ကာမေသုမိစ္ဆာစာရ
ကာမေသု-ကာမမှုတို့၌၊ မိစ္ဆာစာရော-ယုတ်ယုတ်မာမာ ကျင့်ခြင်းသည်၊
ကာမေသုမိစ္ဆာစာရော-ကာမေသုမိစ္ဆာစာရ မည်၏၊ ယောကျာ်း တို့၏ မိမိပိုင် မယားနှင့် ပျော်ပါးခြင်း,
မိန်းမတို့၏ မိမိယောကျာ်းနှင့် ပျော်ပါးခြင်း မှာ လောကအလိုက် မကဲ့ရဲ့ထိုက်၍ ယုတ်မာသည်ဟု
မဆိုသာ၊
မဆိုင်ရာသူများ နှင့် ပျော်ပါးခြင်းကား လောကအလိုက်
ကဲ့ရဲ့ထိုက်၏ မိစ္ဆာစာရ ဖြစ်သည်၊ [ဤ မိစ္ဆာစာရ၌ မိစ္ဆာအတွက် “မှားယွင်း”ဟူသော အနက်ကို
ဆိုကြ၏၊
အဖွင့်များ၌ကား “ဧကန္တနိန္ဒိတော လာမကာစာရော-စင်စစ်ကဲ့ရဲ့ထိုက်သော
ယုတ်မာသောအကျင့်” ဟု ဖွင့်၏၊ ထို့ကြောင့် မိစ္ဆာအတွက် “မှားယွင်း”ဟူသော အနက်မပေးဘဲ “လာ
မက=ယုတ်မာ”ဟူသောအနက်ကို ဆိုလိုက်ပါသည်။]
ဝတ္ထုံ အဂမနီယဉ္စ , တသ္မိံ သေဝနစိတ္တတာ၊
ပယောဂေါ
မဂ္ဂေန မဂ္ဂ-ပတိပတျာဓိဝါသနံ၊
ဣတိ
ဣမဿ စတ္တာရော, ပယောဂေကော သာဟတ္ထိကော။
အဂမနီယံ-မသွားမလာထိုက်သော၊ ဝတ္ထု စ-ဝတ္ထုလည်းကောင်း၊
တသ္မိံ-ထိုအဂမနီယဝတ္ထု၌၊ သေဝနစိတ္တတာ-မှီဝဲကြောင်းစိတ်ရှိသူ၏အဖြစ်လည်းကောင်း၊
ပယောဂေါ-လုံလပြုခြင်းလည်းကောင်း၊
မဂ္ဂေနမဂ္ဂပဋိပတ္တိအဓိဝါသနံ-မဂ်အချင်း ချင်း ကျင့်ခြင်းကို
သာယာခြင်းလည်းကောင်း၊
ဣတိ-ဤသို့၊ ကာမဿ-ကာမေသု မိစ္ဆာစာရ၏၊ စတ္တာရော-အင်္ဂါလေးပါးတို့တည်း၊
ပယောဂေါ-ပယောဂကား၊ ဧကော သာဟတ္ထိကော-သာဟတ္ထိကတစ်မျိုးသာတည်း၊
[မသွားလာထိုက်သော မိန်းမ ယောကျာ်းကို အဂမနီယဝတ္ထုဟု
ခေါ်၏၊
၁-အဂမနီယဝတ္ထုလည်း မှန်စေ၊
၂- မှီဝဲလိုသောစိတ်လည်းရှိစေ၊
၃-မှီဝဲမှုလုံ့လကိုလည်း ပြုစေ၊
၎-မဂ်အချင်းချင်း ကျင့် ခြင်းကိုလည်း သာယာစေ၊
ဤအင်္ဂါလေးပါးနှင့်
ပြည့်စုံလျှင် ကာမေသုမိစ္ဆာစာရကံ ထိုက်၏။]
ဧကေဆရာတို့ကမူ “ပယောဂမပါသော်လည်း မှီဝဲလိုသော စိတ်ရှိလျှင်
ကံမြောက်သည်”ဟု ဆုံးဖြတ်၏၊ အချို့အခါဝယ် မာတုဂါမဘက်က
ပယောဂမပါဘဲ ကိစ္စ ပြီးနိုင်သည်ဟု သုံးကြ၏၊ ထိုကဲ့သို့ ပယောဂမပါဘဲ ကိစ္စပြီးနိုင်လျှင်
အင်္ဂါလေးပါးမရှိထိုက်, ပယောဂကိုချန်ထား၍ အင်္ဂါသုံးပါးသာ ပြထိုက်၏၊ အဋ္ဌကထာမှာလည်း အင်္ဂါလေးပါးပင်လာ
သည်ဟု အညေဆရာတို့ ဆိုကြ၏၊
ထို့ကြောင့် ပယောဂမပါဘဲ ကိစ္စပြီးနိုင်ရိုးမှန်လျှင်
ပယောဂ အင်္ဂါမှာ များသောအားဖြင့် ပါတတ်သည်ကို ရည်ရွယ်သည်ဟု မှတ်ပါ၊ ဤ၌ ပယောဂဟူသည် ကိုယ်တိုင်ပြုခြင်းဟူသော
သာဟတ္ထိက တစ်မျိုးသာတည်း။
အပြစ်ကြီးငယ်
ဤကာမေသုမိစ္ဆာစာရအရာ၌ သွားလာအပ်သူက သီလရှိ မရှိလိုက်၍ အပြစ်အကြီးအငယ်
ကွာခြား၏၊ ထို့ကြောင့် သီလမရှိသူကို ကျူးလွန် ခြင်းထက် သီလရှိသူကို ကျူးလွန်ခြင်းက
သာ၍ အပြစ်ကြီး၏၊
နန္ဒလုလင်သည် ဥပ္ပလဝဏ်ရဟန္တာမကို ကျူးမိ၍ ချက်ချင်း
အဝီစိ၌ ကျရ၏၊ အဂမနီယဝတ္ထု ဟူသော အင်္ဂါနှင့်စပ်
အဂမနီယဝတ္ထုပေါင်း ယောကျာ်း အတွက် (၂၀), မိန်းမ အတွက် (၁၂)ယောက်ကို ပြကြသည်။
[ဆောင်] မာ-ပိ-အာပိ, ဘနှင့်-ဘာ,
ဉာ-ဂေါ-ဓမ်-သ-သာ၊
ဓ-ဆန်-ဘော-ပ, ဩ-ဩ-ဓ, ကမ္မ-ဒါ-မုဟာ၊
(မာ) မာတုရက္ခိတာ=မိခင်စောင့်ရှောက်အပ်သောမိန်းမ၊ [အဘသေ၍ဖြစ်စေ, ကွဲကွာနေ၍ဖြစ်စေ,
အမိချည်း စောင့်ရှောက်အပ်သူ။]
(ပိ) ပိတုရက္ခိတာ=အဘစောင့်ရှောက်အပ်သော မိန်းမ။
(မာပိ) မာတာပိတုရက္ခိတာ=မိဘနှစ်ပါးလုံး စောင့်ရှောက်အပ်သော
မိန်းမ၊ [ဤ၌ မာတုရက္ခိတာဖြစ်လျှင် ပိတုရက္ခိတာမဟုတ်, ပိတုရက္ခိတာ ဖြစ်လျှင် မာတုရက္ခိတာ
မဟုတ်, အာတာပိတုရက္ခိတာဖြစ်လျှင် ထိုနှစ်မျိုးလုံး မဟုတ်နိုင်ပုံကို သတိပြု။]
(ဘ) ဘဂိနိရက္ခိတာ=မ်ိဘနှစ်ပါးလုံးမရှိ၍ အမ ညီမတို့
စောင့်ရှောက်ထိန်းသိမ်း ထားအပ်သောမိန်းမ။
(ဘာ) ဘာတုရက္ခိတာ=မောင်ကြီးမောင်ငယ် (အစ်ကိုကြီး/ငယ်)
စောင့်ရှော အပ်သောမိန်းမ။[မိဘ မရှိ အစ်မ ညီမ မရှိ(ရှိသော်လည်း မစောင့်ရှောက် နိုင်၍)
မောင် အစ်ကို အရင်းက စောင့်ရှောက်ထားသူ။]
(ဉာ) ဉာတိရက္ခိတာ=ဆွေမျိုးစောင့်ရှောက်အပ်သော မိန်းမ။
[မိဘ မောင် အမ ညီမ အရင်းတို့ မရှိ, ရှိသော်လည်း မစောင့်ရှောက်နိုင်၍ ဝမ်းကွဲ ဆွေမျိုးက
စောင့်ရှောက်ထားသူ။]
(ဂေါ) ဂေါတ္တရက္ခိတာ=အနွယ်တူ လူတို့က စောင့်ရှောက်အပ်သော
မိန်းမ။[ ဤမြန်မာနိုင်ငံ၌ ဆွေမျိုးသာ အရေးကြီး၏ç အနွယ်ကို အရေးမကြီးကြ၊ အိန္ဒိယ၌ကား
ကဿပအနွယ်, ဂေါတမအနွယ်, ဝသိဋ္ဌအနွယ် စသည်ဖြင့်
အနွယ်လည်း အရေးကြီးသည်၊ ဆွေမျိုးမစပ်သော်လည်း အနွယ်စပ်တတ် သေး၏၊ ရှမ်းပြည်က ရှမ်းမလေးတစ်ယောက် မန္တလေးရောက်လာလျှင်
ရှမ်းလူမျိုးက စောင့်ရှောက်ထားရာ၌ ဂေါတ္တရက္ခိတာဟုပင် ဆိုထိုက်၏။]
(ဓမ်) ဓမ္မရက္ခိတာ=အတူတကွ တရားကျင့်ဖော်ဖြစ်သူတို့ စောင့်ရှောက်အပ်သော
မိန်းမ၊ [ဓမ္မအရ တရားကို မယူနှင့်, ဓမ္မကျင့်ဘတ် ဖြစ်သူများကိုယူ၊ ယခု ကာလ၌ မိဘ စသည်တို့ကို
ခွဲ၍ သီလရှင်, ရသေ့မ စသည် ပြုလုပ်နေသူ များသည် ဓမ္မရက္ခိတာပင် ဖြစ်၏၊ ဧကံ သတ္ထာရံ ဥဒ္ဒိဿ
ပဗ္ဗဇိတေဟီတိ ဣမိနာ ပဏ္ဍရင်္ဂပရိဗ္ဗာဇိကာဒယော (အဝတ်ဖြူဝတ်သော ပရိဗ္ဗိုဇ်မ စသည် တို့ကို) ဒေဿတိ၊-သဉ္စရိတ္တသိက္ခာပဒ
သာရတ္ထဋီကာ။]
မှတ်ချက်။ ။ ဤရှစ်ယောက်သော မိန်းမတို့သည် ကာမပိုင်ယောကျာ်း
မရှိသော အပျိုမိန်းမများတည်း၊ မိမိတို့ ကာမအတွေ့ကို မိမိသဘောရှိ ပေးနိုင်ကြသည်၊ မိဘ
စသည်တို့က စောင့်ရှောက်ပါသည်ဟု ဆိုသော်လည်း သူတစ်ပါးတို့ မစော်ကားနိုင်ရုံ သာ စောင့်ရှောက်ခြင်းဖြစ်သည်၊
ကာမကို မိဘတို့ မပိုင်ကြ၊
သို့ဖြစ်၍ ထို မိန်မများ သည် မိမိ၏ ကာမကို သူတစ်ပါးအား
ပေးသည့်အတွက် ကာမေသုမိစ္ဆာစာရ မဖြစ်၊
သို့သော် အရှက်တကွဲ အကျိုးနဲ ဖြစ်ရခြင်းဟူသော အပြစ်ကြီးကား
ကာမေသုမိစ္ဆာ စာရထက်ကြောက်ဖွယ် ကောင်းရုံသာမကç ကျူးလွန်မိသည့်အတွက် ပူပန်သောက ဖြင့်
အပါယ်သို့သွားရမည်မှာ အလွန်ဖြောင့်သော လမ်းကြီးပါပေတည်း။
(သ) သပရိဒဏ္ဍာ=မင်းပြစ်မင်းဒဏ်မကင်းသော မိန်းမ။ [“ယဿယဂမနေ ရညာ ဒဏ္ဍော ထပိတော, သာ သပရိဒဏ္ဍာ” ဟူသော
တေရသကဏ်ဋီကာနှင့်အညီ ပြည့် ရှင်မင်းစသော အာဏာပိုင်တို့က မိမိကိုယ်တိုင် သိမ်းပိုက်မည်ဖြစ်၍
သွားလာသူတို့အား ဒဏ်ထားတတ်လေသည်၊ ထိုမိန်မမျိုးကိုသာ “သပရိဒဏ္ဍာ” ဟု ခေါ်သည်၊ ယခု ရာဇဝတ်ဥပဒေ
အပြစ်မျိုးမှာ သပရိဒဏ္ဍနှင့် မဆိုင်၊ ထင်ရှားလတ္တံ့။
(သာ)
သာရက္ခာ=အစောင့်အရှောက်ရှိသော မိန်းမ။ [“သာရက္ခာ နာမ-ဂဗ္ဘေပိ ပရိဂ္ဂဟိတာ ဟောတိ မယှံ ဧသာတိ”
ဟူသော သဉ္စရိတ္တသိက္ခာပုဒ်ပါဠိတော် နှင့်အညီ ဝမ်းတွင်း၌ တည်နေတုန်းကပင် ဖွားမြင်လာလျှင်
မယားပြုရန် တောင်းရမ်းသတ်မှတ်ထားအပ်သော မိန်းမတည်း၊ ယခုကာလ၌ လက်မထပ် ရသေးသော်လည်း
ပြောဆိုကြောင်းလမ်းပြီးသော မိန်းမများသည် သာရက္ခ၌ ပါဝင်ကြ၏။]
မှတ်ချက်။ ။ “ ပစ္ဆိမာနံ ဒွန္နံတိ သာရက္ခာသပရိဒဏ္ဍာနံ မိစ္ဆာစာရော
ဟောတိ တာသံ သဿာမိကဘာဝတော” ဟူသော တေရသကဏ်ဋီကာနှင့်အညီ ဤ သာရက္ခာ, သပရိဒဏ္ဍာ နှစ်ယောက်တို့သည်
အလွတ်အလပ် မဟုတ်ကြပေ, မိမိတို့ ကာမကို ပိုင်ဆိုင်သော ပိုင်ရှင်ရှိကြလေပြီ၊
သို့ဖြစ်၍ တစ်ပါးသော ယောကျာ်းတို့အား ကာမကို ပေးလျှင်
ပိုင်ရှင်ယောကျာ်း၏ ဥစ္စာကို ခိုးပေးရာ ကျသောကြောင့် ကာမေသုမိစ္ဆာရ သင့်ရလေသည်၊
ယခုကာလ ရာဇဝတ်ဥပဒေကို သပရိဒဏ္ဍာ၌ “ဒဏ်”ဟု ဆိုလျှင်
မာတုရက္ခိတာစသော မိန်းမများကို သဘောမတူဘဲ ကျူးလွန်က ဥပဒေအရ အပြစ်ဒဏ် မကင်းကြသဖြင့် မာတုရက္ခိတာစသည်ကိုလည်း
သပရိဒဏ္ဍာဟု ဆိုရလိမ့်မည်၊
သို့ဖြစ်လျှင့် မာတုရက္ခိတာ စသည်တို့က မိမိကာမကို ယောကျာ်းတို့အား ပေးရာ၌ “သာရက္ခာသပရိဒဏ္ဍာနံ
မိစ္ဆာစာရော ဟောတိ” အရ မိစ္ဆာစာရ သင့်လိမ့်မည်၊
စင်စစ်ကား မာတုရက္ခိတာစသော မိန်းမ(၈)ယောက်တို့မှာ
ကာမေသုမိစ္ဆာစာရ အပြစ် မရှိ၊ ထို့ကြောင့် အစိုးရတို့က စောင့်ရှောက်မှုနှင့် ဥပဒေအရ ဒဏ်ထားမှုတို့သည်
သာရက္ခာ သပရိဒဏ္ဍာအရ လုံးဝ မသက်ဆိုင်ဟု မှတ်ပါ။
(ခ) ဓနက္ကီတာ=ဥစ္စာဖြင့် ဝယ်အပ်သောမယား။ [အိန္ဒိယမှသင်္ဘောခ
ပေးစရာ မရှိဘဲ မြန်မာနိုင်ငံသို့ လိုက်လာပြီးနောက်, မြန်မာနိုင်ငံရောက်က ဆိုင်ရာမှ လေလံပစ်သည်ကို ဝယ်ယူအပ်သော
မယားမျိုး စသည်တည်း၊ နောက်ပြမည့် မိန်းမများသည် မယားအဖြစ်သို့ ရောက်သော မိန်းမများချည်းတည်း။
(ဆန်) ဆန္ဒဝါသိနီ=သူ၏မယားဖြစ်ဖို့ရန် ဆန္ဒသဘောတူသဖြင့် သူ့အိမ်၌
သွား၍ နေထိုင်သောမယား။ [ယခုကာလ မိဘစသည်တို့က သဘောမတူသော်လည်း မိန်းကလေးက ဆန္ဒတူသဖြင့်
ထွက်ပြေးကြရာ၌ မိန်းကလေးက ဆန္ဒဝါသိနီ (မိမိဆန္ဒအတိုင်း
လင့်အိမ်နေသော) မယားအရာ မြောက်သောကြောင့် ယောကျာ်း၌ မိစ္ဆာစာရအပြစ်မရှိဟု မှတ်ပါ။]
(ဘော)
ဘောဂဝါသိနီ=စည်းစိမ်ဥစ္စာအတွက် သွားရောက် နေထိုင်သောမိန်းမ။ [ဓနက္ကီတာသည် ထိုမိန်းမနှင့်
သက်ဆိုင်သူအား ဥစ္စာပေး၍ ယူအပ်သူတည်း၊ ဤဘောဂဝါသိနီကား
ဆင်းရဲလှသဖြင့် ဆန်ဖွပ်ဖို့ မောင်း-ကျည်ပွေ့ အစရှိ သော အသုံးအဆောင်ကလေး ရရုံမျှဖြင့်
မယားဖြစ်ရသော မိန်းမမျိုးတည်း
(ပ) ပဋဝါသိနီ=အဝတ် ထမီစသော အဝတ်တန်ဆာအတွက် နေထိုင်သော
မယား။
(ဩ) ဩဒပတ္တကိနီ=ရေကွက်၌ လက်ဆုံချ၍ ထိမ်းမြားရသော မယား။[ရေခွက်၌
နှစ်ယောက်လုံး၏ လက်ကို ချစေပြီးလျှင် “ဤရေခွက်၌ရေသည် မကွဲမပြား တစ်သားတည်း တည်နေသကဲ့သို့,
သင်တို့ ဇနီးမောင်နှံလဲ မကွဲမပြား တည်နေကြပါစေ” ဟု လူကြီးသူမတို့က ပြောဆို ထိမ်းမြားအပ်သော
မယားတည်း၊ ယခု ကာလ၌ လက်ထပ်၍ ယူအပ်သော မယားများသည် ဤ ဩဒပတ္တကိနီ မယားချည်းတည်း။]
(ဩ) ဩဘတစုမ္ဗဋာ=ချအပ်သော
ခေါင်းခုရှိသော မယား။ [“ဦးခေါင်းပေါ်၌ ခေါင်းခုထားပြီးလျှင် ထင်းစသည် ရောင်း၍ အသက်မွေးရသော
ဆင်းရဲ သူမလေးကို တချို့က မယားအဖြစ် အတည်ယူလိုက်သောအခါ ထင်းစသည် ကို မရောင်းရတော့ပြီး
ဖြစ်၍ ခေါင်းပေါ်က ခေါင်းခု ကျသွားပြီး”ဟူလို။
(ဓ) ဓဇာဟဋာ=နိုင်ငံခြားသို့ စစ်တိုက်သွားရာ စစ်အောင်သဖြင့်
အောင်လံကို စိုက်ထောင်၍ ယူဆောင်အပ်သော သုံ့ပန်းတို့တွင် မယားအဖြစ် သိမ်းပိုက် အပ်သော
မယာမျိုးတည်း။
(ကမ္မ) ကမ္မကာရီဘရိယာ=အစေခံ မယားမျိုး။ [တချို့က အိမ်မှာ
ခိုင်းထားသော ကလေးမကို မယားအဖြစ် အတည်ယူထားသည်။]
(ဒါ) ဒါသီဘရိယာ=ကျွန်မယား။[တချို့က ကျွန်မကိုပင်အတည်မယားပြုသည်။]
(မုဟာ) မုဟုတ္တိကာ=အတည်အမြဲမဟုတ်ဘဲç ရက်အနည်းငယ်မျှ
ခဏမျှ မယားပြုအပ်သော မယား။[ဓနက္ကီတာစသော မယား(၉)ယောက်သည် နောက်မှ အကြောင်းမသင့် ကွဲစေကာမူ
ပင်ကိုက အမြဲယူအပ်သော မယားများတည်း၊ ဤမုဟုတ္တိကမယားကား(၇)ရက်မျှ နက္ခတ်သဘင် ကစားလိုသောအခါဖြစ်စေ,
တစ်ညဥ့် တစ်ခဏဖြစ်စေ, ဥစ္စာပေး၍ ပေါင်းအပ်သော ပြည့်တန်ဆာမမျိုးတည်း။]
မှတ်ချက်။ ။ ဤပြခဲ့သောမယားသည် မိမိကိုပိုင်သော ယောကျာ်းများနှင့်သာ
ပျော်ပါးခွင့် ရှိ၏၊ မိမိ ကာမကို အခြားယောကျာ်းတို့အား ပေးလျှင် ခိုး၍ ပေးရ ရောက်သောကြောင့်
ကာမေသုမိစ္ဆာရအဖြစ် ရှိ၏၊
ထို့ကြောင့် ပြည့်တန်ဆာမတို့သည် မိမိကို ငွေပေးထားသော
ယောကျာ်းနှင့် ကိစ္စမပြီး သေသမျှ အခြားယောကျာ်းကို လက်မခံရ, လက်ခံလျှင် မိစ္ဆာစာရ သင့်၏၊
ဂရုဓမ္မဇာတ်တော်လာ ဥပ္ပလဝဏ် အလောင်း ပြည့်တန်ဆာမဝတ္ထုကို ကြည့်ပါ။
အချုပ်မှာ-
မာတုရက္ခိတာစသော (၈)ယောက်သည် မိမိကာမကို သူများအား ပေးသော်လည်း မိစ္ဆာစာရ မဖြစ်, သာရက္ခာစသော
(၁၂)ယောက်ကား မိမိ ယောကျာ်းမှတစ်ပါး အခြား ယောကျာ်းကို ပေးလျှင် မိစ္ဆာစာရ ဖြစ်၏၊ ယောကျာ်းတို့မှာ
ကိုယ်ပိုင်မယားမှတစ်ပါး မာတုရက္ခိတာစသော (အပျို-အအို) (၂၀)လုံးကို ကျူးလွန်ရာ၌ မိစ္ဆာစာရ
ဖြစ်ကြသည်။
♣ သင်္ဂြိုဟ်ဘာသာဋီကာ မှ ကူးယူဖော်ပြပါသည်။
