တစ်ခါတုန်းက စာအုပ်လေးတစ်အုပ် ဖတ်လိုက်ရတယ်၊
“သေရွာပြန်တို့ရဲ့ ဇာတ်လမ်း” တွေထဲမှာ၊ အဲဒီရွာတစ်ရွာ ရောက်သွားတော့ အဲဒီရွာက လူတွေက
ညနေ နေဝင်ပြီးဆိုတာနဲ့ တစ်ပြိုင်နက် “ထွက်ကြေဟေ့ ထွက်ကြဟေ့” ဆိုပြီးတော့ အကုန်လုံး ရွာလုံးကျွတ် ထွက်ကြတယ်၊ ထွက်ပြီး
ဘယ်သွားတုန်း ဆိုတော့ မီးပုံကြီးတစ်ခုရှိတယ်၊ အဲဒီ မီးပုံကြီးဆီသွားပြီး ခုန်ဆင်းကြရတာဆိုပဲ၊
မနက်မိုးလင်းတော့မှ ပြန်လာကြတယ်၊ ခုန်ခုန်ချပြီး လူတွေ အော်ကြဟစ်ကြ ငိုကြနဲ့ တစ်ညလုံး
အဲဒီလိုပဲ၊ မီးပုံထဲခုန်ဆင်း မီးလောင်ခံ၊ မနက်မိုးလင်းတဲ့အခါကျတော့ အေးအေးဆေးဆေးနဲ့
ရွာထဲ ပြန်ဝင်လာကြတယ်၊ ဒီလို ပြိတ္တာမျိုးတွေလည်း ရှိတယ်ပေါ့။
အဲဒီကျွန်းကလေးထဲမှာ ဝေမာနိကပြိတ္တာတွေက
၇-ရက် တိတိ စည်းစိမ်ခံစားပြီး ၇-ရက် မြောက်တဲ့အခါကျတော့ သူ့ကို ပြောထားခဲ့ပေါ့၊ “တို့ ၇-ရက်ပြည့်ရင် ပြန်လာခဲ့မယ်၊ မင်း မပျင်းမရိနေရစ်” ဆိုတော့ သူတစ်ယောက်တည်း ပျင်းတော့ ဖောင်လေးစီးပြီးတော့
ရှေ့ခရီးဆက်သွားပြိး ပင်လယ်ထဲ မျောသွားတယ်၊ နောက်တစ်ခါ ကျွန်းတစ်ကျွန်း ရောက်သွားပြန်တယ်။
ပတ္တမြားဗိမာန်နဲ့ ဝေမာနိကပြိတ္တာမ ၈-ယောက်နဲ့ တစ်ခါတွေ့ပြန်ရော၊ အဲဒီမှာတုန်းကလည်း ထို့အတူပဲ
သူတို့ကလည်း ၇-ရက် စည်းစိမ်ခံစား၊ ၇-ရက် ငရဲခံလိုက် ဖြစ်နေတာ၊ ရက်စေ့လို့ သူတစ်ယောက်တည်း
နေခဲ့ရစ်တော့ ရှေ့ခရီး ဆက်ထွက်ခဲ့တယ်။ ရွှေဗိမာန်ကြီးနဲ့ ကျွန်းလေးပေါ်မှာ တစ်ယောက်တည်းနေပါလို့
ထားလျက်သားနဲ့ ဖြတ်ကျော်ပြီးသွားတဲ့အခါ မြို့တစ်မြို့ရောက်သွားတယ်တဲ့။
မြို့ကလည်းပဲ တံတိုင်းလေးဘက်နဲ့
တံခါးပေါက်ကြီး ၄-ပေါက်နဲ့၊ အဲဒီ မြို့ကြီးရောက်တဲ့အခါ ဒီမြို့တက်ပြီးတော့ ဘုရင်လုပ်မယ်လို့
အကြံရတယ်၊ အဲဒီမြို့မှာ ဘယ်သူ့ကို ပထမတွေ့တုန်းလို့ဆို ငရဲသားတစ်ယောက် ငရဲခံနေတာ သွားတွေ့တယ်၊
သူ့ခေါင်းပေါ်မှာ သင်တုန်းစက်ကြီး ချာချာလည်ပြီးတော့ တစ်ခေါင်းလုံးကို လှီးဖြတ်နေတာ၊ သွေးတွေက ဖြာကျနေတယ်၊
သွေးတွေ စီးကျနေတာ၊ ရင်ဘတ်မှာလည်းပဲ ကြိုးငါးသွယ်နဲ့ စလွယ်သိုင်းကာ ထွက်ပြေးလို့မရအောင်
ချည်ထားတာ။
အဲသလို ခေါင်းပေါ်မှာ သင်တုန်းစက်ကြီး
လည်ပြီးတော့ တစ်ကိုယ်လုံးကို ချည်နှောင်ထားတာကို သူမြင်တဲ့အခါကျတော့ “ဟာ၊ ဒီလူက အင်မတန်လှပတဲ့ ကြာပန်းကြီးခေါင်းပေါ် တင်ထားတာပါလား”၊ မိတ္တဝိန္ဒကရဲ့ မျက်စိထဲမှာ သင်တုန်းစက်ကြီးက ကြာပန်းကြီး
ဖြစ်နေတယ်တဲ့၊ သူမျက်စိတွေ လည်နေပြီ၊
illustion ဖြစ်သွားပြီ၊ ဘယ်သူကမှ ဖန်တီးတာမဟုတ်ဘူး၊ သူ့ကံက ဖန်တီးတာ၊ ထိုလူကို နှောင်ဖွဲ့ထားတဲ့ နှောင်ကြိုးတွေကျတော့
တန်ဆာဆင်ထားတယ်, စလွယ်သိုင်းထားတယ်လို့ သူ့ မျက်စိထဲမှာ မြငတယ်၊ “အမယ်လေး အလိုလေး” အော်နေတဲ့ အသံကိုတော့ သီချင်းသံလို့
အောက်မေ့တာ၊ ခုခေတ် music တွေနဲ့တော့ ခပ်ဆင်ဆင်ပဲ၊
အဲဒါလည်းမြင်ရော သူ့စိတ်မှာ သိပ်သဘောကျသွားပြီး
“ဟာ -ဒီလူကတော့ လောကမှာ အပျော်ဆုံးလူ
တစ်ယောက်ဖြစ်တယ်၊ ဝတ်ထားတဲ့ design ကလည်း လှတာကိုးနော်၊ ဖက်ရှင်အလှအပ ဝတ်ထားတယ်၊ ဒိဇိုင်းလှတယ်၊
ခေါင်းပေါ်ကလည်း ကြာပန်းကြီးပန်လို့၊ တစ်ကိုယ်လုံးလည်းပဲ
နံ့သာတွေလိမ်းထားလိုက်တာကိုး၊ မိတ်ကပ်တွေကလည်း ကောင်းလိုက်တာ” ၊ သွေးတွေကျနေတာကို မိတ်ကပ်တွေ လိမ်းထားတယ်လို့ ထင်တယ်၊
ဟိုကဖြင့် အော်ဟစ်ငြီးငြုပြီး နာလွန်းလို့ ခုန်ပေါက်နေတာကိုပဲ အဲဒီမှာ pop music နဲ့
ကခုန်နေတယ်လို့ ထင်တာ၊ ခုခေတ် အကကလည်း အဲဒါမျိုးပဲနော်၊ ပူလှချည်ရဲ့လို့ အော်ပြီး ခုန်ပေါက်နေတာ၊
အငြိမ်မှ မနေနိုင်ပဲနဲ့။
အဲဒီလို အခြေအနေမျိုးကို ကြည့်ပြီးတော့
သူက ဘာတွေးတုန်းဆိုတော့ “ဒီလူဟာ ကမ္ဘာမှာ အပျော်ဆုံးလူတစ်ယောက်ပဲ” ၊ အနီးကပ်သွားပြီး “ခင်ဗျား
ကြာပန်းကြီး ကျုပ်ပေးစမ်းပါဗျာ” လို့ တောင်းတာ၊ ဟိုလူက ကြည့်တယ်၊ “ဟ၊ သူငယ်ချင်း ဒါ ကြာပန်းမဟုတ်ဘူး၊ ဒါ သင်တုန်းစက်ကြီး” “ခင်ဗျား မပေးချင်လို့ လိမ်တာပါ၊ ကျုပ်သိတာပေါ့၊
ကြာပန်းပဲဥစ္စာ”။
ဟိုလူကစဉ်းစားတယ်၊ “သြော် ဒီကောင်လည်း ငါ့လို အမေစော်ကားလာတဲ့ကောင် ဖြစ်လောက်တယ်၊
ငါတော့ ဝဋ်ကျွတ်တော့မှာပဲ၊ ကဲ - လိုချင်ရင်ယူတော”
ဆိုပြီး ခေါင်းပေါ်က ချွတ်ပေးလိုက်တယ်။
အမှန်ကတော့ ဝဋ်ကျွတ်လို့ ချွတ်လို့ရတာ၊
ဝဋ်မကျွတ်ရင် ချွတ်လို့မရဘူး၊ ဝဋ်ကျွတ်တော့ ခေါင်းကိုင်လိုက်တာနဲ့ ဒီ သင်တုန်းစက်ကြီးက
ပြုတ်လာတာ၊ ပြုတ်လာတဲ့ တစ်ပြိုင်နက် “ရော့” ဆိုပြီး လှမ်းပစ်ပေးလိုက်တယ်၊
သူ့ခေါင်းပေါ် ရောက်သွားတယ်၊
ခေါင်းပြောင်းလိုက်ပြီ။ ခေါင်းပေါ်ရောက်တာနဲ့ သင်တုန်းစက်က ခုတ်တော့တာပဲ။ ခုတ်လိုက်ပြီဆိုမှ
ကြာပန်းမဟုတ်ဘူးမှန်း သိတယ်တဲ့၊ အဲဒါပြောတာ “ထိပ်ချမှ စားပြမှန်း သိတယ်” ဆိုတာ။ အဲဒီကျတော့ “ခင်ဗျားဟာကြီး
ပြန်ယူပြန်ယူ” လို့ အော်တော့ ဟိုလူက ဘယ်ရောက်သွားမှန်း
မသိတော့ဘူး၊ အဲဒါ အရှင်လတ်လတ် ငရဲခံရတယ်ပေ့ါ။
စာထဲမှာတော့ အရှင်လတ်လတ်ပုံစံမျိုး
ရေးထားတယ်၊ သို့သော်လည်း အဲဒီဒဏ်ရာနဲ့ သူဟာ သေဆုံးသွားပြီး ဒီနေရှာမှာပဲ ပြန်မွေးတယ်လို့
ယူဆရမှာပေါ့၊ ဘာဖြစ်လို့တုန်းဆိုတော့ လူ့ရဲ့သန္ဓေစိတ်နဲ့ ငရဲသားတွေနဲ့ သန္ဓေစိတ်က တူမှ
မတူတာနော်၊ အဲဒီတော့ အရှင်လတ်လတ် ငရဲခံရတယ်လို့ ပြောချင်ပြော၊ သို့မဟုတ် မိတ္တဝိန္ဒကဟာ
သင်တုန်းစက်ကြီးနဲ့ လူစင်စစ်ဆိုရင် အကြာကြီး ဘယ်အခုတ်ခံနိုင်မလဲ၊ လူစင်စစ် မဟုတ်တော့ဘူး၊
သင်တုန်းစက်လည်တဲ့အခါ သွေးတွေ အထွက်လွန်ပြီး သေမှာပေါ့၊ အဲဒီနောက်မှာတော့ ကံမကုန်မချင်း
ငရဲသားဘဝ ခံနေရပြီ၊ ဒါလည်း ၅၅၀ ဇာတ်ထဲမှာ ပါတယ်။
ရုက္ခစိုးနတ်ကြီးတစ်ဦး အခြံအရံတွေနဲ့
အနီးနားရောက်လာတဲ့အခါ “သူ ဘာကြောင့် ဒီလိုဖြစ်ရသလဲ” ဆိုတော့ “မင်းအမေပစ်မှားခဲ့လို့ ဒီလိုဖြစ်ရတာ” လို့ ရုက္ခစိုးနတ်ကြီးက ပြန်ဖြေတယ်။ “ဒါဖြင့် ကျွန်တော်ဘယ်လောက်အထိအောင် ခံရမှာတုန်း၊ ဒီဝဋ်က
ဘယ်တော့ ကျွတ်မှာတုန်း” ဆိုတော့ “မင်းကံ မကုန်မချင်း ခံရမယ်” လုိ့ အဲလို ပြောသွားတယ်၊ ဒါ ၅၅၀ ဖတ်ကြည့်ရင် တွေ့မယ်နော်၊
ဒါ ဥပေစ္ဆေဒကကံနဲ့ သေတာ။
ဥပေစ္ဆဒကနဲ့ သေတာတွေက အများကြီး၊
နတ်ပြည်တွေမှာလည်း ရှိတယ်၊ နတ်ပြည်တွေမှာလည်း “ခိဍ္ဍာပဒေါသိက” “မနောပဒေါသိက” နတ်ဆိုတာရှိတယ်၊ ဒီဃနိကာယ် ဗြဟ္မဇာလသုတ်မှာ အဲဒီနတ်တွေအကြောင်း
ဟောထားတာ ရှိတယ်၊ ခိဍ္ဍာပဒေါသိက နတ်ဆိုတာ
ခိဍ္ဍာ - ဆိုတာ ပျော်ရွှင်တာ, အပျော်လွန်တာ၊
အပျော်လွန်လို့ ပဒေါသိက - ဘဝကြီးတစ်ခုလုံး
ပျက်စီးသွားတယ်။
ဧပြီလ သင်္ကြန်ကျတဲ့အခါ အဲဒီ ခိဍ္ဍာပဒေါသိက တွေအများကြီးပဲ။ အပျော်လွန်ပြီးတော့
လူ့ပြည်မှာလည်း ရှိတာပဲ၊ နတ်ပြည်မှာ ခိဍ္ဍာပဒေါသိက
နတ်ဆိုတာ ကာမဂုဏ်အာရုံတွေနဲ့ သိပ်ပြီးပျော်နေတော့ စားရမယ့်အချိန် သောက်ရမယ့်အချိန်တွေမေ့တာ၊
လူ့ပြည်က ကလေးတွေတောင်မှ ကစားနေတယ်ဆို အမေလုပ်တဲ့သူ အဖေလုပ်တဲ့သူက အတင်းခေါ်ကျွေးရတယ်လေ၊
နတ်ပြည်မှာ ဒီ့ထက်ကောင်းတာပေါ့၊ နတ်ပြည်မှာလည်းပဲ pop music တွေရှိမှာပဲ။
နတ်ဆိုတာ တစ်နေ့တစ်ခါ နတ်သုဒ္ဓါကို
အချိန်မှန် စားရတယ်၊ သူတို့လည်း သဗ္ဗေသတ္တာ အာဟာရဌိတိကာ
ထဲပါတယ်၊ အာဟာရစားရတာ။ ဗြဟ္မာကျတော့ ပီတိဘက္ခ၊
ပီတိနဲ့ နေတာ၊ အစာစားစရာ မလိုတော့ဘူး။ နတ်တွေကျတော့ သူတို့တွေရဲ့ ခန္ဓာကိုယ်က ကဗဠိကာရ အာဟာရ အစာကြမ်းလေးတစ်ခု စားပေးရတယ်၊
အဲဒီ အစာအာဟာရလေးတစ်ခု စားပေးမှ အတွင်းထဲက အစာအာဟာရနဲ့ အပြင်ဘက်က အစာအာဟာရပေါင်းပြီး
ခန္ဓာကိုယ်ကို maintain လုပ်နိုင်တယ်တဲ့။
နတ်တွေရဲ့ သန္တာန်မှာရှိတဲ့ ပါစက
တေဇော အစာချက်တဲ့ တေဇောဓာတ်ကို ထိန်းပေးဖို့ အစာအာဟာရကို ပုံမှန်စားရတယ်၊ အပျော်လွန်တဲ့အခါ
အစာစားချိန် မစားဘဲနဲ့ လွန်သွားတာ၊ အချိန်လွန်သွားတဲ့အခါ ဝမ်းမိးက သူတို့ ခန္ဓာကိုယ်ကို
လောင်တာ၊ ဝမ်းမီးလောင်ပြီး ခုခေတ်လူတွေ ပြောသလိုပေါ့၊ အစာအိမ်က acid ဓာတ်တွေ ထွက်လာပြီး
gastritis ဖြစ်တယ်ပေါ့၊ အစာအိမ်ရောဂါရတယ်။
လူတွေကျတော့ လူရဲ့ ခန္ဓာကိုယ် တည်ဆောက်ပုံက
ကြမ်းတမ်းတယ်၊ လူတွေ သေသွားတဲ့အခါ လူအကောင်လိုက်ကြိး ကျန်ရစ်တယ်၊ နတ်တွေရဲ့ ခန္ဓာကိုယ်က
အဲဒီလို မဟုတ်ဘူး၊ လူတွေရဲ့ မျက်စိနဲ့ မမြင်ရလောက်အောင် သိမ်မွေ့တယ်၊ သေသွားရင်လည်း
ပျောက်သွားရော၊ ဘာမှမကျန်ရစ်ဘူး၊ နတ်အလောင်းနတ်မသာချစရာ မလိုဘူး၊ ဂူတည်စရာ မလိုဘူးနော်၊
သေသွားရင် ပျောက်သွားရော၊ တစ်ခါတည်း မီးတောက်ကလေး ငြိမ်သလို ငြိမ်းသွားတယ်၊ လူတွေကျတော့
အလောင်းကျန်ရစ်တယ်၊ ဥတုဇရုပ်ကလာပ် တဲ့၊ ဥတုဇရုပ်ကလာပ် ဆိုတာကြီးကို သင်္ဂြိုလ်နေရတာ
သင်္ဂြိုလ်စရိတ်တွေ တက်လာတာပေါ့။
နတ်တွေရဲ့ ခန္ဓာကိုယ်က အလွန်သိမ်မွေ့တဲ့အတွက်ကြောင့်
သူတို့ရဲ့ ပကတိရုပ်အဆင်းကို လူသားတွေရဲ့ ပကတိမျက်စိနဲ့ မြင်လို့မရဘူး၊ သူတို့က ရုပ်ကြမ်းဖန်ဆင်းပြတော့မှ
မြင်ရတယ်၊ အဲဒီနတ်တွေ စားချိန်လွန်ရင် အချိန်လွန်သည့်အတွက်ကြောင့် စုတိစိတ်ကျပြီးတော့
သေရော၊ အဲလို နတ်မျိုးကို ခိဍ္ဍာပဒေါသိက နတ်လို့
ခေါ်တာပဲ၊ ဥပေစ္ဆေဒကံနဲ့ သေတယ်လို့ ပြောရမယ်၊ သေပုံသေနည်းက ဥပေစ္ဆေဒကကံဆိုတာ ကံချည်းမဟုတ်ဘူး၊
ဖြစ်ပေါ်လာတဲ့ ဖြတ်တောက်ပစ်လိုက်တဲ့ အကြောင်းတရားအားလုံးကို လယ်တီဆရာတော်ကြီးကတော့ ပြောထားတယ်။
***ဒေါက်တာနန္ဒမာလာဘိဝံသ၏
အဘိဓမ္မာမြတ်ဒေသနာ(ဒုတိယတွဲ) မှ ပူဇော်ပါသည်။
*** ဆက်လက်ပူဇော်ပါမည်။ 
