သေစာ

``ညီငယ် စူဠလောဟိတ၊ ဒီမုနိကဟာ အစားကောင်းတွေကို စားနေရတယ်။ ငါလည်း မုနိကလို ဘယ်တော့မှ ချမ်းသာရပါ့မလဲလို့ မုနိကရဲ့ ဘ၀ကို မတောင်းတနဲ့ ။ မုနိကဟာ သေစာတွေကို စားနေတယ်။ ညီငယ်ရဲ့ ဖွဲ့၊ မြက်၊ ကောက်ရိုးကို ကြောင့်ကြမဲ့စွာ စားပါ။ အဲဒါဟာ အသက်ရှည်ခြင်းရဲ့ အကြောင်းပဲ။``
(ဇာတက၊ ဧကက၊ ၃ ကုရုင်္ဂ၀ဂ္ဂ၊ ၁၀ မုနိကဇာတက)

 မုနိကဆိုတဲ့နာမည်ဟာ ၀က်တစ်ကောင်ရဲ့နာမည် ဖြစ်ပါတယ်။ ရွာငယ်တစ်ရွာမှာ သူကြွယ်တစ်ယောက်ရဲ့ အိမ်တစ်အိမ်မှာ မုနိကဆိုတဲ့ ၀က်ရယ်၊ စူဠလောဟိတနဲ့ မဟာလောဟိတ ဆိုတဲ့ နွားညီနောင် နှစ်ကောင်ရယ် ရှိပါတယ်။ အဲဒီ နွားညီနောင် နှစ်ကောင်ကို အမှီပြုပြီး အဲဒီအိမ်က လုပ်ငန်းတာဝန်တွေကို ဆောင်ရွက်ရပါတယ်။ အဲဒီအိမ်မှာ သမီးပျိုတစ်ယောက် ရှိပါတယ်။

အဲဒီသမီးပျိုကို မြို့သားတစ်ယောက်က သူ့သားနဲ့ လက်ထပ်ဖို့ ကမ်းလှမ်းပါတယ်။ အဲဒီသမီးပျိုရဲ့ မိဘတွေက `` သမီးပျိုရဲ့ မင်္ဂလာပွဲမှာ လာကြမယ့် ဧည့်သည်တွေအတွက် လက်သုပ်ဟင်းလျာ ဖြစ်လိမ့်မယ်`` လို့ တွေးကာ ယာဂုထမင်းကို ကျွေးပြီး မုနိကဆိုတဲ့ ၀က်ကို မွေးမြူထားကြပါတယ်။


မုနိကကို မြင်တဲ့အခါ ညီငယ်နွားဖြစ်တဲ့ စူဠလောဟိတက သူ့နောင်တော်ကြီး မဟာလောဟိတကို `` ဒီအိမ်မှာ အလုပ်တာဝန်ပေါ်လာရင် ငါတို့ညီနောင်နှစ်ယောက် ကိုပဲ ခိုင်းတယ်။ ဒီအိမ်သူအိမ်သားတွေက ငါတို့အား မြက်၊ ကောက်ရိုးစတာတွေကိုသာ ကျွေးကြတယ်။ ယာဂု၊ထမင်းနဲ့ မုနိကကို ကျွေးကြတယ်။
ဘာကြောင့် မုနိကဟာ ဒီအစာကို ရပါလိမ့် လို့ မေးပါတယ်။

အဲဒီအခါ အထက်ပါစကားကို နောင်တော်မဟာလောဟိတက ညီငယ်စူဠလောဟိတအား ပြောပြပါတယ်။ နော်တော် မဟာလောဟိတဟာ ဘုရားလောင်းတော် ဖြစ်ပါတယ်။

``ညီငယ် စူဠလောဟိတ ၊ ဒီကနေ့က နောက်ရက်အနည်းငယ်ကြာတဲ့အခါ လူတွေ လာကြလိမ့်မယ်။ အဲဒီအခါ ဒီမုနိကကို ခြေထောက်က ကိုင်ဆွဲပြီး ညောင်စောင်းအောက်က ထုတ်၍ သတ်ကာ ဧည့်သည်တွေရဲ့ ဟင်းလျာအလုပ်ခံရမှာ ကို သင် မြင်တွေ့ရလိမ့်မယ်။ လို့ ပြောပါတယ်။ မဟာလောဟိတ ပြောတဲ့အတိုင်းပါပဲ။ မုနိကကို သတ်မယ့်လူတွေ လာကြပါတယ်။ မုနိကကို သတ်ပြီး ချက်စားကြပါတယ်။

ဘုရားအလောင်းတော် မဟာလောဟိတက ညီငယ်စူဠလောဟိတကို
`` သင်ဟာ မုနိကကို မြင်ပြီ မဟုတ်လား။ မုနိကရဲ့ အစာထက် ငါတို့ရဲ့ မြက်၊ ကောက်ရိုး၊ ဖွဲလောက်ကပဲ အဆတစ်ရာ၊ အဆတစ်ထောင်သာလွန် မြင့်မြတ်ပါတယ်။ အပြစ်ကင်းပါတယ်။ အသက်ရှည်ခြင်းရဲ့ အကြောင်း ဖြစ်ပါတယ်``လို့ ပြောပါတယ်။

ဒီဇာတ်လမ်းကို အမရပူရမြို့ မဟာဂန္ဓာရုံဆရာတော်ကြီး အရှင်ဇနကာဘိဝံသ က သူ့တပည့်သံဃာတွေကို နံနက်ခင်း သြ၀ါဒပေးတဲ့အခါ ပြောကြားတာကို နာယူခဲ့ရပါတယ်။ ၀ိနည်းစည်းကမ်းနဲ့ မညီတဲ့ အလုပ်တွေကို လုပ်ပြီး လာဘ်လာဘ ပေါများကြတဲ့ သံဃာတွေကို သွားပြီး အားမကျကြဖို့ ပြောပါတယ်။ အဲဒီလို လာဘ်ပေါတဲ့ သံဃာတွေရဲ့ အစားအစာတွေဟာ ကောင်းပေမယ့် သေစာတွေ ဖြစ်ကြောင်းလည်း မိန့်တော်မူပါတယ်။

လူပဲဖြစ်ဖြစ်၊ ဘုန်းကြီးပဲဖြစ်ဖြစ် တရားနည်းလမ်းနဲ့အညီ မဟုတ်ဘဲ ရရှိတဲ့ ပစ္စည်းတွေကို စားသောက် သုံးစွဲနေကြရင် မုနိကလို သေစာတွေကို စားနေရတာ ဖြစ်ပါတယ်။ အပါယ်စာတွေ ဖြစ်နေပါတယ်။ ရဟန်း၊ ရှင်၊ လူတွေဟာ သေစာတွေကို မစားမိအောင် သတိပြုရှောင်ကြရပါမယ်။ ငရဲစာ၊ တိရိစ္ဆာန်စာ၊ ပြိတ္တာစာ၊ အသူရကာယ်စာခေါ် အပါယ်စာတွေကို မစားမိအောင် သတိပြုရှောင်ကြရပါမယ်။ မုနိကလို သူတွေ လူ့လောကကြီးမှာ ရှိနေပါတယ်။ နည်းမယ် မဟုတ်ပါ။

တရားနည်းလမ်းနဲ့အညီ ရရှိလာတဲ့ ပစ္စည်းဟာ မကောင်းမွန်ပေမယ့် အပြစ်ကင်းပါတယ်။ သန့်ရှင်းပါတယ်၊ မြင့်မြတ်ပါတယ်။ ၀ိနည်းနဲ့အညီ နေထိုင်တဲ့ ရဟန်းရဲ့ ပဲပြုပ်၊ ချဉ်ပေါင်ဟင်းက ၀ိနည်းနဲ့အညီမနေထိုင်တဲ့ ရဟန်းရဲ့ ၀က်သားဟင်း၊ ကြက်သားဟင်းထက် ကောင်းပါတယ်၊ မြင့်မြတ်ပါတယ်၊ အပြစ်ကင်းပါတယ်။ မတရားတဲ့ နည်းလမ်းနဲ့အညီ ရှာဖွေလို့ ရရှိလာတဲ့ ငွေတစ်သိန်းထက် တရားနည်းလမ်းနဲ့အညီ ရှာဖွေလို့ ရရှိလာတဲ့ ငွေတကျပ်က မြင့်မြတ်ပါတယ်၊ အပြစ်ကင်းပါတယ်၊ ကောင်းပါတယ်။ မတရားတဲ့နည်းနဲ့ စီးပွားရှာပြီး ကြီးပွားချမ်းသာနေကြတဲ့ သူကြွယ်သူဋ္ဌေးရဲ့ အကောင်းစား အစားအစာတွေဟာ သေစာတွေ၊ အပါယ်စာတွေ ဖြစ်တာမို့ မကောင်းပါ။ တရားသဖြင့် စီးပွားရှာတဲ့ ဆင်းရဲသားတစ်ယောက်ရဲ့ အချာစား ဟင်းတစ်ခွက်လောက် မမြင့်မြတ်ပါ၊ အပြစ်မကင်းပါ။

ကိုယ်စားမယ့် အစားအစာကို မစားခင် ဆင်ခြင် ကြည့်သင့်ပါတယ်။ သေစာ ဖြစ်နေခဲ့ရင် မစားမိအောင် ရှောင်ကြဉ်ကြရပါမယ်။ သေစာဟာ သံသရာတစ်ခွင်မှာ ဒုက္ခအထွေထွေကို ဖြစ်စေတတ်ပါတယ်။ ဒါကြောင့် သေစာဟာ ဒုက္ခစာ ဖြစ်နေပါတယ်။

♣♣လင်္ကာ

၁။ ကိုယ့်စားမယ့် အစာ, ဆင်ခြင်ပါ, သေစာ ဖြစ်၏ - မဖြစ်၏။
၂။ အပြစ် မကင်းပါ, ထိုအစာ, သေစာ ခေါ်ပါ၏။
၃။ ထိုအစာဟာ, အပါယ်စာ, မှန်စွာ ဖြစ်လေ၏။

ဒီနေရာလေးကနေ ကူးယူတင်ပြလိုက်တာပါ။ အားလုံး ရွှင်လန်းချမ်းမြေ့ကြပါစေ