ဒီနေရာမှာ “ပု-ဒိ-အာ ၀ိဇ္ဇာဉာဏ်သုံးပါး” ကို သိရမယ်၊ ‘ပု’ ဆိုတာ ပုဗ္ဗေနိဝါသနုဿတိဉာဏ်၊ ‘ဒိ’ ဆိုတာ ဒိဗ္ဗစက္ခုဉာဏ်၊ ‘အာ’ ဆိုတာ အာသ၀က္ခယဉာဏ်၊ ကိလေသာအာသ၀တွေ ကုန်သွားတယ်၊
အချို့က ဘုရားဆိုတာ သောတာပန် မဖြစ်ဘဲနဲ့ ဘုရားတန်းဖြစ်တယ်လို့ ထင်နေကြတယ်၊
အဲဒီလို ကျော်လို့ မရဘူးနော်၊ သောတာပတ္တိမဂ် သောတာပတ္တိဖိုလ်၊ အဲဒီ အခိုက်
အတန့်ကို သောတာပန် ခေါ်တာ၊ ပြီးရင် သကဒါဂါမိမဂ်, သကဒါဂါမိဖိုလ်၊
ဝိပဿနာရှုနည်းနဲ့ပဲ တက်သွားရတာ၊ ပြီးတဲ့အခါ အနာဂါမိမဂ်, အနာဂါမိဖိုလ်၊
နောက်ဆုံးကျတော့မှ အရဟတ္တမဂ်, အရဟတ္တဖိုလ်ရောက်တယ်။
ဘုန်းကြီးတို့ ဇူလိုင်လတုန်းက စင်္ကာပူသွားပြီး အဘိဓမ္မာသင်တန်း
ပို့ချပေးတယ်၊ အဲဒီမှာ ဒကာတစ်ယောက်က internet ကနေ ထုတ်ပြီးတော့
ဆောင်းပါးတစ်ပုဒ်ကို ဘုန်းကြီးဆီ ပို့ပြီး မေးခွန်း မေးထားတယ်၊
ဆောင်းပါးရေးတဲ့ ကိုယ်တော်ကတော့ မလေးရှားက ဘုန်းကြီးတစ်ပါး၊ အဲဒီဘုန်းကြီးက
internet
မှာ တင်ထားတယ်၊ ဘာတွေ ရေးထားလဲဆိုတော့ သောတာပန်မဖြစ်ဘဲနဲ့
သကဒါဂါမ် ဖြစ်တာလည်း ရှိတယ်၊ သကဒါဂါမ် မဖြစ်ဘဲနဲ့ အနာဂါမ်ဖြစ်တာလည်း
ရှိတယ်၊ အနာဂါမ်မဖြစ်ဘဲနဲ့ ရဟန္တာကျော်ပြီးတော့ ဖြစ်တာလည်း ရှိတယ်
ဆိုပြီးတော့ သုတ္တန်ပါဠိတွေ ကိုးကားထားလေရဲ့ ။
သုတ္တန်ပါဠိတော်တွေမှာ ‘ဥဂ္ဂသုတ်’ ဆိုတာ ရှိတယ်၊ အဲဒီသုတ်မှာ ဥဂ္ဂသူကြွယ်က သူ
အနာဂါမ်ပါလို့ ပြောတာ၊ အဲဒါကို မလေးရှားဘုန်းကြီးက အဓိပ္ပာယ်
ဘယ်လိုကောက်တုန်း ဆိုရင် ဒီ ဥဂ္ဂသုတ္တန်ကို ထောက်လို့ရှိရင် ဒီ ဥဂ္ဂဆိုတဲ့
ဒကာကြီးဟာ သောတာပန်လည်း မဖြစ်ဘူး၊ သကဒါဂါမ်လည်း မဖြစ်ဘူး၊ အနာဂါမ်
တန်းဖြစ်တယ်လို့ သူက အဲဒီလို ယူဆတယ်၊ ဒီလို အယူအဆ မှားယွင်းတာတွေက
ရှိတက်တယ်။
မြတ်စွာဘုရားတောင်မှပဲ စတုမဂ္ဂပဋိပါဋိယာ မဂ်
၎-ပါး အစဉ်နဲ့ တက်ရတယ်၊ ဘုရားတောင် ဘုရားတန်းဖြစ်တာ မဟုတ်ဘူး၊ မဂ်
၎-ပါးဆိုတာ ကျော်လို့ မရဘူး၊ ဒါကြောင့်မို့ ‘အံ့ဖွယ်ရှစ်ဖြာ သာသနာ’
ဆိုတဲ့အထဲမှာ ‘န အာယတကေနေ၀ အညာ ပဋိဝေဓာ’ တဲ့၊ စစချင်း အရဟတ္တဖိုလ်ကို ဆိုတာ မဖြစ်နိုင်ဘူးတဲ့၊ အနုပုဗ္ဗပဋိပဒါ အစဉ်အတိုင်း ကျင့်ရမယ်၊ အနုပုဗ္ဗသိက္ခာ အစဉ်အတိုင်း သင်ယူရမယ်၊ အစဉ်အတိုင်း ကျင့်ကြံကြိုးကုတ် အားထုတ်ပြီးတော့မှ နောက်ဆုံး အရဟတ္တဖိုလ် ဆိုတာ ရောက်တာပါ။
ဘယ်အရာပဲဖြစ်ဖြစ် အခု လောကီပညာတွေရော မူလတန်းကပဲ စတာပဲ မဟုတ်လား၊ မူလတန်း
အရည်အချင်း မရှိဘဲ အလယ်တန်းတက်လို့ ဘယ်ရမလဲ၊ အလယ်တန်း အရည်အချင်း မရှိဘဲနဲ့
အထက်တန်း မရောက်ဘူး၊ ဒါ အရည်အချင်းကို ပြောတာ၊ စာမေးပွဲ အောင်တာ, မအောင်တာ
ပြောတာ မဟုတ်ဘူး၊ စာမေးပွဲဆိုတာတော့ တခြားနည်းနဲ့ အအောင်ပေးလို့ ရတာပဲ။
ဒီတော့ အခု သောတာပန်ဖြစ်တယ်၊ သကဒါဂါမ်ဖြစ်တယ် ဆိုတာ certificate ပေးတာ
မဟုတ်ဘူး၊ အရည်အချင်းကို ပြောတာ၊ အဲဒီတော့ သောတာပန် အရည်အချင်း မရှိဘဲ
သကဒါဂါမ် မဖြစ်ရဘူး၊ သကဒါဂါမ် မဖြစ်ဘဲ အနာဂါမ် တက်လို့ မရဘူး၊ အနာဂါမ်
အရည်အချင်း မရှိဘဲ ရဟန္တာမဖြစ်နိုင်ဘူးတဲ့၊ ဒါက ဖားများလို ခုန်သွားလို့
မရဘူး။
ဒါလည်း သတိပြုစရာပဲ၊ နောင်ကျလို့ ရှိရင်
စာပေမစုံလင် မနှံ့စပ်တဲ့ ပုဂ္ဂိုလ်တွေက အလွယ်တကူနဲ့ သောတာပန်ဖြစ်တာတို့၊
သကဒါဂါမ်ဖြစ်တာတို့၊ အနာဂါမ်ဖြစ်တာတို့ ဒါမျိုးတွေ ပေါ်လာနိုင်တယ်၊ လောကမှာ
လူတွေကလည်း အလွယ်ကြိုက်တဲ့ လူတွေဆိုတော့ ခုန်လုိ့ ကျော်လို့ရရင်တော့
မိုးထိအောင်တောင် ခုန်ချင် ခုန်ဦးမှာပဲနော်။
ဘုရားဖြစ်တဲ့နေ့
မြတ်စွာဘုရားတောင်မှပဲ အာနာပါနဈာန်ကို ပထမ သမထကျင့်စဉ်နဲ့
အောင်မြင်အောင်လုပ်ပြီး ဒုတိယ ၀ိပဿနာကူး၊ ကူးပြီးတော့ ညဦးယာမ်
ဟိုဘက်ကျော်တဲ့ အခါမှာ မိုးသောက်ယာမ် ရောက်ခါနီးကျတော့မှ မြတ်စွာဘုရားဟာ
ဝိပဿနာဉာဏ် အဆင့်ဆင့်နဲ့ သောတာပတ္တိမဂ်, သောတာ ပတ္တိဖိုလ်၊ သကဒါဂါမိမဂ်၊
သကဒါဂါမိဖိုလ်၊ အနာဂါမိမဂ်၊ အနာဂါမိဖိုလ်လို့ဆိုတဲ့ မဂ်ဖိုလ်အဆင့်ဆင့်
တက်ပြီး နောက်ဆုံးမှာ အရဟတ္တမဂ်, အရဟတ္တဖိုလ်ဆိုတာကို ရတယ်၊ အရုဏ်
တက်လိုက်တာနဲ့ တပြိုင်နက် ဘုရားအဖြစ်သို့ ရောက်သွားတယ်၊
အဲဒီတော့ မြတ်စွာဘုရား ဘုရားဖြစ်တာဟာ လောကီနဲ ပြောမယ်ဆိုရင် လပြည့်ကျော်
၁-ရက်နေ့မှ ဘုရားဖြစ်တယ်လို့ ပြောရမယ်၊ ဘာဖြစ်လို့တုန်းဆို ကဆုန်လပြည့်
သန်းခေါင်မှာ ၂၄-နာရီ ပြည့်သွားပြီ၊ သန်းခေါင်ကျော်လို့ ရှိရင်
လပြည့်ကျော်ဖြစ်သွားပြီ။ အရုဏ်တက်တာနဲ့ တပြိုင်နက် ဘုရားဖြစ်တယ်လို့
ဆိုတော့ လပြည့်နေ့ ကုန်ဆုံးပြီး လပြည့်ကျော် ၁-ရက်အကူးကို ရောက်သွားတယ်လို့
ဒီလိုပြောတာပေါ့၊ အဲဒီတော့ ကဆုန်လပြည့်နေ့မှာ ဘုရားဖြစ်တယ်ဆိုတာ
ကဆုန်ပြည့်နေ့ ညမှာတရားကို အောင်အောင် မြင်မြင် ကျင့်ပြီးတော့ လပြည့်ကျော်
၁-ရက် အရုဏ်တက် မိုးမလင်းခင်အကူးမှာ ဘုရားဖြစ်တယ်လို့ ဒီလိုမှတ်ရမယ်။
လောကုတ္တရာနည်း၊ ဗုဒ္ဓရဲ့ ၀ိနည်းကျမ်းအလို ဆိုရင် အရုဏ်တက်မှ တစ်ရက်ခေါ်တယ်၊ အရုဏ်ဆိုတာ “အာရုဏောကိဥ္စိ ရတ္တောထ” နံနက် မိုးသောက်ချိန်မှာ နေမထွက်ခင် ရှေ့ပြေးအနီရောင်နုလေးကို ‘အရုဏ်’
လို့ ခေါ်တယ်၊ ဗမာတွေကတော့ လွယ်လွယ်ကူကူ အာရုံ၊ အာရုံနဲ့ ခေါ်ကြတာ၊
လူတွေခေါ်နေတဲ့ အာရုံဆိုတာက စိတ်ရဲ့ ပျော်မွေ့ရာလို့ ဒီလို အဓိပ္ပါယ် ရတယ်၊
ဘုန်းကြီးတွေ မနက်ဘုဉ်းပေးနေတဲ့ အရုဏ်ဆွမ်း ဆိုတာက ‘အရုဏ’ ၊ ‘ဏ’ ကြီးနဲ့
သတ်ပြီး ရေးတာ၊ အရုဏ်ဆိုတာ ခုနက နီထွေးနေတဲ့ အရောင်လေးပေါ်လာတဲ့
အချိန်ကာလကို ဖော်ပြတယ်၊ အဲဒီတော့ အဓိပ္ပါယ် မတူဘူး၊ အာရုံဆွမ်း မဟုတ်ဘူး၊
အရုဏ်ဆွမ်း၊ ရူပါရုံ သဒ္ဒါရုံ ဂန္ဓာရုံဆိုတာ စိတ်ရဲ့ ပျော်မွေ့ရာ အာရုံ၊
ဒီလို အဓိပ္ပါယ်ခြင်း ကွာခြားပါတယ်။
အာရမ္မဏ ဆိုတဲ့
စကားလုံးကို ကြည့်ပြီး အာရုံလို့ ပြန်တယ်၊ အရုဏဆိုတဲ့
စကားလုံးကိုကြည့်ပြီး အရုဏ်လို့ ပြန်တယ်၊ သို့သော် အလွယ်ခေါ်လိုက်တဲ့အခါ
အာရုံဆွမ်း, နေ့ဆွမ်းနဲ့ ဖြစ်သွားတယ်နော်၊ အဲဒီတော့ အဓိပ္ပါယ်ချင်း
မတူဘူးလို့ မှတ်ထား။
*ဆက်ရန်* -------
{ပလ္လင်္ကသတ္တာဟ၊ အနိမိသသတ္တာဟ၊ စင်္ကမသတ္တာဟ၊ ရတနဃရ} အား ဆက်လက်ရေးသား ပူဇော်ပါမည်။
အဂ္ဂမဟာပဏ္ဍိတ အရှင်နန္ဒမာလာဘိဝံသ (Ph.D)
အဘိဓမ္မာ မြတ်ဒေသနာ (ပထမတွဲ) စာ ၁၁-၁၅ မှ ကောက်နှုတ်ရေးသား ပူဇော်ပါသည်။
ဤစာဖြင့် ဗုဒ္ဓရှင်တော်မြတ်ဘုရား အား လည်းကောင်း
အဂ္ဂမဟာပဏ္ဍိတ အရှင်နန္ဒမာလာဘိဝံသ (Ph.D) ဆရာတော် အား လည်းကောင်း
ကျနော့်ကို ယခုစာအုပ်အား ဓမ္မလက်ဆောင်ပေးသော အန်တီဆွေ (Anatta Swe) တို့အား ရှစ်ခိုးပူဇော်ပါသည်။
ရဲဝင်းထွန်း
11.01.2012 (Wednesday) 9:45 am
