အရှင်ယသအကြောင်း
လူ့စည်းစိမ်ခံစားပုံ
ဗုဒ္ဓဖြစ်မည့် ကဆုန် လပြည့်နေ့ နံနက် စောစောဝယ် ဃနာနို့ဆွမ်း လှူဒါန်းသော သုဇာတာမည်သော သူဌေးကတော်၏ သားဦးရတနာဖြစ်သော “ယသ”သတို့သားသည်
ဗုဒ္ဓရှင်တော်မြတ်၏ ဓမ္မစကြာတရားဦး ဟောတော်မူချိန်မှာ ဗာရာဏသီမြို့၌ (ဗုဒ္ဓအလောင်း စံနေပုံကဲ့သို့)
နွေ မိုး ဆောင်းဟု ဥတုသုံးပါးအလိုက် စံစားဖို့ရာ ခမ်းနားစွာသော ပြာသာဒ် သုံးဆောင်ဖြင့်
တင့်တင့်တယ်တယ် ထည်ထည်ဝါ၀ါ စံနေခိုက်ဖြစ်လေသည်၊ ဇနီးသူဌေးကတော်ကလေး၏ အထိန်းအယ မောင်းမမိဿံ
အခြေအရံတို့ကလည်း ယသော်ဓရာ၏ အခြွေအရံ တမျှ များပြားလှတော့၏၊ ဖြေဖျော်ယုယ တီးမှုတ်ကြသူများမှ
စ၍ တံခါးစောင့်အထိ ယောက်ျားတစ်ယောက်မျှ မရှိစေရ, အားလုံး မိန်းမသားချည်း ဖြစ်ကြပေသည်။
သောတာပန်တည်ပုံ
တစ်ညဥ့်၌ကား
ထိုယသသတို့သားသည် အများ အိပ်ပျော်နေခိုက် နိုးလာလေရာ ညှိထွန်းထားသော မီးရောင်အောက်ဝယ်
မတော်မလျော် အိပ်ပျော်လျက် မလှုပ်မယှက် နေကြသော မောင်းမတစ်စုကို မြင်သော် စိတ်ထဲ၌ ကြီးကျယ်ခမ်းနားသော
နေရာဝယ် ဖွယ်ဖွယ်ရာရာ နေရ သည်ဟု မယူဆဘဲ သုသာန်တစ သင်္ချိုင်းဝ၌ အတုံးအရုံးဖြစ်နေသော သူကောင်တို့အလယ်
ရောက်နေရသလို ထင်မြင်လာရကား ““ဥပဒ္ဒုတံ ၀တ ဘော ဥပသဋ္ဌံ ၀တ ဘော=အနှိပ်စက်ခံနေရလေစွ သြ,
ဘေးရန်များလေစွ သြ””ဟု နှုတ်က တတွတ်တွတ်ပြောလျက် “ဘယ်ရောက်ရောက် ဒီနေရာက လွတ်လျှင် ပြီးရော“ဆိုတဲ့
ဆန္ဒဖြင့် ပြာသာဒ်မှ ဆင်းလာလေရာ အိမ်ဝင်းတံခါးနှင့် မြို့တံခါးကိုပါ နတ်များက ဖွင့်ထားနှင့်၍
အဆင်သင့် ထွက်ကာ မိဂဒါဝုန်လမ်းသို့ ခြေလှမ်းမိလေသည်။
ဗုဒ္ဓရှင်တော်လည်း နံနက်စောစော စင်္ကြံလျှောက်တော်မူစဉ် ယသသတို့သား
လာနေသည်ကို မြင်တော်မူ၍ စင်္ကြံမှ ဆင်းကာ ထိုင်တော်မူလေသည်၊ ယသသတို့သားသည် ဗုဒ္ဓနှင့် မလှမ်းမကမ်း
ရောက်လာသည့်တိုင်အောင် “အနှိပ်စက်ခံရလေစွ, ဘေးရန် များလေစွ”ဟု တတွတ်တွတ်ပြောနေစဉ် ဗုဒ္ဓရှင်တော်က
“ဒီနေရာမှာ အနှိပ်စက် မခံရဘူး, ဒီနေရာမှာ ဘေးရန် မရှိဘူး၊ ဒီလာခဲ့၊ သင့်အား တရားဟောမည်”
ဟု ခေါ်တော်မူလျှင် အလွန်ဝမ်းမြောက်၍ ဗုဒ္ဓအထံ ရောက်လေသော် ဟောတော်မူအပ်သော တရားအဆုံး၌
သောတာပန် တည်လေသည်။
ရဟန္တာဖြစ်၍ ရဟန်းပြုပုံ
ယသသတို့သား
ထွက်သွားသည်ကို နံနက်မှ သိရ၍ ဖခင်သူဌေးကြီးသည် အရပ်လေးမျက်နှာသို့ မြင်းစီးတမန်တို့ကို
စေလွှတ်ပြီးလျှင် မိမိကိုယ်တိုင်လည်း မိဂဒါဝုန်ဘက်သို့ အရှာထွက်လေ၏၊ ထိုအခါ ယသ စီးသွားသော
ရွှေခြေနင်းရာကို မြင်ရ၍ ခြေရာခံပြီး လိုက် သွားလေရာ ဗုဒ္ဓအနီးသို့ ရောက်သော်လည်း (သားနှင့်ချက်ချင်း
တွေ့လျှင် တရားနာရာ၌ စိတ်မ၀င်စားမည် စိုးသောကြောင့် ချက်ချင်း မတွေ့စေသေးဘဲ တန်ခိုးတော်ဖြင့်
ကွယ်ထားရကား) သတို့သားကို မတွေ့ရသည့်အတွက် “ယသသတို့သားကို မမြင် ပါလား”ဟု မေးလေရာ…
ရှင်တော်မြတ်ကလည်း “ဒီနေရာမှာ ထိုင်ပါဦး, သတို့သားကို တွေ့ကောင်း တွေ့ရပါလိမ့်မည်”ဟု
မိန့်တော်မူ၍ ထိုင်နေသော သူဌေးကြီးအား တရားဟောတော်မူလေရာ သောတာပန်တည်၍ ငါတို့ ဗုဒ္ဓသာသနာ၌
လူထဲမှ ရတနာ သုံးပါးလုံးကို ပထမဆုံး ကိုးကွယ်ရသော ဥပါသကာ ဖြစ်လေသည်။ဖခင်တရားနာနေစဉ်မှာ
ယသသတို့သားလည်း မိမိသိပြီးသား ဖြစ်သော တရားကို ထပ်၍ စဉ်းစား ဆင်ခြင်လေရာ သောတာပန် အဆင့်မှ
တိုး၍ ရဟန္တာ ဖြစ်လေသည်။ [တပုဿ ဘလိ’ကတို့ ဗုဒ္ဓနှင့် တွေ့စဉ်က သံဃာရတနာ မရှိသေး၍ ရတနာနှစ်ပါးကိုသာ
ကိုးကွယ်ကြရသည်။]
ထိုအခါ
ဗုဒ္ဓရှင်တော်မြတ်သည် ကွယ်ထားသော တန်ခိုးတော် ကို ရုပ်သိမ်းလိုက်သောအခါ သူဌေးကြီးလည်း
သားကို တွေ့မြင်ရလျှင် “ချစ်သား…သင်၏ မိခင်သည် လွန်စွာဝမ်းနည်းနေပါတယ်, မိခင်၏ အသက်ကို
ပေးပါဦး”ဟု တောင်းပန်ပါသော်လည်း (ရဟန္တာ
ဖြစ်နေပြီ ဖြစ်သောကြောင့်)
“လူ့ဘောင်နေလို့ မဖြစ်တော့ကြောင်း” ဗုဒ္ဓက မိန့်တော်မူမှ ရဟန္တာဖြစ်သည်ကို အားရ ချီးကျူး၍
ဗုဒ္ဓနှင့်အတူ ယနေ့ ဆွမ်းစားလိုက်ခဲ့ဖို့ရန် ဖိတ်မန်၍ ပြန်သွားလေသည်။
ခမည်းတော် ပြန်သွား၍ မကြာခင် ယသသတို့သားလည်း ရဟန်းပြု၍ ဗုဒ္ဓနှင့်အတူ ခမည်းတော်နေအိမ်သို့ ကြတော်မူသည်၊ ဆွမ်းဘုဉ်းပေးတော်မမူမီပင်
အရှင်ယသ၏ မိခင်နှင့်ဇနီးအား ဗုဒ္ဓ ရှင်တော်မြတ်က တရားဟောတော်မူပြန်ရာ နှစ်ယောက်လုံးပင်
သောတာပန် တည်ကြလေသည်။ [ထိုအချိန်မှာ ဗုဒ္ဓ, ပဉ္စ၀ဂ္ဂီငါးဦး, အရှင်ယသဟု ရဟန္တာရဟန်းတော်
ခုနစ်ပါးသာ ရှိသေးသည်။]
