဘူးပေါ့၊
အဲဒီ အဟိတ်ပဋိသန္ဓေစိတ်အပါအဝင် လူသားတွေ ရနိုင်တဲ့ ပဋိသန္ဓေစိတ် ၉-မျိုးရှိတယ်။
အဲဒီ ပဋိသန္ဓေစိတ် ၉-မျိုးထဲက တစ်ခုခုနဲ့
လူ့ဘဝ စ,ခဲ့ကြတာချည်းပဲ။ အခု တရားနာနေကြတဲ့ ပရိသတ်တွေအားလုံးလည်းပဲ မဟာဝိပါက်စိတ် ၈-ခုထဲက
တစ်ခုခုနဲ့ စ,ခဲ့ကြတာပဲ၊ သန္ဓေစိတ်ချင်း တစ်ယောက်နဲ့ တစ်ယောက်တော့မတူဘူး၊ အဲဒီ မဟာဝိပါတ်စိတ်နဲ့
စတင်လာတဲ့ ပဋိသန္ဓေစိတ်ကို ဘယ်သူက ထုတ်လွှတ်လိုက်တာတုန်းဆိုရင် ကံတရားက ထုတ်လွှတ်လိုက်တာ။
အင်မတန် သိမ်မွေ့တယ်၊ အဲဒီ ပဋိသန္ဓေစိတ်လေးရဲ့ သက်တမ်းလေးက အင်မတန်မှ တိုတောင်းတယ်၊
ဖြစ် တည် ပျက် ဆိုတဲ့ ခဏလေးမျှသာ တည်တယ်။ သိပ်ကို တိုတောင်းတယ်၊ နှိုင်းယှဉ်လို့ မရလောက်အောင်
တိုတောင်းတယ်ပေါ့။
**ဆက်လက်၍ စိတ်ဖြစ်ပုံကိုလေ့လာခြင်းအပိုင်း(၂) (ဂ) ကို တင်ပြပါမည်။
