ဘုန်းကြီးအလေ့အထ
ဘုန်းကြီးကလေ- ဒါနဲ့ စပ်ပြီးတော့
အလေ့အထလဲရှိတယ်၊ ဝါသနာ ဓာတ်ခံ ပါလာတာကို လဲပဲ ဘုန်းကြီး ကိုယ့်ကိုယ်ကို အားရတယ်၊ တစ်ခါ
တုန်းက ဘုန်းကြီးက ခပ်ငယ်ငယ် ဦးပဉ္စင်းဘဝ၊ ဟို မြောက်ဂန္ဓာရုံက တောင်ဘက် သီလရှင်ကျောင်းတွေဆီ
ဆွမ်းစားသွားမယ်လို့ သင်္ကန်းကလေး ရုံပြီးတော့ မှုန်မှုန်မွှားမွှား အရုဏ်တက်သာသာ မလင်းတလင်းကလေး လာ၊
ဒကာမကြီးတစ်ယောက်က ဟို မိုးဇာ ဈေးတို့ ဘာတို့
သွားရောင်းမယ်လို့နဲ့ တူပါရဲ့၊ ဈေးတောင်းကြီးကို ကြမ်းပြင်ကလေးပေါ် ချလို့, သူက မရွက်နိုင်ဘူး၊
မ-မနိုင်ဘူး၊ ခေါင်းပေါ်ရောက်အောင် မ-မနိုင်ဘူး, ဟိုကြည့် ဒီကြည့် ကြည့် နေတယ်, သူ့
ပင့်ပေးမယ့်သူကို ဘုန်းကြီးက နည်းနည်း ရိပ်မိတယ်၊
"ဒကာမကြီးတော့ ဈေးတောင်း ပင့်ပေးမယ့်သူ
မရှိလို့ ကြည့်နေ တာပဲ၊ ငါ အနားရောက်သည့်တိုင်အောင် ဈေးတောင်း ပင့်ပေး မယ့်သူ မရှိရင်တော့
ငါ သွားပြီး ပင့်ပေးမှပဲ" လို့ စိတ်က ဒီလို အောက်မေ့ပြီးတော့ ခပ်သုတ်သုတ်ကလေး
ခပ်ဝေးဝေးကပဲ လာခဲ့ တယ်၊
အဲ- ပင့်ပေးမယ်လို့ လုပ်တုန်း သူ့ဆီ အနားရောက်လို့
သူ့ဆီ ရှေးရှု သွားတာ မြင်တော့ "အရှင်ဘုရား ရပြီ ရပြီ ရပြီနဲ့" သူကလဲ ဝမ်း
သာအားရ လက်ခံတာနဲ့ တူပါရဲ့၊ ပြောသွားတယ်၊
စိတ်ထဲက ဒုက္ခ ရောက်နေတဲ့သူကို ကူညီရတာ မီးရထားမှာ,
သင်္ဘောမှာ, လမ်းမှာ သိပ်ကောင်းတာပဲကိုး၊ အဲသလို စိတ်ထဲကလေ သတိရရနေတယ်။
"ဒုက္ခိတဿ-မိမိမျက်မှောက်, ဒုက္ခရောက်သဖြင့်,
ပံ့ထောက် မဲ့မူ, ဆင်းရဲသူ၏၊ ကိစ္စံ-စားသောက်နေရေး, ဆေးဝါးပေလျက်, လုပ်ကျွေးသမှု, ကိစ္စစုကို၊
သက္ကစ္စံ ကရောတိ-ကိုယ်ချင်းစာနာ, သနားညှာလျက်, များစွာပုံသေ, ပြုစုတတ်ပေ၏"။
ကျေးဇူးသိသော ဆရာတော်ကြီးတွေ
ဒါ အလေ့အထ ရစေမယ်၊
ဘုန်းကြီးတို့ ခု ကိစ္စလေးတစ်ခုပဲ စဉ်းစားကြည့်စမ်း၊ တစ်ကန့် တစ်ကန့် တစ်ကန့်ဟာ တယ်
သတိထားစရာ ကောင်းတယ်၊ ဆရာဝန်က ဆရာတော်ကြီးတွေ သွားပြီးပင့်တော့ အချို့ ဆရာတော်ကြီးများကို
ဆရာဝန်က ဆေး ကုထားတယ်၊ အသက်တော် အရွယ်တော် ကြီးလှပြီ၊ ရှစ်ဆယ်တို့, ကိုးဆယ်တို့ ရောက်နေပြီ၊
တယ်တောင်မှ ဟိုနား ဒီနား မသွားချင်၊ ဆရာဝန်က သွားပင့်တယ်ဆိုရင်ပဲ "ဟာ- လိုက်ရတာပေါ့"၊
အောင် မယ် နို့ပေမယ်လို့ တော်တော် အထအကြွ လေးတယ်၊
"ဟာ လိုက်ရတာပေါ့"၊ အဲဒါ မလိုက်ဘူးဆိုတဲ့
စကားကို မပြောရက် နိုင်ဘူး၊ "ဟာ လိုက်ရတာပေါ့" ဒီက ဆရာဝန်ကသာ အလိုက် သိစွာနဲ့
"ဟာ ဆရာတော်ဘုရားတော့ ကိုယ်စားသာ ထည့်ပါ ဘုရား၊ ကျေနပ်ပါတယ်ဘုရား" နဲ့ လျှောက်လို့သာ၊
ဟိုကဖြင့် လိုက်မယ် တကဲကဲပဲ၊ တော်တော်တန်တန် မလိုက်ချင်ဘူး ဘာဘူး ဆိုတဲ့ ဆရာတော်ကြီးတွေကလဲ
တကတဲ လိုက်မယ် တကဲကဲနဲ့၊ ဘယ်လောက်များ ကျေးဇူးသိနေကြတုန်း၊
ကျေးဇူးဟာ ဘယ်လောက် တန်ဖိုးရှိသလဲဆိုတဲ့ဥစ္စာ
သူတော်ကောင်းတွေ နယ်ကျ တော့ အင်မတန် တန်ဖိုးထားကြတယ်၊ နောက် ကျေးဇူးသိလို့လေ၊ ဟော နက်ဖြန်ခါဆို
တကယ့်ဆရာတော်ကြီးတွေ လိုက်မယ်၊ တချို့ တကတဲ ဘယ်အချိန်ကျ လာခဲ့မယ်နဲ့၊ လောကကြီးဟာလေ
သူ တော်ကောင်းနယ်ထဲမှာ ဆိုလို့ရှိရင် မေတ္တာရော ကရုဏာရော မုဒိတာရော ဗြဟ္မစိုရ်တရားတွေဟာလေ
အပြည့် လွယ်လွယ်ကူကူ ရကြတယ်။
"တထာဝိဓံ - သို့ကလိုဂုဏ်အင်, စုံလင်ပေသည့်,
ပညာရှိ အပေါင်း, သူတော်ကောင်းကို၊ သပ္ပုရိသံ - ဘဝနောင်နှောင်း, ကောင်းထက်ကောင်းမည့်,
လမ်းကြောင်းတီထွင်, သူတော်စင် ဟူ၍"။
နောင်လာမယ့် ဘဝမှာ ဖြစ်ရအုံးမှာ၊ ဒါလေးများ
ပေါ့ပေါ့ ဆဆနဲ့ မေ့မေ့လျော့လျော့နဲ့ ဘာလို့နေချင်, ဘာလို့ နေတတ်ကြ သလဲ၊ ခုဘဝမှာလဲ ငါပဲ၊
ဟိုဘက် နောင်လာမယ့် ဘဝမှာလဲ ငါပဲ၊ ပရိနိဗ္ဗာန်စံရမယ့် ဘဝလဲ ငါပဲ၊ ပရိနိဗ္ဗာန်စံရတော့မှ
ရုပ်နာမ် ခပ်သိမ်း ချုပ်ငြိမ်းပြီးတော့ ငါ ပျောက်သွားတယ်။
" သပ္ပုရိသံ-ဘဝနောင်နှောင်း, ကောင်းထက်ကောင်းမည့်,
လမ်းကြောင်းတီထွင်, သူတော်စင်ဟူ၍၊ ဝဒန္တိ - ဘုရားစသား, ပုဂ္ဂိုလ်များက, လေးစားကြည်ဖြူ,
ချီးမွမ်းတော်မူကြကုန်၏"။
သူတော်ကောင်းစစ် ဒါ့ကြောင့် သူတော်ကောင်းဟာ ယခု ဖြစ်အောင် ကြိုးစား ဒီမှာ တရားနာ လာကြတဲ့ သူတွေကတော့ သူတော်ကောင်းချည်းပဲ ဆိုကြပါ
စို့ရဲ့၊ အဲဒီ သူတော်ကောင်းအဆင့်မှာသာ တစ်နံပါတ် အဆင့်ထဲ မှာလား, နှစ်နံပါတ်အဆင့်ထဲမှာလား၊
ဘယ်နေရာကျတော့ ငါ နည်းနည်းလေး တွန့်သေးတယ်၊
အဲသလို စသည်အားဖြင့် ရွေး ချယ်ပြီးတော့
"ငါတော့ တစ်နံပါတ် သူတော်ကောင်းအစစ် ဖြစ် ပြီးတော့ ဘုရားချီးမွမ်းတဲ့ သူတော်ကောင်းအဖြစ်
စစ်စစ်နဲ့ မဂ် ဖိုလ်နိဗ္ဗာန်ကို ကပ်ပြီးတော့နေတဲ့ ဓာတ်တွေပါသွားအောင် ကြိုးစားမယ်"
လို့ အဲသလို ဘုန်းကြီးက ဖြစ်စေချင်တယ်။
"ယော ဓီရော-နဂိုမူလ, ဓာတ်ခံရသဖြင့်,
ဘဝနောက်နှောင်း, ကောင်းထက်ကောင်းဖို့, လမ်းကြောင်းတီထွင်, အကြင်ပညာရှင် သည်၊ ဝေ-စင်စစ်ဧကန်,
အမှန်စိတ်ထား, ရိုးဖြောင့်သောအားဖြင့်၊ ကတညူ-သူတစ်ပါးတို့,
ပြုထားအပ်ဖူး, မြတ်ကျေးဇူးကို, အထူးရှိ သရွေ့, သိလေ့ရှိသည်လည်းကောင်း၊ ကတဝေဒီ-သူများပြုအပ်,
ကျေးဇူးရပ်ကို, တတ်သရွေ့ မှတ်သရွေ့, ဆပ်လေ့ရှိသည်လည်း ကောင်း၊ ဟုတွာ-ဖြစ်၍၊
ကလျာဏမိတ္တော-မိကောင်းဖကောင်း, ဆရာကောင်းနှင့်,
ဖော်ပေါင်းအတိ, မိတ်ကောင်းရှိသည်လည်းကောင်း၊
ဒဠှဘတ္တိ-ထိုမိတ်ကောင်းလဲ, အသဲစွဲမျှ, အမြဲမပြတ်, ဆည်းကပ်လေ့ရှိသည်လည်းကောင်း၊ ဟောတိ
- ဖြစ်၏၊
ဒုက္ခိ တဿ-မိမိမျက်မှောက်, ဒုက္ခရောက်သဖြင့်,
ပံ့ထောက်မဲ့ဟူ, ဆင်းရဲ သူ၏၊ ကိစ္စံ-စားသောက်နေရေး, ဆေးဝါးပေးလျက်, လုပ်ကျွေး သမှု, ကိစ္စစုကို၊
သက္ကစ္စံ ကရောတိ-ကိုယ်ချင်းစာနာ, သနားညှာလျက်, များစွာ ပုံသေ, ပြုစုတတ်ပေ၏၊
တထာဝိဓံ-သို့ကလို ဂုဏ်အင်, စုံလင်ပေသည့်,
ပညာရှိအပေါင်း, သူတော်ကောင်းကို၊ သပ္ပုရိသံ-မြင့်ထက်မြင့်သည့်, အကျင့်အလွန်ကောင်း, သူတော်
ကောင်းဟူ၍၊ ဝဒန္တိ - ဘုရားစသား, ပုဂ္ဂိုလ်များက, လေးစား ကြည်ဖြူ, ချီးမွမ်းတော်မူကြလေသတည်း"။
ဘာဂုဏ်တွေတုန်း၊ "သူများကျေးဇူးကို
သိတယ်၊ သူများကျေးဇူးကို စွမ်းနိုင်လို့ရှိရင် ဆပ်တယ်၊ ဆရာကောင်း သမားကောင်း, မိတ်ကောင်း
ဆွေကောင်း, မိကောင်း ဖကောင်း ရှိတယ်၊ အဲဒီ မိတ်ကောင်းတွေကိုလဲ အမြဲ လေးလေးနက်နက် ဆည်းကပ်တယ်၊
ဆင်းရဲတဲ့သူကို ကိုယ့်မျက်မှောက် တွေ့လာလို့ရှိရင် ကိုယ်က စွမ်း နိုင်သလောက် အကူအညီပေးတယ်"
ဟောဒီ ဂုဏ်အင်္ဂါ ငါးပါးပဲ။
တထာဝိဓံ - သို့ကလိုဂုဏ်အင်, စုံလင်ပေသည့်,
ပညာရှိ အပေါင်း, သူတော်ကောင်းကို၊ သပ္ပုရိသံ - ဘဝနောင်နှောင်း, ကောင်းထက်ကောင်းမည့်,
လမ်းကြောင်းတီထွင်, သူတော်စင် ဟူ၍"။
